الشاعر اياد الديراوي
بيقين احچيها انا الفزت بالدارين
منو المثلي يصيح بكل وكت يحسين
حسينا واحسيناه .. حسينا واحسيناه
1
فتحت عيوني للدنيه ونه مسرور
غذتني الحليب امي وكبرت اشهور
اول ما حچيت انا صحت عاشور
وتتفايظ غدة بالدمعه هاي العين
2
شبيت انا ومصابه يشب وياي
اذا ما ابچي اكره عيشيتي بدنياي
تفز جروحي كل ما ردت اشرب ماي
جفني امن المدامع ما تشبعه سنين
3
من عاشور حد عاشور اظم الحيل
الدنيه اوياي وكت احزاني تصبح ليل
يحلالي السواد ودگة الزنجيل
وتلگه مصابه كل سنه بصدرين
4
ما يكفيني الطم بالزمن مره
شراح اتگول عني فاطمه الزهره
اليحب حسين لازم ينخسف صدره
وما لحظه تفّتر لطمة الچفين
5
اخدم والخدامه لاگت اعليه
اوزع بالمواكب ماي يوميه
عله الشايل جروح الف وتسعميه
كل جروحه عطشانه وجرة نهرين
6
دگات الگلب غير اسمه ما لفظن
مو حگه اليگول اعشگته يتجنن
وحگها جفوني لو لمصابه ما نشفن
طاح اعله الوجه وتربن خدين
7
شما اكبر زغير اشعر عله الدمعه
ما راح افتهم معنه الصبر ونعه
حد ما صدري مثله ينكسر ضلعه
اذا ما عيشن اجروحه العمر لا وين
****
بيقين احچيها انا الفزت بالدارين
منو المثلي يصيح بكل وكت يحسين
حسينا واحسيناه .. حسينا واحسيناه
1
فتحت عيوني للدنيه ونه مسرور
غذتني الحليب امي وكبرت اشهور
اول ما حچيت انا صحت عاشور
وتتفايظ غدة بالدمعه هاي العين
2
شبيت انا ومصابه يشب وياي
اذا ما ابچي اكره عيشيتي بدنياي
تفز جروحي كل ما ردت اشرب ماي
جفني امن المدامع ما تشبعه سنين
3
من عاشور حد عاشور اظم الحيل
الدنيه اوياي وكت احزاني تصبح ليل
يحلالي السواد ودگة الزنجيل
وتلگه مصابه كل سنه بصدرين
4
ما يكفيني الطم بالزمن مره
شراح اتگول عني فاطمه الزهره
اليحب حسين لازم ينخسف صدره
وما لحظه تفّتر لطمة الچفين
5
اخدم والخدامه لاگت اعليه
اوزع بالمواكب ماي يوميه
عله الشايل جروح الف وتسعميه
كل جروحه عطشانه وجرة نهرين
6
دگات الگلب غير اسمه ما لفظن
مو حگه اليگول اعشگته يتجنن
وحگها جفوني لو لمصابه ما نشفن
طاح اعله الوجه وتربن خدين
7
شما اكبر زغير اشعر عله الدمعه
ما راح افتهم معنه الصبر ونعه
حد ما صدري مثله ينكسر ضلعه
اذا ما عيشن اجروحه العمر لا وين
****