المـجـاهـدة الأفـغـانـيـة

نننۍ اندلس
✍فاطمه حجاز
د اندلس کیسه د اسلامي نړی د تاریخ هغه برخه ده، چې پیل یې په شور، شوق او ولوله شوی او پای یې په سړو اسوېلو او تړمو اوښکو. اندلس یا نننۍ اسپانیا او پرتګال د مسلمانانو په اووه سوه کلن حاکمیت کې تر خپل عروج ورسېد، په علم، صنعت، طبابت او معماری کې د اندلس سیال نه وو؛ دا وخت اندلس په اروپا کې د تورې دورې ټغر ورټول کړ، او په اروپا کي یې د علم ډېوې بلې کړې. په نړی کې د لومړي ځل لپاره فاطمه فهري د اندلس اوسېدونکې دلته پوهنتون جوړ کړ. ویل کیږي چې د چاپ ماشین هم د لومړي ځل لپاره د اندلس مسلمانانو جوړ کړ خو د نه پاملرنې له امله کلونه وروسته له منځه لاړ. د اندلس جراحان او طبیبان د شهرت خاوندان وو کله به چې ارواپایی پادشاهان له خپلو طبیبانو ناهیلي شول د امید سترګې به یې د اندلس د طبیبانو پر لور وې. اندلس ښکلې زړه راښکونکې او نقاشي شوې ودانی لرلې تر دې چې د اندلس د مسلمانانو پر وړاندې تر ټولو بېچاره او بدبخته کس هغه ړوند وو چې د دې ښایستونو له لیدلو محروم پاتې شوی وو.
خو نن اندلس له موږ پردی دی، نن هلته مسلمانان محکوم دي نه حاکم، نن اندلس له هغو هېوادونو څخه دی چې د مسلمانانو نفوس پکې ډېر کم دی چې تعداد یې سل زره نفرو ته رسیږي. د اندلس د مسلمانانو شمېر د امریکا د یو ایالت د مسلمانانو له شمېر څخه هم کم دی، یوازې د امریکا د ډالاس ایالت د مسلمانانو شمېر د اندلس د مسلمانانو په اندازه دی په داسې حال کې چې مسلمانانو په ډالاس کې حکومت هم ندی کړی خو په اندلس کې مسلمانانو اته پېړی حکومت وکړ.
په اندلس کې د اسلام له سقوط څلور سوه کاله کیږي خو آیا کله مو هم له ځانه پوښتي چې اسلام ولې په اندلس کې له منځه ولاړ؟ د اندلس د آزادولو فکر خو لا خیال کې هم نه لرو.
صلیبی استعمار په اندلس کې له نظامي جنگونو څخه وروسته د مسلمانانو په شړلو او تبعیدولو پیل وکړ او هغوی چې پاتې شول د کلیساگانو په پټو محکمو کې په ظلم او وحشت سره ووژل شول. وروسته د فردیناند عسکرو د اسپانیا او فرانسی له نورو سیمو عیسویان راوستل او په اندلس کې یې میشت کړل.
کله چې وروستي حاکم ابو عبدالله د الحمرا کونجیانې د فردیناند عسکرو ته سپارلې په سترگو کې یې اوښکې راډنډ شوې، مور یې وویل د نارینه وو په شان دې ونه ساته اوس د ښځو په شان پرې ژاړه.
نن بیا تاریخ تکراریږي خو موږ عبرت نه اخلو، د پروني اندلس دردونه مو لا ندي کرار چې زموږ په یو بل زخم فلسطین کې د اندلس کیسه تکراریږي. نن که فلسطین د نارینه وو په شان ونه ساتو سبا به د ښځو په شان پرې وژاړو. یهودان په زور او جبر د مسلمانانو ځمکې غصبوي او له کورونو یې شړي خو اسلامي نړی د غفلت په خوب ویده ده.
نن بیا په اندلس کې اتل موسی بن ابی غسان د کفر د تورو پر وړاندې یوازې دی خو مسلمانان د فلسطین درد د هغو خلکو درد بولي چې له دوی په زرګونه کیلومتره لیرې دي خو آیا د عقیدې په قلمرو کې دا فاصلې کوم ځای لري...؟!

