#قصائد_مولد_الإمام_المهدي_عج
#مہؤسہسہةّ_مہنہبہريہوٌنہ_آلحسـينيهہ
#انوار_القائم
🦋🦋🦋🦋🦋🦋🦋🦋🦋
ولادة الامام الحجة عج
اُمنية عمري .. هاذي بالمختصر
اُمنية عمري .. شوفت المنتظر
""""""""
روحي التحبك خاليه
ما عدهه بس هالامنيه .. مشتاگه
هالدنيه تصبح زاهيه
لو مره يبن الزاكيه .. نتلاگه
بظنوني .. بجفوني .. بعيوني .. رسمتك
وافيني .. يا عيني .. شافيني .. بنسمتك
والخبر حصري .. المهدي ها قد حضر
اُمنية عمري .. شوفت المنتظر
""""""""
چنت بعُمُر يمكن سنه
بگلبي الاماني ساكنه .. وببالي
بُعدك صعب گُربك هنه
يوم التجي يوم المُنه .. يالغالي
شگد حلوه .. اللي يهوه .. يتروّه .. بحنانك
احضرني .. انظرني .. اغمُرني .. ابأمانك
تِعلَم ابأمري .. بيك اكحل النظر
اُمنية عمري .. شوفت المنتظر
"""""""""
من عندي إخذوا صِحّتي
خلولي لكن فرحتي .. بالمهدي
بيضة ابمحبتك صفحتي
ما عندي غيرك صيحتي .. ما عندي
ما باعد .. متعاهد .. بس واحد .. لاودّه
شايعنه .. وبايعنه .. ووقعنه .. الاجنده
ما يجن فكري .. اعليه الله سِتَر
اُمنية عمري .. شوفت المنتظر
"""""""""
احلف يمهدي بفاطمه
كون الله يبليني بعمه .. وما عوفك
متلمني لا ارض وسمه
وچفك اظل املزّمه .. لو اشوفك
مُر بيه .. فد جيه .. يوميه .. حبيبي
بنُص لحظه .. لو احضه .. هم ارضه .. بنصيبي
يسألك صبري .. ترد مته امن السفر
اُمنية عمري .. شوفت المنتظر
""""""""
من زغري باقي للكُبُر
احلى الاماني منتظُر .. وامالي
اجمل محطات العمُر
لو بيه يالمهدي تمُر .. هنيالي
تانيتك .. ناديتك .. حبيتك .. تراني
كل جمعه .. بالدمعه .. بالشمعه .. اتاني
يمته ما ادري .. وياك ايلمني القدر
اُمنية عمري .. شوفت المنتظر
"""""""""
ذِكرك يمهدي اقتفي
مُخلص اظل والله ووفي .. وعيونك
بس نظرة وحدة اكتفي
شمعه انتظاري وتنطفي .. من دونك
يا اعلى .. يا احلى .. يا اغلى .. امنياتي
انتظرك .. ما هِجرك .. واعتبرك .. نجاتي
شايل بصدري .. لوجهك اجمل صور
اُمنية عمري .. شوفت المنتظر
انيس الخفاجي الكربلائي
🌼مؤسسة منبريون للالحان رقم 1
@ahmed_alziwar1🦋مؤسسة منبريون لنشر القصائد 2
@ahmed_alziwar2🌼مؤسسة منبريون للمقامات3
@ahmed_alziwar3 🦋مؤسسة منبريون للنعي4
@ahmed_alziwar5🌼اكبر كروب لتلحين القصائد
https://telegram.me/joinchat/AAAAAD9pmsoMub22NRYqtA
