#Jaalala_online_irraa
Seenaa dhugaa
@Sool_dave'n
#Kutaa_1ffaa
~~~~~~~~~~~~
Maqaan ko Solomoon Gaarradoo'n jedhama. (Sool Dave kan jedhu ofiidhuma koon ofiif moggaase.) Godina lixa shawaa aanaa Calliyaa ganda qotee bulaa Walqixxummaa Tulluu maraa jedhamtu keessattan dhaladhee guddadhe.
Ani mucaa baadiyyati dhugaa dubbachuuf garuu muudiin ko kan ijoollee magaalaati olidha (friend of jajje naan jechuu dandeessa an garuu dhugaa qabatamaan sitti hime. Yoo siif liqimfamuu dide bishaanin liqimsi☺)
Ani maatii koof mucaa lammaffaadha Maatiin koo hedduu na jaalatu. ta'us jireenya mucaan baadiyyaa tokko dabarsu dabarseera,
Oyiruu deemee Horii tiksee...
laga bu'ee bishaan waraabee..
Yeroo harmeen Gabaa deemtu buna danfisee eege...
Goodaa deemee qoraan funaaneera (by z way.... gaafan qoraan funaanee galu waanan argadhu ana qofatu beeka '#ongocha' 👈 jecha kana kan beekutu beeka. namni hundi hin beeku. [maalumaafuu sinittan hima ongochaa jechuun kan yeroo buddeen tolchuuf jedhan Dursa tolchanidha, achuman akka eeleen ho'e ittiin ilaaluf ] ).
Egaa haala kana hunda keessa darbee umuriin koo waggaa 6 gaafa guutu gara dirree waranaan deeme rasaasa koo qalaman ykn 'biiriidhan' Diina koo isa jalqabaa Wallaalummaa waraanuuf (yoona siif hin gallem barnoota koo kutaa 1ffaan jalqabee siin jechuufani). Abeet tapha yeroo sanaa life'n bar elementaryti hafee man, ofumaa university jedhu malee.
Wal aariinee harcummeen wal cagadaa; wal kuffisnee awwaaraan wal dhiqaa.... kam sinitti himee kam dhiisu innoo heddudhati.
Yeroo sana Akka mana barumsaa keenyatti yeroo hiriirree alaabaa yaabsisnu fuuldura kan dhaabatu anadha. xiqqoon anaa gadii mana barnootaa sana keessa hin jiruka. maalan sitti hima atuu ni beektaati ilmi baadiyyaa tokko kan inni kutaa tokko galu eega 'waanta san biqilcheeti😋' (muu yaa si'ii qaata maalitti yaadde? An isa ati yaadde sana jechuu barbaadee miti😉) Ani garuu dhaladhee waggaa 6 tti waanan mana barnootaa galeef isaan keessa hin jiru. dhugaa hasa'uuf warri Dareedhaan (kutaa barnootaan) na caalan "harma guusaaf as si fidanii?" Jedhanii natti qoosu; dhugaadha ni fakkaatas.
haaluma kanaan barnoota koo haala bareedaa ta'een hordofun jalqabe (yeroon siniin jedhu guyyaatti wayitii 6 caalaa hin gubu ) sanuma keessaa garuu homaa hin jedhu egaa daree keenya keessaa cimaas yoon jedhamuu baadhe dadhabaa jedhamee hin hamatamu garuu osoon gaaf tokko daree kootii 1-3 ba'ee hin badhaafamiinan barnoota koo hanga kutaa 8ffattan xummure.
Amma kutaa 9 geenyeerra sichi daa'ima miti garuu ammas kanan sitti himu yoo jiraate xiqqoon anaa gadii class keenya hin jiru. yeroo hiriyyoonni koo 'chiikii xabbasan' an manatti galeen boqqoollooko 'xabbasa' sababni isaas chikonni daree keenya haadha naaf ta'u😁.
Barnoonni high schooli hanga elementaris yoo ga'uu baateyyuu namatti tola, garuu ni ulfaata. keessumaa gafa barsiisaan chemistry class galummoo dhugaa waanuman Biyya Engliz deeme natti fakkaata dogogoree illee Afaan oromoo hin dubbatum. Ecc calliseedhuman rafa deeksiitti hirkadhee.
Yeroo sanatti subject'in ani jaaladhu yoo jiraate Sport qofa isayyuu kan dareetti barannu osoo hin taane isa practicala Dirreetti yaanee wal ariinudha.
Egaa haaluma hunda keessa dabarree gara kutaa 10ffatti ceene; kutaa 10ffas eegallee jirra. (friend kan sidhibu an hanga amma bilbila dhuunfaa koo harka irraa hin qabum naman dhibuu?). Silaa Ijoolleen ammaa kutaa 4 yeroo geessu bilbila naaf bittan malee mana barnootaa hin deemu jettim.
An garuu barataa kutaa 10ffa ta'eeyyuu bilbila hin qabu....
.....Itti fufa
✍️
@orovision
