قناة الشاعر محمد هادي الفهداوي

قيمة الدمعة على الحسين عليه السلام يوم القيامة..

قال امامنا الصادق صلوات الله عليه:
اذا كان يوم القيامة اخذ الملائكة رجلا يجرونه الى النار فبينما هم يجرونه اليها واذا بنداء من الله تعالي يقول للرجل: قف لك امانة عندنا،
فيقول الرجل : اللهم اني لا اذكر اني استأمنتك على امانة لي عندك!
فيقول الله تعالى ( حفظه الله ونسوه ) ( انا الله الذي لا اضيع عمل عامل منكم من ذكر او انثى ) نعم لك امانة عندنا،
ثم يأمر الله تعالى الملائكة ان يأتوا للرجل بأمانته، فيأتونه بصندوق ، فلما يفتحه يرى فيه شيئا مغطى بقطعة من الحرير الاحمر معقود عليها بعقدة من الحرير الاخضر، فيفتح العقدة واذا هي درة تضيء لاهل المحشر كما يضيء الكوكب الدري لاهل الدنيا. فيبكي الرجل ويقول: اللهم ان هذه درة غير موجودة في خزينة اي ملك من ملوك الدنيا فكيف صرت صاحبا ومالكا لها ؟
فيقول الله تعالى: يا عبدي انك مررت يوما من الايام بمجلس ذكر فيه مصيبة الحسين صلوات الله عليه فانكسر قلبك، وجرت دمعتك، فامرت الملائكة ان يحفظوها لك في أشد وأضنك الايام عليك
- ولا أشد ولا أضنك من يوم القيامة، يوم الحسرة والندامة -
عبدي بعنيها فإني مشتريها منك.
فيقول الرجل:
اللهم إنني لا اعرف قيمتها.

فيقول الله تعالى: يا عبدي، هل تقبل تقييم أنبيائي؟

فيقول الرجل: اللهم نعم.

فيقول الله تعالى:
تعال يا آدم قيم فإن خزائني مفتوحة.

فيبكي آدم عليه السلام ويقول: اللهم إن كان لهذه الدرة قيمة فقيمتها أن ينجو صاحبها من حر العرصات.

فيقول الله تعالى: يا آدم قد قيمت، ولكن القيمة قليلة، فالحسين عليه السلام عندنا أعز من ذلك.

ثم يقول الله تعالى:
تعال يا نوح قيم، فيبكي شيخ الأنبياء عليهم السلام ، ويقول: اللهم إن كان لهذه الدرة قيمة فقيمتها ان يروى صاحبها في يوم العطش الأكبر.

فيقول الله تعالى:
يا نوح قد قيمت، ولكن القيمة قليلة، فالحسين عليه السلام عندنا أعز من ذلك.

ثم يقول الله تعالى:
تعال يا إبراهيم قيم، فيبكي خليل الله ويقول: اللهم إن كان لهذه الدرة قيمة فقيمتها ان يعطى صاحبها كتابه بيمينه.

فيقول الله تعالى:
يا إبراهيم قد قيمت ولكن القيمة قليلة، فالحسين عليه السلام عندنا اعز من ذلك.
.
وهكذا ما من نبي إلا ويقيم فيقول الله تعالى له: الحسين عليه السلام عندنا اعز من ذلك.

حتى تصل النوبة الى رسول الله صلى الله عليه وآله،

فيقول الله تعالى له:
يا حبيبي قيم فإن خزائني مفتوحة.

فيبكي رسول الله صلى الله عليه وآله، ثم يقول:
اللهم إن تأذن لي فإني لا أقيم،

فيقول الله تعالى له:
ولم يا حبيبي؟
فيقول رسول الله صلى الله عليه وآله: يا رب، هذا الحسين موجود وهو صاحب هذه الدرة، وهو الذي يعرف قيمتها ويدرك ثمنها.

فيقول الله تعالى:
يا حسين، ويا صفوة الثقلين، انت صاحب الدرة فقيمها بما تحب.

فيبكي الحسين صلوات الله عليه، ويقول:
اللهم إن كان لهذه الدرة قيمة، فقيمتها ان لا يكون صاحبها غريبا كما كنت انا، وأن لا يصبح عطشانا كما عطشت أنا، وأن لا يحرم من اهله وعياله كما حرمت انا، وأن أخذه بيدي فأمره على الصراط، وأن أسقيه من حوض الكوثر بيدي، وأن أدخله الجنة بشفاعتي.

فيقول الله تعالى:
نعم ما قيمت يا حسين، وإني لأغفر لهذا الرجل سيئاته وأدخله الجنة بشفاعتك،
وليس له فقط وإنما لكل من يذرف دمعة واحدة على مصيبتك يا أبا عبد الله.

📓📓📓📓📓
المصدر: تحفة المجالس - ص 165

يابو الحسن مسمار لوخـنجر
ليش اعله بابك يذبح الــكوثر

شماريد اسألك ابچي وتـحسر
ودموع عيني تصيح ياحــــيدر
،،،،،،،،،،،،،،،،،،،
اباب بيتك يا امامـــي
يمه كون الگه الــورد

موش خنجر الگه شايل
ودافعه جف الحـــــقد

زحمه يم الزهره زحمه
من يمر طاري الحَصـد

صورت الكثر بعــدهي
ليش تنضم ابلـــــــحد

هل الأمنيه من الزغر عـنـدي
كون انه صطرت فاطمه بخدي

ياريت ضلعي الكون يتكســـر
ودموع عيني تصيح ياحيـــدر

،،،،،،،،،،،،،،،،،،،
دوم اسافر بالمشاعر
ووصل الباب الطـــهر

ولگه دخان المصـيبه
ولگه نيران وجـــمر

ولگه عالحايط بقــايه
دموم من ذاك الكـسر

ولگه دمعه تصيح يمه
گومي يابعد الــــعمر

يم محسن المذبوح ومــصوب
دمعات وجروح الگه من زينـب

قبل السؤال الشخصك اتعــذر
ودموع عيني تصـــــيح ياحيدر

،،،،،،،،،،،،،،،،،،،،
كون ادخل گلب فضه
شرط لوفضه رضــت

ارد اگله جروح شايل
بكثر ما شايل بــخت

شصار بهروشك اسأله
لمن مصيوبه هــــوت

ماكسرت ضلوع صدرك
فاطمه من انتــــــخت

متأكد الگه الچمه عالچـــمه
بنص گلب فضه وحيل متألمه

وجرح الزجيه الهلوكت يسـعر
ودموع عيني تصيح ياحــــيدر

،،،،،،،،،،،،،،،،،،،
الگاع ما كزبر جلــدها
ولا وكع نجم الســـمه

بيوم من كسروا ضلعها
وهوت تنزف فاطمـــه

دمها من جنت محمـــد
يختلف عن كل دمـــــه

بيهه وي كل قطره ايه
وبسمله بنص بســـــمله

معقوله ظلت شمس ماطاحت
من گابلت ويلادها وناحــــت

وخد فاطمه من الصطره صار احمر
ودموع عيني تصـــــــــيح ياحيدر

،،،،،،،،،،،،،،،،،،
اليل يعجبني بســواده
للنجم صاير حضــــــن

لبس غيم اعله الزجــــيه
من سمع فاطم تــــــون

يمطر دموع البچـــــــيها
شما تنوح شما تـــــــحن

اليل بيه ميزت موالـــي
مانزع ثوب الـــــــحزن

مرات احاچي اليل بدموعي
ياريت انه مكسره ضــلوعي

اولا فاطمه بلاسبب تتـمرمر
ودموع عيني تصـــيح ياحيدر

،،،،،،،،،،،،،،،،،،،،
وين سلمان ارد انشده
والله عذبني الدمــــــع

الزهره من لحگت بعلها
خل يگلي بيا وضـــــع

ايدها تحطها اعله خدها
لو تحطها اعله الظلـــع

انته هل موقف نـــضرته
من تسولفلي اقتنــــــع

لوعايف الزهره بدعاويــــها
چا علضلاله الدنيه تفنيــــها

منضر مهول اومئلم المنضـر
ودموع عيني تصيـــح ياحيدر

،،،،،،،،،،،،،،،،،،،،
لخادم الحسين محمد الفهداوي

محتار محتار
يالزهره وحياتچ والله محتار
للدار للدار
يم گبرچ اضلن ارد للـــــــــدار

