نزل گلبه اسد مفتول الاذراع
حيد البادية وميهاب الأضباع
ماخذ دعوة أمه برحلته امتاع
دعوة أم بختها يفلش الگاع
قائد ما ينغلب
ساحگ راس الحرب
تقفل ويفك درب
شيخ البطوله
صعب صعب حيله من يركب اكحيله ذب عالشمس ليله
وعامي عيون
گلب گلب طبهم هدم مشاعرهم بس طوله خالسهم
حامي ام عون
**************************************
باشط حيل سيفه وخيط الاعداد
بس عباس زلمه الماله رداد
لون ازماط صارت يلبس اعناد
عليهم حيل حار ومغضب وشاد
مثل النار بشجر
حارگ خصمه الگمر
الهم ما خله أثر
بس هو باقي
فلا فلا واحد يگدر على القائد عالعيله ماگاعد
كف الله
ملك ملك صارم فدوه الگمر هاشم مايمهل الظالم
عدل الله
**************************************
يطب مثل الشمس متلمسه الاچفوف
ضل يمشي ووراه ادمايه اليعوف
مثل طوف العواصف صاير يطوف
ويطشر الجيش كله ويخلع اچتوف
من طب شيخ الخلق
ذاك الما ينسبق
خلص وكت الرفق
قام القيامه
سره سره بمسرى منهم اخذ اسرى لا قيصر وكِسرى
مثله يصير
هلا هلا بحسه صاح اللذي بنفسه وحسينه يتنفسه
هوية خير
**************************************
ملچ الموت مالحگ على الموت
عباس بسرعته يسابگ الصوت
منو اليكمشله نار مقرره تفوت
هو العباس واسمه يفك حلگ حوت
كض ارگاب الزلم
ضل يخنگها الشهم
بالطف صاحب عزم
شرد كتايب
ثلج ثلج ماعوا گدامه شي ضاعوا گدامه شي لاعوا
صگر البين
شمر شمر صاحه گال آنه ذباحه ال يرفع اسلاحه
بوجه حسين.
احمد العبادي
https://t.me/afoopf
