غـــــــــــــــــــــزل .......ستــا بۀ یاد شم

چې کامل پۀ اعتماد شم ستا به یاد شم
لۀ حالاتو چې ازاد شم ستا به یاد شم

مسافر له کلي لاړو او ويَل يې
زۀ چې مړ په بل هیواد شم ستا به یاد شم

زۀ خو ورک يم او ورک شوي د چا ياد وي؟
چې ځلانده شم او ښاد شم ستا به یاد شم

څۀ دې خیال دی ازادۍ زما پۀ حق کې؟
چې مجنون غوندې برباد شم، ستا به یاد شم؟

انقلاب یم غورځولی له سیالۍ نه
چې اوچت شم او اباد شم ستا به یاد شم

که کوم وخت چا په دعا کې یادولم
ستا به یاد شم، ستا به یاد شم، ستا به یاد شم

یا غبار دې د پېکي، رحمت ملنګه!
یا دې خاورې په سر باد شم ستا به یاد شم.

رحمت ملنګ

https://t.me/Rahmatmalang2