منچ صوت اسمع ضل يبو حسين
مدري ارجع الزينب فزت الحيـن

محتار محتار
،،،،،،،،،،،
الزهره ياروحي وحياتــي
شوفتچ لذة صلاتــــــــي

سارح بعالم خيالـــي
فارگت شمعة دلالـي

اجيلچ جيت المكســــــور دلاله
اتوجه اعله جرحي وعيني همـاله
يم الخير والله الفرگه چتالــــــه
چن ديوان عمري وفاگد دلالــــه

بالروح بالروح
ضلت تستعر يافاطمه النار
للدار للدار
يم گبرچ اضلن ارد للــدار
،،،،،،،،،،،،،،،،
صافن بشفتي كلامـي
وفارگ عيوني منامي

والسهر عاشرني عشره
شما غفيت ايگلي زهـره

ماخليت راسي فوگ الوسـاده
ونتي بالگبر ياجدت الــــساده
حيدر صار ام اوابو لـــــولاده
ذكرچ ضل مدامع ياخذ مــراده

تذكار تذكار
كل رمشت جفن يلچمني تذكار
للدار للدار
يم گبرچ اضلن ارد للـــــدار
،،،،،،،،،،،،،،،،
تسجد بعيني الـــمدامع
شما على المسمار اباوع

احچي وياه بحـــــــــراره
منين اجتّك هل جســـاره

يگلي ياعلي كل ذنب مابــيه
هوه الضالم بحقده انتجه عليه
موسهله الزجيه اطيح مدميـه
لومصنوع مو مسمار ترچــيه

ياريت ياريت
ترچيه صرت ماصرت مسمار
للدار للدار
يم گبرچ اضلن ارد للــــــدار
،،،،،،،،،،،،،،،،،،
يحچي وي الباب حيدر
گله انه اقلعت خـــيبــــر

صرت قالع باب روحـــــي
ونته والد كل جروحـــي

يالتارك بگلبي جروح تتـــجاره
يالكاسر ضلع فاطمه ابمسماره
شمالك ماوگفت بشنّت الغــاره
المثلي مايحطك توگف ابـــداره

ياباب ياباب
تدري انته بولد بنت النبي زغار
للدار للدار
يم گبوچ اضلن ارد للـــــــدار
،،،،،،،،،،،،،،،،
حيدر بكل كلمه يبچي
ويه بيت الحزن يحچي

انته سامع كل حچيها
شچانت تگول ابچـيها

جانت بيك تحچي ويه باريــها
يابيت الضلع لو خدها ياذيــها
تجيب وياها زينب تنتجي عليها
لابد بيت حافض من نواعيـــها

يادار يادار
شيدتك بچفي للحزن دار
للدار للدار
يم گبرچ اضلن ارد للدار
،،،،،،،،،،،،،،
بالحد روحي ادفنتــــها
وبالمدامع ودعـــــــتها

شلون اعيش بلايه روحي
الچانت اتعالج جـــروحي

زهره وبت نبي والعافيه بچـفها
جروحي اطيب لمن اگعد بصفـها
ام بيتي وعزوتي بيش اوصفــها
بس الله ورسوله واني نعرفهــا

اسرار اسرار
ياسر الوجود بروچ اسرار
للدار للدار
يم گبرچ اضلن ارد للــدار
،،،،،،،،،،،،،،،،،

لخادم الزهراء ع
محمد الفهداوي

الچانت احجاب الله هوه حجابها
رادوا ايسون طف ابابهـــــــــــــــا

،،،،،،،،،
ناس اهل تاريخ مضلم
بالصحاح اخبارهــــــــم
لو اصب النيل كلــــــــه
مايغسل عارهـــــــــــــم
حاشه الله لاتگلــــــــــي
الدينه هوه اختارهـــــم
ريت حيدر ماموصــــــه
أيحصد حته ازغارهــم

المالهم قيمه اشتضن إيـهابهـــــــا
رادوا ايسون طف ابابهــــــــــــــــا
،،،،،،،،
امده الدنيه التخلـــــي
الموش گد افعالهــــــــا
الچان بالشرده يعجبك
سوّته رجالــــــــــــــــها
حبتـــره والجبت الأوّل
همه ذوله امثالهــــــــــا
عافت البچفوفه قالـــع
خيبره وخيالهـــــــــــــا

الدنيه شو يفتر عكس دولابهـــــا
رادوا ايسون طف ابابهـــــــــــــــا
،،،،،،،،
گصص ريحة هبل بيها
وغيره ماكو براسهــــم
مانجامل علحقيقـــــــه
خلها تسمع ناسهــــــــم
تاجروا تالي التجــــاره
جنو منها افلاسهـــــــم
واليالي الفاطميــــــــــه
والله تهدم ساسهـــــــم

بالمجالس ثوره ثوره امصابهــــــا
رادوا ايسون طف ابابهــــــــــــــــا
،،،،،،،
الدفع باب الزهره بيده
كون شلت ايـــــــــــــده
ياعذر باجر يقدمــــــــه
اهناك شنهي ايفيــــــــــده
انكرها كره الصنم كلنـه
فلانهم من نريـــــــــــده
دربه حيل بعيـد عنــــــه
والمسافه بعيـــــــــــــده

يتصل درب المحب بعتابهــــــــــا
رادوا ايسون طف ابابهـــــــــــــــا
،،،،،،
الترضه عنه الزهره يرضه
الله يهل الغيــــــــــــــــــره
والبخاري بهاي صــــــــرح
روح وقره السيـــــــــــــره
امن اجوا يعتذرون فاطـــم
ضل وجها اديـــــــــــــــــره
هاي دنيتكم تگلهـــــــــــــم
موطويله زغيــــــــــــــــره

مادروا حرگوا گلوب احبابهـــــــــا
رادوا ايسون طف ابابهــــــــــــــــا
،،،،،،
شَجرةَ الملعونه همــــــــه
الله لايطيهـــــــــــــــــــــم
بليس بحضان السقيفــــه
ولده ومربيهـــــــــــــــــــم
الثاني والأول خيانــــــــه
كل فجر يسگيهــــــــــــــم
نگل للتاريخ كافـــــــــــــي
لاتلمع بيهــــــــــــــــــــــــم

قلام مأجوره اشتروا لثيابهــا
رادوا ايسون طف ابابهـــــــــا
،،،،،،،
لخادم الزهراء ع
محمد الغهداوي

نجوم السـمه تنزف دمـــه
بمصيبتـــــچ يافاطــــــمه
حتى العـرش كسره عليــج
مثل الضلع شيجبــــــــــــــــــره
،،،،،،،،،،
احنه بمصاب ام الحسن منطينه
والباري علفطره شكثر منطينه
من حيدر الشيعي نشئ منطينه

شعيي الاصل بيه يتصــل
مايفتـــــرگ مهما حصــــل
اصعب درب بس ايصيـــح
يابو الحسن ويعـــــــــــــبــــــــره
،،،،،،،،،
فكرة عشگكم بالگلب هاضمها
ودرة فظلكم هل وكت هاضمها
بنت النبي ليش العـدو هاضمها

كل شيعتـچ بمصيبتــچ
تجري الدمع وي دمعتچ
يم الحســـن مذهوليـــــن
خدچ صدگ بيه سطـــــــــــــــــره
،،،،،،،
جروح الذي تنزف دمـــه محسنها
والخدمه الكم بس فخر محسنها
ويلي على الزهره وعلى محسنها

ندفنوا سوه نور وضوه
عليهم بچه حته الهـوه
ومثل الگبر صار الــدار
وحيدر تحير بمـــــــــــــــــــــــره
،،،،،،،
بيت الرساله اشچم ملــــك خادمهم
حسين وحسن وسفه نسطر خاد امهم
يادم مثل دم النبـــــــــي خو دمهم

وسفه الورد يغفه بلـــحد
والينذبــــح لا مايــــــــرد
اليحضر عزه ويبچي عليچ
بگبره البتول اتحضـــــــــــــــــــــره
،،،،،،،،،
صدرك يشعي بالطــم وسمته
وشد حبلك وياهم قوي وسمته
يالعاملت عن هل عشگ وسمته

