کاتب اوغلو :
.... اولار ...
🍁

هاوانلانما کونول بئش گون خوشلوقا
دییشر بو دوران حال باحال اولار.
سحر وقتی باده ایچیب مست اولان
آخشام اوستو ایشی قالماقال اولار
🍁

نه گوندوز دایانار نه گئجه قالار.
باهارین یئرینی سویوق قیش آلار.
یارادان ایشلری کئشینه سالار .
دورت موسیم دولانار سالبا سال اولار.
🍁

ازلدن قایدادی غافیل اویانماز
کیمسه نین صوبحه تک چیراغی یانماز.
عومرون باشا چاتسا اجل یوبانماز.
گوزل جانلار توپراقلارا مال اولار.
🍁

کاتب اوغلو بو جان سنده امانت.
اینان بیرگون اولار قوپار قیامت.
او گون فایدا وئرمز دیلده فصاحت
دهانین باغلانار دیلین لال اولار.
(کاتب اوغلو)
🍁🍁@dedekatib🍁🍁