د اسلام دښمنان ښځه د جګړو د محور په حیث استعمالوي او خپل شیطاني پلانونه د هغې په واسطه عملي کوي ځکه ښځه کولی شي هغه نسلونه وروزي چې دوی ترې وېرېږي او کولی شي په خپلو زامنو کې د اتلولۍ او سرښندنې مینه راوټوکوي.
نو له همدې امله یې په ښځینه قشر کې د فساد د رامنځته کولو او د دوی د بې لاره کولو پخه اراده وکړه څو مسلمانان له مېړنیو اتلانو، رهبرانو او سترو شخصیتونو څخه بې برخې کړي.
د استعمار، موسوني صحیونستانو او الحادي ډلو ستر هدف د مسلمانو کورنیو بې لارې کول او د هغو د جرړو ویستل دي، چې دا هرڅه د اخلاقي کړیو په ماتولو او په ټولنه کې د شهوت پرستۍ په رواجولو سره کېږي.
نو ښځه په دغه ډګر کې د دوی ستره موخه ده ځکه د هغې عاطفه په ډېره آسانۍ سره زخمي کېدی شي او د هر څه تر اغېزې لاندې ډېر ژر راتللی شي. لکه څنګه چې د موسوني رهبرانو یو رهبر ویلي: پر موږ لازمه ده چې مسلمانه ښځه تر خپل لاس لاندې راولو او په هغې ورځ چې دې موږ ته خپل لاس راکړ نو موږ به بری ترلاسه کړی وي. همدارنګه یو بل کس ویلي: یو د شرابو جام او یوه ښکلې ښځه د محمد په امت کې تر زرو جنګیالیو ډېر اغېزمن دي نو محمدي امت د شهوت پرستۍ په مینه کې ډوب کړئ.
د تبشیر یو مبشر وایی چې بیشکه تاسې په مسلمانانو کې داسې یو نسل وروزلو چې نه له الله تعالی سره خپله اړیکه پېژني او نه هم غواړي چې دغه اړیکه وپېژني ، مسلمان مو له اسلام څخه ویستلی خو تر اوسه لا مسیحیت ته نه دی ننوتلی.
د دې هر څه په پایله کې اسلامي نسلونه د استعماري ارادو مطابق را لوی شول، داسې نسلونه چې د خپلو مسؤولیتونو ادا کولو ته هېڅ پاملرنه نه کوي، راحت او سوکالي خوښوي، خپل ټول وخت د شهوت او خوندونو په کارونو کې تېروي او که کوم لوی مرکزونه د چا د خدمت لپاره جوړېږي نو د شهوت پرستۍ په خدمت کې به وي.
د صهیونستي حکیمانو په یو پروتوکول کې راغلي چې موږ باید په هر ځای کې د اخلاقو د له منځه وړلو لپاره کار وکړو څو هر چېرته برلاسي و. فرویډ په موږ باندې احسان کړی او د ده پر مټو به جنسي اړیکې د لمر په رڼا کې ترسره کېږي څو د ځوانانو په نظر کې څه پاتې نه شي او جنسي غریزې دوی ته تر ټولو خوندور او مهم کار وبریښي او دا به هغه وخت وي چې اخلاقي کړۍ یو په بل پسې ماتې شي.
دغو ډلو د ښځې د آزادۍ غوښتلو نارې را اوچتې کړې، اسلامي ټولنې یې په دې تورنې کړې چې د ښځې د آزادۍ پر وړاندې د اسلامي ارزښتونو په نوم خنډونه را اوچتوي. او دغه جګړه یې د ښځې د آزادۍ غوښتلو په نوم د اسلام د له منځه وړلو په موخه پیل کړه.
« هغو کسانو چې دغه نارې یې اوچتې کړې د دوی اصلي موخه د ښځې آزادي او ژغورنه نه ده بلکې د دوی اصلي موخه د اسلام له منځه وړل او په اسلامي ټولنو کې د ښځو بې لاره کول دي».
دوی په خپلو پلانونو کې بریالي شول او ښځه د دوی نارو ته تسلیم شوه. دوی ښځه د آزادۍ او تمدن په نومونو وغولوله څو خپل ستر مسؤولیت او لویه دنده هېره کړي هغه دنده چې د اسلامي نسل روزل و.
او په دې سره اسلامي ټولنې له سترو روزونکو او رباني میندو څخه بې برخې شوې.

📚اتله مور شه!

‏په شرعیاتو پوهنځي کې اسلام نه تدریسیږي بلکې په داسې ډول د اسلام ریښې وهل کیږي چې نه استاد پرې پوهیږي او نه محصل.
#ف.حجاز

‏مسلمان ته له هر علم زده کولو وړاندې د عقیدې زده کړه مهمه ده.
نن که زموږ هر سرتیري د معاصر کفر اشکال پېژندلی, هر یو به د فکري جګړې سپاهی او اتل وو.

