* * *
Елкангизда нимадир камдир,
Қўлларингиз сони бетартиб.
Не рассомлар расм чизгандир
Юзингизга бетини артиб.

Ишга солинг қўлларингизни,
Хоҳиш – хоҳиш истамас тўхтам.
Одамларнинг расмини чизинг
Сиздан бошқа ҳеч кимса йўқдай.

Ғуруримга бир ғурур тилаб,
Пойингизга чўкар эдим тиз,
Басиртартиб кўзингиз билан
Буюк одамларни чизсангиз.

Чизинг, олам кутган мусаввир,
Сира қўрқиб ўтирманг биздан.
Сиздек хунук суратни, ахир,
Қўлларимиз қўрқмасдан чизган.
2020

ФЕРУЗШОҲ
Сурат муаллифи:
Зулфизар Ахматова
t.me/Feruz_Nematullayev