مهدويون

شايفين وأحدنا عمره ١٥ و ١٨ و٢٠ و٢١ووو..سنة
وكله ذنوب شنو من عمر هذا
اذا هيج اعمار وإحنا مو خوش ناس
يمتى نصير خوش لعد
إذا أحنا عمرنا ذنوب
شنحصل بعدين؟
بس إذا سعينا نتغير ونصير خوش ناس
شنحصل؟
لا تكول أني الله مايتقبلني الله مايغفرلي
لا تكول بعد مايفيد أتوب
لا كول ح أتغير وأصير خوش أنسان
أن الله لا يغفر لمن أشرك به ويغفر مادون ذالك
بس الاشراك مايغفر الله
بس كل الذنوب قادر يحذفهن بلحظة ندم😥
إذا ماتصلي أرجع صلي🥺
وإذا تاخذ غيبة أتركها🥺
وإذا تعاملك ويا أهلك مو خوش
صير خوش وديربالك عليهم🥺
إذا تجرح العالم بطل هل العادة ومعليك بالعالم🥺
واذا واذا... الخ
جل من لا يخطأ😥
بس هنيال الي يتوب ويتعلم 😊
مع تحياتي اختكم وخادمتكم الصغيرة 💙💙

‏لم تشارك زوجة سيدنا لوط عليه السلام
قومها في الفاحشة
لكنها كانت open minded
تتقبل اختلافهم وتُقرّهم عليه

فكانت النتيجة
"فأنجيناه وأهله إلا امرأته كانت من الغابرين"

درس قاسٍ لكل من ادَّعى المثالية والانفتاح على حساب حدود الله.....
شوفوا بنات والله الدنيا ماتسوه أطلع بمكياجي ولبسي الفاضح ليش هي الدنيا تسوه بربج!!
منو دايم بيها!!
نهايتنا شنو مو حفرة وقطعة بيضة
من أحجي اني هيج مو احسن منجن لا قسم بالله أقل وحدة بيجن أني
والي الشرف أتعلم منكم مو تتعلمون مني

بس مرة سمعت جملة هزتني تكول أن الله يحب الستر
لدرجة الإنسان ينستر حتى بموتة بكفن
تخيلوااا!!
مات وينستر
لعد ليش مانستر روحنا بالدنيا
ليش مانرفع راس الزهراء ونبيض وجوهنا يمها
الستر ماينقص من ثقافتج ولا جمالج
الستر يرفع مقامج يم رب كريم!!!
شينقصني اذا اطلع بحجابي وعباتي
وجواريبي
شينقص من حريتي؟؟
شيصير لو اطلع طبيعية ليش أخلي مكياج
مو مهم منو يشوفني حلوة
المهم وجوهنا يم الله بيضة !!!!
خلقنا لنرضي الخالق لا الخلق 😕
ليش نهتم للعالم شون تشوفني 😐
ليش الله أخر أهتمامتنا!!! 😥
المهم العالم شوفني😕
مو ٣ مرات باليوم من توضأ نكول
اللهم بيض وجهي يوم تبيض الوجوه
ولا تسود وجهي يوم تسود الوجوه
إذا الله اني مخليته أخر أهتماماتي
شون يبيض وجوهنا؟؟🤔🤔
وأنت الولد من تشوف أختك تطلع
كله راويني شلابسه جواريب
حجاب
تابع اختك
أنت هم مسؤول أمام الله
كلكم راع وكلكم مسؤول عن رعيته💙
من اليوم أخذن وعد ع نفسجن وتغيرن
لأن أنتِ غيوم حلوة وبيضة
وقلوبجن نضيفة
خلونا تتبيض وجوهنا يوم تسود الوجوه
بس تنوية بسيط
الشرف شي والستر شي
والشرف مايخص اللبس هذا موضوع ثاني لا تدخلون بس
كلامي جان عن الستر
شنو أستر شي!!!
عباية
لا تكولين ملابس عريضة
ووووو.. الخ
الملابس الجبة، التنورة... الخ يفصل جسمج لو لا؟؟
مو الوان تجذب لو لا؟
قابل سود بس تلبسين
مو صح
بنات أني دا أحجي عن الستر
وأستر شي العباية
سودة
ومثل الخيمة عليج
مامفصلة جسمج 💙
ودليل الستر العظيم
حتى القرآن من يسولف عن اصحاب الجنة يكول كلشي مباح الهم من خمر وغيرها .. لكن لم يذكر العري واللبس الفاضح .. لباس من حرير واستبرق ❤️
مع تحياتي اختكم وخادمتكم الصغيرة 💙