‏هر کله چې غرب درڅخه راضي شو, پخپل ایمان له سره کتنه وکړه.
ځکه د الله تعالی کلام دروغ کېدلی نشي: وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ

‏غرب که هر څومره د اسلامي نړی د عقایدو, اصولو, افکارو او مفاهیمو د له منځه وړلو لپاره هڅې وکړي بیا هم نشي کولی.
دوی به د فکري آزادی غوښتنې حرکتونه وځپی وټکوي بندي به یې کړي وبه یې وژني.... خو هیڅکله یې خښولی نشي.

أمتي كنتِ ومازلتِ إلى
منتهى الأيامِ خير الأمم

🏳 اې زما امته! ته په ټولو امتونو کې تر ټولو غوره امت وې او لا به هم تر ټولو غوره وې.

أخرجت للناس سقيا رحمةٍ
وشموسًا أشرقت في الظلمِ

🏳 ته د دې لپاره راغلی يې چې خلک د رحمت په اوبو باندې خړوب کړې او ته د هغه لمر په څېر يې چې په تورو تيارو کې راخيژي.

اصطفانا الله من بين الورى
وكفى الفخر بأنّا ننتمي

🏳 دا زموږ لپاره لوی وياړ دی چې الله تعالی موږ د خلکو له منځه غوره کړي يو.

مركب النصر مضى لمجدهِ
كن عليه عند رفع العلمِ

🏳 د بري لښکر د خپلې سرلوړۍ په خوا روان دی نو د هغه د بيرغ په هسک ساتلو کې ورسره يو ځای شه!

أمتي قومي وكوني شعلةً
قبلةُ العُرب وقصدُ الأعجم

🏳 اې زما امته! پاڅېږه او د اور د لمبې په څېر شه! د عربو قبله او د عجمو هدف شه!

واستمري أمةً واحدةً
وبحبل الله هيّا اعتصمي

🏳 او د يو متحد امت په څېر روان شه! او د الله تعالی په رسۍ باندې منګولې ولګوه!

✍🏻 المـجـاهـدة الأفـغـانـيـة

‏امریکا په ډېر درب رواني جنګ پیل کړی دی خو په مقابل کې زموږ یوازې د ټویټونو باران زده دی, ملي راډیو ټلویزیون کې هر څوک هره خبره کولی شي, اتلانو غږ راډیو کې کری ورځ ترانې وي.
د دې ولس ذهنیتونه خپلول په کار دي او د ټولنیز ذهنیت خپلول نبوي منهج او سیستماتیک پلان غواړي.
معمولا د‏مسلمانانو عادت دی چې پر دښمن ورځي هم پرې ورهه کړي او چې ترې راځي هم ترې راهه کړي خو غربیان هم د راتګ لپاره او هم د بېرته تګ لپاره پلان او پالیسي جوړوي.

