ڕێگای قورئان

‏

پیاوێڪ بە (ابو درداء)ـی ووت:
‏ئامۆژگاریم بڪە، ئەویش فەرمووی:

« يَوْمَ تُبْلَى السَّرَائِرُ »

‏بیر لەو ڕۆژە بڪەرەوە ڪە هەموو
شتە شاراوەڪانت ئاشڪرا دەڪرێ!

🔷پێنجەم بابەت لە ژێر ناونیشانی (چی ڕێگری ئەکات لە باڵاپۆشی ؟)

🔸لەوانەیە بڵێیت لەپاش هاوسەرگیری حیجاب دەپۆشم ؟!

ئایا دڵنیایت دەمێنیت
تا ئەو کاتەو مەرگ یەخەت ناگرێت?!

بێگومان نەخێر کەس نازانێت سبەی چی بەسەردێت نەوەک کاتێکی درێژتر ، وەک خوای گەورە دەفەرموێت :
(وَمَا تَدْرِي نَفْسٌ مَّاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ) (لقمان:34)

واتە :
(هیچ کەس نازانێت سبەی چی
بەسەردێت وە هیچ کەسیش
نازانێت لەچی شوێنێکدا دەمرێت)

کەواتە تۆ نازانیت ئایە دەگەیتە
ئەو کاتە یان نا چەندەها ڕووداومان بینیوە وبیستوە کە لەکاتی زەماوەند کردندا بووک یان زاوا یان هەردووکیان
بەڕوداوێک گیانیان لەدەست داوە لەکاتێکدا کەپۆشاکی ناشەرعی
و لەحاڵەتی ئاهەنگ گێڕانی ناشەرعی کە ئەویش دیاردەیەکی زۆر مەترسیدار وترسناکەچونکە پێغەمبەر(صل الله علیه وسلم) دەفەرموێت :

(إِنَّمَا الْأَعْمَالُ بالخواتيم )

(کردەوەی مرۆڤ تەنها بە کۆتایەکەیەتی)

(اخرجه احمد5/335,رقم22886)
,(والبخاري6/2436,رقم6233)
(وابن حبان 14/50,رقم6175)

واتە :
کردەوەی مرۆڤ بەچی کۆتایهات
ئەوەی بۆ حساب دەکرێت, ئەگەر کەسێک لەسەر تاوان و سەرپێچی بمرێت ئەوە

نیشانەی سەرئەنجام شەڕی وخراپیە , وە ئەگەر لەسەر گوێڕایەڵی و کردەوەی چاک بمرێت ئەوە نیشانەی سەرئەنجام خێری وباشی.

جا کێ ناڵێت تۆش یەکێک نیت لەوکەسانەی کەلەکاتی ئەو تاوان وسەرپێچیەدا مردن ڕووبەڕووت نابێتەوە ؟

وەک ئیمامی شافعی ئەفەرموێ :

وكم من عروس زينوها لزوجها
وقد قبضت أرواحهم ليلة القدر

واته
چەندەها بووك ڕازێنرێتەوە
بۆ هاوسەرەکانیان بەڵام
له شەوی بەیەک گەيشتندا
كفنيان بو دوراوە
خرانه ناو کفن و ڕۆحيان كێشرا.

پاشان ئەگەر تۆ بەردەوامبیت
لەتاوان وحیجاب نەپۆشینت
تا ئەوکاتە کێ دەڵێت خوای گەورە یارمەتیت دەدات لەو کارەدا ؟

یاخود تۆش کەسێکی خراپ
نابیت کە ژیانت لەگەڵیدا نەگونجێت ؟

یاخود ئەوکاتە ئەو ڕێگریت
لێبکات لە پۆشینی حیجاب؟

ئەوانە هەمووی پلانی شەیتانە وبەقسەی شەیتان مەکەو شوێنی مەکەوە تا فریوت نەدات وبەرەو دۆزەخت نەبات چونکە
ئەو بانگی خەڵکی دەکات بۆ دۆزەخ نەک بۆ بەهەشت.

