ده سترګو تور!

له چاڅخه دې نه اخلي څیښتن،د سترګو تور
یادیږي به یې سهار او ماخوستن،د سترګو تور

زړګیه داچې نه لرې ارام،او مدام ژاړې
بیل شوی درنه زار دې شم حتماً، د سترګو تور

له هغې ورځې خدای زده ما ارام لیدلی نه دي
پرسپین مخ چې هوارکړ سپین کفن،د سترګو تور

زه ناست یمه په سرو سترګو،ده خړمزار وڅنګ ته
بند کړی دي پرما باندې دیدن، د سترګو تور

ده ښکلي یار ده یاد زلفي مې لاس کې دي ژړېږم
خزان کړ زما ده تاندو هیلو بڼ،د سترګو تور

ده قبر پریشتو هیله ده ښه ورسره وکړﺉ
دروړی دي ټوټه ټوټه بدن، د سترګو تور

یوازي یې له تا ده ژوند خواږه نه دې اخیستي
(ایاسه)یادوي دلته هر تن،د سترګو تور

عزیزالرحمن ایاس
1399/09/17

06:50AM
@Ayas_Aziz