غريب 🤍

Салауат айтуда рия жоқ дейді.
Шыныменде солай ма???

Осы сөзді дұрыс түсінбей айтқан салауаттарын жариялап үлгілі болғысы келетін бауырлар бар екен! Сондай кісілерге бір бауырлық ескерту. Салауат айтамын деп сауабыңызды жоғалтып алмаңыз!

1. Салауат рияны қабыл етпейді ма? Салауат рия болмайды деген түсінік соңғы уақытта кең таралып кетуінің себебі мына мағынадағы (жалған) хадис
كل عمل ما بين القبول والرد إلا الصلاة علي
"Әр бір амал қабыл болу мен қайтарылудың арасында болады, тек маған айтылған салауат олай емес".

Шындығында бұл хадис ешбір ислам ғұламалардың кітаптарында келмеген. Керісінше бұл хадис пайғамбарымызға телінген жалған хадис делінген.

Негізінде салауат барша амалдар сияқты қабыл болу мен қабыл болмауды қамтиды. Хош.

2. Ал салауат риясыз қабыл болады деген кей ұстаздардың сөзін былай түсіну керек. Салауат айтылғанда ол Пайғамбарымыздың хақысында қабыл болады. Яғни ол кісінің Алла алдындағы абзалдығы үшін. Ал айтқан адамның хақысында қабыл болу , болмауы оның ниетіне байланысты.

Ақылмен дәлел келтірсек. Мысалға бір адам мұқтаж адамға рия ниетімен 10 мың теңге садақа берді. Ал жаңағы мұқтаж адам 10 мың теңгені алған соң өзінің қажетіне жұмсап пайдасына асырды.
Ал садақа берген адамның ол
амалынан пайда(сауап) алуы өзінің ниетіне байланысты болады. Егер рия араласса , әрине рия болады!

Яғни рия ниетімен садақа берген адам мұқтаж адамның садақадан пайда алғандығы себепті риялы ісі үшін сауап алмайды. Керісінше Алланың разылығын қаласа ғана сауап алады.

Әрі мынадай қағидамен қуаттасақ. Адам бір құлшылыққа Алла разылығы үшін деп ниет етсе. Ол адамға сол ниетінің орындалғаны маңызды. Әрі сол ниетінің үстіне қосымша ниет қосуы дұрыс емес.

Мысалға бір адам Алла разылығы үшін салауат айтамын деп мың рет салауат айтты. Және ол өзінің мың салауатымен Алла разылығына кенелу ниетіне жетті. Ал соған қоса тағыда адамдарға жария еткісі келіп әрекет жасаса , онда Алла разылығы деген ниеті 100% дәрежеден 50% дәрежеге түсіп қалуы мүмкін. Себебі ол бір салауатпен Алланың разылығын және адамдардың мақтауын ниет етті. Ал 50 де 50 болған ниет ықылас деп аталмайды. Ықылас дегеніміз ниеті 100% Алла разылығы үшін болуы керек!
(Бұл сөзіммен үлгі ниетімен жасайтын адамды мақсат етпедім).

3. Ал үлгі болу ретінде жариялауға келетін болсақ. Қазіргі таңдағы адамдардың дәрежесі ешқашан сахабалардың не тәбиғиндердің дәрежелеріне жетпейді. Ал салауат сияқты жасырын , жүрек пен тілде болуы керек құлшылықтарды сахабалар ешқашан жария қылуды қаламаған. Керісінше көп құлшылықтарды адамдардан тасада болып жасауды қалаған. Ал қазіргі заманда кімде кім сахабалар істемеген құлшылықты істегісі келсе онда оның ниетіне күмән туады.

Бұл жерде жария жасалатын құлшылықтарды мақсат етпедім, себебі сахабалар жария да садақа берген.
Ал жасырын жасалатын түнгі намаз сияқты құлшылықтарды ешкімнің білуін қаламаған.

Бұл сөздер жәй ғана ескерту ғана , біреудің ниетіне үкім беруден аулақпын. Жәй ғана ниеті түзу болмай жүрген кісілер ескерсе екен деген ниетпен.
Себебі рия өте жасырын нәрсе, кейбір ғұламалардың өздері аман болмаған бұл дерттен қарапайым халықтың аман болуы екі талай...

#ойларым

✨ Эмоцияға жол берген адамның ақылы істен шығады!

Бүгін эмоцияны ақылға бағындырудың қаншалықты маңызды екенін түсіндім.

Өмірде кейбір қиын сәттерді еске алған кезімде сол сәтті тағы бір мәрте бастан кешіргендей боламын. Сол сәт менде бүгін тағы да қайталанды.