#چی_رێگریت_لێ_ئەکات_لەباڵاپۆشی

🔷چوارەم بابەت لە ژێر ناونیشانی (چی ڕێگری ئەکات لە باڵاپۆشی ؟)

لەوانەیە بڵێیت ئەگەر حیجاب بپۆشم جوانی خۆم لەدەست دەدەم و خەڵكی بەناشرینم دەزانێت ؟!


جوانی وناشرینی خۆشەویستی
وڕق لێبوون بەدەستی پەروەردگارە ئەگەر کەسێک گوێڕایەڵی پەروەردگار بکات ئەوا خۆشی دەوێت, وەکە خۆشی ویست ، بە جبریل (علیه السلام) دەفەرمووێت :

ئەوا من فڵانە کەسم خۆش ئەوێت تۆش
خۆشت بووێت ئەویش خۆشی دەوێت
وپاشان بە فریشتەکانی ئاسمان دەڵێت
پەروەردگار فڵانە کەسی خۆشدەوێت
ئێوەش خۆشتان بووێت ئەوانیش خۆشیان دەوێت,پاشان خوای گەورە
خۆشەویستی ئەو کەسە دەخاتە
دڵی خەڵکی سەر ڕووی زەوی
وخەڵکیش خۆشیان دەوێت.

کەواتە مرۆڤ بەگوێڕایەڵی خوای گەورە
خۆشەویست وجوان وشیرین دەبێت
لەدڵی خەڵکیدا نەکبە تاوان وسەرپێچی بەڵکو بەمانەخوای گەورە ناشرین
وڕق لێبووی دەکات لەلای خەڵکی ,
ئایە خۆت چەندەها کەس ناناسیت کە بەشێواز وڕووکەش زۆرجوان نین بەڵام بەهۆی پۆشینی
حیجاب وگوێڕایەڵی کردنیان بۆ خوای گەورە لە دڵی خەڵکیدا جوان
وشیرین وخۆشەویتین ؟!

وە بەپێچەوانەوەش ,چەندەها کەس
هەیە لە شێواز وڕووکەشدا جوانن بەڵام بەهۆی تاوان وسەرپێچیەوە خوای گەورە
لەدڵی خەڵکیدا ناشرینی کردون و بێڕێز وسووکن لەلای خەڵکی.

کەواتە نابێت تەنها تەماشای ڕووە مادییەکە بکەیت,بەڵکوو لایەکەی تری مەعنەوی
وغەیبی زیاتر دەور دەبینێت, هەروەک
پێغەمبەر(صل الله علیه وسلم)دەفەرموێت
( عَنْ أَبِي هُرَيْرَةَ (رضي الله عنه)
عَنْ رَسُولِ اللَّهِ (صلى الله عليه وسلم)

قَالَ: (إِنَّهُ لَيَأْتِي الرَّجُلُ الْعَظِيمُ السَّمِينُ يَوْمَ الْقِيَامَةِ لَا يَزِنُ عِنْدَ اللَّهِ جَنَاحَ بَعُوضَةٍ، اقْرَءُوا: [فَلَا نُقِيمُ لَهُمْ يَوْمَ الْقِيَامَةِ وَزْنًا ])

(لە ڕۆژی قیامەتدا پیاوێکی زۆر قەڵەو
دەهێنن کە دەیکێشن لای خوای گەورە
کێشی باڵە مێشولەیەکی نیو وسووکە,چونکە فەرمانی خوای جێبەجێ نەکردوە چەندێک قەڵەوبێت بەڵام لە تەرازووی خوای گەورەدا سووک وبێ نرخە,ئەم ئایەتە بخوێنەوە
کە خوای گەورە دەفەرمووێت
لەڕۆژی قیامەتدا هیچ
کێش ونرخێکیان بۆ دانانێین)
(البخاري/التفسیر/4452),

کەواتە جوانی تۆش
لە پۆشینی پۆشاکی حورمەت وحیشمەتیدایە,نەک لە دەرخستنی جوانی خۆت بۆ پیاوانی نامەحرەم
وخۆت وئەوانیش گوناهبار دەکەیت.

