Ассоциация УзСугурта

#Қонунчиликдаги_янгиликлар

Экспорт юкларини ва уларни ташишларни суғурта қилиш тартиби белгиланди

Ҳукумат қарори (477-сон, 12.08.2020 й.) билан “Капитал, товар ва хизматлар (ишлар) экспорти ҳамда экспортни қўллаб-қувватлаш билан боғлиқ фаолиятни суғурта қилиш тартиби тўғрисида”ги низом тасдиқланди.

🧾 Низомга кўра, экспорт юкларини ва уларни ташишларни суғурта қилиш тижорат ташкилотлари бўлган ва тегишли турдаги суғурталашни амалга ошириш учун лицензияга эга бўлган юридик шахслар томонидан амалга оширилади.

⚠️ Суғурта қилдирувчи ким эканлигидан (экспорт қилувчи ёки молияловчи) келиб чиқиб суғурта шартномасининг бир неча тури фарқланади.

❌ Суғурта шартномаларини тузишда қуйидагилар тақиқланади:
• сиёсий таваккалчиликлар бўйича шартсиз франшиза (зарарнинг суғурта билан қопланмайдиган қисми) ўрнатилиши;
• тижорат таваккалчиликлари бўйича шартсиз франшиза миқдори – суғурта пулининг 50 фоизидан ортиқ бўлиши;
• логистика таваккалчиликлари бўйича шартсиз франшиза миқдори – суғурта пулининг 5 фоизидан ортиқ бўлиши;
• сиёсий таваккалчиликлар бўйича кутиш даври – 180 календарь кундан ортиқ бўлиши;
• тижорат таваккалчиликлари бўйича кутиш даври – 90 календарь кундан ортиқ бўлиши;
• логистика таваккалчиликлари бўйича кутиш даври – 30 календарь кундан ортиқ бўлиши.

📝 Суғурта қилдирувчи аризалар ва ҳужжатларни суғурталовчига бевосита, почта орқали ёки электрон шаклда тақдим этишлари мумкин.

⏰ Суғурталовчи суғурта қилдирувчи томонидан зарур ҳужжатлар тақдим этилгандан бошлаб 24 соат ичида тегишли суғурта шартномасини тайёрлайди ва унинг имзоланишини таъминлайди.

🗓 Суғурта товони суғурта ҳодисаси ва зарар миқдорини тасдиқловчи ҳужжатлар олинган кундан бошлаб 15 календарь кунидан кечиктирмасдан тўланиши шарт.

Каналга уланиш👇👇👇
https://t.me/huquqiyaxborot

Ҳурматли Вебинар қатнашувчиcи!

2020 йил 13 июл (Душанба) куни соат 14:00 дан 17:00 га қадар бўлиб ўтадиган “Ислом банкчилиги ва молиясининг МДҲда ривожланиши” мавзусидаги онлайн Вебинаримизга қуйидаги тармоқлар ва ҳаволалар орқали қўшилишингиз мумкин.

 “Facebook” орқали жонли эфирга қўшилиш учун ҳавола: http://www.facebook.com/Alhudacibe/live/
 “Zoom” орқали мажлисга қўшилиш учун ҳавола:
https://zoom.us/j/93838281281?pwd=S3lxdU5jRUdqbldBZkl6M2RRdGtiUT09
Мажлис ID: 938 3828 1281
Парол: 327528

Қизиқтирган саволларингиз бўйича менга Telegram орқали @Zaib_un_Nisa манзилга ёзишингиз ёки +998 901161785 телефон рақами орқали боғланишингиз мумкин.

#Қонунчиликдаги_янгиликлар

Хусусий нотариусларнинг фуқаролик жавобгарлигини мажбурий суғурта қилиш тартиби белгиланди

Ҳукумат қарори (199-сон, 04.04.2020 й.) билан Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидалари тасдиқланди.

Мазкур қоидаларга мувофиқ, нотариус нотариал фаолиятни амалга оширишда мажбурий суғурта шартномасини тузиши шарт, шартнома тузмасдан туриб ўзининг мажбуриятларини ва нотариал ҳаракатларни амалга оширишга ҳақли эмас.

✅ Нотариуслар фуқаролик жавобгарлигининг қуйидагилар оқибатида юзага келиши суғурта ҳодисаси ҳисобланмайди:

👉 нотариусга мурожаат қилган шахс томонидан нотариал ҳаракат амалга ошириш билан боғлиқ ёлғон маълумотлар, ҳақиқий бўлмаган ёки сохта ҳужжатлар тақдим этилиши;

👉 агар нотариал ҳаракатни амалга оширишни сўраб мурожаат қилган шахс нотариусга ушбу нотариал ҳаракат ҳуқуқ ва қонуний манфаатларига таъсир кўрсатиш мумкин бўлган учинчи шахсларнинг йўқлиги ёки мавжудлигини билдирмаган бўлса.

