Курс по Telegram от TGStat Academy

Как сделать свой канал прибыльным с нуля?

Бесплатные уроки от TGStat Academy

С 1 по 10 января выкладываем мини-уроки в канале!

Надо было вчера

Про PR и креатив с неожиданных ракурсов и с юмором

Статистика Избранное

Муҳаммад Акбар Азим 🔻

@MuhammadAkbarAzim

Гео и язык канала: не указан, не указан

Категория: не указана

Азизлар, саҳифам фойдали деёлмайман. Аниқ бир йўналиш ҳам йўқ. Иншааллоҳ, оз бўлса-да, ҳикмат улашишга ҳаракат қиламан.
Боғланиш учун изоҳлар бўлими очиқ.
Диний саволларингиз бўлса, ЎМИ фатво ҳайъатидан сўрашингиз мумкин: +998781503344

Связанные каналы | Похожие каналы

Гео и язык канала

не указан, не указан

Категория

не указана

Статистика

Избранное

Фильтр публикаций

Скрывать удаленные

Скрывать репосты

Муҳаммад Акбар Азим 🔻

27 Dec 2024, 12:50

Репост из: Kun.uz | Online

Falastinlik 100 nafar bolalar va ayollar Oʻzbekistonga evakuatsiya qilindi

Oʻzbekistonning Misrdagi elchisi Mansurbek Qilichevga koʻra, 26-dekabr kuni ikki davlat Sogʻliqni saqlash vazirliklari bilan kelishilgan holda 100 nafar yarador falastinlik bolalar, ayollar va ularning hamrohlari Oʻzbekistonga evakuatsiya qilindi.

Oʻzbekiston hukumati falastinliklar bemor oilalarining barcha ehtiyojlari, jumladan, davolanish harajatlari, mehmonxona, maktab, oziq-ovqat va boshqalar bilan toʻliq taʼminlaydi.

👉 @kunonline

75 0 2 2 8

Муҳаммад Акбар Азим 🔻

27 Dec 2024, 08:07

МУНОЖОТ

Илоҳо, бандаман, бечорадурман,
Ҳавойи нафс ила оворадурман.

Эрурман барча нуқсонимға иқрор,
Мусулмон ўғли қилмас ишларим бор.

Эрурман бандаларни сарнигуни,
Тўлай ёру биродарлар забуни.

Манингдек осий бўлғайму жаҳонда,
Гуноҳим зоҳиримдан кўп ниҳонда.

Нетай, чун айни ақлим безиёдур,
Амал ҳам йўқ, агар қилсам риёдур.

Агарчи ман ёмон қул пой то фарқ,
Бўлибман маъсият дарёсиға ғарқ.

Вале содиқ эрурман бирлигингга,
Таёнибман Сани ғофирлигингга.

Лаҳадга кирса бу ёлғуз ғариб бош,
Ўгурса юз ҳама қавму қариндош.

Таҳаййур бўлса жони ғам сиришта,
Етушса сўрғали икки фаришта.

Сан осон этмасанг андоғ саволи,
Нечук кечгай ғариб бандангни ҳоли?

Деса: «ман роббук» икки абди даргоҳ,
Тилимга жорий қилғил: «Раббим —Оллоҳ!"

Агарчи осийдур, ё Раб, бу банда,
Ўзинг бандам дегил, «Раббим» деганда.

Агар сен қилмасанг қуллиқ отин жуд,
Манинг «қулман» дегонимдан нечук суд?

Илоҳо, лутф қил, мунда ва анда,
Мани банда этиб, беркит бу банда.

Агар чандики гўрсиз ўлса инсон,
Сўролур албатта бешакку нуқсон.

Агар дарёда ўлсун ё осилсун,
Азоб этса бани одам на билсун.

Даранда одам ўғлин қилса хўрок,
Гумон йўқдур сўрар қорнида, эй пок.

Агар банда муаззаб бўлса анда,
Қолур туймай бу ишни ул даранда.

Нечук қилса эрур Қодиру Носир,
Бу ерда бандасининг ақли қосир.

Наким айди Худойинг ё Паямбар,
Ани маҳкам тутиб, фикр этма дигар.

Сўфи Оллоҳёр раҳимаҳуллоҳ, "Саботул ожизин"дан.

