ਦਿੱਲੀਏ ਨੀ ਬਾਜ਼ ਆਜ਼ਾ ਛੇੜ ਨਾ ਪੰਜਾਬ ਨੂੰ।

ਅਸੀਂ ਮੁਗਲਾਂ ਤੇ ਬਾਬਰਾਂ ਦੇ ਲੱਕ ਤੋੜ ਹੋਏ ਨੇ।
ਬੜੇ ਬੜੇ ਜਾਲਮਾਂ ਸਾਡੇ ਅੱਗੇ ਹੱਥ ਜੋੜੇ ਹੋਏ ਨੇ।
ਲੰਡਨ ਤੱਕ ਜਾਣਦੇ ਨੇ ਗੋਰੇ ਸਾਡੇ ਮੂਡ ਖਰਾਬ ਨੂੰ।
ਦਿੱਲੀਏ ਨੀ ਬਾਜ਼ ਆਜ਼ਾ ਛੇੜ ਨਾ ਪੰਜਾਬ ਨੂੰ।
ਦਿੱਲੀਏ ਨੀ ਬਾਜ਼ ਆਜ਼ਾ ਛੇੜ ਨਾ ਪੰਜਾਬ ਨੂੰ।

ਕਈ ਵਾਰੀ ਜਿੱਤ ਵਾਲੇ ਝੰਡੇ ਤੇਰੀ ਹਿੱਕ 'ਤੇ ਗੱਡੇ।
ਬੜੇ ਬੜੇ ਨਾਢੂਆ ਖਾਨਾਂ ਦੇ ਭੁਲੇਖੇ ਅਸੀਂ ਕੱਢੇ।
ਸਮੁੰਦਰ ਵੀ ਨਾ ਝੱਲ ਪਾਉਂਦੇ ਉੱਠੇ ਹੋਏ ਸੈਲਾਬ ਨੂੰ।
ਦਿੱਲੀਏ ਨੀ ਬਾਜ਼ ਆਜ਼ਾ ਛੇੜ ਨਾ ਪੰਜਾਬ ਨੂੰ।
ਦਿੱਲੀਏ ਨੀ ਬਾਜ਼ ਆਜ਼ਾ ਛੇੜ ਨਾ ਪੰਜਾਬ ਨੂੰ।

ਕਦੇ ਮੌਤ ਤੋਂ ਨਾ ਡਰਕੇ ਅਸੀਂ ਘਬਰਾਏ ਦਿੱਲੀਏ।
ਹੱਕਾਂ ਲਈ ਸਦਾ ਲੜਦੇ ਤੇ ਮਰਦੇ ਆਏ ਦਿੱਲੀਏ।
ਪੜ੍ਹੀ ਕਦੇ ਬਹਿਕੇ ਸਾਡੇ ਪੁਰਖਾਂ ਦੀ ਕਿਤਾਬ ਨੂੰ।
ਦਿੱਲੀਏ ਨੀ ਬਾਜ਼ ਆਜ਼ਾ ਛੇੜ ਨਾ ਪੰਜਾਬ ਨੂੰ।
ਦਿੱਲੀਏ ਨੀ ਬਾਜ਼ ਆਜ਼ਾ ਛੇੜ ਨਾ ਪੰਜਾਬ ਨੂੰ।

ਇੱਟ ਨਾਲ ਇੱਟ ਚੰਗੀ ਤਰਾਂ ਖੜ੍ਹਕਾਉਣਾਂ ਜਾਣਦੇ।
ਸਾਨੂੰ ਢਾਉਣਾਂ ਵੀ ਆਉਂਦਾ ਜੇ ਬਣਾਉਣਾਂ ਜਾਣਦੇ।
ਪੁੱਛ ਲਈ ਆ ਕੇ ਚੰਨੀ ਪਿੰਡ ਖਿਜ਼ਰਾਬਾਦ ਨੂੰ।
ਦਿੱਲੀਏ ਨੀ ਬਾਜ਼ ਆਜ਼ਾ ਛੇੜ ਨਾ ਪੰਜਾਬ ਨੂੰ।
ਦਿੱਲੀਏ ਨੀ ਬਾਜ਼ ਆਜ਼ਾ ਛੇੜ ਨਾ ਪੰਜਾਬ ਨੂੰ।

ਚੰਨੀ ਖਿਜ਼ਰਾਬਾਦ
98724 05951