الخادم علي قيس الوريد

ازغر اميره بالظعن
باكت محاجيهه المحن
واشتاكت اهواي كبل المنيه
__________________

ارقيه زغيره اعله التعب مو مالت اهموم
العاشت عله اجفوف العشك زعلانه لليوم
مهضومه من اليوم الوكف والدهه مهظوم
لا هم حجوو لا هم بجوو وتدريبه ميدوم


و اتوادعو بس بالنظر
وضلت تناطر بس خبر
يكللهه هل جاي ابن الزجيه...
____________

كلش زغيره أو ماكو هَم يرهم عليها
اوما لايگ اعليهه الحزن واجويت اديهه
جا شنهي طفله اوتنجوي ويطلع نعيهه
يا بابه صاحت من هوت فوك ال لبيهه

بيهه جمر من الخيم
لمن هوت لاكت الم
واحتارت ابهاي عمّت رقيه. .
_____________
ضمت محاجيهه لجن انباكت تراجي
ومالحكت تنزع أذان عن المحاجي
ويهظمهه جيش ابلا زلم شايل خواجي
وجابو على إعداد الظعن كومة عواجي

والمشكلة يردن عمد
ما بيهن يركضن بعد
ومن شحت الماي صاحو خطيه
________________

ماتعرف أتعيش ابضرب الورده موهيل!
الما عاثره أبين الاهل تترادم ابخيل
ماترهم العيشه ابحرب للفاكد الحيل
تاخذهه ضلت كربله واتردهه ياويل

وشتفيد ياويل الظهر
ظيم وشمس من كل كتر
والفارگت رأي ماهي جوييه
_________________

ازغيره اوحزن بيهه غفه مومالت ازغار
باكت شكو بيهه المحن أو ماباقي تذكار
او هيه المثلهه ما تطب رجليهه للنار
يامن عساهه ابكل بخت شامرهه بحجار

مو مالت احجار العشك
ومايرهم الحب يحترك
ويتعالج الداي مو بالردييه
__________

علي قيس الوريد

زَينبنه إنتي أم الهله تلگيتي كلشي بكربله
مهضومه بس كلج خدر وبس الله شافج بالفله
يازينب. .. يازينب
____________________________

يل منچ عرفنه الشيب يتبدّه اعل كل ملجوم
ومن نوحج عرفنه حسين ظهره هناك ما ملزوم
بچيتي اودمعج ايرتل سوالف جم طفل مهزوم
من الخيل من الناس من الباگوو المظموم

وضميتي دمعج بالنهار وماينحمل ادري اللصار
بس أنتي مو ياهو الاجه المثلچ أمن الله اختيار
____________________________

انتي اول رسالة ( ليش ) ضلت عايشه ابلاصوت
عشتي اعل لدمع والظيم يالطولچ فرض مبخوت
ما صللاچ بس عباس يل معلمه الستر للحوت
يطب ريتج هوه الرحمن وهوه المشموم لا ميفوت

شميتي انتي بس كمر وبعيونج ايعيل الدهر
وبسوالفج كاعد علي واذنچ ترتل بالخطر
________________________

شفتي أمن الجروح أشكال يصبرج عابر البرزخ
سكتّي بوکت وفرّة صوت طفل مايحجي ضل يصرخ
وشهگتي من نظرتي الباگ قميص احسين وملطخ
وسترتي النايم اوعريان وستر الله وي سترج طخ

سترج ستّر جسم الزين المتوسد اعله الجفين
ومحد كدر يوصل ليچ شافو علي يم حسين
_________________________

مشيتي اعل الهزل ثوره سفيرت الله للعميان !
وكتبلج الله فوك الغيم الما يبچيچ موش انسان
يل المدليه الدمع عل عين يالمخجله القرو قرآن
يل المصليه اعلضهر النوك ويعيل ابخلگج الحسبان

يامدرسة حب الأذان صليتي انتي أبكل مجان
اكبالج اخوج اومنذبح وحاجيتي الله أبكل حنان
__________________________

حزنتي وحزنج اشكبره وتحملتي الركاض اونوح
او جم مره اجاج الموت يرجع خايب ابلا روح
انعملله وعشتي ابچم يوم شيضل بيه الاخوه مطروح
وطن لله ابغربتج صار يسكنه الي يحب اجروح ..