Сол мезетте жүрегім ауырып , тынысым тарылып ішкі жан - дүниемнің астан кестеңі шықты. Сол бір сәттерді ойлап қайғы - мұңның тұңғиығына бата бердім. Тіпті өзімді жоғалтып қойдым. Алдыңғы мәрте ауырып қалуымның бір себебі де осы еді. Хош.

Содан кейін тынышталайын деп қараңғы бөлмеге кіріп жатып қалдым. Бірақ жүрегімдегі күйзелістер жанымды жегідей жеп , өкініштер өзегімді өртеп барады. Солай біршама уақыт дөңбекшіп жатқанымда кенеттен Алла Тағала менің ойыма бір ойды сала қалды. Әрі сол ой менің ақылымның жұмыс жасауына себепші болды. Ақылыммен ойлана бастадым. Сол қиындықтарды таразылай бастадым. Сол бір сынақтың болашақ өміріме қаншалықты жеңілдіктер алып келетінін және мені қаншалықты Алла Тағалаға жақындата алатынын түсіндім. Алла Тағаланың менің болашағым үшін ең хайырлы істерге жол сілтеп тұрғанын ұғындым.

Солайша жүрегім орнына келіп сол бір тұңғиықтан суырылып шықтым. Ал мені құтқарған сол бір ақылыма сап ете түскен бір ой еді. Яғни Алла Тағала өзі салған ой...

Айтқым келгені өмірде бірнеше ауыр сынақтарға тап боласыз. Ол сынақтың ащщы дәмін татқан кезде өзіңізді жоғалтып алуыңыз мүмкін. Ал ол сынақтан аман шығудың жолы эмоцияны ақылға бағындыру екен. Қашан сол нәрсеге шамаңыз келсе сынақтардың артындағы Алланың сізге қалаған ең хайырлы нығметтерді көре аласыз. Ал егер эмоцияңызды жеңе алмасаңыз онда Алла Тағалаға жалбарынып көмек сұраңыз. Мүмкін сол кезде ақылыңызға эмоцияңызды бағындырып беретін болар...

Алла Тағала өзінің рахымынан үміт еткен құлын ешқашан қор қылмайды екен ғой. Үмітің үзіліп бәрі бітті деген кездеріңде Алланың жәрдемі келіп барлығы жаңадан басталғанын сезесің...

Расында өмірдің алтын қағидаларында мынадай сөздер бар :

Жеңіске жету қиындықтардан кейін болады.
Тас қараңғылықтан кейін арайлап таң атады.
Әрбір қиындықтан кейін жеңілдік бар...

#бүгінгі_күннен

🌙 Расында қандайда бір аң тұзаққа түсіп қалса немесе қандай да бір ағаш кесілуге ұшыраса . Бұл істердің негізгі себебі олардың Алла Тағаланың еске алуды тоқтатып қойғандығы...

Расында ұрылар иесі ояу болған үйлерге ұрлық қа түспейді , керісінше иесі ұйқыда немесе ғапілетте болған үйлерге түседі!..

📚тажул_ғарус

#субхан_Аллаһ

🌙 Күнәлар сені Алладан тосып қоймасын.

Яғни күнәлі істерің себепті Аллаға қайтудан ешқашан ұялма!

Барлық адам күнәһар. Олардың ең жақсысы күнәсына тәубе етіп Аллаға қайтқаны...
Алла Тағала құранда :"Расында Алла Тағала тәубе еткендер мен тазаланғандарды жақсы көреді"-дейді.

Көрдіңіз ба? "Жақсы көреді"-дейді...❤️

#Аллаға қайт әр сәт сайын

🌙 Аспандағы ай жоғалмайды, тек бетін бұлт басады...

#Үмті үзбе...

🌙 Әнәс ибн мәлик былай дейді:

Өмірімде мына екі күнді ешқашан ұмыта алмаймын...

Біріншісі Пайғамбарымыз ﷺ Мәдинаға алғаш келген күні. Ол кісінің келуімен барша Мәдина нұрға бөленген еді...❤️

Екіншісі : Пайғамбарымыздан ﷺ айырылған күн. Ол күні барша әлемді қараңғылыққа басты. Тіпті сахабалар өздерін жоғалтып қойды...💔

#Сүйсең Пайғамбарды сүй

Жүрегінің әрбір дүрсілі Алла үшін соққан адам қалайша қор болады...💔

#Алланы еске ал

💫 Түн жамылып тұрып жұлдыздарға толы аспан астында берген уәделерің ешқашан орындалмайды! Бәрі өтірік...
(Шайтанның алдауы)

#сенің дорама мен анимеден көңілі қалған досың)

Өмірде мәңгілік бақыт жоқ, бәрі уақытша сынақ үшін. Раббыңнан үміт үзбе...