إختر صُحبة تَخجل أن تفعَل بينهم ذنبًا ، وحذارِ من صُحبة تخجل أن تفعل بينهُم طاعة !

‏﴿ واللّه يُحبّ الصّابرين ﴾☁️
ألا تڪيفكَ محبّتهُ لتصبر ؟!

مهما كان عمرك ستجد نفسك تتصرف بعض التصرفات الطفولية عند جلوسك مع أشخاص ترتاح لهم جدًا .. 💙

" بالحب نربي أبناءنا "
#اطفالنا
علميني يا أمي - علمني يا أبي
✋✋

❌-أمي تصرخ في وجهي :
اتكلم معاي بأدب، لا ترفع صوتك وأنت تكلمني!!
ما هو - الأدب - ؟!
علميني أولاً يا أمي!!

❌-أبي يصرخ في وجهي :
اذا كلمتك انظر إلي ..
و أنا أحدثه و عينيه في جواله!!
علمني أولاً يا أبي!!

❌-أمي تسحب ألعاب الآخرين من يدي : عيب ما ناخد حاجات غيرنا.
و تسحب لعبتي من يدي
عيب، هذا أخوك الصغير خليه يلعب فيها.

❗هل ما أفعله - عيب -
و ما تفعليه - كرم - !!
علميني أولاً يا أمي!!

❌-أبي يدخل غرفتي، عفوا،
يهجم على غرفتي.
ويغضب أذا دخلت غرفته دون أن أطرق الباب!!
علمني أولاً يا أبي!!

❌-أمي تجيب ع أسئلتي :
مو وقت الأسئلة،
أنا مو فاضية،
فهل أجيبها في وقت لعبي -و هو وقت لعبي - وليس وقت الأسئله أنا ألعب!.
علميني أولاً يا أمي!

❗""أبناؤنا ضائعون بين المثالية التي نطلب منهم التحلي بها و بين ما يرونه من سوء أخلاقنا معهم إن صح التعبير""

-عزيزي الأب - عزيزتي الأم :
لابد أن نكون قدوة لأبنائنا فهذا زمن فقد الطفل فيه كل شي!!
لا صحبة صالحة ولا ألعاب بريئة ولا حتى أولاد الجيران يلعب معهم،،
أطفال اليوم سيواجهون في مراهقتهم و شبابهم تيارا قوي لم نواجهه نحن.

تربيتنا كانت في أحضان أمهاتنا ربات البيوت بعيدا عن عوامل إثارة العنف و الشهوات التي يشاهدها أطفالنا، و ها نحن نشاهد الانحراف و الجرائم المنتشرة!! فكيف سيكون حالهم!!

-أخي الأب - أختي الأم :
أعيدها " كونوا قدوة لأبنائكم "
علموهم الأدب

علموهم الحدود الشرعية فقد اختلط الحلال بالحرام.
نعم علموهم لكن بتصرفاتكم و أفعالكم وليس بالصراخ و بالكلام فقط.

لا تجعلوهم ينفرون من بيوتكم.
ادعوا لهم ليس في قلوبكم فقط، ادعو لهم أمامهم بالتوفيق و الهداية و أنتم مبتسمين،

أخبروهم بمحبتكم لهم ، و اعطوهم شيئا من وقتكم، لا تجعلوهم حائرين يبحثون عن من يسمعهم ويوجههم، كونوا لهم آباء و معلمين أصدقاء و مستشارين،.