ياديرة الفاكد أمام يالوعة الفاكد سلام
ياريحة احسين العزيز الشمهه بس راعي الخيام
__________

علي قيس الوريد

يواهس للخدم حزنك
اريدن كل جرح مننك
يملك اعضاي انه الشراي يحزنك بيش؟

الرادود سلام الكربلائي

#اللهم_عجل_لوليك_الفرج

يامحرم روحي بيامك تعيش 
اوباقي أيامي انتظارك 
يامحرم من تجيني يشبلي ريش 
وابدي اطيرن وي سمارك ..

=============================
خلصت عمري ابمحطات الشهور 
كاعد انطر جرحي وانشرلك شعور 
واعزف انه نغمتي بلطم الصدور 
عل المشو يم الله بس دم ونحور

واكعد واسولف انا اويه روحي
وادري السوالف تهيج جروحي 
وارجع ونشدك ليش انه احبك 
وانته لي جايب دمعتي ونوحي 

يامحرم ساهرتلك عيني ليش 
وانته مدري دكلي دوم
يامحرم روحي ماتقبل تهيد 
وعيني ترفض طاري نوم ....
===========================
لاتكلي شلون انطرك وانته خيل 
فلسفة حبي عجيبة ابلا دليل 
أينما مالهَ الجريحُ انه اميل
بيك تصبح كل دقيقة جنهه جيل

كل لحظه منك تاخذلي غالي 
ترخص دمعتي ترخص حلالي 
وارجع اندبك لا هله بجيتك
وارجع اعذرك شيعذره حالي 

يامحرم حالي ذا حبك يموت 
لتعذره لو عاش اوضحك
يامحرم ضيمي يمك ماله صوت 
بس غثه يبدي يفضحك....

=========================

ما أنتمي الوقتك هذاك المو رحيم
انه أريدك جه تدليني ابعظيم 
وبيك أمامي أنحنائه مستقيم ....
ولهذه السبب انه بيك اهيم 

والبس سوادي وانسه ضحكتي 
واعله المخيم تنزل دمعتي
وشرح عذابك ولوعة مصابك 
يابو المصايب ذابت شمعتي 

يامحرم ياخذني ليلك للذبح 
واعبر مسافات الدمع 
يامحرم لونك امغيرلي لون 
اوشمسك اتذوب الشمع....
===========================
انه عايش حته أموت أمن الهيام 
وحته اكولن باجر اطبر للإمام 
وافرش اعيوني واصلي اعله الخيام 
ماكو راحه وضعنك ابلايه سلام 

وانگل سنيني أوكل أمنياتي 
يمك احطهن وبيدك حياتي 
تايه دليلي وفارغ شليلي 
وسويني منك دمعي صفاتي 

يامحرم بيش اجازي المذبح 
العاري ضل اعله الترب 
يامحرم راسي ما يحمل رمح
عيشني هلبت وي غرب. .. =========================
من تجبل اعليه اعرفك مو عزيز 
بس سمارك من يمر كلبي يفز 
واسوالف ايامك تكيدني وتحز 
واكتب انه لوعتي اوليلك يجز 


واترك ذنوبي وابعد واطوفك 
واحضاني تصبح ضفة لجروفك 
وياريت اكولن بشهرك اموتن 
وتحسبني رايد ركزه لحروفك 

يامحرم عودتني انطر حزن 
وانطر الليل ابنهارك 
يا محرم مدري اشكرك مدري اون
يهدني ويكضني حَمارك
___________