📝 د څلورګونو امامانو په نزد د شرعي حجاب حکم
✍🏻 شيخ عبد العزیز الطریفي

هغه تېروتنې چې امام ابو حنیفه، امام مالک او امام شافعي (رحمهم الله) ته د ښځې د مخ د لوڅوالي په اړه راجع کېږي، په داسې حال کې چې نه امام ابو حنیفه، نه امام مالک او نه امام شافعي (رحمهم الله) د ښځې د مخ لوڅوالي ته په ښکاره ډول اشاره کړې بلکه د دوی اقوال د لمانځه، احرام او ظهار په احکامو کې بیان شوي دي نه د ښځې د مخ په لوڅوالي کې او د دوی له متن یا نص څخه د نوې معنا لپاره دلیل اخیستل کېږي.
ټول هغه اقوال چې په تېروتنې سره د ښځې د مخ د لوڅوالي په اړه امام ابو حنیفه، امام مالک او امام شافعي (رحمهم الله) ته راجع کېږي، دغه اقوال په حقیقت کې د امام ابو حنیفه، امام مالک او امام شافعي نه دي بلکه د حنفي، مالکي او شافعي مذهب د فقهاوو اقوال دي.
موزعي الشافعي وایي: «امام ابو حنیفه، امام مالک او امام شافعي (رحمهم الله) یوازې په لمانځه کې د عورت په اړه غږېدلي».
د کلونو په اوږدو کې مې د امام ابو حنیفه، امام مالک او امام شافعي (رحمهم الله) کتابونه او د دوی مسئلې لوستي مګر ما د دوی له خوا داسې څرګند قول نه دی لیدلی چې د مخ ښکاره کول جایز وبولي بلکه لا یې ټینګار پرې کړی مګر د دوی پیروانو بیا جایز بللی.
شافعي په «الأم» کې وایي: «إن طافت بالنهار سدلت ثوبها علی وجهها» یعنې: «که د ورځې په اوږدو کې ګرځي نو باید په مخ باندې جامې راښکته کړي». که څه هم د احرام لرونکې ښځې د مخ پټول د هغه په نزد منع دی مګر هغه دغه ممنوعیت لغو کړی ځکه د حجاب په وجوب باندې ټينګار کوي.
درې واړه امامان په لمانځه کې د ښځې د عورت په اړه وایي: «کلها عورة إلا وجهها وکفیها» یعنې: «ټوله عورت ده مګر پرته له مخ او لاسونو څخه». خو دغه عبارت په لمانځه کې د ښځې د جامو په اړه دی نه د هغې د حجاب په اړه.
امام مالک په «المدونة» کې وایي: «لغیره النظر إلی وجهها...» یعنې: «د دې لپاره چې بل څوک د هغې مخ ته وګوري...». دغه قول د ظهار په مسئله کې بیان شوی او مراد یې دا دی چې په ظهار کې د هغه چا لپاره د ښځې د مخ لیدل منع نه دي، چا چې مخکې هغه لیدلې وه او د واده پیوند په خپل ځای پاتې کېږي، ته او هغه چا چې له ظهار څخه مخکې یې هغه لیدلې وه اوس یې هم لیدلی شي.
د احرام په حالت کې د ښځې د نقاب حرمت داسې حکم لري لکه د احرام په حالت کې چې په سړي باندې پطلون حرام شوی او دغه د احرام په حالت کې حرمتونه دي او د حجاب او جامو احکام نه دي.
صحابیاتو او تابعیاتو به حتی د حج په موسم کې له سړیو څخه خپل مخونه پټول، عایشه رضي الله عنها وپوښتل شوه چې ښځه به خپل مخ څه ډول پټوي؟ هغې د خپل پړوني کښتنۍ څنډه راواخیسته او خپل مخ یې ورباندې پټ کړ او دغه صحیح روایت دی [أخرجه مسدد في مسنده].
امام مالک له هغې احرام لرونکې ښځې څخه فدیه ساقطه کړې چې له سړیو څخه خپل مخ پټوي او فدیه د انتخاب له مخې د یو مباح عمل لپاره نه ساقطېږي ځکه چې فدیه واجب ده [البیان۱۳\۴].
هغه تېروتنه چې د ښځې د مخ د لوڅوالي په اړه درې واړو امامانو ته منسوبېږي، د مسئلې په اصل کې نده. موزعي الشافعي وایي: «ما أظن أحدا من الأئمة الأربعة یبیح للشابة أن تکشف وجهها لغیر حاجة» یعنې: «ګومان نه کوم چې یو له څلور ګونو امامانو څخه د ښځې د مخ لوڅوالی پرته له کومې اړتیا څخه جایز وبولي».
موزعي الشافعي په أحکام القرآن کې وایي: « د اوسنۍ او پخوانۍ زمانې په هر دور کې ټولو خلکو په همدغه عمل کاوه، زړې ښځې ته یې د مخ د لوڅولو اجازه ورکوله مګر ځوانې ښځې ته د مخ د لوڅولو اجازه نه وه او هغه یې عورت او منکر باله، نو د دوو آیتونو تر منځ د جمعې وجه او د هغو تېروتنه درته ښکاره شوه چې ښځې ته پرته له کومې اړتیا د مخ لوڅوالی جایز بولي، سلف او امامان لکه امام ابو حنیفه، امام مالک، امام شافعي (رحمهم الله) او نور یوازې په لمانځه کې د عورت په اړه غږېدلي، امام شافعي او امام مالک وایي: «پرته له مخ او لاسونو...» او ګومان نه کوم چې یو له دوی د ځوانې ښځې د مخ لوڅوالی پرته له کومې اړتیا جایز وبولي او هېڅ ځوان هلک ته روا نده چې پرته له کومې اړتیا څخه ښځې ته وګوري [تیسیر البیان لأحکام القرآن (۲/۱۰۲)].
د خثعمیة په حدیث باندې استدلال کېږي چې د ښځې د مخ ښکاره کول جواز لري، په مسند کې په صحیح روایت سره له ابن عباس څخه روایت دی چې پلار یې هغه نبي کریم صلی الله علیه وسلم ته د واده کولو لپاره وړاندې کړه، او په دغه حالت کې د مخ لوڅوالی جواز لري نو د فضل بن عباس نظر یې واړاوه او د هغه (نبي کریم صلی الله علیه وسلم) پاتې شو.
ادامه...👇🏻