اكبر ثمــــن بهذا الزمــن
حب فاطــمه ام الحســـن
يسوه الذهب يسوه. اموال
بس الله يعرف قـــــــــــــــــــدره
،،،،،،،،،
باجر نلوذ بسد علــــي والينــه
وماغيره من هاي البشر والينـــه
رغم الزمان بقســــوته والينـــه

حيدر علـي هوه الولي
حبه يضل ماينجلـــي
وبهل عشـك مجنونــين
عابس نطب للحضــــــــــــــــره
،،،،،،،،،
كل ايه لجلچ فاطمــه مالومه
واليجري دمعاته دمـه مالومـه
دمعي الج من ينثــر مالومــه

وسفه ذبل عالمغتســـل
اطهر غصن غصن الامــل
كلمن بچه بهذا اليـــــوم
الزهره تعضم اجـــــــــــــــــــره
،،،،،،،،،
هنياله وصدگ مبخوت هذا اليحضر مصابچ
ومثل مايلتم الفراش هيچ التمت احبابچ
تره مرايه الشمس والنور يصطع كله من بابچ
ويم بابچ احنه التمينه
،،،،،،،
الروايات الثلاثه عليچ كون تصيرلچ عشره
وعشگنه ايزود كل مازاد ذكرچ فاطمه الزهره
نحبچ حب نقي وشفاف حب معرفه وحب فطره
وقبل الذر حبچ مولاتي
،،،،،،،،،


لخادم الزهراء ع
محمد الفهداوي

مات مات حته الضوه بعني
مات مات وي زهرة اسنيني
عيني شيعتهــا
للگبر خذتهـــــا
،،،،،
غسلتها وچفنتها
اليله چفنت العمر وي الزچيه

راسي شيّب ضهري حدب
چني شايل للگبر روحي بديه

ماتت الچانت هـوه شلون اجر انفاســــي
وضلم بعيني الضوه وشاب بالهم راســـي
وياها لو ميت سـوه الشاركتني احساسي

اه اه انه الدفن روحــــه
اه اه ورد تنزف جروحه
بيدي غسلتها
للگبر خذتهــا
،،،،،،،،،،،،،،،،،،،،،،،،،،،،
وحشه داري وتبقه ناري
بنص چبتي وليله ما إبطل حنيني
راح ازرعه دمعه دمعه
بغيبتج درب الگبر من گد ونينــي

دموع ازرع بالـــدرب كل شبر ياحيلي
وحط خدي اعله الترب يمچ اسهر ليلي
فاطمه فراگج صعب شلون اخلصه احجيلي

باب باب بچفوفي سويته
باب باب بدموعي حاچيته
گتله صوبتـه
وللگبر خذتها
،،،،،،
الروحه ترحل عمره يذبل
وانه كسروا گلبي وي گسرة ضلعها
تشتگيلــــــي وضل دليلي
ينزف شماينزل اعله الخد دمعهـــا

وانه اغسل فاطمه چني اغسل روحـي
حتى نجمات السمه طفن من گد نوحـي
بگلبي وينزفن دمه عالحبيبه جروحــي

ناح ناح تابوتچ الحـــالي
ناح ناح غالي وفگد غالي
بحسره ودعتها
وللگبر خذتهـــا
،،،،،،،
امشي خطوه والله گـــــوه
عليّه ضل يبچي الدرب ويگلي وسفه
انت حيدر القلع خيبر
الضل اثر بالباب لمن شاله جفـــــــــه

اليوم وي طرت الفجر ودعت عافيـــتي
وإختنگ گمت العصر النفس هاجر ريتي
صار يشبه للگبــر بدون فاطم بيتــــــــي

حيل حيل ماضل بعد عنـدي
حيل حيل دمعي حرگ خدي
بحسره چفنتها
للگبر خذتـــــها
،،،،،،،
فارگتني العودتني
تصلي يمي وتلزم السبحه الحنينه
تبقه تدعي ويجري دمعي
جار جار تذكره من اهل المدينـــــه

ماتخلي انسان فاطم بالفرض تدعيلـــه
هسه ضل دلالي هايم جفني عاشر ليلـه
كلشي بيه اعليها صايم حيلي فارك حيله

شال شال طاري الفرح عني
شال شال الغالي وكثر ونـي
ابچي گابلتها
للگبر خذتها
،،،،،،،،

لخادم الحسيـن ع
محمد الفهداوي

اليدفن عمـــره ايعيش بحسره
وانه الــدافــن بيدي الزهــــره
مات ويالزهره الهوه
ليل ومفارگ ضــــوه
حالي حالي
،،،،،،،،،
ماتت النسمه الأشمها وكلشي بيه فارگاني
بروحي خنگت مغربيه عالزچيه يازمـــاني

شيعتها وشيعــــونـــــي
وعالگبر ميت لگونـــــي
جنازه يمهــا

ضلمه گلشي بعيني صاير
الما احيرن هسه حايــــــر
يا المهــا

جوه خدها گلبي عفتـــــه
واحمر من الصطره شفته
ضل يشمها

نار انفاســـــي وشيب راســـي
بموتت فاطم ماتت احساسي

كون دفنونه ســــوه
مات و يالزهره الهوه
حالي حالي
،،،،،،،،
رِحت جناز بحياتي للمگابر يالمصيبه
گبر فوگ الگاع امشي هسه صاير بالحبيبه

من گبرها الحد عتبتي
مغرگ الگاع بدمعتــــي
من ونيني
وداعت الزهره وعمرها
تارس الدنيه بكبرهـــــا
من حنيني
افرش عيوني الحلمهـــا
الزهرتي المتعود اشمــــــــه
شما تجيني

بطيف تمرنـي وتخبرنـــــي
وتمسح دمعي وتصبرنـــي

نار دلالي نچـــــــــوه
مات و يالزهره الهوه
حالي حالي
،،،،،،،
قالع الباب وجرحه قالع الحيــل عذباني
والصبح صار بفگدها يشبه اليل شيباني


الچنت اكحل عيني بيها
ماتحرك ليش اديـــــــــها
مو طبعها

غسلتها وغسلونـــــــــــــي
چفنتها وچفنونــــــــــــــــي
يم ضلعها

ميته بس يجري اعله خدها
شمابچوا يمها ولدهــــــــــــا
ايهل دمعها

شافوا دمـــها وناحوا يمها
حسين بلوعه ضل ايشمـها

شحال اليضمه بنينوه
مات و يالزهره الهـوه
حالي حالي
،،،،،،،
احچي وي سبحة صلاتچ من اصلي يالحنينه
الزهره چانت هيه روحي وهيه خلي
بهل مدينه

السبحه تبچي بين اديه
شما نعيت اعله الزچيـــه
تگلي كافي

خل اسولفلك قضيــــــه
من تسبح الزهره بيــــــه
وكلشي غافي

انه صح من طين وضعي
الجارها اسمعها تدعــــــي
بالعوافي

ادفني وياهـا شلون انساها
مشتاگه اشتم چف يمناهــــا

اه محسن من هــوه
مات و يالزهره الهوه
حالي حالي
،،،،،،،
دمعتي الكلش عزيزه رخصتهـا لهنه تسوه
شايل الجنه اعله چتفي من شلتها وامشي گوه

اليمشي بجنازة حبيبـــــه
ايشيب راسه امن المصيبه
وحته رمشه

بلا عمامه وامشي حاسر
ليلي يخلص بالمگابـــــــر
وكلشي وحشه

عليها ضل دلالي مدمــي
وفوگ گبر الزهره هدمي
گمت افرشه

الچانت عيدي وام اوليدي
خلتني ابچـي وافرك بيدي

چان شوفتهــــا دوه
مات ويالزهره الهوه
،،،،،،،
لخادم الحسين ع
محمد الفهداوي

من كثر ما اغفه فوگ گبور الحباب
ضلت الوادم تسميني أبو تـــــــراب
الحيل احبهم فارگوني
وعلمگابر عــــــــودوني
رايح وراد رايح وراد
،،،،،،،
من كثر ماروح ورجــــــع
دمع زارع بلــــــــــــدَرب
تسَلّم عليه المگابــــــــــــر
حته تعرفني من اطــــــب
دمعتي والنده الينــــــــزل
صحبه صارن موغـــــــرب
فوگ گبر الزهره اغفــــــــه
أمن احط خدي أعله الترب

