ይቅርታውም ብዙ ነውና !!
📖
“ክፉ ሰው መንገዱን በደለኛም አሳቡን ይተው፤ ወደ እግዚአብሔርም ይመለስ እርሱም ይምረዋል፥ ይቅርታውም ብዙ ነውና ወደ አምላካችን ይመለስ።” — ኢሳይያስ 55፥7 ✅ በጣም ከሚገርመኝና ከሚደንቀኝ የእግዚአብሔር ባህሪያት አንዱ ይቅር ባይነቱ ነው ፤ እግዚአብሔር ለይቅርታ ያለው ቦታ በጣም ይገርመኛል ። ይቅር ስልም ልክ እንደሰው
"አልረሳውም ግን አላነሳውም" እያለ አይደለም ፤ ይልቁን ትቼዋለው ኀጥአትህን ይቅር ብያለው ከዚህ በኋላ ደግመህ አትስራ እያለ እንጅ ። ወዳጆቼ ዛሬ በውስጤ የሞላውን ቃል ላካፍላችሁ ፦ የሰው ልጅ ኀጥአት ስያደርግ ወይንም እግዚአብሔርን ስበድል እግዚአብሔር እጅግ ያዝናል ፤ ነገር ግን ሁል ጊዜ ይቅርታ የምባልን ትልቅ የምህረት ደጅ እግዚአብሔር በልጁ በኢየሱስ ክርስቶስ በኩል አዘጋጅቷል ። በዚያ የይቅርታና የምህረት ደጅ ገብቶ ከእግዚአብሔር ጋር መታረቅ ደግሞ ህይወትን እንደገና ያለመልማታል ፤ እንደገና ፍሬ ማፍራት እንድንችል ይረዳናል ለዛም ነው ምሳሌ 28፥13 ላይ “ኃጢአቱን የሚሰውር አይለማም፤ የሚናዘዝባትና የሚተዋት ግን ምሕረትን ያገኛል” ብሎ የምለን ።
✅ በመጽሐፍ ቅዱሳችን ትንቢተ ኢሳያስ 55፥7 ላይ ክፉ ሰው መንገዱን በደለኛም አሳቡን ይተው እያለ ይናገራል ፤ ክፋት በመሰረቱ ከጨለማው ዓለም የምመጣ ሰዎች እግዚአብሔር የሰጣቸውን የሪህራሄን ባህሪ እንድያጡና በተቃራኒው ጨካኞች እንድሆኑ የምያደርግ ነው ። ለዛም ነው ክፉ ሰው የክፋት መንገዱን ይተው የምለን ምክንያቱም ከክፉ መንገዱ የማይመለስ ከሆነ ጭካኔን ይላበሳል ሰባዊነቱን ያጣል ፥ በደለኛ በደልን ከማድረጉ በፍት በአይምሮው ያስባል ያንን ከማሰብ ይተው ፤ አይምሮዋችን የሀሳብ መፍለቅያ ክፍል ነው ሁል ጊዜ ከአይምሮዋችን የምወጣ ሀሳብ ነው የምገዛን ስለዚህ በደለኛም በደልን ከማሰብ ይተው መልካም ነገርን ያስብ ይለናል ቃሉ ። ክፉ ሰው መንገዱን በደለኛውም ሀሳቡን ትቶ ወደ እግዚአብሔር ይመለስ እርሱም ይምረዋል ሀሌሉያ‼️ ፤ አያችሁ እግዚአብሔር አምላክ ሁል ጊዜ መሀሪ ቸር ይቅር ባይ ነው ምንም አይነት ኀትአትና በደል ብትሰራና ብትወድቅ ነገር ግን ከልብህ ወደ እግዚአብሔር ቀርበህ ምህረት ስትሻ ስትፈልግ እርሱ ይምርሀል ይቅር ይልሀል የቸርነት ደጆቹን ይከፍትልሀል ሀሌሉያ ‼️ ። ለዛም ነው ይቅርታውም ብዙ ነውና የምለን ቃሉ ፤ ምህረቱ አያልቅም ይቅርታው የምቋረጥ አይደለም በእወነተኛ ልብ በንስሃ ወደ እርሱ ለምመለስ ሰው እግዚአብሔር ምህረቱን በዘመኑ ሁሉ ያበዛለታል ።
✅ ወዳጆቼ እግዚአብሔር መሀሪ ነው በተለያዬ የኀጥአት ልምምድ ውስጥ ያላችሁ እግዚአብሔር ይቅር አይለኝም የምወደኝ የምያውቀኝም አይመስለኝም የምትሉ መንፈሳዊ ህይወታችሁ የደከመባችሁ እግዚአብሔር ዛሬም ይወዳችኋል ዛሬም የይቅርታና የምህረት ደጆቹን ከፍቶ ይጠብቃችኋል ፤ በእግዚአብሔር ፍት በንስሃ ቅረቡ እርሱ ይወዳችኋል ካላችሁበት ማንኛውም የኀጥአት ልምምድ ውስጥ ያወጣችኋል ። ዳግም ወደዛ እንዳትመለሱ በጸጋው ይጋርዳችኋል ፤ ወደ እግዚአብሔር መመለስ ይሁንልን አሜን 🙏
https://t.me/grow_to_god