✅ Мажбурий суғурта шартномаси бўйича суғурта суммаси: ⬇️

👉 Тошкент, Нукус шаҳарларида ва вилоятларнинг маъмурий марказларида хусусий амалиёт билан шуғулланувчи нотариус фаолиятини ташкил этиш учун – БҲМнинг камида 1000 бараваридан (223 млн сўм);

👉 бошқа аҳоли пунктларида хусусий амалиёт билан шуғулланувчи нотариус фаолиятини ташкил этиш учун – БҲМнинг камида 500 бараваридан (111 млн 500 минг сўм) кам бўлиши мумкин эмас.

Мажбурий суғурта шартномасида суғурта қилдирувчи нотариал ҳаракатларни амалга оширганда наф олувчига етказилган зарар туфайли келиб чиқадиган мажбуриятлар бўйича суғурта тўловларини амалга ошириш назарда тутилади, маънавий зарар, бой берилган фойда ва жарима тўловлари бундан мустасно.

Суғурта қилдирувчи мажбурий суғурта шартномасини тузиш учун суғурталовчини ихтиёрий танлайди.

Мажбурий суғурта шартномаси у кучга кирган кундан бошлаб 1 йил муддатга тузилади.

Шартнома бўйича суғурта мукофотининг ҳажми томонларнинг келишуви билан белгиланади, бироқ шартномада белгиланган суғурта суммасининг 1 фоизидан кам бўлмаслиги керак.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

“Ўзбекинвест” қайта ташкил этилди

“Ўзбекинвест” экспорт-импорт миллий суғурта компаниясининг фаолиятини янада такомиллаштириш чора-тадбирлари
тўғрисида” Ҳукумат қарори (46-сон, 30.01.2020 й.) қабул қилинди.

Қарорга мувофиқ, “Ўзбекинвест” экспорт-импорт миллий суғурта компанияси “Ўзбекинвест” экспорт-импорт суғурта компанияси” акциядорлик жамияти этиб қайта ташкил этилди.

“Ўзбекинвест” ЭИСК” АЖ устав капиталидаги давлат акциялари (улушлари) пакети бўйича акциядор ҳуқуқи Инвестициялар ва ташқи савдо вазирлигига ўтказилди.

Хорижий ва маҳаллий инвесторлар томонидан Ўзбекистон иқтисодиётига киритиладиган тўғридан-тўғри ва портфель инвестицияларнинг комплекс суғурта ҳимоясини таъминлаш “Ўзбекинвест” ЭИСК” АЖнинг асосий вазифаларидан бири ҳисобланади.

Қарор билан “Ўзбекинвест” ЭИСК” АЖга белгиланган тартибда хорижий банкларда жорий ҳисобварақларини очиш ва банк депозитлари бўйича тўловларни амалга ошириш учун улар бўйича операциялар ўтказиш, суғурта тўловлари, суғурта ва инвестиция фаолияти билан боғлиқ бошқа операцияларни амалга оширишга рухсат берилди.

Каналга уланиш👇👇👇
https://t.me/huquqiyaxborot

#Биласизми
Суғурталовчиларнинг ва суғурта брокерларининг суғурта фаолиятини лицензиялаш талаб ва шартлари қуйидагилар ҳисобланади:
👉 суғурта фаолияти тўғрисидаги қонун ҳужжатларига риоя қилиш;
👉 суғурта фаолиятини амалга оширишда олинган ахборотларнинг махфийлигини таъминлаш;
👉 суғурта фаолиятини амалга оширишга доир ахборотларни тақдим этиш;
👉 лицензия талабгори раҳбари ва бош бухгалтери малака талабларига мувофиқлиги;
👉 лицензия талабгори раҳбари бошқа суғурта ташкилотларида раҳбар лавозимини эгаллашга ҳақли эмас.

Ҳурматли тадбиркорлар, юқоридаги лицензияланадиган фаолият турини амалдаги тартибига ўзгартириш ва қўшимчалар киритиш бўйича таклиф ва мулоҳазалар мавжуд бўлса @tadbirkor_adliyabot телеграм бот орқали юборишингиз мумкин. Тақдим қилинган таклифлар Адлия вазирлиги томонидан кўриб чиқилиб лицензияланадиган фаолият турини такомиллаштиришда фойдаланилади.

Каналга уланиш👇👇👇
https://t.me/huquqiyaxborot