====
Айрим сўзлар изоҳи:

Сарнигун - боши хам, эгик
Тўлай - барча
Забун - нотавон, хароб
Ниҳон - махфий, яширин
Айни ақлим - ақлим кўзи
Пой то фарқ - оёқдан бошгача
Таҳаййур - ҳайрат ва саросима
жони ғам сиришта - ғамга тўла, ғам аралашган жон
«ман роббук» - Раббинг ким?
икки абди даргоҳ - у даргоҳдаги икки банда (икки фаришта)
Жуд қилмасанг - бермасанг, саховат қилмасанг
Нечук суд? - нима фойда?
Даранда - дарранда, йиртқич
Мани банда этиб, беркит бу банда - мени банда қилиб, ўзингга қуллик этувчи қилиб, бу бандалик "банд"ига беркитгил
Муаззаб - азобга дучор этилган
Қосир - қисқа
На ким айди Худойинг ё паямбар - Худойинг ёки пайғамбар алайҳиссалом нимани айтса
Дигар - бошқа

Шайх Сайфуллоҳ Носир ҳафизаҳаллоҳ саҳифаларидан

@MuhammadAkbarAzim

100 0 2 26 6

Муҳаммад Акбар Азим 🔻

26 Dec 2024, 19:51

00:24

Видео недоступно для предпросмотра

Смотреть в Telegram

Ҳақиқий муҳаббатда якун бўлмайди…

@MuhammadAkbarAzim

110 0 2 2 3

Муҳаммад Акбар Азим 🔻

26 Dec 2024, 12:57

Репост из: Abdulqodir Samarqandiy

Аллоҳга қасамки, бирор марта дўстликка, муҳаббатга енгил қарамаганман. Бирор кишининг фазилатини инкор қилмаганман. Биринчи бўлиб ҳеч қачон адоватни бошламаганман, ҳатто буни ният ҳам қилмаганман.
Аммо менинг ҳам қадр-қийматим бор. Ким қалбимга эътиборсиз бўлса ундан ёлғизланаман!!!

Адҳам Шарқовий

https://t.me/Abdulqodir_Polvonov

115 0 1 8

Муҳаммад Акбар Азим 🔻

26 Dec 2024, 12:09

Қиёмат куни банда кимгадир зулм қилган, кимнидир хафа қилган, у ёки бу миқдорда озор етказган, кимнингдир пулини қайтариб бермаган, кимнингдир ҳаққига хиёнат қилган бўлса унинг савобли амалларидан, масалан қилган ибодатларидан ҳақ эгаларига, шикоятчиларга олиб берилади. Аммо, қарангки, биргина рўза бундан мустасно экан. Ибн Уяйна раҳимаҳуллоҳ айтадилар: "Рўзанинг савобини (қиёмат кунида) зулм туфайли даъвогар бўлган ҳақ эгалари, хасмлар ололмайдилар. Балки, уни (яъни рўза савобини) Аллоҳ рўзадор учун то уни у туфайли жаннатга киритмагунча олиб қўяди".

#Алишер Султонхўжаев ҳафизаҳаллоҳ

Бир ўйлаб кўринг-а, жаннатга киритмагунча қўймайдиган савобларга эга бўлишимиз мумкин Рамазонда, унга эса 65 кун қолди.

Салафлар Рамазонга 6 ой аввал тайёргарлик кўришган, сиз-чи, мен каби ғалатда эмасмисиз?

@MuhammadAkbarAzim

119 0 2 5

Муҳаммад Акбар Азим 🔻

26 Dec 2024, 07:44

Репост из: Abdulqodir Samarqandiy

САТР
Абу Довуд роҳимаҳуллоҳ ўзининг “Аз-зуҳд” номли китобида келтиради:
“Халифа Умар ибн Хаттоб розияллоҳу анҳунинг ҳузурига бир йигитни келтиришди. У ўғирлик қилган эди. Йигит қасам ичди:
-Аллоҳга қасамки, олдин ўғирлик қилмаганман, биринчи марта ўғирлик қилдим!
Умар розияллоҳу анҳу деди:
-Аллоҳга қасамки, сен ёлғон гапирдинг! Аллоҳ таоло бандасини биринчи қилган гуноҳи туфайли шарманда қилмайди!”.