پاشان ئایە لە سزای خوای گەورە ناترسیت کە لە هەر دوو دونیادا سزات بدات وجوانیەکەت لێ بسەنێتەوە بەهۆی ڕووداوێکەوە وەکو سوتان یان نەخۆشی
کە بە چاوی خۆت لەوانەیە چەندەها
کەست ببینیت کەبەهۆی ڕووداوێکەوە
جوانیان لەدەست داوە خوای گەورە
هەموو لایەکمان بپارێزێت,

جا پەلە بکە لەوەڵامدانەوەی فەرمایشتی
خوای گەورە وگوومان وەسوەسەی
شەیتان وەلابنێ تا بەختەوەری
هەردوو دونیا بەدەست بهێنیت
ان شاء الله .

#چی_رێگریت_لێ_ئەکات_لەباڵاپۆشی

🔷سێیەم بابەت لە ژێر ناونیشانی (چی ڕێگری ئەکات لە باڵاپۆشی ؟)

لەوانەیە بڵێیت من گەنجم‌ و تەمەنم زۆری ماوە دوایی چەند ساڵێكی تر حیجاب دەپۆشم ؟!


ئەگەر دڵنیایت كە تا تەمەنی
پیری نامریت‌ و هەرلەژیاندا دەبیت بۆیە ئێستا حیجاب ناپۆشیت‌ و بەنیازی لەساتە
وەختەكانی تەمەنی پیریدا بیپۆشیت
ئەوە زۆر بەهەڵەدا چوویت ، چونكە خۆتیش بەچاوی خۆت دەبینیت كە چەندەها كەس هەر لەسەرەتای تەمەنی
لاوێتیدا مەرگ یەخەیان دەگرێت‌ و تەمەنیان كۆتایی پێدێت‌ و ماڵئاوایی
لە دونیای ڕووناک دەكەن‌ و بەرەو گۆڕ‌ و ماڵی ڕاستەقینەیان بەڕێ‌ دەخرێن‌ و هەموو هیوا و ئومێدو ئاواتیان لەگەڵ
خۆیان لەگڵ دەنێن كەلەوانەیە لەناو خانەوادەو خزمەكانی خۆتدا چەند
كەسێكتان لەتەمەنی گەنجیدا مردبێت ،
ئیتر چۆن ڕێگە بەخۆت دەدەیت كەبەم بیانووە لاوازە خۆت بخەڵەتێنی كە زەرەرمەندی سەرەكی خۆتیت وە هیچ عوزرێكت نابێت
لای خوای گەورە خۆ ئەگەر
ئەجەلیش هات ئەوە یەك چركە
نەپێش دەخرێت نەدوا دەخرێت
وەك خوای گەورە دەفەرمووێت :

((وَلِكُلِّ أُمَّةٍ أَجَلٌ فَإِذَا جَاءَ أَجَلُهُمْ لَا يَسْتَأْخِرُونَ سَاعَةً وَلَا يَسْتَقْدِمُونَ))
(اڵاعراف: ٣٤).

ئەو كاتە چەندێك هاوار بكەیت‌و بڵێیت

﴿( قَالَ رَبِّ ارْجِعُونِ * لَعَلِّي أَعْمَلُ صَالِحًا فِيمَا تَرَكْتُ )﴾ [المؤمنون: 99 - 100].

واتە: هەرچەند بڵێیت
خوایە پەروەردگار بم گەڕێنەوە بۆ
دونیا بەڵكو كردەوەی
چاك ئەنجام بدەم‌و گوێڕایەڵیت
بكەم، پێت دەوترێت

((كَلَّا إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ بَرْزَخٌ إِلَى يَوْمِ يُبْعَثُونَ)) (المؤمنون: ١٠٠)

نەخێر بەهیچ شێوازێك گەڕانەوە نییە
بۆ ژیانی دونیا ئەمە‌وشەیەكە
تۆ دەیڵێیت بەڵكو لەژیانی بەرزەخ
لەناو گۆڕ دەمێننەوە تاڕۆژی زیندو
بوونەوە لەقیامەتدا