اليعطش الشوفت حبيبه يگبر هواي
تنزل دموعه اعله گبره بنية الـــــماي
ابچي يمهم علمــــــوني
وعلمگابر عـــــــــــودوني
رايح وراد رايح وراد
،،،،،،
وينه وينه الحيل احبهم
وسدتهم بلگبـــــــــــــــــر
الگلبه محروگ اعله ناسه
دمعته تچوي الجمـــــــــر
كلشي صار بعيني ضلمــه
واحسب نجوم الضهــــــر
عله ابني والزهره وبــوها
خطوه من امشي انهطـــر

قالع الباب وفگدهم قالع الحـيل
بين الگبور ودمعتي ايخلص اليل
ما انامن سهروني
وعلمگابر عودوني
رايح وراد رايح وراد
،،،،،،
ولدي يبچون اعله حالي
من ارج من المگبــــــــره
ادخـــــــــل بلا روح داري
بس معاني الحيـــــــــدره
تراب بهدومي ولحيـــــتي
الناس تهوه الاخــــــــــــره
وكتي كض بچفوفه گلبي
وضل يذبحه بخنجــــــره

هدل من كثر الجنايز چتفي يانــــــاس
شابت ارموشي ولحيتي وشيب الراس
الحيل اعزهم شيبوني
وعلمگابر عــــــــودوني
رايح وراد رايح وراد
،،،،،،،
اليختنگ يحچي الحبيبه
وانه محبوبي بلحـــــــــد
بلا نفس للزهره امشـــــي
يمها اتنفــــــــــــــــس ورد
فاطمه النسمه الأ اشـــمها
الچانت احله من الــــــورد
تفارگينه وروحي ضــــلت
تصتلي بنار البُعـــــــــــــــد

بعد ياهو ايسد مچانچ يم الحسين
حته ضل البيت ينشد فاطمه ويــن

شيعتها وشيعوني
وعلمگابر عـودوني
رايح وراد رايح وراد
،،،،،،،
توازه وي الحيل احبها
ومني فردها الزمـــــــن
ثمنطعش عام الزچيـــه
وينها اوين الچــــــــــفن
گتله لاتكسر گلبهــــــــم
زغار الحسين وحســـــن
لاتيتمهم دخيـــــــــــــلك
لاتعيشهم محـــــــــــــــن

اترك الزهره واخذني گتله يامـــوت
ايصير داري بلايه زهره جنه تابوت
اعزاز گلبي موتوني
وعلمگابر عـــودوني
رايح وراد رايح وراد
،،،،،،،،
لخادم الحسين ع
محمد الفهداوي

اذا ضهر باچر المهدي يسوي محكــمـه
اذا ضهر يبني بچفوفه ضريح الفاطمه
المهدي يطلــب ثار
بگلبـــــــه باب ونار
وبيده ذوالفقـــــــار
اذا ضهر اذا ضهر
،،،،،
بان الفجر هان الهجر

غادي يم گبرالزچيه المهدي يعقد مجلسه
للضلع يفتح مدارس مدرسه بصف مدرسه
والهوه انحس بيه محنه يمه من نتنفسه
وقارب گلوب المجالس يم ابو صالح رسه

نلگاه يندب يافاطـمـه
نلگاه بيمنته صارمـــــه
نلگاه ناصبله محكمـــه

الف هلا باجر المهدي يناد الشيعتـــــــــه
الف هلا بكل حسيني باچي دمعه العمته

الهچمت اعله الدار
المهدي يطلـــب ثار
بگلبـــــــه باب ونار
اذا ضهر اذا ضهر
،،،،،،،
ثار وغضب نار بحطب

اترف امن الورده طبعه بس قهر گلبه متله
والكسر ضلع الزچيه عنده وياه مشگلــــــه
ايطلعهَ من گبره ويحكمه وتبدتدي أول مرحله
ويلزم الثاني ويصلبه من بعد مايسأله

ونشوف صالبه علـــجذع
ونشوف محكمه والشرع
ونشوف ماتضل البــِــدع

فدك ترد امن الاخذها وترجع المحسن ارث
فدك ترد وبيها قنبر يزرع وبيده أيحــــرث

وحنه يمه انصــــار
المهدي يطلـــب ثار
بگلبـــــــه باب ونار
اذا ضهر اذا ضهر
،،،،،،،
لاح الضوه صاح الهوه
انه بمر المهدي امشي وانه نسمه بيمنته
لو نخاني اعصار اهدن وفني كل العادته
وانه اتبرك وشمّن من احرك رايتـــــــــه
انفاسه أحملهن وطشهن رحمه فوگ الحبته

انفاس تنزل ويالنـــده
انفاس ماتضل بالعـــده
انفاس العاشگ ايردده

شني الزمن انت صاحبنه شني تصاحب زمن
شني الزمن فدوه الك يندار ياشبل الحسن

فدوه الك ينــــــدار
المهدي يطلـــب ثار
بگلبـــــــه باب ونار
اذا ضهر اذا ضهر
،،،،،،
سيف وعزم حيف الزلـم

للصلح يبني سفاره وللسلم چفه يمــــــــد
بكل شبر يزع امامك لوسنابل لــــــــو ورد
والسقيفه ايرد خُبثها وترجع اتئسس حقد
ويلزم السيف بيمينه وبيهم أيضل أيحصد

بلروس يعرف شضامـــره
بلروس سيفه يبدي السره
بلروس يبني الف گنطـره

غدن يرد المهدي وترد الشمس متبسمه
غدن يرد وتبتدي الرجعه ويرد حامي الحمه
بصفه حامي الجـار
المهدي يطلـــب ثار
بگلبـــــــه باب ونار
اذا ضهر اذا ضهر
،،،،،،
طال الصدى حال العدى

يابو صالح ماكو غيره عدهم ولامستحــه
حفله عدهم بالملاهي واحنه عدنه فاتحه
الراضي عن هاي الجريمه لايضن انسامحه
وبتدت حرب المشاعر عالشعائر واضحه

وبليس يا امام العصــر
وبليس عالوضع مبتشر
وبليس ربعه ماتنحــزر

نضل خدم بالمجالس سيدي ومانفتــرگ
نضل خدم والسواد انلبسه علزهره بعشك

يبقه عدنه اصــــار
المهدي يطلـــب ثار
بگلبـــــــه باب ونار
اذا ضهر اذا ضهر
،،،،،،

لخادم حسين ع
محمد الفهداوي
نسألكم الدعـــاء

عن اليتم تحچيلــي
شماسولفت تبچلــي
وبالمحسن تشد حيلي
امي بدمع جــــــــاري
،،،،،،،،
يحسين اذا تشتاگ الي
بزينب تشوف رسومـي
گالتلي يمه شما تفــــــز
اركض وشم هدومـــــي
ذكرى العلي من فاطـمه
عالباب تلگ دمومــــــي
يوليدي يوجعني الضلع
وگربت منيتي ويومــي

بالگوه يطلع صوتي
خل استراح بموتي
واتمدد بتابوتــــــــي
ذابحني مسمــساري
،،،،،،،
مُر اليتم ماينحمــــــــــل
ومرورته شيجرعهـــــــــــا
چانت تسولفلي بحـــــــزن
گاعد چنت واسمعهـــــــــا
يايمه شنهي اليوّجعـــــــچ
چان اليتم يوجعهـــــــــــــا
انه الحسين وگمت احــس
امي الفگد لوعهــــــــــــــــا

ألمن زغره فارگ امــــه
ومايلگه حضن ايضمــه
كلشي اليشوفه ايهضمه
وماتنطفــــــــــــــي ناري
،،،،،،،
انه الحسين وميــــــــزت
امي نوت عالغيبــــــــــــه
تسولفلي وكبر لوحچــت
كل چلمه احس ابشيبـــه
گلتها لو غبتي انكســـــــر
كسرة گفه بلا طيبـــــــــه
وي امه لو عاش الولـــــد
يشعر حياته بهيبـــــــــــه