علي قيس الوريد

هاي الزجيه ماتحب
بس الذي ضل ينتحب
عل عاري ذاك المنسحك
كون الكلب لجله يشب ============================

احنه انخلقنه مو عبث لازم نعرف الغاية
أنجان للأكل وشرب جاهاي موش اسوايه
حاشه الله يخلقله بشر خاطر يطشر مايه
جه فاطمه عدهه حزن رأيد يسوي اقرايه 

الينطي لله مايجف
الواحد ايرده ابألف
انطته قربان ابألف
خله البشر الهه تحف ===========================

الرايد الله من صدك او كلبه يدور الزينه
خل يمشي للمجلس يطب يلكه الله ماسح شينه
وحشم ابروحك بالعزه يسوه الاحسين اتعينه
ساعتهه ترضه فاطمه اويرضه العزيز اعلينه 

أو الله لو حبله بشر
ينطي عشك وابلا كدر
ويهيمه بحسين العذب
ماهمه لو صار ابسقر ==========================

لو رايد اتصب الدمع عل السلبو منه اهدوم
اطرد شكو بكلبك كعد وخلي العزيز المظلوم
أنَ الذين ال. لم يكُن في قلبهم اي اهموم
لم يعرفوا معنى العشك والزهره يمهه المضموم

اتسجل الكلبه انجرح
والضحك يمهه ماسرح
عيب اليكشر بالحزن
الفاتحة ايغثهه الفرح ========================

من تدخل ابمجلس عزه لازم تخمس اعيونك
والعين تتخمس تره ابدمعه وتغرك اجفونك
والعينه شراية بجي هنياله والله بعونك
يبجي اوي ذيج الماغفت وعل ناكه صاحت هونك

هونك يحادي بالمشي
خليني اودعهم بجي
مابيه اسولف عن بُعد
ومابيه حته انه انتجي ===========================

الدنيه لازم تستحي من الستر طيحتهه 
مو يمه تتماده بضحك وتنسه الحزن هيبتهه
الزهره نصبت فاتحه ودمعه ثمن طبتهه
الماله عرف وي البجي خل يسمع ابمحنتهه 

محنتهه ضلعين اوطفل
وهامه وحجي ماله سهل
وطف منترس دوس وهجر
ونوك وعبايه وجم حبل =========================

.
علي قيس الوريد

اگرب اگرب ياحزن
بيك و ابلاياك اون
ياشهر الحسين .......ماتغمض العين اگرب اگرب
===========================
جبت العمر كله بجي دمعه اعله دمعه
بس ابجي بسكوت واون ع الماهو ضلعه
وامسح دموعي ابصبعي ومكطوع اصبعه
أكرب يمن طولك شهر واحركني شمعه

شمعه تضوي للمشن
كلبي غثاه المزن
حزنك علي دين...... ما تغمض العين
=======================
فكرت اصيرن للضحك وأترك محنته
نزوه واجتني ومادريت الراحه سكته
هديته ما هدني الحزن رحت اوشبكته
صاحب طويله وصار اخو ويحجيلي علته

عللته ديرت زلم
مفلوله منهم الحزم
وهاضمهم البين ...... ماتغمض العين
========================
أكرب يحزن أم الحسن عل الباقي مسلوب
وحسسنه بالسوط المشه بضعونه مهيوب
ولوعة غريبه بلا أهل اوما تندل ادروب
أكرب يمن صاير وطن بوقات الغروب

أكرب ابهيئة الم
وأدخل بكلبي سهم
وراويني جفين. ...... ماتغمض العين
========================
يا حزن الحسين الصرت للدنيه قانون
الماحبك ابدن ماعرف المن هل الاعيون
والما دخلت ابكلبه ضل عايش ع الاضنون
وحبك جره بيه او عبر قانون الاجنون

أكرب أكرب ياهله
وراوينه لوعة كربله
حته اترك الوين ...... ما تغمض العين

==========================
صح انه ما عفت اللطم بس لطمي يهواك
محله اللطم لو ينفضح اويتلاكه وياك
وهلبت تصير امنيتي حت اترك انخاك
امنيتي اموت انه ابخيم وبشهرك اهناك

