ـ قصة حكاها لنا في مقيل قات واحد من الشيبان الاجاويد شرواكم..
ـ قالك: كان به ثنين اصحاب متزوجين، واحد من هولا الاصحاب بيفاخر بحب زوجته له وانها تموت عليه وانه لو يغيب عنها ساعة ان الدنيا تضلم في وجهها ويجيها ضيق تنفس ويسمعوا شهيقها من القرية المجاورة.😂😭
ـ المهم صاحبة قال له لا تكن تصدق النسوان والله انهم خراطين، قال لا لا اما مثل زوجتي مابش ..
ـ قال له صاحبه هيا تتحداني اثبت لك..رد عليه وقال اتحداك..
ـ قال: طيب رح لاعند زوجتك البيت وسو نفسك مريض ليومين وانا بجيك ثالث يوم واقلك وش تسوي..
ـ راح الرجال وبدا يتميرض اولها بيقل عظامي وبعدا حما، وزوجته فوق راسه تنتبه له وتحاول تخدمه ب اي طريقة لاجل يقوم بالسلامة..
ـ مر اليوم الاول وفاليوم التالي مثّل انه ماعاد يقدر يمشي.. وزوجتة جالسه فوق راسه بتبكي يالله اشفي حمود يالله لاتفجعني في حمود..😭
ـ جا صاحبه في اليوم الثالث: دق الباب وهي جوبت، وفتحت له بترحيبة، حياك يا مصلح ..
ـ قال لها كيف حال زوجك، قالت: والله انه بحاله وتاعب ولا عاد بيقدر يسير وبدات دموعها تتنثور.. مع كلمات ماحد داري ماهي😭😭😭
ـ المهم قال: لها مصلح سابر يا سعيدة، انا بجلس عنده اليوم وانتي ارتاحي، قالت سابر الله يبارك فيك ويحفظك ، ونهشلت الدموع .😭😭😭
ـ سار مصلح لاعند حمود وان حمود فوق الكرسي وقاعد يضحك ضحكة النصر،😁😊 وقال انا قلت لك ان زوجتي بتحبني..
ـ قال له مصلح اصبر ياجني عاد الفلم الا بدع..
ـ الان ياحمود انا قد باصيح لزوجتك وانت سو نفسك ميت، واكتم انفاسك.. واتسمع للحوار بيني وبينها..
قال حمود يله سابر سابر..
ـ ناداها مصلح بصوت حزين، يا سعيدة تعالي،
ـ وهي جت وبتقله لاتقلي، حمود مات..😭
ـ قال هذا قضاء الله وقدره
ـ وهي قامت تلطم وجهها وتصيح ويالله مالنا الا حمود ويالله كيف عنسبر
ـ قال: مصلح ياسعيدة من ناحية بنتك الصغيرة وانتي انا بكفلكم وبتزوجك.. وهذا اقل شي اقدمه وفاء لصديقي الله يرحمه..😔
ـ التفتت له التفاته ماقدر اوصفها.😳😍😭
ـ وقالت: طيب متى باتتزوجني، قال اصبري لاما تكمل العدة..
ـ قالت: وكم العدة، قال اربعه اشهر.. وهي قالت يوووه من عيقدر يصبر ذه المدة.. ورجعت تبكي وياحموداااه 😭
ـ قال معي لك حل عشان ماعاد تحتاجي توقفي ذه المدة!
ـ قالت ماهو.. ؟😍😳
ـ قال انك تشخي فوق وجهه..😪
ـ وقالت له طيب اخر كضاك.. خلني اسوي ذي قلت 😂😍
ـ ما انتبهت وحمود يصيح وا اسلاماه.. 😱😨
ـ انتي طالق بالثلاث ياسعيدة بالثلاث المثلثات..😂😂
هذا وسلامتكم..
العبرة من القصة اقرا التغريدة حق سعيدة..⇊