وداعت حنان عيونـچ
شنهي الحيات بدونچ
ايدفنوني ويدفنونـچ
ضلعچ يضــــــل ثاري
،،،،،،،،،،،
ياچلمة اليمة وعلــــي
مثل العذب محلاهـــا
وشزينه ياناس العمــر
من ينگضي وياهـــــــا
شوفتها الذ من النفس
وطيب بعد ملگاهــــــا
مثل المنيه وبل اشـــد
امي وعلي فرگاهـــــــا

گلتلها يمه الـــــــفرگه
ابنچ دليله تحـــــــرگه
وضلت الزهره مدنگــه
وتتلاهب اكتـــــــــاري
،،،،،،،،،
بزينب عزيزتها شكثـــر
وصتني وتوصينــــــــي
وگلتها يمه وداعتــــــچ
زينب احطها بعينــــــي
يم امي كلها اطشــــرت
مثل الدموع اسنينــــي
يايمه يذبحني اليتــــم
گبل الشمر تدريــــــــني

يمه الوداع اشصعبه
مصلايتچ والتربــــه
احچلهن عالغربـــــــه
كلما اطــــــــب داري
،،،،،،،

لخادم الحسين ع
محمد الفهداوي

ماخذ للگبر روحــــــي
وتنزف ضلت جروحي
رحت بفاطمه جناز بس مكسور ضهري
وبدلالي نار الباب تسعر وسط صدري
،،،،،،
الماتت روحه هم يموت
وتكلف جرّت انفاســــــه
وتنزل دمعته من العيـــن
تشرح لوعة احساســــــــه
الفاگدله عزيز ايصيـــــــــر
ابيض كل شعر راســـــــــه
انه الفاگد اعز انســــــــــان
وانه الفارگ ملح ناســــــــه

اضلم كلشي بعيوني
شايل روحي بمتوني
ميت گمت ارد للبيت صار البيت گبري
،،،،،،
شما جر الهوه بلايـــاج
ريتي تگلي ماريــــــده
ام العافيه ام حسيــــن
وسفه صارت بعيـــــده
المثلي مايطب للـــــدار
المثلي يسكن البيـــــده
حيدر من بعد عينـــــاج
يبجي ويفرك ابأيــــــذه

فراگج ذبل ارسومـي
عليه گبرت اهدومي
انه البل صبر معروف هسه انباگ صبري
،،،،،،
احچي بدمعتي وي الباب
ويبچي وتنزل دموعــــــه
البيك ايلوذ من الگـــــــوم
ليش تهشم ضلوعــــــــــــه
ليش وي السقيفه تصيــــر
وتدري الزهره مفجوعـــــه
المثلك ساعه ما اخليـــــــه
واضح صار موضوعــــــــه

لاذت بيك مجــبوره
ليش تموت معصوره
ونته بحال ام حسين كلش زين تدري
،،،،،،
شما شوف الحسن وحسين
اشهگ وجذب الحســــــــره
وبني حسين بعده زغيـــــر
بس فراگج مكبــــــــــــــــره
وكسر ابني الحسن هيهــات
بس حضنچ تره ايجبـــــــره
وزينب من يحل اغــــــروب
تمد سجادة الزهــــــــــــــره

زينب بيش اصبرهــا
ضل مكسور خاطرها
چفن ماغمض العيناي من حسبات دهري
،،،،،،،
دفنتچ بس احس وياج
دافن بالگبر حيلـــــــــي
من يعصر دليلي الشوگ
اجي وجرحچ يتچيلـي
كل نگلة جدم ويـــــــاي
عنچ يبقه يحچيلـــــــي
يالچنتي شمس بالبيت
خيم بي حزن ليلـــــــي

صرت اليل اخلصنه
باللاهات والـــــــونه
ياكشخة علي لاطال عگبچ كون عمري
،،،،،،،،
لخادم الحسين ع
محمد الفهداوي

ماادري ايدي اعله الظلع خليتها
مكسور شفته ودنگت حبيتـــها

حسبالي موتها الدمـــع
ما ادري مكسور الظلـــع
عذريني عذريني

،،،،،،،،
ياحياتي
سنيني ذبلت من رحلتي ياحياتـي

ياحياتي
ودعت وياچ عمري وذكرياتـــــــــي


عمامتي طاحت مثل طيحت عباتي
عليچ حيلي نهد يتسبيحة صـــــلاتي

عالمغتسل فتحت الي ذرعانـــــها
رغم المنيه وشفت يحچي لسانها

وتگلي بالك تنفــــجع
ما ادري مكسور الظلع
عذريني عذريني
،،،،،،،،
يالحبيبه
خاف أذيتچ عمت عيني يزهـره

يالحبيبه
ضلعچ ازرگ صاير وألّمني كسره


الدنيه خنگه بدونچ وحسرتها حسره
شنهي نفع المحبس اومافوگه شـذره

محبس رسول الله وچنت بيمينـــه
واحنه اعله حب المصطفى تلاگينـه

لوادري اصـيــرچ درع
ما ادري مكسورة ضلع
عذريني عذريني
،،،،،،،،،
اه يزهره
چَفـنيّـتـچ بالكساء البيه عطرنــــه

اه يزهره
انه وولادي حظن دافي خســــرنه

كون باب الدار من بعدچ عصــــرنه
قررّينه اعله الكبر يخلص عمرنـــــه

تذبحني زينب من اصد لدموعـــها
تلطم عليچ بحرگه فوگ ضلوعـــها

متفاجئ اومامقتنــع
مادري مكسور الظلع
عذريني عذريني
،،،،،،،،،
ما اصدگ
نتهت عشرتنه الحنينـه الماكو منها

ما اصدگ
زهرتي ماتت ولا اگدر اشمـــــــــــها

اثر عالحايط بقه مخليتلي دمــــــــها
زينب اتظل فاكده وبلايه امـــــــــــها

كلساع اصيح ودمعتي همالـــــه
الله يعين الدفن ام اعيالـــــــــــه

حگه الگلب من ينصـدع
ما ادري مكسور الظلـــع
عذريني عذريني
،،،،،،،،،
ياحسرتي
گطّعّت گلبي وخذت حيلي وسبتني

ياحسرتي
الدنيه كاس افراگ فاطم جرعتنــي

چنها مثل الرمح وبچبدي رمتــــــني
الفاجعه بين النواضر صوبتنــــــــــي

من احچي تفتح فاطمه عيناهــــا
وتسمعني كلما اون وحچي ويهـا

عمرچ مثل عمر الشمع
ماادري مكسور الضـلع
عذريني عذريني
،،،،،،،،،،
يالمنيه
الزهره للعشرين ماواصل عمرها

يالمنيه
ليش طاوعتي الرجس لمن عصرها

شگد حرام الزهره لو واحد كــسرها
تضل تنزف مودمه تنزف عطرهــــــا

يمي انتي بس روحي الچ مشتاگه
گالتلي بالجنه علي نتلاگــــــــــــــه

ياكوثر واطيب نبــــع
ماادري مكسور الضلع
عذريني عذريني
،،،،،،،،،

لخادم الزهراء ع
محمد الفهداوي

زينب حلم شافـــت
ومنه شكثر خــافت
راحت لبوها

من گد بواچيهـــــــا
الكل فزت اعليــــــها
تنحب لگوها

تگلهم وره البـــــاب
ضلع امي ينصــــاب
راحت لبوها
،،،،،،،
الحلم جَـرّح جفنها
وفتح صفحة حزنها
زغيره وامها چنهـــا زينب

بدت قصة دمعهــــا
مَنَ الزهرهَ وضلـــها
وگعد حيدر سمعهــا زينب

تگلهم باچر بابنه يدفــعونه
شفت بعيني لمن ايحرگونــه
وضلع الـزهره تلوذ ويگسورنه
ويلي ويلي
گوه الهوه تشمــــــــــه
وحيدر نشف دمــــــــه
خاف اعله بنته

اسم الله علي يگلها
والصدره يحملـــــها
وسالت دمعته

تسولف لبو تــراب
ضلع امي ينصاب
راحت لبوها
،،،،،،،
تَگلهم باچر امـــــي
تموّت ويبدي همي
يبس بعروگي دمي بويــــه

شفت كسرة ضلعها
ويهل عالخد دمعــها
تموت امي بوجعـيها بويـــه

تگلهم امـــــي الباب مايحمـيهـــا
لمن توگــــــــع ايطيح شفته عليا
اليذبح محسن برجله يركل بيهــا
وسفه وسفه