وە ڕەحمەت له ئیمامی شافعی بێت
که دەفەرمووێت :

تزود من التقى فإنك لاتدري
إذا جن ليل هل تعيش إلى الفجر

زۆر تەقوای خوابکه
چونکه تۆ نازانیت

ئەگەر شەو داهات
تۆ دەژیت تابەیانی

فكم من صحيح مات
من غير علة وكم من سقيم
عاش حيناً من الدهر

چەند لەش ساغ مردن
بوبێ نەخۆشی
چەندەها نەخۆشیش
سەردەمانێک ژیان
واتە
بەنەخۆشی‌و ساغی‌ و
گەنجی‌ و پیری نییە ، بەڵك و ئەجەلە و كەسیش ئەجەلی خۆی لێوە دیار نییە و نازانێت كەی دەمرێت .
- - پاشان ئەگەر لەتەمەنی
گەنجیدا خۆت دانەپۆشیت‌و حیجاب
نەپۆشیت‌ و لەتەمەنی پیریدا بیپۆشیت ئەوە ئەجر و پاداشتێكی زۆر لەدەستی خۆت دەدەیت وە زۆر ئازایەتیش نییەو
لەگەنجێتیدا تاوانێكی زۆر دەنێری بۆسەر
تەرازووی كردەوە خراپەكانت .پاشان ئایە نازانیت یەكێك لەو حەوت كۆمەڵەی كە لەڕۆژی قیامەتدا لەژێر سێبەری
عەرشی پەروەردگاردا دەبن
كەلەو ڕۆژەدا هیچ سێًبەرێك نییە
جگە لەو سێبەرە

(ۆشَابٌّ نَشَأَ فی عِبَادَەِ اللَّهِ)
[البخاري/ الجماعە و الإمامە/ ٦٢٩٤]) .

گەنجێكە كەتەمەنی گەنجێتی
لەپەرستن‌ و گوێڕایەڵی خوای گەورەدا
بەسەر بردبێت ، نەك تەمەنی گەنجێتی لەتاوان‌ و سەرپێچیدا بەسەر بردبێت‌ و بڵێت كەی پیربووم پاشان گوێڕایەڵی
خوای گەورە دەكەم .

بۆیە دەستپێشخەری بكەو تەمەنی گەنجیت لەڕەزامەندی‌ و گوێڕایەڵی
خوای گەورەدا بەسەر بەرە تالەژێر سێبەری عەرشی خوای گەورەدا سەرفرازو سەربەرز بیت .
بۆیە مانەوەت لەژیاندا دەرفەتێكە
لەلایەن خوای گەورە وە بۆ ئەوەی
بگەڕێیتەوە بۆ لای بەرنامەكەی .

#چی_رێگریت_لێ_ئەکات_لەباڵاپۆشی

🫀ئازیزانم ڪاتی دوعایە دوعا بڪەن ئیمە و ئازیزانتـان بیبەش مەڪەن خوشڪ و براڪانی غەززە لەیاد
مەڪەن🤲🌷

🫀🌷🕐

يَا مُقَلِّبَ الْقُلُوبِ ثَبِّتْ قَلْبِي عَلَى دِينِك

ئه‌ی په‌روه‌ردگار هه‌لسوڕێنه‌ری دڵه‌كان دڵی من جێگیر بكه‌ له‌سه‌ دینه‌كه‌ت.


