پردې کار نلري

د خپل وطن خدمت مو کار دی پردي کار نلري
زمونږ خپلواک او خپل اختیار دی پردې کار نلري

مونږ تر اوکراین مجهز ځواکونه دلته لرو
دلته هر فرد سپه سالار دی پردي کار نلري

په نظامي جګړه کي نغواړو کمک د هیچا
صرف مو درب نصرت پکار دی پردې کار نلري

په پنځه شپږ وحشیانه حملو پلمه جوړوي
مونږ تل وژلی تور ښامار دی پردې کار نلري

احسانه هري قربانۍ ته دي تیار شازلمي
سر مو د خدای له دینه زار دی پردې کار نلري

احسان# الله احسان