امي ارد اشمنهــــــــا
وشبع نضر منهــــــــا
واشتم عطرهـــــــــــا

متخوصر بعينــــــي
جرح امي ياذينــــي
وينزف كسرهــــــــــا

واتوضح الاسبــــاب
ضلع امي ينصــــاب
راحت لبوها
،،،،،،،
الحلم نار وجواني
ندهني وفززانــــي
الدمع غرگ مچاني يمــه

رگضت الها وبستها
وهي تصلي شفتها
بدمع عيني گلتــها يمــه

مامعقولــــــه امچانچ ايضل خالي
وانه اتيتـــــم ماخطر يم بالــــــي
يَم عافيتــــي فدوه رحمي بحالـي
فدوه فدوه
يمه البُعد صعبــه
يموت الفگد گلبـه
فراگج مصيبــــه

ألبت بدون امــها
كل چلمه تهضمها
وتضل غريبــــــه

اليله الگلــب ذاب
ضلع امي ينصاب
راحت لبوها
،،،،،،،
الحلم گض روحي بيده
وهبت گلبي اوريـــــــده
وشفت امي الوحيــــــده تنزف

على الحايط دماهــــــــــا
وشفت مدري اشچـــواها
وشفت محسن وراها تنزف

يمه وليـــدي تگله فگلي عيونك
وردة امـــــك ليش باگوا لونـــــك
ذنبك شنهي خاطر اذبحونـــــــك
يبني يبني

اه ياحلم عــــــمري
يبني انكسر ضهري
كاروكك بگبـــــــري
بي انته تغفه

يابويه حاچيـــني
هالرؤيه تاذيني
نار بوسط عينــي
مالحضه تطفـــــه

ومدمعها سچـــاب
ضلع امي ينصــاب
راحت لبوها
،،،،،،،
الحلم شيَّبلي راسي
ويفت ضهر الرواسي
بحزن راواني ناسـي صرعه

اضل باچر يتيمـــــه
اخذني الديره هيمـه
اخوتي بلايه خيمــه صرعه

يمه الزهــــــره حسينچ مسلبينه
وداست صدره الخيل والي سكينه
ابنچ ضامــــي بكربله معطشينــــه

وينچ وينچ

شابع طعن شفته
ويحرگ ابشفتـــه
وجروحه ماخذته
بچاني حاله

شما اگومه هم يوگع
وبلا اخو ارجـــــــــع
واعله الهزل نطلـــــع
انه وعياله

ويحديني سلاب
ضلع امي ينصاب
راحت لبوها
،،،،،،،،
لخادم الحسيـن ع
محمد الفهداوي

تفارگنه وذبل بعيونه الشــــوگ
ورجعت البيتنه بلاياچ مخنوگ

شگلهم من ينشدونـــــي
الحسن وحسين لاگوني
يروحي يروحي
،،،،،،
اشثگل خطوات الوداع
احس كل خطوه موتي
بكثر ماباچي رديــــــت
ولاينسمع صوتـــــــــــي
جرح اترك على الگـــاع
شما انگل خطوتـــــــــي
برچي مرورة افـــــــراك
على ام بيتي وسلوتـــي

الهلا وچلمة يبعد عيوني تعبان
رحت بيهن يناس اليله دفـــــان

على الزهره شبقه بلوني
الحسن وحسين لاگونـي
يروحي يروحي
،،،،،،
المهم رديت للبيــــــت
ودخلته ودمعي يجري
واحس البيـــــت والله
صاير چنّه گبـــــــــــري
صحت بدموعي ياباب
نارك جوه صـــــــــدري
يكاسر ضلع الأحسـاس
وكسرتْ اليله عمـــــري

امد سجادتچ من اسمع اذان
وانه القران دافن بيدي قـران

بمدامعهم تعنــــــــــوني
الحسن وحسين لاگوني
يروحي يروحي
،،،،،،،
سوالف عيني الدموع
وكل دمعه روايـــــــــه
نهر وبلايه زهـــــــــراء
يبس من عنده مايــــه
الجرح ياخذني ويـــاه
وگمت امشي اعله رايه
مشت بيه المعـــــــانات
بدرب مابيه نهايــــــــه

ولامثلي بشر بالدنيه منكــــــــــــوب
على الزهراء بصدري عصرت غروب

بديّه دافن عيــــــــــوني
الحسن وحسين لاگوني
يروحي يروحي
،،،،،،،
رجعت وصفنتي وياي
البشر ماسمعه يمــــــي
يلوگ ابفگدج الشيــب
يگلبي وحته دمـــــــي
سمه ومحمله غيــــوم
هچ اعليچ همـــــــــــي
انه العكازته السيـــــف
واجرن گوه جدمـــــي

انه الذبحوا حياته ومارفع سيـف
ونه التاكل بگلبه حرورة الحيـــف

گمت ماشوف دلـــــوني
الحسن وحسين لاگوني
يروحي يروحي
،،،،،،
انه الذابحني الـــفراگ
وانه الدافن حبيبـــــــه
انه الرديت مكســــــور
من عظم المصيبــــــــه
نديمة روحي ياحيـــف
مشت عني عجيبـــــــه
دنيه بلا ام حسيــــــــن
احس كلها غريبــــــــــه

الدفن بيده الهوه ويشيع الإنـفاس
تضل تنزل دمعته ويبچي بحساس

بس مكسور شافونـــــي
الحسن وحسين لاگوني
يروحي يروحي
،،،،،
لخادم الحسين ع
محمد الفهداوي

نية عمـــل چان الأمل تتقبله الزهـره
بأول سمه يافاطــمه شفت العشگ فطره
من فتشوا شافوا دمع
سايل على كسر الظلع
بأول سمه بأول سمه
،،،،،،،،،،
عمل لمن صعد بضلوعه مســـمار
وگلب بي حِرگه تشبه حَرگة الدار
لگوا عصرة گلب چن عصرة الباب
ولگوا صرخة عزاء إتفزز الـــــــنـار

بأول سمه عدهم صفــــه
مايعبر عليهم شــــــــــــي
سجدوا شكر يا فاطمـــــة
لدمعات عيني ورمشــــــي

لمن عــــــبر گلبي بتشر شكراً يمولاتي صح معضله كل مرحله عبرتها دمعاتي
وسط العمل دمعي يشع
من فتشوا شافوا دمـــع
بأول سمه بأول سمه
،،،،،،،،،،
بسماء الثانيه موكب مُعزيــــــــن
يِعَبروّن العمل بسم ام الحســــين
العمل لمن صعد بدموع الأحساس
من عايش مصيبة فاطمه سنيـــن

بثاني سمه صاحوا هلا
استقبال شيخ الضيــفه
وگفوا سماطين وعـــبر
للثالثه بكل حيفـــــــــــه

فات الــــــرزق مثل البرق وتوادع وياهم
حسره وحچي نوح وبچي لمن تعداهــــم

بقوة علي ضل يرتفـع
من فتشوا شافوا دمع
بأول سمه بأول سمه
،،،،،،،
عمل لمن عَرج لهل السمـــــــاوات
بسماء الثالثه شاف المواســــــــات
لگه اسرافيل موكب عنده ويـنوح
وچان الموكب اسمه اتلث روايـات

شاف بسماء الثالثـه
اسرافيل هوه اليقـره
ودموعه تنزل بالنعي
لوجاب طاري الزهره

حتى العمل دمعه نزل وستمعوا النوحه
گام أوگــع لمن سـمع إلزهره مذبوحـه

لطمة صدر بي تنسمع
من فتشوا شافوا دمع
بأول سمه بأول سمه
،،،،،،،
بسماء الرابعه شم ريحة امصاب
ومواكب تلطم وگلب العمــل ذاب
دخل بيناتهم ويصيح ويــــــــــلاه
على الماتت شهيدة بعصرة البــاب

اهلاً وسهلاً ياعمـــــــــل
من خلصوا گالولـــــــــــه
جنحين محطوطه بطبق
اهل السماء انطولـــــــــه

للخامسه من مجلســه طار وتعناهـــــم
وشاف العزه بلامعجزه يازهره ناداهــم

گلب العمل ضل منصدع
من فتشوا شافوا دمـــع
بأول سمه بأول سمه
،،،،،،،
بسماء الخامسه شاف العلي دموع
وميكائيل يصفگ جنحه ويلـــــوع
بچه يمّه وصعد للسادسه وشـــــاف
جبرائيل يشعل بالسمه اشمــــــــوع