“زۆرترین دوعای ڕەسول الله‌ (ﷺ) ئه‌م دوعایه‌ بووه💚

ڕەوشت جوانی یەکێکە لە هۆکارەکانی چوونە بەهەشت:

پرسیار کراوە لە پێغەمبەری خوا ﷺ چ شتێک زۆرترین خەڵک ئەباتە بەهەشتەوە؟
یان چ شتێک ئەبێتە هۆی ئەوەی کە خەڵک بباتە بەهەشتەوە بەزۆری؟

ئەویش فەرمووی: تەقوای خوا و ڕەوشت جوانی. 💚

اللّهُمَّ إنَّکَ عَفُوٌ تُحِبُّ اْلعَفوَ فاعْفُو عَنَّی💚

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ، وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ، وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ، وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ 💚

🌷🌸 ‌الحَمْدُ ‌لِلّهْ ‌عَلَى ‌كُلِّ‌ حَالْ‌ 🌸🌷

🔷دووەم : بابەت لە ژێر ناونیشانی (چی ڕێگری ئەکات لە باڵاپۆشی ؟)

لەوانەیە بڵێیت زۆر گرانە لەسەرم كە حیجاب بپۆشم ؟!

زۆر ڕاستە بەڕاستی زۆر قورسە
لەسەر ئافرەت كەحیجاب
بپۆشێت‌و ببێت بەباڵاپۆش
چونكە شەیتان واز لەهیچ كەس ناهێنێت بەئاسانی وەڵامی فەرمایشتەكانی خواو
پێغەمبەری خوا (صَلَّى اللَّهُ عَلَيْهِ وَسَلَّمَ )

بداتەوە بەڵكو چەندەها ڕێگرو بەربەستی بۆ دروست دەكات ، وەچەندەها گومانی بۆ دەدۆزێتەوە وەتاوانی لا جوان دەكات‌و بۆی دەڕازێنێتەوە، وەگوێڕایەڵی لەسەر زۆر قورس دەكات ، ئەوەتا خوای گەورە دەفەرمووێت
((وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ))
(البقرە: ٤٥).

واتە :
(بەڕاستی نوێژ كردن زۆر قورس‌و گرانە تەنها لای ئەو كەسانە نەبێت كەملكەچ‌و گوێڕایەڵی خوای گەورەن) .

كەواتە: خوای گەورە ئاسانی دەكات‌و شەیتان گرانی دەكات پێویستە لەسەرت پشت بەخوای گەورە ببەستیت‌و
پەنای پێ بگریت لەفڕو فێڵ‌و نەخشەو پیلانی شەیتان، خوای گەورە یارمەتیت
دەدات‌و بۆت ئاسان دەكات .

هەروەها ئەوەی یارمەتی دەرت دەبێت ئەوەیە كەلەپێش تۆدا ئافرەتانێكی
یەكجار زۆر حیجابیان پۆشیوەو تۆ تازەنیت
بەڵكو كاروانێك لەپێش تۆدا ڕۆیشتووە و ئێستاش ئەو كاروانە بەردەوامە پێویستە تۆش چی تر دوانەكەویت‌ و شوێن ئەو كاروانە بكەویت.

هەروەها بزانە بەهەشتی خوای گەورە زۆر بەنرخەو بەئاسانی دەست ناكەوێت بەڵكو كردارو هەوڵ‌و تێكۆشانی دەوێت وەك

پێغەمبەری خوا (صَلَّى اللَّهُ عَلَيْهِ وَسَلَّمَ ) دەفەرمووێت :

(ألا إِنَّ سِلْعَەَ اللَّهِ غَالِێەٌ ألا إِنَّ سِلْعَەَ اللَّهِ الْجَنَّەُ).

(سنن الترمذي: ج 4 / ص 633،
وصححه الشیخ اڵالبانی
فی صحیح الجامع الصغیر:
رقم: 6222).

هەروەها بەهەشت دەور دراوە
بەناخۆشی‌و تەنگو چەڵەمە دەبێت
ئەم ناخۆشی‌و بەربەستانە ببڕیت
پاشان دەگەیت بەبەهەشت،
وە دۆزەخ دەورە دراوە بەشەهوەت‌و
ئارەزوو ئەگەر شوێنی ئارەزووەكان بكەویت ئەوە بەئاسانی دەتگەیەنێت بەدۆزەخ
وەك پێغەمبەر
(صَلَّى اللَّهُ عَلَيْهِ وَسَلَّمَ ) دەفەرمووێت

(عَنْ أَنَسِ بْنِ مَالِكٍ (رچی الله عنه)
قَاڵ: قَاڵ رَسُولُ اللَّهِ (صلی الله علیه وسلم):
(حُفَّتِ الْجَنَّەُ بِالْمَكَاڕهِ، ۆحُفَّتِ النَّارُ بِالشَّهَۆاتِ). [البخاري / الرقاق/ ٦١٢٢].