Аллоҳ таоло биринчи гуноҳ қилиш билан бандасидан сатрни кўтармайди. Ҳатто бандаси минг марта гуноҳни такрорласа ҳам пардани йиртмайди. Шарти шуки, бандаси синиқ ҳолида қолиши, Аллоҳга нисбатан адабли бўлиши ва ўзини хор тутиши керак.
Қачон банда мағрурланиб ўзидан кетса, Аллоҳ билан очиқ жангга чиқса, гуноҳидан уялмаса, мутакаббирлик қилса ана шунда Аллоҳ уни шарманда қилади, сатрни кўтаради!
Энди гуноҳларингизга қаранг. Қалбингиз синиқ ҳолда қилган гуноҳларингизни Аллоҳ ўзгаларга ошкор қилганми?!
Бандаси очиқ-ойдин сурбетлик билан журъат қилмас экан, Аллоҳ сатрни ҳеч қачон кўтармайди!

117 0 2 5

Муҳаммад Акбар Азим 🔻

26 Dec 2024, 06:31

Нодонга илтифот қилмоқ не керак,
Жоҳилни дилбар сўз ҳуркитар аён.
Думини тарасанг тепади эшак,
Бошини силасанг ниш урар чаён.

#Эркин_Воҳидов

@MuhammadAkbarAzim

120 0 0 4

Муҳаммад Акбар Азим 🔻

25 Dec 2024, 11:00

Яхшиям намоз бор…

163 0 0 5 17

Муҳаммад Акбар Азим 🔻

25 Dec 2024, 06:07

Тил доим оғриган тишни қидиради. Инсон ҳам доимо оғриқни эслайди.

Ингмар Бергман

@MuhammadAkbarAzim

179 0 0 22 7

Муҳаммад Акбар Азим 🔻

25 Dec 2024, 05:48

Репост из: Abdulqodir Samarqandiy

Энди уринишлар тугади…
Жанг қилишдан тўхтадим. Қуролимни жанг майдонига улоқтирдим…
Чунки мен уруш ҳам меники эмаслигини, ерингиз ҳам меники эмаслигини англадим…
Аввал бошдан меники бўлмаган диёр учун беҳуда ҳаракат қилибман!

Маҳмуд Дарвиш

Хайрли кун!

https://t.me/Abdulqodir_Polvonov

175 0 2 2 2

Муҳаммад Акбар Азим 🔻

23 Dec 2024, 19:16

Инсон қачондир ўзига ёмонлик қилган ва маҳзун бўлишига сабабчи бўлган одамни кўрса, яраси янгиланиб, маҳзунлиги яна қайтиб келаверади. Шундай экан, ҳеч кимга ёмонлик қилманг. Чирқиратманг Аллоҳнинг қулларини. Агар шундай қилган бўлсангиз ундан астойдил кечирим сўранг. Қайта-қайта кечирим сўранг. Ҳаққини ҳалол этиши учун яхшилик қилинг. Бу унинг қалбида очганингиз яра учун малҳам бўлади. Қўядиган малҳамингиз етказганингиз жароҳат кўламига мос бўлсин. Найза билан чуқур жароҳат етказгач, устига юпқа малҳамқоғоз ёпиштириб қўйиш билан жароҳат битмайди.

#Алишер Султонхўжаев ҳафизаҳаллоҳ

@MuhammadAkbarAzim

251 0 0 4 8

Муҳаммад Акбар Азим 🔻

23 Dec 2024, 12:52

Репост из: Nurmuhammad Xo'ja

00:26

Видео недоступно для предпросмотра

Смотреть в Telegram

289 0 2 6

Муҳаммад Акбар Азим 🔻

22 Dec 2024, 16:15

«Умри озайганига қарамай, мол-дунёси кўпайганига хурсанд бўладиган аҳмоқлардан бўлиб қолма!»

Абдулфаттоҳ Абу Ғудда, «Уламолар наздида вақтнинг қадри» китобидан.

