***
Ёмғир ёғар кўнглим ичра,
Қақроқ саҳро, чўлларимга.
Оҳуларнинг изи кўчган,
Тошлоқ, қумлоқ йўлларимга.

Ёмғир ёғар ой шуъласин,
Сим-сим ютган лошларимга,
Пуркар кўклам ҳур нафасин,
Қорли тоғу тошларимга.

Ёмғир ёғар то субҳидам,
Юлдуз қўнган тушларимга.
Вужуд узра чекиб алам,
Кўкка учган ҳушларимга.

Ёмғир ёғар қайғу, қувонч,
Кўздан оққан ёшларимга.
Бир куни гул, бир кун эса,
Тошлар тушган бошларимга.

...Ёмғир ёғар.

Одил ҲОТАМ
t.me/Odil_Hotam