څو نوې کرښې نن پنجشنبه

که یې وصيت اورئ لومړی ځل ورته غوږ ونیسئ
پراعدام شوي چا دوهم ځلي اعدام نه راځي

عمل په وکړه ښه موقعه ده بیا ارمان ونکړې
له دې اسلام نه پس دنیا ته بیا اسلام نه راځي

ارزښت یې وپیژنه!! ګــوره قيمتي عمر دی
په لیلام سوي شي تکرار باندي لیلام نه راځي

وينه پري توۍ کړئ زحمتونه تکلیفونه غواړي؟
په دعاګانو باندي یواځي هم نظام نه راځي

د وخت تر مخه داسي څه ورته تیار ولره
مرګ چي راځي مرګ چاته کله په اعلام نه راځی

فیضانه کـړه احتياط قلم، قدم، قسمه، سره
يووخت به داسی وي په خوله به دي کلام نه راځي
1444/5/21
https://t.me/Talebfaizan