هەروەها تۆ لە ژیانی دونیادا وەبۆدەست خستنی دونیات چەندەها كاری گران‌و قورس ئەنجام دەدەیت‌و بەلاتەوە ئاساییە ئەی با بۆ دەست خستنی ڕەزامەندی خالقەكەت‌و بەهەشتی پان‌و بەرینی هەندێك شتی گران ئەنجام بدەیت .

#چی_رێگریت_لێ_ئەکات_لەباڵاپۆشی

بە پشتیوانی اللە 🔷لەمەودوا ڕۆژانە زنجیرە بابەتێک پۆستەکەین بە ناونیشانی (چی رێگریت لێ ئەکات لە باڵاپۆشی؟)

یەکەمییان

لەوانەیە بڵێیت ئەگەر حیجاب بپۆشم گەرمام دەبێت بەتایبەتی لەهاویندا ؟؟!!


ڕاستە,پۆشینی حیجاب
لە هاویندا زۆر گەرمە
وئافرەت ئازار دەدات,
بەڵام گەر بیرکەیتەوە کە جێبەجێکردنی
فەرمانی پەروەردگارتە
کە چ پاداشتێکی گەورەی بۆ
داناویت ئەوا بێگومان لەسەرت
سووکی دەکات, هەروەها
بیرکردنەوە لە ئاگری بڵێسە
داری دۆزەخ کە سووتەمەنیەکەی
خەڵک و بەردە

( وَقُودُهَا النَّاسُ وَالْحِجَارَةُ)البقرە-24,

وە گەورەترین ئاگر لە دونیادا بەشێکە
لە حەفتا بەشی ئاگری دۆزەخ

(البخاري/بدء الخلق/3092)
وانظر حديث رقم 6742
في صحیح الجامع الصغیر )

ئەوە ئاسانی دەکات لەسەرت,
وە هەروەها بیرکردنەوە
لە نزیک بوونەوەی خۆر
لە ساحەی مەحشەر وعارەق
کردنی خەڵکی ونقوم بوونیان
لە ئارەقی خۆیان,

وە بەرزبوەنەوەی ئەو ئارەقەش
بە ئەندازەی تاوانەکانیان,
ئەوە دڵنیا دەبیت کە گەرمی
دونیا زۆر ئاسانترە لەو گەرمی
وناخۆشیانە

(قُلْ نَارُ جَهَنَّمَ أَشَدُّ حَرًّا لَّوْ كَانُوا يَفْقَهُونَ)التوبة-81

واتە پێیان بڵێ

ئەی موحەممەد(صلی الله علیه وسلم)!

ئاگری دۆزەخ گەرمترە
لەگەرمای هاوین

بۆیە پێویستە ئەم گومانانی
شەیتان ڕەتکەینەوە
وبەقسەی نەکەین,
پەلە بکەیت لە پۆشینی
حیجاب,و ئارام بگریت
لەسەر گەرمی دنیا تا خوای گەورە

بتپارێزێت لە گەرمی و
گڕ وبڵێسەی ئاگری دۆزەخ,
چونکە پاداشتی خوای گەورە
هاوشێوەی کارداری مرۆڤە,
گەرمای دنیا بچێژیت
لەبەر ڕەزامەندی خوا
ئەوا دڵنیابە خوای گەورە
لە گەرمی ئاگری دۆزەخ
دەتپارێزێت,وە بزانە
دەتوانیت ئارامبگریت
لەسەر گەرمای دونیا بەڵام
هەرگیز توانای گەرمی
ئاگری دۆزەخت نیە,

خوای گەورە هەموو لایەکمان بپارێزێت

#چی_رێگریت_لێ_ئەکات_لەباڵاپۆشی