قناة الشاعر ذوالفقار الزيدي

بالسجون مكضي عمرك
وصفن الطامورة صبرك
يابو الرضا يابو الرضا
وصفن الطامورة صبرك
#################################
يمخلص اسنينك سجن..حكي اعلة جرحك من اون..يالقصتك جروح
جيف انتة امك فاطمة..صارت حياتك مؤلمة..وعمرك خلص نوح
ليش الدهر مامنصف ابحك الهواشم
ومكتوب كلمن هاشمي ايعيش بضلايم
ذنبك شنو يابو الرضا غير ابن فاطم
بياذنب مضلوم دهرك
وصفن الطامورة صبرك
يابو الرضا يابو الرضا
وصفن الطامورة صبرك
#################################
جفك تكيدة السلسلة..وزين العباد ابكربلة ..مثلك تكيد
وثنينكم نفس الجرح ..وبالدنية ماغزر ملح..مانصفت احد
نفس السلاسل سيدي ابهالزمن تنعاد
وهذا الجرح يشبه جرح جدك السجاد
يردون من ريحة علي ماتبقة اولاد
ينطفي يردون ذكرك
وصفن الطامورة صبرك
يابو الرضا يابو الرضا
وصفن الطامورة صبرك
#################################
نزلولك بسجنك مرة..بس طلعتهة مخدرة..ومستورة بحجاب
خوفهم اكثر هالامر..والسندي اخذ دور الشمر..من الرطب جاب
ولسندي اخذ دور الشمر وحسين دورك
ومابيهم المثلك ترف يفهم شعورك
فكرو نورك ينطفي وشيطفي نورك
شامخ وماوضح كسرك
وصفن الطامورة صبرك
يابو الرضا يابو الرضا
وصفن الطامورة صبرك
#################################
الكدتور يفرك راحتك..وفرزنهة ضاعت راحتك ..بين الطوامير
من كال للميت اهل..ماضل دمع كلة انهمل..والدمعة تفسير
يسئل منو اهلك ونتة ابو الهلدنية كلهة
مو شيخهة يابو الرضا انتة فحلهة
والتايه بحل مشكلة يلكاك حلهة
جابر المكسور جبرك
وصفن الطامورة صبرك
يابو الرضا يابو الرضا
وصفن الطامورة صبرك
#################################
الفكر يطمرك مالة اثر..وضليت شامخ عالدهر ..وتبين الحك
ضليت موسى المدرسة ..وببحرك العالم رسة.. وضل بحرك ازرك
يابحر جود وفايض اعلة ناس خيرك
وضليت صابر عالضلم تعرف مصيرك
يالكاظم الكلك نعم وشعدنة غيرك
واضح ومعرف كدرك
وصفن الطامورة صبرك
يابو الرضا يابو الرضا
وصفن الطامورة صبرك
#################################ذوالفقار الزيدي

زينب تعالي الحضن اخوج
وارتاحي من العذبوج
الترسو حياتج كلهة شيب
وامن المخيم طلعوج
#################################
تعالي
..والموت بس غمضت جفن..مو كافي اهات ودمع
جبيتهة الام وحزن ..من الضلع حد الضلع
تعالي
..ماشفتي راحة من الزغر ..دنياج مامرهة الضوة
تشمين دخان الكلب.. ماجن تشمين الهوة
تعالي ..اليالي ..خذت حيل الورد
حياتج ..مماتج..يميته امن البعد
انتظرج بكبرج تعاي
جايب اخوج وبيدة ماي
عوفيهم الماتو ضمير
وامن المخيم طلعوج
#################################
تعالي
يالسارجّه مهر الذبح..يااخر اموادع هلي
يالوكفتج عالتل جرح.. ميت كمت من صحتي الي
تعالي
ياليهةواكف منذبح ..وطحت او كفتلهة اوطحت
ومامتت من ذبح الشمر..من ضلتج عالتل متت
وكفتج..وغربتج..اشد من الذبح
اذبحتني..اكتلتني ..اعله تل واكف صرح
مرت عليه الفزعة صوت
وجابتلي ويه الطيحة موت
وخيولهم هجمت عليج
ومن المخيم طلعوج
#################################
تعالي
يالحركو اعليهة الخيم..والهسة ضل بيهة الحرك
يالدنيتج صارت جمر ..شي للجم شي للسحك
تعالي
يالضيعيتي اشجم حلم..واشجم طفل شارد رعب
يالما الج بالطف اخو ..ياحيرة ياموقف صعب
يحيرة ..وضميرة ..الوكت مات اوأفل
انحنيتي..وبقيتي..غريبة بلا اهل
يالداخله الطف ابباء
وضليتي بس كاع وسماء
وبس العدة المتحاوطيج
ومن المخيم طلعوج
#################################

تعالي
يالحته سلبو محملج..بدلوهن وجابو هزل
يالراكبة اعليهن الم..واعلة المتن راكب حمل
تعالي
يالشامتج حادي الضعن..يموسطت روس اخوتج
يالشيبو اسنينج ضرب..يل لا مثيل البلوتج
يجرحي..يذبحي..يناري الماطفت
يغصتي..يقصتي..الخزينة المنتهت
يالعترب عافتني اه
ياجرح محد ضمداه
ياخير الله المارعوه
ومن المخيم طلعوج
#################################
تعالي
يالماشيه ابدرب السبي.. مكسورة محنيه ضلع
يالحتة حزنج مختلف..لا شامت الون يستمع
تعالي
دربج خلص ديرة وجه..عالنوك لا واكع طفل
ماغمضت عينج جفن.. تحرس ضعن خاطر تضل
حراسه ..اعله ناسة ..جفن عينج سهر
الاميرة ..اسيرة..يسميهة القدر
يالحتم ازمانج عليج
اخوانج اتروح امنديج
وتمشين ويه الماهي ناس
ومن المخيم طلعوج
#################################
ذوالفقار الزيدي

كافي عذاب من الحياة جم جرح كلبج حمل
كافي حنين وانتحاب غمضي عينج للاجل
شيبت عينج والدمع ماعود الراح
#################################
استحل عمرج ..يعمة الهم ..رفيق من الطفولة
القرة ايامج ..لكة المقتل ..حجي اجروحج يكولة
شلج ابدنية التسميج السبية
شلج ابناس اليحسبوج اجنبية
يالخذت عمرج واخوج الغاضرية
يالكلشي راح من اديج والبقة وياج الدمع
عشتي ابمحال ويه الجروح من الضلع حد الضلع
شيبت عينج والدمع ماعود الراح
#################################
جرح كلبي ..معانتج..الشفتهة بعيني هايه
العدة التمت..على اخيامج..واهل بيتج ضحاية
انتي ميتت طف لجن عشتي ابعجيبة
الخدر ابنج وانتي صرتي ام المصيبة
شمذكر الطف الكة بي زينب غريبة
الكه الخيام والكه نار والكه بذيالج حرك
والكه النساء والدخان والكه كلبج مختنك
شيبت عينج والدمع ماعود الراح
#################################
السواد اصبح..رمز كلشي..والابيض ضل مشيبح
الوكت يمشي ..لجن باقي ..ونينج وي نحيبج
البيج ماصار ابمرة من الهواشم
السبعة والخمسين مو مالت شتايم
يالتركتي ابكربلة اخوانج طلاسم
ياعمة اموت ..من اشوف ..حالج الفوك الهزل
شيخت عفاف..صعبة حيل ..جفج ايشدة الحبل
شيبت عينج والدمع ماعود الراح
#################################
جروح الطف ..اذا هانت ..اشيهونهة المسيرة
عيون الكل..شماتة اتصد..علة اشيوخ العشيرة
عمة والمثلج بعد شلة ابحياتة
صار جلمه اه بحلوك الشماتة
حسين مات اويسريناهن خواتة
عمة الكلام ..نيته سيف..ويذبح ابكلبج عمد
يتشمتون..راح اخوج..وذبحيناهة الولد
شيبت عينج والدمع ماعود الراح
#################################
على الكوفة..خلص عمرج..ودخلتي عليهة ميتة
الكلف طبعة..اذا يرحل..عليه اتموت اخيتة
اخوتج من راحو ورحتي اسيرة
متي بس الزمن ما ميت ضميرة
ماحسب يازينب احساب الامير
للكوفه اه ..دخلوج..وجان شامج ينتظر
ضيعتي حيل..وللمسير ..ماخلص حيل الشمر
شيبت عينج والدمع ماعود الراح
#################################
ذوالفقار الزيدي

ثورة شرف بعبايتج ..معكودة يازينب
راية الكافل رايتج ..منصورة يازينب
ماعطلاج حرك الخيم
للانتصار شلتي العلم
#################################

بت هاشم ..ياشيخة ..وجلماتج
جانت رسل حرب

واخيامج .. حركوهة..واعلامج
عيشهم برعب

مكسورة ..ومقهورة ..بس حزنج
مايعبر الكلب

ضميتي..دمعاتج ..كابرتي
رغم الضرف الصعب

من صارت اخيامج جمر..كابرتي يازينب
من صبرج انذل الشمر.. ياعفه يازينب

ماحشموج انتي الحشم
للانتصار شلتي العلم
#################################

بن جوشن..بعيونه..بالحيرة
لمكابرج يصد

كلالج..خوانج ..ذبحوهم
مابيهم اليرد

كلتيله ..قرباني..الوجه الله
حر جاوب ابرد

ضل صافن ..من ردج ..متفاجئ
مايعرف اشيرد

محروكة جاوبتي ابرد ..ياعجبة يازينب
كتيله عزبنه ابورد.. رد الله يازينب

ابهذا الجواب ذاك انصدم
للانتصار شلتي العلم
#################################
اتحزمتي .. وشديتي ..العصابه
ياشدت البخت

يا آيت ..حك الله.. وبثارج
ايد الله طالبت

علوية ..اطلبيهم ..دم غيرة
وثورتكم ابتدت

ياجمرت ..خوانج.. والسانج
بي منبرج ثبت

شديتي ثار بمعصبج ..ثار الله يازينب
ذلت اميه بمطلبج .. لبوة اسد زينب

ثار الاله بيج انفهم
للانتصار شلتي العلم
#################################
صار اسود ..مي عينج ..لحسينج
ماشمت العدة

ضل شيبة ..اعله اجفونج .. ماطايح
جيف انتي قائدة

ياالصرتي..العز هاشم ..سالوفت
ترنيمت الفدة

عالناكه ..بس هيبه.. بضعونج
جن حيدر الحدة

جن حيدر ايقود الضعن ..ياهيبة يازينب
عفة وحجاب اتجمعن ..صرتي انتي يازينب

انتي الوجود همة العدم
للانتصار شلتي العلم
#################################

جف ايدج .. من موسى ..متوارث
اضرب بها الحجر

ومن عيسى ..واعجازة ..بي خصلة
البي يرجع البصر

ومن صالح ..بالناكة.. تتوارد
ارجوزة القدر

ابراهيم ..وبيت الله ..بس وسفة
اسماعيلج انحر

اسماعيلج انحز منحرة ..ياوسفة يازينب
بس انتي عندج مقدرة ..اتثأريلة يازينب

عن الرماح وعن كل سهم
للانتصار شلتي العلم
#################################
ذوالفقار الزيدي

سار الضعن ..ومن يم مصارعكم فتت
سارالضعن.. وتحاللت وتواهبت

اينزلني من ضهرالهزل
تمنيت منعدكم عدل..سار الضعن
#################################
يالشيبو اهروش الكلب..ياماي عيني الضل يصب
يالنايمين اعله الترب..نوم المشيب ابعيني

يخواني موقصت صبر..بس هيه سالوفت جمر
بيتامي من عدكم امر..قصد الشمر يجويني

اجيناكم لكينة انحور مو ملكه
ولا سالم صدر ننزله ونشبكه

بيا عين اصد..كلكم توجعون الكلب
بيا عين اصد..مشهد مناحركم صعب

عن زينب ايشيل الحمل
تمنيت منعدكم عدل..سار الضعن
#################################
يالما سلم بيكم نحر..يالبيكم من الخيل اثر
يالمتو حركة اعلة النهر ..جي ماقبل يوصلني

شدونه جن شبت حطب..ياخوتي وادم مو عرب
يالبلعمد راسةانضرب.. موش انته لتكفلني

يبو شوارب ترف من يجبل اعليه
حبلهم يانفل ماعده علويه

يابا الفضل ..عبرت سوالفنه العطش
يابا الفضل.. وجه السمه اعلينه انخمش

صار العطش كلش سهل
تمنيت منعدكم عدل ..سار الضعن
#################################
ادري العتب ماينسمح..ايحجيني وياكم جرح
يالروسكم فوك الرمح..شاهد درب تبرالي

ياعمة يا اكبر الم..فك عينك وشوف الحرم
ادري الرمح جبدك جسم.. بس عايش انته ابالي

يا اكبر جرح بحسين حط روحة
يسرو عمتك وغصبوهة عالروحة

يكبر جرح.. دار الوكت دور الرحة
يكبر جرح.. تدريني شيخت مستحة

بجفوفي من شدوحبل
تمنيت منعدكم عدل..سار الضعن
#################################

بيناتكم يافع عمر..مالحك ايشوف الكبر
غورب كبل وكت العصر..مالحك اتعرسولة

بي ريحة ادلال الحسن..بي كمرة ضوت للضعن
بعمتك وسف دار الزمن .. ياهلي الخبر وصلوله

يبن رملت بخت يالمنصعب تنداس
يزغير لجن بي شارة العباس

وصلو الخبر ..كلوله زينب عمتك
وصلو الخبر..دفنتهة جاسم حنتك

جاسم ملايكلك كتل
اتمنيت منعدكم عدل..سار الضعن
#################################

يحسين ياخوة صدك..شاء القدر ان نفترك
يالسدت اعيونه ابحرك.. بين الكلب واخيامي

عالتل صعدت وناشدت..كمت وطحت كمت وطحت
وادعتك انه امنيست.. مترد بعد يالضامي

دريت اشصار يالمارد للمخيم
اختك حشمت ماوحد اتحشم

نار الخيم..طلعتنة للهيمه ابرعب
نار الخيم.. خلتنه بحلوك الغرب

ترضاهة ويه الغربة اضل
تمنيت منعدكم عدل..سار الضعن
#################################
ذوالفقار الزيدي

حرك الخيام ضيع اسنيني
يمك اجيت شيبت عيني
#################################

حركت اخيامي النار..ونسوة فرت وزغار
دايسه الجمر الحار..من اجيت

كالن المكصد وين..كلت الوذن بحسين
ماخذك جف البين..مادريت

جيت افزعك للخيام
وشفته مذبوح الغرام
يعني ضيعنه السلام ..ياحسين

حال الممات بينك وبيني
يمك اجيت شيبت عيني
#################################

جيتك اكلك عالحال..وعن حمل كلبي المال
شحجي للغادي اوصال..عالتراب

شحجي وياك اجروح..وانته نحرك مذبوح
امسلبك الحافر روح.. ياعذاب

شرد اكول اتحيريت
ماحجيت وسولفيت
اتكربت ليك اوبجيت..ياحسين

صار الكلام نبرت اونيني
يمك اجيت شيبت عيني
#################################

بيا امر احجي وياك .. وانته مو حيلك ذاك
اهنا كسر طعنه اهناك..شرد اكول

الريح بنفاسك ضاك..صدرك وضهرة اطباك
مايصح بيك اشباك ..من الخيول

رت اشبكنك اريد
بس وكف عرضة الوريد
ياجرح متجمعة ايد..ياحسين

شبكك محال حاجي جفيني
يمك اجيت شيبت عيني
#################################

ارقيه سالتني اعليك..وانته سابل جفيك
صعبةاكلهة اموذريك .. صعبه حيل

اعليك سألتني اهواي..اتريدك امزعلة الماي
العمه مارد وياي.. بيهة ويل

طفلة ماتحمل وداع
جلمت الرايح ضياع
اويه العمر هذا انقطاع ..ياحسين

واشلون اكول رايح احسيني
يمك اجيت شيبت عيني
#################################

اعليك موبس عطشان..كلشي بالطف ذبلان
الرايح اترف انسان..اشها لضياع

حضرو لينه النوك..متاني دخلتنه السوك
حكة وانته المبيوك ..بالوداع

حضرو هزلت ضمير
ولليسر صار المسير
وماكو لعيالك مجير ..ياحسين

سمعني صوت لا تودعيني
يمك اجيت شيبت عيني
#################################
ذوالفقار الزيدي

مسيرة السباية
مأثر وحكاية
بدايه النهاية
مأسي ومواجع
#################################

مسيرت..مواجع ..ومواقف حزينة
حكايت..جوارح ..اميرت ضعينة


شيخت احجاب وصفت فوك الهزل
هيه حبل الله ويشد جفه الحبل
وعين حارت خاف لا واكع طفل .. معانات

وريثت ام ابيهة
سترهة جف اديهة
غربه التصد عليهة

مأسي ومواجع
#################################
حمية ..ورجولة .. وامامة وكفالة
بخواته..تحير.. وريث الرساله


بين جفة وعمتة جانت جامعة
وخايف ايميل وتطيح الواقعة
وحيلة رايح بين عمتة ومدمعة..جراحات

هد السمه بنحيبة
جي عمته غريبه
وجه الصبح مشيبة

مأسي ومواجع
#################################

العشاير .. نساهة ..اجوهة وخذوهة
واويلي ..علة زينب ..تتاني اليجوهة

ادير زينب ضلت ابعين الحزن
تدري ميفزعولهة وكامت تون
ومايجونج ردت اعليه اللسن..حرامات

ضلت تتاني اهلهة
ولا هاشمي الوصلهة
وهنا كثر حملهة

مأسي ومواجع
#################################

مناحر ..غوالي..تباري الحراير
نضرهن ..لهلهن ..يكّسر الخواطر


اه يالضيم السدة بهذا الضعن
بين سوك ومجلس وشامت مشن
ومن بلاد البلدة كامن ينهدن..الاميرات


اه ياجرح سبيهن
اه ياحرك عبيهن
اه ياحبل اديهن

مأسي ومواجع
#################################

نهايت ..طفوله ..رقيه وفكدهة
متدري ..اعله ابوهة ..النواضر تسدهة

ابدخلت الديوان قصتهة انتهت
وماتت اعلة احسين جن موتت بخت
اوية الطفولة اتحاللت وتواهبت.. الورد مات

اه ياعظم حزنهة
اه ياطبك جفنهة
وراس الابو بحضنهة

مأسي ومواجع

#################################
ذوالفقار الزيدي

طبت شمس مجلس ضلام
وكفت حلال اعلة الحرام

رغم الدواهي الجرت اعليهة
كلبت حدرهة براس عاليهة
والقت على الدنيا السلام
################################
اعله طول الدرب جانت تحبك الخطبة
ابن ميسونة خاطر يحترك كلبة
علية دخلت ابيه وتيهت دربه
وكد كيدك رساله وهدمت حربة

كلتلة كد كيدك يزيد
هية العبيد اتضل عبيد

هزت يزيد وشامة والبيهة
كلبت حدرهة براس عاليهة

والقت على الدنياالسلام
#################################

دك اطبوله بس دكت عليه ثايه
عصابتهة جانت بسملة او آيه
راية هيبة زينب ضيعت رايه
بديهية جواب احجاية بحجاية

والما رئيت الا جميل
عيشت امير الذل ذليل

قادت الثورة بكل معانيهة
كلبت حدرهة براس عاليهة

والقت على الدنيا السلام
#################################
مكسورة ضهر وامفاركة اليسوة
بس طبت شموخ امعاند التجوة
حجت علم الاصول وشرحت الفحوة
وسكت علم الرجال بمنطق النسوة

بان الاصل عن اللسيق
ياهو الثقة وياهو الطليق

بينت مواضيهم محاجيهة
كلبت حدرهة براس عاليهة

والقت على الدنيا السلام
#################################
لبن لواچة اجبود الشرف كالت
لتضن زينب ابثكل الحمل مالت
ترة قربان لله ادمانه من سالت
وانه استصغرك بس دنيتي الحالت

وتشهد اشياخك عليك
ما عاشت انشلت اديك

والفرحة صارت عار تاليهة
كلبت حدرهة براس عاليه

والقت على الدنيا السلام
#################################

اني استحقرك واستكثر بذمك
ومثل حركت اخيامي ارد احرك بدمك
تنكت بالثناية اتريد اذل يمك
مايجرالك وضل عايش بغمك

كل ضربة الك محسوبه ثار
وكلش قريب الانتصار

وانتصرت اعلة الكال يسبيهة
كلبت حدرهة براس عاليهة

والقت على الدنيا السلام
#################################
ذوالفقار الزيدي

يلمو ضرتي وصرتي انفاسي
اتقبلين افديلج عباسي
بين الناس ارد ارفع راسي
يافاطمة ..يافاطمة
#################################
فاطمة انتي..وفاطمة انة..والفرق يالزهرة عصمة
بت محمد..انتي كوثر..امنين ما الكاج نعمة
ياحمامت..سلم حيدر..حقي دورج من اعضمة
ما اصبح ..اله اذكرج..ينشهك اسمج واشمة
تسبيحة كلبي ابمصباحة
حتى اليوم اكضي مرتاحة
من اذكر اسمج بحساسي
يافاطمة..يافاطمة
#################################
هذا حبي ..بلا نهاية..وعمري لولادج نذرتة
حسين روحي..عمري زينب..الحسن ما وصف معزتة
كحلي عيني..اتقبليهة..ابو فاظل يكفل اختة
تريد عينة..تريد جفة..زينب اشرادت قبلتة
اعرف طيبة ومترديني
خل احسب وافيت ابديني
شاتلتة الخدمتكم ياسي
يافاطمة ..يافاطمة
#################################
علميتة..من الطفولة.. الخوية متمر ابلسانة
يحني راسة..يثني رجلة..خاطر اتضل المكانة
ياهي امة ..وياهي امهم..ياهي انتي وياهي انة
كتلة يمة..صير خادم..حتى احافظ عالامانة
خادم لولادج خليتة
وانة الخدمتهم ربيتة
وهاي الخدمة تضل نوماسي
يافاطمة ..يافاطمة
#################################
من تعلم..يحجي كتلة..كول فاطم كال عمري
كتلة زينب..كلي كافل..كتلة خدرك كال خدري
كتلة يبني..ارد انذرك ..حتى اوافي كال نذري
كتلة وجهي ..كال ابيضة..كتلة توعد كال ابشري
توة يسولف ذن افعالة
للخوة مفصل تفصالة
كتلة اخوانك رد ماناسي
يافاطمة ..يافاطمة
#################################
احزام اخيه..عفتة للطف..من يضل بغير ناصر
يكفل اختة ..ايصير حارس..للخيم من النواضر
وانة اعرفة ..بالمعارك..اختصاصة يحز مناحر
عاشر الطف..هذا وحدة..اوحدة العباس عاشر
ياخذ عاشر وحدة بزودة
ماخذ عالطف حيل زنودة
ابميدان الطف بيرغ راسي
يافاطمة يافاطمة
#################################
ذوالفقار الزيدي

يم البنين..حاضر عزاج ابدمعتج سجليني
يم البنين..اعرف كريمة بحاجة مترديني
################################
خليني اذوب ابعالمج..حطيني خيط ابجرغدج..اه يالوفية
ابكد رحمتج بابج كبر..مديلي خيط من النضر..ويصد علية
يا اوسع ابواب النعم..خليني خادم للخدم..محيي العزية
خليني افتحلج عزة..اعلة النساء البارزة..بزينب سبية
يم البنين..قابل قسمتج وين متخليني
يم البنين..اعرف كريمة وانتي متريديني
#################################
خليني اطيبلج جرح..راس الحسين اعلة الرمح..ينضر خواتة
لمتون متورمة وزك..هذا اليسب ذاك اليطك..بمدللاتة
تحبين ليسولف هذن..يحجيلج اجروح الضعن..عن نايباتة
وعيونج اعليهن تهل..اتصيحين ياجرح الهزل..يالراكباتة
يم البنين..ودموعج التاخذني وتوديني
يم البنين ..اعرف كريمة وانتي مترديني
#################################
مديت جفي بطلبتي..ثكلان من هم حاجتي..مولاتي نضرة
اغصان حيلي مصوفرة..روحي اعلة همهة مخوصرة..سويهة خضرة
ياباب حاجات البشر..امنين ماصدلج نضر..يلكاج حضرة
يالمختزل عمرج هلة..والشهدت الذن كربلة..
اشمديتي سفرة
يام البنين..طايح دخيلج ونتي متفشليني
يام البنين اعرف كريمة وانتي مترديني
#################################
الزهرة كد ماحبتج..باب الحوائج خلتج..حلالة اثكال
شدادة للمالة ضهر..مديتي للجايع سفر..فيضتي لدلال
للخدمة توفيقج ردت..العاشور دمعاتج صرت..متشكل اشكال
للونة شديت العزم..شديلي حيلي اعلة اللطم..خل همي ينزال
يام البنين..بدموعي اشارك دمعتج وفقيني
يام البنين..اعرف كريمة ابحاجة مترديني
#################################
يالمابقالج كل ولد..وضحيتي لوعندج بعد..لعيون الحسين
يالهالة عيونج دمة..ابنية خجل من فاطمة..الطبت الدواوين
ضحيتي عين وية السهم..وياهة جود وكلهة دم..
ضحيتي جفين
كل هذا وكثر رايدة..هذا الجرة وذا السدة..وكثر تريدين
يام البنين..العالم احساسج رايد توصليني
يام البنين..اعرف كريمة ابحاجة مترديني
#################################
ذوالفقار الزيدي

ام البنين انطت درس للقيم
ابعفتهة للعباس سوت علم
وشلون دكت ساس ..وشطلعت عباس
#################################
لبوة عرب وشخلفت ضرغام يتبع ضرغام
لحسين سوتهم حزم والله ونعم بت حزام
ضمتهم اليوم العسر وشلون ضمت مضمام
شي حرس ضلت للخيم شي ضلت اتصد اسهام
اربع ولد ماخلفت للكبر
خلفتهم ايطفون عين الشمر
لحسين شتلت ياس..وشطلعت عباس
#################################
تحجيلهم جانت قصص حيدر شلون ايحارب
بالمعركة يسلب ركب بس سيف ابد ماسالب
وتكلهم بعازة بطل هاية المسيرة ايواكب
يمة الزلم ماتنعرف اله برفيف الشارب
جانت تسولف حيدرة ومعركة
حتى الشعور الحيدري تحركة
ماتحجي مثل الناس..وشطلعت عباس
#################################
وعباس من بين اخوتة متفردة ابتربيتة
من زغرة حماي الخدر والكافل امسميتة
اتسولفلة عالطف اشكثر متحمس امخليتة
ومن يلعب اتحطلة العلم ويهوس بساريتة
وتكلة يمة ابصوت عالي ارتجز
والموتة خلهة من ارتجازك تفز
ولتخلي سالم راس..وشطلعت عباس
#################################
كلتلة كدام اخوتك لتكبر اسمك زغر
كللهة خادم مو اخو كلتلة عيد وكرر
كللهة وارض المعركة كلتلة لم وطشر
كللهة هم اوكف حرس كلتلة بس متوزر
كلتلة عالخيمة اريدك حرس
وبالحومة يمك مايضل اي نفس
واتكّطع الانفاس..وشطلعت عباس
#################################
كلتلة عاين للكمر ياابالفضل هذا انتة
بالمعركة دورك ضوة من يحل دور السكتة
ماراح تعب اطلوكتك للحومة جبت الفلتة
شلتك على اجتافي اشكر بس راسي انتة الشلتة
الوالد علي وشلون خلف ولد
ومايطلع امن الاسد الا الاسد
ماخب بيك احساس..وشطلعت عباس
#################################
ذوالفقار الزيدي

ام البنين امشكلة اشكال
سرجت اخيول وحشمت ارجال
كالت قصيدة ومستهلهة
فدوة الولد لحسين كلهة
حيهم على الطف ولد الثكال
#################################
رفت شواربهة الزلم من حشمت البدوية
كالت يولدي احجاية الي وارداسمع المكضية
علوية وياكم مشت لازم ترد علوية
تموتون اقبل بس شرط ماتنحجي المسبية

ربيتكم لحسين خدام
ومن الجفافي مسوية لعلام
ويكتب على الراية الحملهة
فدوة الولد لحسين كلهة
حيهم على الطف ولد الثكال
#################################
الزهرة كرمتني بعلي وارد اوفي دين الزهرة
ما اطش ماي الرجعتة الماغيرتة ادك صدرة
لسرجلة خيل الطلعتة اشرطلة يكسر ضهرة
وطبع الغيور ايذب عمر خاطر يحامي الخدرة

واشرط عليكم من تطلعون
اتخلون زينب ضي للعيون
والحاچتة اعلة الطف يكلهة
فدوة الولد لحسين كلهة
حيهم على الطف ولد الثكال
#################################

ماخلفت كالت ولد مابي ورث من حيدر
كد ما مراجل بي علي مورثهة حتى القنبر
رسمولي خطة معركة خلوني اصد واتفكر
منانة ابو فاظل يطب منانة يدخل جعفر

عبد الله غاد اهنانة عثمان
طبو الحرب سوهة ميدان
العباس خلي ايهوسلهة
فدوة الولد لحسين كلهة
حيهم على الطف ولد الثكال
#################################
الخيل مسروجة الزلم منهم اناطر قصة
اعلة اربع جهات المعركة كل زلمة ماخذحصة
امحشمة اليعشكون الحرب من تثكل ومرتصة
ولوماي شح ابكربلة متروسة ماي الكصة

يعطش اخوكم ما اضن هاي
غيرت كصصكم منبع الماي
واشفافة غيرتكم تبلهة
فدوة الولد لحسين كلهة
حيهم على الطف ولد الثكال
################################
جلمة الخال ابكربلة من الفاكرة تشطبوهة
لا تتعب وطارش تدز بذن الشمر خلوهة
اطلابة هواشم ماتفض بالمعركة ايفضوهة
زقوم خضرت كربلة وجاييكم ايحصدوهة

الروس الشبه من الشياطين
ماتبقة كلهة ويبقة الحسين
واسيوفك المسمومة سلهة
فدوة الولد لحسين كلهة
حيهم علة الطف ولد الثكال
################################
ذوالفقار الزيدي

ام عباس والنعم من عدهة
بالوكفات تنذكر وحدهة
كال بالنص حيدرة
كال عن هاي المرة ..والنعم من عدهة
#################################
علي من وصة عقيل.. غايتة ايطلع كفيل ..ورايد ابطف كربلة اينزل خطر
كله نساب العرب ..نخلة حواية رطب.. هاي بت احزام وتشد الضهر
بت التسرج اعلة الخيل لاجن تكسرلهة اضهور
اهلهة بدخلت المديان رحة واعلة المناية ادور
كلة الحيد وصلّت للغاية
وللكفال حضرتهة الراية
هاي بت جود واصل
هاي شيالة ثكل..والنعم من دعدهة
#################################
طبت البيت الرسول .. وماخذت دور البتول..بدار فاطم خذت دور الخادمة
كالت انه اوصيتي وين..كوثر الله ام الحسين.. ولارض ماتعلة صيت اعلة السمة
ماكالت حسن وحسين كالت سيدي اومولاي
وزينب ماحاجتهة بيوم تسميهة ابنظر عيناي
ابعين حسين والحسن والحرة
ام عباس ماتحط النضرة
ابهاي حسبت منزلة
ابهاي هية معدلة ..والنعم من عدهة
#################################
للوفاء خلت اصول.. خلفت اربع فصول..الخدمة الخوة الفصول الاربعة
اتقاسمو كلمن فصل..بس فصل راعي الفضل.. من يمر بحسين جان اتابعة
تسولف جانت العباس للخوان صير افياي
والبس وية عزمك جود لو جابو طواري الماي
للعباس جانت اتشد عزمة
تحجي وياه كلمة احر من كلمة
شلون جان تعلمة
شلون يلزم صارمة...والنعم من عدهة
#################################
العشرة شعلتهن شمع.. صارت الزينب دمع
..وللحسن تجاية بسنين الصلح
ذات وكفات شكثر..للخدر صاغت خدر.. ابجفهة صاغت للخدر خوة ملح
ابكل موقف جبل وكفات اهل البيت يلكوهة
ابطواري الخير من تنجاب جلمة خير يحجوهة
للهل البيت نذرت شما عدهة
احدود الموت ياهو يصول حدهة
وين طاريهة يمر
وين تلكاه بي نذر..والنعم من عدهة
#################################
شحمّلت للطف زلم..هاي تسوة الونعم
حشمت لحسين كل اولادهة
سرجت اضهور الشكر..ابوجه باسم مبتشر
حاسبة احساب الحرب وابعادهة
صاحت حيهم اهل الزود وين اليمتلك غيرة
اريد اليدخل الميدان يمنة ابميسرة ايديرة
صاحت صوت حشمت ولايهة
والعباس بشري من كالاهة
حاط بالة اعلة الخدر
حاط ايدة اعلة الصدر.. والنعم من عدهة
#################################
ذوالفقار الزيدي

حتى بعزائج يا ام عباس ايثار
يبتدي من يخلص عزاء الزهره
#################################
حتى ابموتتج يم البنين احساب
ومنيتج تجزي فاطم ماتركتيه
خليتي الليالي الفاطمية اتروح
وشيعة فاطمة اطلع بواجيهة
من اجمع حياتج تنجمع زهراء
والكاج المرة الذابت عشك بيهة
واكول ابموتتج ياعظم هالاخلاص
حسبتي المنزلة الماينعلي اعليهة

عجبني يم الوفة نكران الذات
وموتج المامتجرد من العِبرة
#################################
طبت خادمة طبيتي بيت الخير
ومافكرتي تتخذين دور امهم
دعائج بي وفة حيرتي جبرائيل
ربي اولادي فدوة السادة سلمهم
اللهي وطلبتي من جاهك ورجواي
ابيتمهم ما اريدن لحضة احسسهم
خلفتي اربعة وتقسمو فدوات
وشخلفتي كلهم فدوة للكلهم

لزينب والحسين وحسن وام كلثوم
خلفتي وين النذر ليهم عمرة
#################################
اليكلج فاطمة تخلين جف عالراس
اليكلج زينب اتكلية هاي اهواي
اليكلج عالحسن ويسولف اعلى حسين
تكليلة عمد خيمة وستر وافياي
اعلة سبع الكنطرة للرايد ايحاجيج
تكليلة نذر خلفتة يسكي الماي
اليكلج والقصد من خلفيتي احيود
تكللية حرس للحرم من الجاي

تكليلة خلفت انة اربع خدام
اواحدهم ايتاني العقيلة اتامرة
#################################
كل العندج انحط ابشليل حسين
وانتي اول بشر من ناصر الثورة
يجي ابالج الموت ابصيغة القربان
وتحجين ويروحج فدوة للزهرة
ها لو جايبة للطف بعد وليان
ها عندي زلم واحدهم ابكثرة
شاغل بالج الطف من بدة التوقيت
لحد مابشر ردلج جايب الحسرة

وبشر ابن حذلم من اجة ابطاري حسين
عيشج ضيم اوموتج منكسرة
#################################
قريتي الوارث ابطور ام كلب مشلوع
وقريتي الناحية اوونيتي للنسوة
اووصلتي الروسهم والدمع شك العين
روس الخير صارلهة الرمح تجوة
وصلتي الموت من سولفتي عاشوراء
رزية اولامثلهة اتمر بعد بلوة
واجه ابالج صدرمابي ضلع ماطاك
وكلبي الي انسحك كلتيلةلو هوة

وذيج الخيول اشسوت بصدر حسين
داست دليلج لجن بقت جمرة
#################################
ذوالفقار الزيدي

اتواردت عدكم بالضلوع وادموع يالمهدي الصور
فاطمة انسطرت علة العين وحسين مصيوب ابحجر

وصورة للنار ..تطلب الثار ..يابو صالح
###############################

بيمن ابدي ابيا توارد وانته ياذيك الجرة
يابو دمع الدم تهلة الكل جرح تتصورة
راح اكلك عن توارد للحزن مو تذكرة
العشرة لعلة الباب هجمت ردت الجدك ترة

العشرة ذيج التدفع بحيل بالخيل رد بيهة الزمن
والتشابه ضلع الحسين مابين ضلع ام الحسن

اجروحة الكبار ..تطلب الثار ..يابو صالح

###############################
الفطرت الحايط دفعتة وكسّر اضلوع الورد
فطّر الجدك شفاهة من كثر حر الچبد
الخلة فاطم كلهة دمعة الثالث ازغار الولد
خلة الحسين الرضيعة ايشبكة شبك المايرد