نار الشمع ترسم لهـــــب
حارگ چفوف البضـــــــه
والعمل صگ وجها وبچه
ضل يلطم ويضل ينعـــه

للسابعه بجنحه سعه ونخطفت الوانه
ضل مندهش شاف العرش وتدنه بحزانه

حروف الشعر ماتتســــع
من فتشوا شافوا دمــــع
بأول سمه بأول سمه
،،،،،،،

لخادم الحسين ع
محمد الفهداوي

مثل لحضة وداع الينطي چفين
تشابگنه ومتت بحضان الحسين
انه المحسن ذبل لونـي
گبل ماصير ذبحــــوني
هوه ما شام حرموني
يبويه يبويه
،،،،،،،،،
يبويه اعله الهوه احچيلي
تره محروم من شمــــــــــه
انه زغير والبسمــــــــــــــار
اكبر مني مو يمــــــــــــــــه
انه بلا ذنب مذبـــــــــــــوح
وضل سابح بقه بدمــــــــــه
انهَ الما لحگت اسمـــــــــــع
ابوه ايردد ابأسمـــــــــــــــه

نيتهم خناجر طبع الأرجاس
ونيتنه وفه منبعها عبــاس
كَسِر ضلع امي كسروني
هوه ماشام حرمــــــوني
،،،،،،
يبويه من طحت عالگـاع
طحت اعله الجمر تدري
فوگي وفوگ امي الـباب
طاح ورض الي صـــدري
المثلي بعالم الأرحـــــــام
يهنه ويغفه البعمــــــــــري
شنهي ويالعده سويـــــــت
هيچي انذبـح مــــــا ادري

يم العتبه طايح والعده هــواي
الثاني عليه داس شعنده وياي

متعمدين داسونــــــــــي
هوه ماشام حرمــــــوني
،،،،،،
شبگت امي وصحت ويلاه
وشفت الضلع يوجعهــــــــا
اول مره ابچي ادمـــــــــوع
اول مره اسمعهــــــــــــــــــا
محسن يمه وسفه تمــــــوت
تگلي ويجري مدمعــــــــــها
شما توصل على امي الــــنار
انه بچفي ارجعهــــــــــــــــــا

رغم ما بيتنه متروس دخان
اجاني حسين يركض وام الأحزان

عن النار بعدونــــــــــــي
هوه ماشام حرمــــــوني
،،،،،،
شبگني حسين ويگلـــــي
يمحسن يابعد عينــــــــي
عليك الخوه موش تموت
لاتمشي وتخلينــــــــــــــي
باچر بالطفوف اعـتــــــــاز
الك يبن امي تدرينـــــــــي
اريدنك مثل عــــــــــــباس
چفوف وعين تنطينــــــــي

الزهره نعصرت وفز محسن وصاح
باب البيت فوگي من الدفع طاح
اموتن حسره خلونـــــي
هوه ماشام حرمــــــوني
،،،،،،
بويه گماطي والكاروك
للعباس خليهـــــــــــــــا
امانه اتگله اخوك يگول
زينب عينك اعليهــــــــا
گله الكربله امـــــن تروح
خطوه وخطوه ماشيهــا
انطي العين والچفيـــــن
وزينب موش تنطيهـــــا

سلملي اعله اخوي الگمر عباس
گبلك مات محسن ذبحته الناس

ضوه ماشافن اعيونــــي
هوه ماشام حرمــــــوني
،،،،،،
لخادم الحسين ع
محمد الفهداوي

ها نايمه أمن الظلع لوتعبــــــــانه
ارسومچ يبعد ارسومي شو ذبـلانه
الچلمة هلا ومية هلا يابو حسيـــن
يومين ماسامعها منچ انــــــــــــــــه
،،،،،،،
يامن سبع فدوات الـــــچ
يندار بابي وبيتـــــــــــــي
يامن عمت عين الوجـــــع
ضيّگ خلگ عافيــــــــــتي
حاچيني يابعد الهــــــــوه
المتعودّهَ عليه ريتـــــــــي
عينچ رمش شابگ رمــش
امبينه شكثر عانيـــــــــتي

لا سامح الله والله لاســــواهـــــــا
الزهره من تموت اموت اوايهـــــــا
بس جسد ابقه والجسد فاگد روح
وحيدر علي يمشي بعلي دفانــــــه
،،،،،،،،
بلا عافيه ايموت البشر
يم الحسن يامــــــــعري
حتى الهلا المنـــــچ دوه
بيها انه احزم ضهـــــري
يامفصّلّه الحيدر حـــرز
زغيره انتي بس بكــبري
وجه وگفه صورة قـــدر
خيالچ طلوع الفجـــــري

حاچيني شنهي اليوجعچ ياروحـــــــي
امغمضه انتي بس فتّحت بيه جروحي
يالذة اسوالف علي داحي البـــــــــــــاب
وطعم الدعاء اليطلع من السانـــــــــــــه
،،،،،،،،
طاحت عيوني ويالدمع
بهل حاله لمن شفتـــــچ
نومت مريضه وناحــــله
الهل سبب ماگعدتـــــــچ
افرك بديه من الحـــــزن
يم الحسن گابلتـــــــــــچ
اتمنه يندار الوجــــــــــع
چان وعلي بادلتــــــــــچ

عافيتي انطيها العزيزة بيـــــــــــتي
وماتنعز اعله الزهرة ابد عافــــــيتي
بروحي الحزن يافاطمه ضل ايصيح
وكل جرح فز وعاد بيه احزانــــــــــه
،،،،،،،
نوم العوافي يم حــــسن
بس انه احس نومة موت
يالعمرچ انتي اثمنطعـــش
ما لايگ اعليه تابــــــــــوت
لانفس بيچ ولانبـــــــــــض
ولا اذني سمعتلچ صـــــوت
ماخذني يالزهره القلـــــــق
بصدري النفس گوه ايفـوت

مخنوگ خنگه الله يعلم بيــــهــــــــا
ويضيگ نفسي ام حسن لو صد ليها
حاچيني چلمه خاطر اقنع ورتـــــاح
موميته أگول أم بيتي لا نحلانـــــــه
،،،،،،،
شوفت ارسومچ عافيــــــه
يمشاركتني بكلشـــــــــــــي
اسم الله اعله طولك ياعلي
تگولينها ويالله امشــــــــــي
عفتيني هسه وي الحــــــزن
والدمع غرّگ رمشــــــــــــــي
لوميته احضرلچ نعــــــــــش
والروحي احظّر نعشــــــــــي

ثنيناتنه انصير بگبر حاچــينــــي
تروحين عني وحاير تخلينـــــي
لوناويه تموتين اموت انه ويـــاچ
خاطر سوه جثمانچ ونعشي انـــه
،،،،،،
لخادم الزهراء ع
محمد الفهداوي

يرضا الله فاطم لرضاهــــــــــــــــــا
الله اسطفاها وسطفاهـــــــــــــــــــــا
،،،،،،،
مايعله حاجب عالعيــن
بت نبي وام معصومين
يالرايد انت اســـــتدلال
دونك حديث الثقليـــــن

عن كل رجس هيه بعيد
تنطي الحوائج بلأيــــــد
منها الكرم ماخذ صيــــت
چا غير هيّه ام حســـــين

الجابت كريم اهل البيــــت
ونعم منها شخليـــــــــــــت
والعدها بت مثل ام عـــون
عنها شنگول مقصــــــــرين

والباري سواها من الچنه فحواها
للهادي ربك قدماهـــــــــــــــــــــــــا
الله اسطفاهــــــا و سطفاهـــــــــــا
،،،،،،،
دورت وجها اعله انســان
معناها طب للنــــــــــيران
لمن اجوا يعتـــــــــــذرون
اعله فلان زعلت وفـــــلان

ماراضيه عليكــــــــــم دوم
وعليكم ادعي بكل يــــــوم
يرضه الله من ارضه عليـــه
ويغضب امن اجلي الرحمان

يابزرة الشياطيـــــــــــــــــــن
ضلعي انه سر التكـــــــــوين
شجرة الطوبى الزهـــــــــــراء
مثلّها بيّه القــــــــــــــــــــــرأن