يم الخيام الماتظم
دمعة عزيز ومنهظم
وخلافه ميتين. ..... ماتغمض العين
=======================

علي قيس الوريد

أريد اوي الظعن امشي ولو خطوه 
اليحب احسين دون احسين مايسوه 
يبويه علتي سهله أخذني ودربك اندله 

==========================

يبويه عيوني نگصن شوف 
من يوم السمعت اختي تكلي اموادعج گرّب
او سنابل طولي مترهيات 
يهدني الريح من اوكف لذالك طولي هالحدّب 

يابويه طولي اشما وكف يتبده مني 
وتعبك غرف بيه اشكثر نساني سني 
كلبي يهومش من مشت ضحكاته عني 
ودكاته لطمن وانفتح باب اعل حزني 

يبويه ومن عرف كلبي ابسفر كلبك 
هندم روحه وأتمشه او لزم دربك 

ويكلك عشرتك احله أخذني ودربك اندله

=======================

يبويه امعارج اويه الروح 
لا اكدر الح اعليك او لا اكدر اكلك ضل
يبويه أمنيتي جانت عود 
تضل بحظنك اسنيني وسولفلك انه منزعل 

خليني اروحن يأ گلب ياكلشي انته 
عادي لون نص الدرب مشيني سكته
وارجع وكولن اي مشيت ما خله بته 
عذري نحيله واجربت دربي ومحنته 

اليشوفنك يبويه شافن الدمعه 
يعايفني بسفرتك هم اكو رجعه؟

إذا ماكو العمر شله أخذني وادربك اندله ==========================

يبويه احوالي صاحت ليش 
ليش الدمعه تصبح رأي للماله حظن بالبيت
ليش الي عشكته يروح 
ليش الي يريد احسين حجيه يسابك الياريت 

ياريت اروح اشكد كلت محد خذاني 
ياريت أسافر بالظعن جلمة لساني
جم ريت والليش انكضن وأنه ابمجاني 
ياريت اموتن ما متت هدني زماني 

الموته احسن لو صفت العيشه غربه
اليعوفه احسين تصبح دنيته صعبه

كلبك كلبي مامله أخذني ودربك اندله ==========================

يبويه أحلامي شبعن خوف 
من يوم الرحت لليوم وأنه اكره طواري النوم
وافكاري ترسم فيي عطش 
ويرسملي السهر جن موت يفتر عل الظعن ويحوم 

ويتراولي باجر ينذبح كل غالي عندك
ويتشلبه رأس اعل الرمح الله يبعدك
والله يبعد عني جلمت انه الفكدتك 
وأنه انتظر باجر يمر وادزلي ولدك

كعدتي بالمدينه اخلافك تجوي 
اموتن والأمل ترجعلي ضل يروي 

أمل روحي ترد سله أخذني ودربك اندله =========================


علي قيس الوريد

حسين اورجع للخيمه 
وبعبايته ايضم ضيمه 
عن لا تنظره أمه الرباب 
من صدره لحظان التراب .....
=========================

مشه احسين وأخذ ابنه لصفه امن العطش ذبلان
نزل صوب الحرب شايل ضوه اينافس عذر عميان
شاله ابأيده كال الماي يحب اشفايف القرآن
دزوله سهم بي موت بنحر خله السهم خجلان

او دمه صعد للغيمه 
وحيره انجفت بالهيمه 

اوما تحمل الخيمه عذاب 
من صدره لحظان التراب .....
=========================

وكف وسط الجيوش حسين محتار ابدمه اوليده
او نحر ابنه كطن نعاع أوما يكدر يحط أيده
يعبد الله ابحزن مفلول يناغي ابسمه ويعيده
ويگله الموت مو منواك يبايگ ضحكتي ابهيده 