مع تحياتي
اختكم💙

فكرة.. ✨

كلّما نويتَ أن تتكلّم عن شخص ما، تخيّلهُ يجلس بجانبك، إن كانَ يرضى بما ستقوله فقل، وإن كان لا يرضى فلا تقل، إنك بذلك تمنع نفسك عن الغِيبة.

حين يهزك الشوقُ لأحدهم، عانقهُ بدُعائك. 💙

سيحفظ الله علاقتك بمن هو خيراً لك .✨

🍃✨🎈

🎊افرحو بالعيد ، ولا تُلقوا السَمع إلى من يقول ما في بهجة للعيد🙁 ، عيد ميت 😥 ولا كأنه عيد...🖤💔

تذكروا قول الله تعالى : ومن يعظم شعائر الله فإنها من تقوى القلوب 💚
🕋🕌🌙🎉⁦
لنعظم شعائرنا وأعيادنا ونعتز بديننا ، علوا صوت التكبيرات ، وانشروا السعادة من أجل أطفالكم وأحبابكم🎉
🌟قال رسول اللَّه صلى الله عليه وآله : للصائم فرحتان فرحةٌ عند فطره وفرحةٌ عند لقاء ربِّه 🌟

🎉🙏الفرحة والسعادة أن تكون قريب من الله

🙏رزقنا الله وإياكم الفرحتين 🙏
⁦❣️⁩كل عام وانتم بالف خير متابعينا الأعزاء ❣️⁩

#مناجاة_مملوك
:
الهي اناديك..
‌‏بكل حاجتي لك وحجتك علي
🌷
بكل فقري لك وغناي بك
🌷
بكل مسكنتي لك وسكينتي بك
🌷
بكل انكساري لك وانجباري بك
🌷
بكل ذلي دونك وعزتي بدنوك
🌷
بكل بشريتي وادميتي
وتوحيدي لك ووحدتي دونك
🌷
بكل شعرة وذرة وغفلة ويقظة
وخلية ومجرة
🌷
أناديك يا الله
و
أسألك ايمانا خالصًا دائما كاملا سالما
ايمانا
عميقًا يلامس جوانحي
وسيعا يحيط بجوارحي
🌷
ايمانا
لكل الحياة
للعسر ولليسر للغنى وللفقر
🌷
ايمانا لكل العمر
للشباب وللكهولة وللهرم ولسكرات الموت
وللقبر وللنشر..
🌷
ايمانا قويا
اقوى من شدائد الدنيا
وخذلان اهلها
وهزاهز الايام وتحولها
🌷
ايمانا
بصيرا يبصر حبائل الشيطان وخطواته
ويعرف حيله وخططه..
🌷
ايمانا راسخا
يكون كالجبال لأرض قلبي لا يحيد
راسي كالقمم لا تميد
🌷
الهي
واعوذ بك يارب
من ايمان ظاهرٍ لا رصيد له في القلب
اعوذ بك
من ايمان الحركات
الذي لا يحرك قلبي حبا لك
وعطفا على عيالك وخلقك
الهي
الهي
الهي