كلمن جهل شاني ملعون شيطاني
من الجنه كوثر نزلاهــــــــــــــــــــا
الله اسطفاهــــا وسطفاهـــــــــــــا
،،،،،،،
الچانت يلقبوها احــجاب
ماتت عصر خلف البـــــاب
وسفه الوَتر هيچ تمـــــوت
ويصير غاطيها اتـــــــــراب

تارس علي اليوم الشيـــــب
والزهره مو مال تغــــــــــيب
الله يعينك مــــــــــــــــــولاي
وجه ام حسن عنك غـــــــاب

رديت منها شرديــــــــــــــــت
مثل الگبر صار البيــــــــــــــت
طبيتله وراد ايطـــــــــــــــــيح
فوگاك ياليث الغـــــــــــــــــــاب

حيدر دفن گلبه ورد يعثر بدربه
باللحد روحه وسداهـــــــــــــــــــا
الله اسطفاهــــا وسطفاهـــــــــــا
،،،،،،،
دعوة ضلعها المكســــــــــور
منها استغاث التنــــــــــــــور
ونار الله مو مثل الـــــــــــنار
منها البحر ضل مسجــــــــور

بنص الروايه التصريـــــــــح
منّه صقر تبقى تصــيــــــــــح
ربك خلق وادي وگـــــــــــــال
وادي الفلق لهل الجــــــــــــور

بتابوت بس ياتابــــــــــــــــوت
اضلم مثل بطن الحــــــــــــوت
للكسر ضلعچ مخلـــــــــــــــوق
وبرهوت من عنده تفــــــــــــور

رب العرش قاسم كلمن ضلم فاطم
نيراني حصته الزعلاهــــــــــــــــــــا
الله اسطفاهــــا وسطفاهـــــــــــــــا
،،،،،،،
ياكحل عين الكـــــــــــرار
ياكوثر بنص الــــــــــــدار
رَحتّچ چانت تــــــــــرتاح
بيها اذا چفـــــــــــــــچ دار

لمَن تطحنين اشعيــــــــــر
بس عافيه ولذه ايصيـــــر
بيد الحسين توديــــــــــــن
من خبزچ السابع جـــــــــار

بت النبي وامه تصيــــــــــر
مافسراها التفسيــــــــــــــــر
كل فضلچ بكفّـــه وهــــــــاي
بيها العقل ضل مـحتــــــــــار

حط الله سر بيها طلسم معانيـــها
من نور وجها كوّناهــــــــــــــــــــــــــا
الله اسطفاهــــا و سطفاهـــــــــــــــــا
،،،،،،،
للخادم
محمد الفهداوي

الماحرگت نبي ابراهيم حرگت باب للزهره
چابوا نار مدري منين من گد الحقد حــمره
حطب من شجرة الزقوم جابــــوه
على اهل الجنه باب الجنه حرگوه
،،،،،،
چي خد الزچيه بسطره مضــــروب
الشمس حمره تسلّـــم وكت الغروب
الم كسر الضلع جينات ينــــــــــــدار
من ضلع الزچيه الهاي الگــــــــــلوب

ربح هاي المجالس والها نسعـــــــــــه
يفوز الي برصيده ايضيف دمعـــــــــه
على الكسروا ضلعها الشيعي مفروض
يهشّـــم بالطم عالزهره ضلــــــــــــــعه

ذبحوا اية التطهير اهل الرجس ذبحـــوها
موضع سجدة اسرافيل عتبة علي داسوها

الأقدس من طوى بلاذمه داســـوه
على اهل الجنه باب الجنه حرگوه
،،،،،،،،
صلاة اليل ماتت وكت الغـــــــــروب
ودمع من الحسين ايشيب الگلـــــوب
بوجه چان اليدگ الباب عالجـــــــــار
هسه بوجهه كلها مسدده الــــــــــبوب

رماد وفوگه دم وسطره عالــخـــــــــــد
وحقد من السقيفه اعله الوصي اشـــتد
اجه وشاف الزجيه مغمضه العــــــــيون
ونفس مابيها ضل بضعة محـــــــمـــــــد

يمها من گعد مكسور حيدر يفرگ بچفه
حامي الجار بيته انداس ذبحوا روحه ياوسفه
علي بذبح الزچيه الگوم ذبحــــوه
على اهل الجنه باب الجنه حرگوه
،،،،،،،،
ابيض من حقدهم ضلمــة الـــــــــــيل
ومحبة دنيه عدهم تسبگ الخيــــــــــل
حرگوا باب چان عليه اثـــــــــــــــــــــار
منگد مايقبل بيه جبريـــــــــــــــــــــــــل

مشاعل نارهم اصل الجريـمـــــه
امتداد الكربله وماتبقه خيمــــــه
اجو يم ملتقى البحرين ويــــــلاه
وعصروا فاطمه الأيه العضيمـــــه

ماادري شحچوا للنار وقتنعت تجي وياهم
همه الضحكوا اعله بلس موش بليس غرّاهم
الك حصه بملكنه التفقوا انطـــــــوه
وعلى اهل الجنه باب الجنه حرگوه
،،،،،،،
يأجوج السقيفه بروسهم صـــــــــــــاح
اورگ شجرة محمد عالارض طــــــــاح
هبل من عصروا الزهراء يانــــــــــــــاس
ابتشر من شاف ربعه اشسوو ارتــــــــاح

احترگ بالنار باب اهل المحنه
الچان من الحوائچ فوگه حــنه
ربع بليس جابوا نار نمــــــــرود
وحرگوا باب وادم اهل جنــــــه

قصد الباب لمن طاح فوگ الزهره يسترها
الچان بخدها طه ايبوس هسه الثاني صاطرها
الهوه ايدور هوه بالدار خلـــــــــوه
على اهل الجنه باب الجنه حرگوه
،،،،،،،،

لخادم الحسين ع
محمد الفهداوي

يا روحي ياروحي موكت اغيــــــــاب
بجروحي بجروحي أَحچي ويالـــــباب
گلتله ام الحسن بچه وياي وحِـزن
،،،،،،،
يباب احچيلي مصرع ام الحسيــن
من عصرة ضلعها الدمعـــة العيـــن
بصدرها مو كسر شفت انه كسرين
محسن والضلع گلي اعله الثنـــــين

حاچيني حاچيني عن البسمـــــــــار
بچيني بچينـي خنگتني الـــــــــدار
قسه وياها الزمن بچه عليها الچفن
،،،،،،،
يمحروگ بحطب هم گلبي مــــحـــروگ
اعله سلوة روحي ذابح ناضري الشوگ
ادور اعله النفس هسانه مخنــــــــــــوگ
يبس دمعي وحزن يجري بالعــــــــــــرگ

عالزهره عالزهره يبچي الـقــــــــــرأن
ضل يقره ضل يقره ايات احــــــــــزان
منو المثلي امتحن بچه عليها الچفن
،،،،،،،
اعله فاطم كلشي بيه من الحزن مات
ونه الميت وشيع للگبر مــــــــــــــــــات
ادفنت روحي ورچعت وكلي حســرات
امن انوحن تبچي وياي الســــــــماوات

شيبني شيبني جرح ام احسين
عذبني عذبني بفرگاها البــــــين
تره عيوني انعمن بچه عليها الچفن
،،،،،،،
بكثر ما افرگ ايدي حمره الجفـــــــوف
ضوه عيوني رحل هسه انه ماشـــــوف
الخنار توجع اومو مثل السيــــــــــــوف
تگطّع بيه وصبر وانه مجتــــــــــــــــوف

يدروني يدروني ما ارفع سيــــــف
ذبحوني ذبحوني وانه انزف حيف
الصبر بيه صفن بچه عليها الچفن
،،،،،،،
انه الجدمي ثگل گوه امشي مجبور
ومثل ضلع الزچيه ضهري مكســــور
انه الخاويت لجل الزهره الگبـــــــور
وتعرفني من اطب وتگلي ماجــــــور

كل ليلي كل ليلي امشي بــــــلاروح
بلاحيلي بلاحيلي ارجع مذبـــــــــــرح
دمه اجروحي انزفن بچه عليها الچفن
،،،،،،،
لخادم الحسين ع
محمد الفهداوي