@MuhammadAkbarAzim

4.3k 1 33 1 14

Муҳаммад Акбар Азим 🔻

22 Dec 2024, 03:36

ДУНЁНИ БОЛАЛАР ҚУТҚАРАДИ
...Бугун уни ишдан бўшатишди. Кўзига дунё қоронғи кўриниб, уйига ҳам боргиси келмади. Кўнглида алам билан кетиб бораркан, елкасига урилган копток зарбидан қалқиб кетди. Жаҳл билан ўгирилиб қаради ва рўпарасида айбдорона мўлтираб турган болакайга кўзи тушиб, ўшқирди:
- Кўзингга қарасанг ўласанми? Ҳе, афтинг қурсин, ярамас!..
Болакай қўрқиб кетиб, коптогини олди-ю, қочиб қолди. Аёл зардаланиб елкасини қоқаркан, эрталабдан буён ичига ютаётган аламлари кўзларидан ёш бўлиб қуюла бошлади. У одамларнинг эътиборини тортмаслик учун шу атрофдаги ўриндиқлардан бирига ўтирди, лекин барибир кўз ёшларини тиёлмади. Бошини эгиб олганича, пиқ-пиқ йиғлай бошлади. Ногаҳон сочларида митти ва майин кафтнинг тафтини ҳис қилди ва секин бошини кўтариб қаради. Чамаси беш ёшлардаги қизча аёлга ҳамдардлик билан тикилиб турарди.
- Йиғламанг, хола, - деди у ширин овоз билан. Кейин бир қўлида сиқимлаб турган ширинликларини унга узатди:
- Манг, олинг...
Аёл нотаниш қизчанинг бу меҳрибонлигидан тўлқинланиб кетди. Ўзига келиб, қизчанинг лўппи юзларидан беозоргина чимчилаб қўйди:
- Раҳмат, асалим! Жудаям ақлли қиз экансан-а...
- Сизниям ойингиз ўлиб қолдилами?
Аёл қизнинг овозидаги дарддан сесканиб кетди.
- Маниям ойим ўлиб қолганла... Лекин ман энди катта қиз бўп қолдим, йиғламайман... Сизам йиғламанг, ҳали ҳаммаси яхши бўлади...
Аёлнинг бошидан бир челак муздай сув ағдарилгандай бўлди. Рўпарасида турган шу миттигина қизалоқнинг катта дарди олдида ўзининг ташвишлари нақадар арзимас эканини ҳис қиларкан, ўзини ўзи ёмон кўриб кетди. Уни маҳкам қучоқлаб, бағрига босаркан:
- Ўзим ўргилай сендан, - деди меҳри ийиб. – Тўғри айтасан, ҳали ҳаммаси яхши бўлади. Сенам дунёдаги энг бахтли қиз бўласан!
- Ман ўзи бахтли қизман-ку, - деди қизча аёлни баттар таажжубга солиб. – Мани дадам борла, укам бор, бувим борла... Бувим қўғирчоғимга чиройли кўйлакча тикиб бердила... Мани ўйинчоқларим, китобларимам роса кўп, бизникига борсангиз, сизгаям китобларимдан бераман...
Аёлга кичкинагина қизалоқнинг БАХТ ҳақидаги тасаввури ва саботи катта дарс бўлди. Уйига қайтгач, иш столида турадиган дафтарига катта-катта ҳарфлар билан «Дунёни болалар қутқаради», - дея ёзиб қўйди.

Шаҳина ЮСУФ тайёрлади
"Маърифат саодати" газетасининг 2018 йил 12 март сонидан олинди
©
@MuhammadAkbarAzim

364 0 0 4 2

Муҳаммад Акбар Азим 🔻

21 Dec 2024, 16:55

ҒУРБАТ

• Нафснинг хоҳишлари олдида имконсиз қолган, унга қарши туришга кучи етмай ожиз қолган ақл ғарибдир.
• Ўз миллатини, ватанини яхши кўргани учун унга имкон қадар хизмат қилишга уринса-да, лекин бу борада ўзи хоҳлагандай ҳаракатланолмайдиган инсон ғарибдир.
• Хато йўлни кўриб туриб, ундан одамларни огоҳлантиришга ҳарчанд ҳаракат қилмасин, одамлар унинг таълимотига қарши юраверадиган шахс ғарибдир.
• Ҳақиқатни англаб бошқага англатолмайдиган ёки англатса-да гаплари ерда қоладиган киши ғарибдир.

Хуллас, ғурбат дунё!

#Улуғбек_Бухорий ҳафизаҳаллоҳ

@MuhammadAkbarAzim

282 0 1 3

Муҳаммад Акбар Азим 🔻

21 Dec 2024, 04:41

Репост из: Aytilmagan bitiklar🕊

VIDO

...Va nihoyat ko‘nglimni uzdim,
Oshiqlardek ma’yus, dilafgor.
Sendan kelgan ozorlig‘ nadur,
Men o‘zimdan bezorman, bezor.

Ishqqa tashna ma’yus qiz edim,
Yuragimga nur bo‘lib inding.
Bu dunyoning zulmatlarida,
Sen hammadan yaxshi ko‘rinding.

