ياحسين منين ما اندار الكاك
شاملني برحمتك يا ابو الخير
اضيع وانتهي لو مانعمتك هاي
اذا مكسور جنحة يردم الطير
بس حبك دليل الكل المتيهين
شما حاولنه نخدم نشعر بتقصير
المايفهم ضواك ويمشي وي ممشاك
شما يكبر نشوفه كبالك انته زغير
بابك للمتيه مانسد فد يوم
ياوردي وصلاتي وفرضي والتكبير
صح جفي زغير وانته عالي الشان
تمدلي جفوف عطفك ياابو الي يحير
عايش بماعونكم من الزغر لليوم
وفضل زايد علي ممنون يامولاي
بكلهن واكف انته ومحد انته وياك
ويشربني العذب وبخيامة ماصح ماي
وتغطيني بحنانك وانته عريان
وكل الناس تمشي وبيك احس جاي
العاشك من صدك يومية ملجوم
يضل يعشك الهيمة ويكره فياي

🖤 خادم الحسين انور الهلباوي 🖤