وفرّع دمع بعيونه 
وهدلت تراهي متونه

ومصابه مايحمل مصاب 
من صدره لحظان التراب. ...
=======================

رجع متبدي ابنه حسين اعلصدره ودمعته اتشبگه
ويكل الروحه شنهي الرأي عزيزي وباكته الشهگه
ابسد اخيامه كام ايلوذ عن لا ينهظم عشگه
يعين الله المشه جناز وابحضنه انوخذ حگه 

شحال التبده اوليده 
ابهيئة شمع فوك ايده 

شيضمه لو سال الضباب 
من صدره لحظان التراب. ..
=========================

دفن ابنه ورجع يحجي يبن ظهري بعد وكتك
توك عل الدلال اصيار حته اهوايه ما شلتك
يبزر الگعده مو بيدي مشيت اوايايه وادفتك
وصلت الخيمه بس محتار شحاجي امك انه وعمتك 

يبني انفضح دلالي 
وعافاني حته اخيالي 

ويتوجه ابوك اعله السراب 
من صدره لحظان التراب. .......
====================

دخل للخيمه بس مرسال قرنّه العرفن ارسومه
بلا حس لا نفس يمشي أو كوه شايل اهدومه
صدتله العزيزه اوگال يزينب باگته الحومه مطروح ابني جوه الكاع وغسلته ابدمه ادمومه

ابجن عله العافاني 
ابني انذبح بحضاني 

عبدالله بي شمرة شباب 
من صدره لحظان التراب. ..

==========================
علي قيس الوريد

أبا علي
حدّثني عليكَ شخصٌ
في الوقت الذي كانَ فيهِ
الحب محتوم!
نعم...
في وقتٌ كانَ الجميع به يبحث عن
خيالٌ يدوم...؟!
ف وجدتُكَ امامُ
في موسم الجلوس تقوم
وعرفتُكَ صديقاً
لمن يحتاج الصديق عند اللزوم...

انتَ اول حب...
دخل گلب المنافق طاهر!
انتَ اول نهر يروي ابزرع باجر ...

كيف لا اعشق صفاتك
وانته باجر توكف اتعبر الكناطر...
انت أجمل مهاجر
وين ما تكعد ايكعدن ابصفك مناير
انت اول وطن سافر
لو سمعت الغربه عاشو ابكسر الخواطر

أيها الرب العزيز
من أوصل إليك مرسالي
كيف علمت....
إن القلب قد مسهُ الضر
واجيت ابضعن شايل بضاعة أتعيش العاشو اعله الشر...
يا مُنقذ الحوت من جوف البحر
يا أيها الخير المذاب في عرق البشر
انت حقاً مو بشر ..!؟

علي قيس الوريد

ياغريب وتارس الغُربه عرف
ياحبيب العايش ابلايه ولف
يلحامي روحك بروحك
أينَ استقرت جروحك .... ياغريب
==========================
يا اول غريب اتعرفه كل الناس
يا اول حبيب اچفوفه ماتنجاس
اقيسك بالوطن وانته كفر تنقاس
تعيش ابلا أهل يا وارث العباس

يگلبك عاشر العاشر
ينطرك جم حزن باجر
يمهدينه الوكت كافر
يغرُب وردة البستان

يا وحيد او انته للوادم سند
يا طريد ماسكنت ابراحه ابد
وهاجرت انته صروحك
أينَ استقرت جروحك. .... ياغريب
========================
يأول عاشگ ابضلعه شتل شيبه
يأول زلمه يدفن روحه بگليبه
من شفت البشر ملتهيه بالجيبه!
توزع فرحه انته اوعندك امصيبه

يعمرك للدمع منذور
الوادم ضحكت ابعاشور
تعال ارجع الك منحور
وناگع بالدمه القرآن

يا طبيب وجرحك اشكبره صبح
يا نحيب اليگدر ايداوي الجرح
وهمك يزيد اوي نوحك
أينَ استقرت جروحك ..... ياغريب.
===========================
عابر جم الف يعگوب انته هواي
جرحك ليش يتغير ابطاري الماي ؟
خضارك عابر الستين عوزه افياي
واليعطش حبيبه ايضل يدور رأي

