Maalan godhe ?

🤔🤔🤔🤔🤔🤔🤔🤔🤔

Maalan godhe an barataan
kan na ajjeesu fafakkaataan

Maaliif na gidirsu na qabani
Lubbuu ko baasuuf maaliif wal gahanii?

Anoo kanan manaa bahe
Mudhiiko hidhadhee asiin gahe

Du'uuf miti karaatti hafuuf
Darbee deemee itti fufuuf

Tokkittiiko hiyyeettiikoo
Gargaaruufidha #Harmee koo
Cinaa dhaabachuu fi Abbee ko
Galmaan geessisuufi obboleessakoo

Maaliif na adamsu akka borofaa
Yoon jiraadhe maaltu itti hafa

Dubbadhaamee natti himaa
Falli isaa naaf argamaa?

Yeroon dhabu hiriyyaako
Rasaasaan dhahamee obboleen koo

Dubbadhaamee natti himaa
Falli isaa naaf argamaa?

Yeroon dhabu lubbuu ko
Akka saree hidhamee
Akka harree reebamee

Dubbadhaa mee natti himaa
Falli isaa naaf argamaa?

@GADAAMELBAA1