#قصائد_مولد_الإمام_المهدي_عج

#مہؤسہسہةّ_مہنہبہريہوٌنہ_آلحسـينيهہ

#انوار_القائم

🦋🦋🦋🦋🦋🦋🦋🦋🦋


ولادة الامام الحجة عج

نبض الگلوب .. يمحبوب .. تره اشتاگينه
"""""""""""
عمري يحله ويبدي .. لو تجي يالمهدي
عالورود ايندّي .. موعدك من اتعود
انته دمعة خدي .. وحلمي انت الوردي
العندي والما عندي .. امحبتك يالموعود
شسّوه لفراگ..والاشواگ..جمر تچوينه
نبض الگلوب .. يمحبوب .. تره اشتاگينه
"""""""""""
باني كل امالي .. بجيتك يالغالي
عالي اصرخ عالي .. انت يالمهدي وين
لو ترد الدارك .. شيعتك وانصارك
بجيتك تتبارك .. يا هله بنور العين
نعيش الافراح..لون لاح..ضواك اعلينه
نبض الگلوب .. يمحبوب .. تره اشتاگينه
"""""""""
يابو صالح وينك .. الله بيني وبينك
فدوة رحت لعينك .. ما ترد كافي غياب
يا امامي الغايب .. چم حبيب وصاحب
يندبك ويخاطب .. منك نريد اجواب
يمته وشلون .. والعيون .. تسائل وينه
نبض الگلوب .. يمحبوب .. تره اشتاگينه
""""""""""
شوگي فايض بيه .. وعالدرب يوميه
مناطر انه الجيه .. يا أمل كل دنياي
شگد چبيرة اللحظه .. بشوفتك لو احضه
واحضه باجمل لفظه .. لفظة اسمك مولاي
اجمل احساس..يهالناس..اذا تمر بينه
نبض الگلوب .. يمحبوب .. تره اشتاگينه
"""""""""""
صورتك گدامي .. حته في احلامي
عبدك انه الضامي .. لشوفتك بس محتاج
ولو فتحت عيوني .. صورتك بجفوني
وعاشگ وخي عوني .. بالگلب حبك تاج
گلبي يهواك .. بلياك .. عجاف سنينه
نبض الگلوب .. يمحبوب .. تره اشتاگينه
"""""""""""
يابو صالح نظره .. شيعتك منتظره
عجّل الله بامره .. نندعي ومنتظرين
شگد ليالي اسهرنه .. نندعي واصبرنه
الجيّتك ناطرنه .. ننتظر صار اسنين
شيعة للموت..عِله الصوت..إلك حبينه
نبض الگلوب .. يمحبوب .. تره اشتاگينه

انيس الخفاجي الكربلائي


🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA