wal dhabdee qaama koo

waldhabdee qaama         koo eenyumaa araarsaa

mataaf miila kiyyaa    bahee wal arrabsaa

miilli mataa baatee komiisaa dhiheessaa

gurri,ijaaf,funyaan deeggartoota isaa

harki manguddummaan walitti araarsaa*2

qoma,garaaf,mudhiin deeggartoota isaa

miilli akkas jedhee     jalqabe haasaa

sii na gubbaa taa'ee
natti gad  hasaasa

silaa deemaan ooluu
ergaa tee na kaasaa

erga na tuffattee
narraa dhisi dhaamsaa*2

maali jettan isin
namni addaan baase

jara lamaan keessa
eenyu itti balleesse
furmaanni ni dhufaa
yoonin addaan baase*2

akkas tokkos jidduun
dubbi muree

garaan rakko qaba
gaafan achi turee

karaa mataas deeme keessan qaxxaamuree

oftuuluusan arge
gaafan bira taree

dubbi suuta laala
osoon hin jarjarree*2

dhugaadha yaa aboo
eenyu inni kunii

namtokko nan fedhe
maqaan koo udaanii

jennaan manguddummaa
keessa na baasanii*2

kuunis itti aanaa
hoggaa kuni taree

waa meeqa dubbachuun
anis na dararee

dubbadhu nan ja'aa
ijji waan agaree

anuu nin miidhame
kan na miidhe garee*2

anaatu dubbataaf
gurras waan dhagahee

funyaan na dubbataaf
shurufkaa na gahee

dhan dhama inninuu
hin beeku dandahee

anaa quubse tanaaf
jarri akkas tahee;*2

harkifaan manguddoo
hinta'u kasaaree

isaatu na miidhe
waa meeqa na guuree

an himachuu dhiifnaan
miila faa gargaaree

inni bar ifiifuu ablee
meeqa qaree

dubbiin saa nan taatu
loogummadha baree*2

warri irraa fagoo
rifeensaa fi qeensaa

wanta isaan jedhan boodaan sii odeessaa

erga waliin gallee
beellamaan dabarsaa

duugdiis akka dhufu
dhaamsa naa dabarsaa

handa dubbiin dhumtuu
namuu na caqasaa*2
GALATOOMAA!!!!