الشاعر اياد الديراوي
استشهاد الامام الحسن ع
بالسهم نعشك تصوب يالحسن غايه
ما ردت سيرة حياتك تنتهي بهايه
خليت من روحك ضوه واگف اوبيدك لوه
انته وعظيدك سوه تنتهي ابهايه
1من مماتك يالحسن تبدي حياتك
بالنعش هيهات تطوي ذكرياتك
بالطفوف ومن عهد سابق وفاتك
هوه انته حسين نفسه بكل صفاتك
انته جسدت البطوله بكربله موقف
صح وجودك روح بس من الاخو تنزف
من نزف ذاك النحر شافك وجف النهر
والعطش كله انتصر تنتهي بهايه
2لم اخوك اوصافك بطارف جفونه
اليحب قبل الكلام تجن عيونه
انته عابس چان بيك اول جنونه
شافك حسين وتمادت كل ضنونه
إلتجنن بيك لابد ينكشف طبعه
لو نزل ساحة قتاله ينشمر درعه
عابس بهذا الوضع صاغك بعينه دمع
بالحرب ذب الدرع تنتهي بهايه
3القاسم اتعنالك وجايبله شمعه
رف لواك وفرحتك لمتها دمعه
العبره خنگت خاطرك ونته تودعه
الزفه صارت موت وچفوفك تشيعه
بآخر انفاسه تبسم عالترب لنه
وزعت من دمه للطف يالحسن حنه
اتيقنت منك درس ونحنت فوگك شمس
عالترب صار العرس تنتهي بهايه
4إلكافل اختك لبّست تاج الرجوله
اتداهمت كل الزلم من حل نزوله
والفخر لو طاحت اچفوفه ينوله
من وگع سجدة عليه راية بطوله
من رحت للعلگمي طاحت سمه يمه
والگمر شايل سهم ونته امسحت دمه
ما شده باله السهم خوفه چان اعله الحرم
عينه ظلت عالخيم تنتهي بهايه
5عالنهر ياسيدي ظهرك كسرته
لكن انته اعله الرمح كسرك جبرته
انته بعيون الزمن صبرك كتبته
سر خلودك لو نزل دمك عرفته
تبقى شامخ حتى لو خيل اعتنه وداسك
هيبتك اكثر حلة من انگطع راسك
من لبس راسك رمح يالحسن مات الصبح
ظل يشع منك جرح تنتهي بهايه
6ويه عينك زينب اتساوه نظرها
مثلك اختك عالرمح علگت خدرها
كربله تلّة صبر صارت حدرها
اتعلت وطف المصايب ما كسرها
من عطائك تمطر عيونك غدة غيمه
والعقيله يالحسن بالطف نطت خيمه
إتربن كل العبي ويحدي بيهن اجنبي
شاء ربك بالسبي تنتهي بهايه
****
الشاعر اياد الديراوي
@ayadalderawy