Bilmadimki, bu ishq o‘tkinchi,
Bilmadimki, senga yetmasman.
Seni tashlab ketib soz qildim,
To sen meni tashlab ketmasdan.

Mayli, yorim sendan ginam yo‘q,
Taqdirimda mangu kuz fasli.
Sen bevafo bo‘lsang ayb emas,
Bu bevafo dunyodir asli.

©Guljamol Asqarova

@aytilmagan_bitiklar

281 0 0 8

Муҳаммад Акбар Азим 🔻

20 Dec 2024, 13:52

Репост из: A'lamiy

00:10

Видео недоступно для предпросмотра

Смотреть в Telegram

Menda har doim sabablarim bor,
hatto oshkor qilmasam ham,
behuda narsa qilayapdi deb o'ylamang.

#Doktor Mustafo Mahmud

@alamiy_uz

264 0 0 2 7

Муҳаммад Акбар Азим 🔻

19 Dec 2024, 12:26

Репост из: Dilfuza Komil

#кун_ҳикмати

«Интилувчилар уч турли бўлади:

Аллоҳга интилувчилар;

Аллоҳнинг ҳузуридаги мукофотларга интилувчилар;

Аллоҳни унутиб, бошқа нарсаларга интилувчилар».

© Муҳаммад ибн Абу Бакр раҳимаҳуллоҳ

...Сиз қайси турга мансубсиз?..

📱 Dilfuza Komil

285 0 1 1 9

Муҳаммад Акбар Азим 🔻

18 Dec 2024, 05:55

Репост из: Umid Usmon

Xudoga oʻzingizni tenglamang!

Nadomat boʻlishi kerak tavbada. «Yoshlikda boʻladi-da endi. Falonchiyam qilgan, pistonchiyam qilgan, men ham qilsam qilibman-da endi. Parvardigor, oʻzing kechirgin», desangiz, kechirilmaydi u.

Nadomat boʻlishi kerak. Odam alayhissalom: «Fa nasiya» — unutib yeb qoʻygan. 300 yil yigʻlagan deyiladi shu gunohiga. 300 yil. Yer yuziga tushgandan keyin.

Bu qayerdan kelib chiqadi? Allohning azamatidan, bandani oʻzining darajasini bilganidan kelib chiqadi. Siz osongina osiy boʻlayotgan boʻlsangiz, Allohni tanimayotgan boʻlasiz, azamatini koʻrmayotgan boʻlasiz, ulugʻligini bilmayotgan boʻlasiz, qadrini bilmayotgan boʻlasiz, qadrlamayotgan boʻlasiz, osongina gunoh qilayotgan boʻlsangiz. Oʻzingizni katta olayotgan boʻlasiz.

Agar shariatning hukmiga ichingizda qarshilik boʻlsa, siz Xudoga oʻzingizni teng qoʻyayotgan boʻlasiz, nega bunday hukm qiladi, deb. Bandalik emas u. Ana shu, taslim boʻlib qalbingizdan tavba qilganingizda keyin amallarga oson tavfiq boʻladi.

Ustoz Husayn Buxoriy

384 0 7 2 14

Муҳаммад Акбар Азим 🔻

17 Dec 2024, 03:40

Эй Хайрулло, жон недир ғам ютмаса,
Синдир қаламингни сўзи ўтмаса.
Аллоҳ десанг қалбинг тўлиб кетмаса,
Шеър ёзишга бало борми, биродар!

@MuhammadAkbarAzim

562 0 4 10 10

Показано 20 последних публикаций.

347

подписчиков

Статистика канала

Популярное в канале

«Умри озайганига қарамай, мол-дунёси кўпайганига хурсанд бўладиган аҳмоқлардан бўлиб қолма!» Абд...

Гўзал ахлоқни яхши инсонлар билан дўст бўлиб қозониш мумкин. Чунки инсон табиати яхши ва ёмонни ў...

Мени тушунинг, чунки мен китоб эмасман, ўлганимдан кейин очиб ўқиб бўлмайди. Тириклигимда тушуниш...

Баъзи инсонларни унутмадик, лекин энди уларнинг исми зикр қилинганда табассум қилмаймиз. #Низор_...

Эй Хайрулло, жон недир ғам ютмаса, Синдир қаламингни сўзи ўтмаса. Аллоҳ десанг қалбинг тўлиб кетм...