يدور بالعطش مهله
يمهدينه العطش سهله
حسينك فرهدو أهله
اهناك ابديرة العميان

يا أمير الدمعه بعيونك حجت
يا جبير الشيبه من يمك بدت
ليليه شيبك يلوحك
أين استقرت جروحك ... ياغريب
===========================
جم جيل انگظه وجرحك بقه مكشف
وأنه أدري ابجرح ثاني الجرح ينشف
والاجروح الغميجه أتعيش من تلّف !
ويعالج روحه بجروحه البقه مجتف

محد عانك ابضيمك
وضل الناس من غيمك
يمرافگ بقيت اسمك
وعيونك عله البيبان

يا حزين اوشالت اجروفك مزّن
يا حنين الوادم اتريدك وطن
كلشي اعلكلشي ينوحك
أينه استقرت جروحك ..... ياغريب
==============================
يأول واحد اجروحه تعينه اسنين
وضحكنه بلايه طولك مايفرح العين
يمهدي الوحده هدت حيل الامكيفين
والما عاشر حبيبه ايعاشر امتيهين

حمامه گلبي ومغبش
ويدور بالسوالف عش
بديرة ناس كله اتنش
وبس انته البقيت انسان

يا كريم الما مثل جودك كرم
يا رحيم شنهي عمرك تبجي دم
اوصار الدمع يبوحك
أين استقرت جروحك. .... ياغريب
==========================
علي قيس الوريد

اگبال البقيع أتمنى أهل دمعة عذابي
وبلعتبه اوگف وانحني واعلن مصابي
=========================

أمنية عصافير الوطن گبه ومناره
واتغازل ابفي الصحن وكت الزياره
كل عاشگ ابگلبه تره مستعره ناره
ارض البقيع بيا وكت مهجوره داره

وهاي الأرض بيهه اندفن احله الشبابي
او بلعتبه اوگف وانحني واعلن مصابي
===========================
گلبي خذاني او ما يرد رايد حبيبه
لمن وصل خايب رجع منعو نحيبه
متهددمه اگبور الحزن فوگ المصيبه
تراب وحجاره بس لگه ومخضره شيبه

لا ورده لا ريحت هله بس الخرابي
بلعتبه واگف وانحني واعلن مصابي
==========================
أمنيتي يم ترب البقيع اتبده دمعه
وكون بهداوه احترگ حسبوني شمعه
وحيلي وحلالي وشوغتي الكم اوزعه
وما أرضه لو كلي خلص منكم ارجعه

فوك الترب أتمنه كون افرش شبابي
وبلعتبه اوكف وانحني واعلن مصابي
=========================
ارد اوگف اگبال البقيع وجرحي الجمه
وانثر عذابي وشوگي اله واترابه اشمه
واترس گلب ريتي عطر وبروحي اخدمه
خادم بقيع أهل النبي يا محله اتسمه

مو سهله تعبر كل سنه وأنه ابغيابي
بلعتبه اوكف وانحني واعلن مصابي
==========================
الواسع مضيفه ابلا صحن والله حريمه
و زين العباد او ابنه ضل ابلايه خيمه
والصادق اجروفه انجفت جفيت يتيمه
و أم البنين ام الورد مرقدهه هيمه

غربتهم ابروحي كلت وزاد اغترابي
وبلعتبه اوكف وانحني واعلن مصابي
===========================
بالقرقد اتلمنه اشوكت يالمهدي يمته
حك الهواشم منوخذ والدنيه سكته
حتى البجي يمهم صعب زادت محنته
ما نرتجي واحد ابد بس انته وانته

لو تسألني شنهي امنيتك تلگه جوابي
بلعتبه اوكف وانحني واعلن مصابي.
========================
علي قيس الوريد