المحسن الماشاف الكماط بنياط عبدالله انرسم
والمثلث جان بسمار والصار بي نفس الالم

ادموم الزغار ..تطلب الثار ..يابو صالح

###############################
الزهرة كضت خاصرتهة اويه الضلع من انعصر
حسين كض ضهرة اعلة اخية من وكع يم النهر
الزهرة فضة السندتهة كبل ما حيدر حضر
حسين يتوجه اعلة صبرةالمنكثر حملة انكسر

التجوة جانت كسرة اضهور لبخور ماتسوة الكسر
وايه الحسين اتواردت هاي بالماي من ضيع عمر

كسرت الصار ..تطلب الثار ..يابو صالح

###############################
اللم حطب للباب بيدة نفسة شب نار الخيم
الحرّك اجفوف الزجية حرّك اجفوف الحرم
الآلم الزهرة ابضربتة كرر بزينب للم
حتى بسمار الضربهة بالطفوف اصبح سهم

اشمرت الزهرة بمعانات واهات مرت عيلتك
لجن زادت امهة بالنوك والسوك تدري بعمتك

الشافت اخطار ..تطلب الثار ..يابو صالح

###############################

الزادت اعلة امصيبت امك الزينب اجروح اليسر
الزهرة وسط البيت ضلت وطلعوهة من الخدر
طفة نار الباب حيدر والخيم صارت جمر
الزهرة محد صد عليهة وهية بس جفهة الستر

يابو صالح جنك اتشوف لجفوف ستر العمتك
الهاي بينه اشتعلت النار للثار ندعي الطلعتك

وهاي الاحرار ..تطلب الثار ..يابو صالح

##############################
ذوالفقار الزيدي

الراضية المرضية ..الحوراء الأنسية..جنت اسميهة
رجعتلي مقهورة..بضلوع مكسورة.. ولاثر بيهة

يافاطمة ..يافاطمة ..يافاطمة

##############################
لتباهلت بيهة..وامي اني اسميهة
وكلت اليأذيهة.. عد الله اذاني

السموني بالابتر..ورادوني اتحسر
جبتلهم الكوثر..وخير الله اجاني

يم الله من اسريت بشرني بيهة
كلالي بضعة وزيد ليهة ام ابيهة

وجيت انه بالبشرة ..وجبتلكم الزهرة ..سورة شاهدهة
وبس غمضت عيني..شفت اليأذيني..منسطر خدهة

يافاطمة ..يافاطمة ..يافاطمة
###############################

تحت الكسة اللمنة ..جبريل بشرنة
هُم فاطمة المعنة..سر محتوانة

لاسوة مبنية..ولاكاع مدحية
الخاطرهة بس هية..تالي الرضانة

السوة الفلك والكون ربي الأجلهة
تنشكر مو بالباب يوكع حملهة

ماتت وهية اتحن ..لملاعب المحسن.. المات ضنوتهة
بالمهد مانايم..ثالث ولد فاطم.. اه يابلوتهة

يافاطمة ..يافاطمة ..يافاطمة
###############################
راحتنة راحتهة ..فرحتنة شوفتهة
انعيش اعلة بسمتهة ..انه اويحيدر

حبل المودتنه ..وامحلية كعدتنة
ايسميهة عشرتنة .. السماهة كوثر

البعيونة يقوة الشوف جان ابنظرهة
يتخوصر ومكسور صار الكسرهة

كسرت ضهر روحي.. صارت سبب نوحي..عينهة الحمرة
المحنية احنتني.. ضرباتهة ابمتني.. بروحي السطرة

يافاطمة ..يافاطمة ..يافاطمة

###############################
الممتحنة محَنوهة.. العلويه ضربوهة
الصبحية عصروهة.. هاي المصيبة

الجفهة انفتح نعمة ..التبري الهوة الذمة
الماتجرح النسمة ..تنطك عجيبة

داينت مريم دين شَي مانقيسة
وخلفت بت عمران روح الله عيسة

حب هاجر وسارة ..والخل طفت نارة.. من كرامتهة
وانتم قهرتوهة ..وانتم ضلمتوهة ..وخذتو نحلتهة

يافاطمة ..يافاطمة ..يافاطمة

###############################
الحرة السماوية .. وليلة قدر هية
رجعتلي محنية.. مغصوبة حقهة

مابيهة شي سالم ..دافعهة جف ضالم
بكلمة وأن فاطم..للأمة شقهة

الينكل حطب للنار مايرضة تخمد
حط جرح ماينراف جفة المحمد

الدار انه لوبيهة..هم يهجم اعليهة.. بحقدة وبنارة
وهاي التأذيني..ليه فضة اسنديني..جانت ابشارة

يافاطمة ..يافاطمة ..يافاطمة
###############################

ذوالفقار الزيدي

كدامي موتي وهالتراوالي
يابو الحسن عينك على اطفالي

خل تغفة عيني.. وعندي راحة بال

###############################

ياحيدر اعيونك على السباحة
خليني اغمض عيوني بس مرتاحة

لاتبجي يمهم..اكعد وسطهم
بحنيتي ضمهم

ضمهم بجفك يبو اجفوف الحنان
وانته بس بمجاني لتسد المجان

ليل الدمع لو سير اعليهم
امسح دمعهم لاتبجيهم

مو همة روحي .. وعندي راحة بال
###############################

من يوم شفتك وانه ما خالفتك
مطاوعتك بنضراتك وسالفتك

بس عندي جلمة..كلبك تلجمة
ابريني ذمة

رايدة اتحاللني يالكلبك يحن
ادري موتي ايذبل عيونك حزن

لاتبجي من تنظر وضع زينب
تدريني من كبري وعليهة انحب

نزلني كبري ..وعندي راحة بال

###############################

يم الحسن وحسين ضل كل همي
اواحدهم ايسألك علي وين امي

الماترجع امهم..بالله شتكلهم
ويبطل دمعهم

انه عدهم نفس ليروح ويرد
لاتكلهم نامت ابوسط اللحد

كلهم اذا رادو يشوفوني
مو موت نوم الغمض عيوني

خلهم يجوني..وعندي راحة بال

###############################

بلفت الجفن حط عينك بنص عيني
وخل صورتك للمكبرة توديني

ابفلت عشرتي ..ختضل نضرتي
الوجهك ذكرتي

خل اروح الكبري وانتة ابالي
اهناك بس طاريك اليحلالي

من وجهك ارد اخذ ولو نضرة
بليلة وحشتي تصير للذكرة

ذكرك اماني ..وعندي راحة بال
###############################
شيعني باليل انه احب السكتة
وعليه ليهل الترب بس انتة

ومرلي اعلة كبري ..طيبلي كسري
مشتاكة تدري

ضيف روحي سير اعلة المكبرة
الخاطر ايريد اليطيب خاطرة

حط ايدك اعلة الكبر حسسني
راحة البال ابتربتي اتمرني

ايطيب جروحي ..وعندي راحة بال
###############################
ذوالفقار الزيدي

علي اذا ماشاف وجهج يعني مات
وياحيات التبقة من بعد الحياة

حتى اذا بحلامة وتمرينه
فاطمة من الشيب متعرفينة
#################################
بيتج مضلم وخالي..جرحج كاعد ابالي
فاطم نضرة اطفالي..مضيعة النوم من عيني

اليتم مر بيه وبولدي..وبس الليل الي بوحدي
ايدي امشابجة بخدي..واتخيلج تحاجيني

من يخلص الليل اختنك وبريتي مايبقة الهوة
من اذكر ابطرت الفجر نتوضة ونصلي سوة


الفرض يخلص هسة ويمرني الذبول
من اريد انوي اعلة تسبيح البتول

اليذكر التسبيح التسبحينة
فاطمة من الشيب متعرفينة
################################
على السجادة احط عيني..واون مابينهة وبيني
السبحة الطين تجويني..العطر جفج بعد بيهة

شما اصدلهة والزمهة ..بشوغت روحي اشتمهة
تألمني وألمهة ..وتبجيني وابجيهة

الطين جامد مو نفس بس مطية روح السبحتج
وكلما عليهة اتكربت تشكيلي فاطم عازتج

المن حنان اجفوفج امدينته روح
ضامهة الصدري وعليج وياهة انوح

لو تجين ورايدة اتشوفينة
فاطمة من الشيب متعرفينة
#################################
الجنت وياج اسولفهن..صرت للبير اسمعهن
اسولفله ويضل ايون..ويموت واحجي للثاني

اضم عن لا بشر يدري..وانه المابقي من صبري
انملة ومابي حمل صدري.. وسوالف تارسة الساني


ويامن احجي بعازتج والمثلج اهنا مايصح
والكلمة ليضمهة الكلب تدريهة تتحول جرح

بيت مال جروح فاطم كلبي صار
وشيضم ابروحة ليحركولة دار

الجان يحجي جروحة وتسمعينة
فاطمة من الشيب متعرفينة
#################################
من اريد البيتي اتعنة..وبابي من ارد افتحنة
كمت يالزهرة افز منة.. احسج لايذة ابكترة

من افتحة اشعر الم كسرج..واعيش احساسج ابعصرج
واكض ضهري بشكل ضهرج.. ومنو اليسندي يالزهرة

من فضتج ردتي السند بس انه بيمن نخوتي
الباقيلي حيلي المنكسر والمنكسر ضل تجوتي

اوكف اعلة الباب ويهزني الحنين
كام يتلكاني يالزهرة الونين

البل هلا من الباب تتلكينة
فاطمة من الشيب متعرفينة
#################################

وعلي الي تلجم اجروحة..ونار وتاكل ابروحة
اعيونج ليش مفتوحة.. وهضم مرسوم بعيونج

لان محد حجة بثارج..لو نار الكلت دارج
لو يتم العلة ازغارج ..لو ردتي اليريدونج

نزلتج الحضن اللحد وحسيتج بكلبج حجي
يافاطمة ومن هالوكت مابطلت اعيوني البجي

اعليج من هليت يالزهرة التراب
وفتحت اعيونج علي اكبر مصاب

الدفن خلة وبعدة فاتح عينة
فاطمة من الشيب متعرفينة
#################################

ذوالفقار الزيدي

مدد يافاطمة ..سند يافاطمة
انصارج تريد..انصارج تريد
###############################

اليخدمون ..ينادون ..مدد يا فاطمة
تحضرين ..وتسوين ..الارض مثل السمة

تحضرين المجالس
شرف لولاد عابس
الدخل هاي المدارس ..حسيني الهوة

يبت سبع المثاني
الخدم جيتج تتاني
النوة الهاي الاماني..دخل وادي طوه

امل عدهم امل ..خبر جيتج وصل

انصارج تريد ..انصارج تريد
###############################

تحضرين ..تشوفين ..المواسات ابدمع
الذكر نار ..اللطم حار ..مثل طكت الضلع

تشوفين الخدمكم
بشر عايش جرحكم
دمع صار الدمعكم..مثل حزنج حزن

المجالس عندة عادة
ابدليلة جروح سادة
الحزن من الولادة..وفة الام الحسن

طبع من الزغر.. دمع يطفي الجمر
انصارج اتريد ..انصارج اتريد
###############################
اليحضرون ..مثل جون ..لجن طلبو لطم
البلوجوه ..يريدوه .. هدم حركة وهضم

السواد المن وجه جون
حزن للثوب يردون
على الطفولة لعيون..ابدمة وضربت سهم

وعلى الحزو ركبته
وضمة متفطرة شفتة
وبقت عينة اعلة اختة.. التصدلة من الخيم

مثل حرك الخيم ..تحس هذا الالم
انصارج اتريد ..انصارج اتريد

###############################
نلاكيج ..نواسيج ..على جروح الخدر
على النوك ..على السوك ..على دروب اليسر

نواسيج اعلة حرة
مشت عالنوك حسرة
الكلب هاي التقهرة ..الاميرة اتيسرت

مشت وي روس اهلهة
ابدرب زيد حملهة
مصايبهة اشثكلهة.. عجيب اتحملت

الم جرح اليسر ..بجي الحزن الخدر
انصارج اتريد ..انصارج اتريد
###############################

غدا فوت ..غدا موت..ومجالسكم ذخر
ربح دين ..وفة الدين ..الختم بيهة العمر

الخلص عمرة بخدامة
ربح خير الامامة
اللطم يصبح علامة..غدا بالأخرة

غدا تصبح لطمتة
ختم عبرة محنتة
ويطب مسرور جنتة.. وشرطهة بلا سرة

نظر منج نظر..وتحس كلشي انعبر
انصارج اتريد ..انصارج تريد
###############################

ذوالفقار الزيدي