#ولد_الشايب_وفاية
منقول من قناة اخي (حبة الدر )
تحياتي اختكم💙

اقروها والله فد شي هالرسالة💙
تحياتي اختكم

يوم الحساب :
صاحوا باسمي لا ألقاب ولا مقدمات ، واجو اثنين اخذوني وخلوا صحيفتي بيدي وجابوني للمنصة ، على رؤوس الاشهاد ، وبدوا يفتحون الصفحات .
الصفحات الأولى صغيرة وبسرعة عبروها بدون حساب ، حتى وصلت للتكليف بدأت الصفحات تكبر والكتابة تصير كثيرة وناعمة وبالتفاصيل ، تعبت هواي من هذن الصفحات ، كل صفحة تنفتح انسأل عنها ، صليت الصبح بوكتها لو لا ؟ صليت الظهر ؟ المغرب ؟ امك وابوك ، جيرانك اهلك، الفقراء ، الواجبات ، أسئلة كلش هواي ، وبعد وين رحت وين اجيت وين باوعت؟ عليمن حجيت ، يعني حتى الصغار بكد مثقال الذرة هم انسال عنهن تعبت هواي وخايف وما ادري شنو ورا هذه الأسئلة والتحقيق والناس كلمن مشغول بنفسه والتحقيق جدّي وما بيه تهاون..
كل مرة تطلعلي صورتي وأنا اصلي بسرعة شكد تمنيت لو شوية اطولها ، القران على الرف بس كون امد أيدي واقرا شوية ، يا الله فتحت القران بس ليش صفحة وحدة ، هذن كم كلمة يبيضن الصفحة كلها. هذا فقير يدك الباب ، يا الله بس كون انطيه شي ، هم زين انطيته ، عجيب هذا الألف صار سبعة صار سبعمية صار سبعة الألف وجاي يزيد وانا مستغرب والله يضاعف وانا فرحان شكد تمنيت لو امشي واوزع على الفقراء، بهذه الاثناء شوية أجر نفسي ويهدأ الخوف شوية بس اعرف اكو بعد هواي صفحات . اكو هواي سطور سود ممسوحات ومو واضحات انا اعرفهن ومستحي حيل منهن وخايف من حسابهن . سألت سويت نفسي ما اعرف . كالو هذن الله مسحهن ومحد يعرفهن غيره . لأنك تبت منهن والله سترك بالآخرة مثل ما سترك بالدنيا..
بعدين شفت صفحات بيض ، بيهن حسنات هواي بيهن تسبيحات هواي أنا ما مسويهن وبيهن ختمات قرآن وبيهن عبادة ورضى ومغفرة ، وحتى ضواهن غطى الصفحات الفاتن ، اول صفحة مكتوب بيها امساك ،اثاري دخل شهر رمضان ، عجيب أنا اشوف صورتي نايم والملائكة تكتب حسنات وحتى من اتنفس كل نفس بيه ثواب ، عجيب حتى لو كلت (بسم الله الرحمن الرحيم) ينكتبلي ثواب ختمة قرانية كاملة ، وظلت الملائكة تجيب حسنات وتصب بصحيفتي حتى فاضت .
كل آية اقراها من القرآن ينطوني ثواب ختمة كاملة ، شكد تمنيت لو كنت مستمر اقرا قرآن طول الوكت!! . بعدين شفت جايبين حسنات بكد الدنيا ... وقت الإفطار كالوا لأن قريت سورة القدر. وكالوا راح ننطيك بكد ثواب كل الصايمين اليوم لأنك كلت ( اللهم لك صمت وعلى رزقك افطرت وعليك توكلت) .
بعدين ظلوا كل صفحة يفتحونها من صفحات الشهر وانا وجهي يستبشر ويفرح . شكد اتمنيت لو الشهر 60 يوم او 120 يوم او حتى كل السنة كلها شهر رمضان ، بعدين شافوني مستغرب كالوا لا تستغرب انت بضيافة الكريم . وحتى تصورت ماكو احد عنده ثواب بكدي بالرغم انا اصلا كلشي ما مسوي .
بعدين اجت ليلة القدر وانا اشوف الملائكة تنزل بكل مكان وكل زاوية وبيدهم أكياس الرحمة والمغفرة والعطايا ، و شفت يوزعون على الناس صكوك العتق من النيران وانا اباوع بالصكوك بلكي اسمي بواحد منهن ، بعدين شفت هواي ناس تصلي وتقرا دعاء وتتصدق ويصلون ارحامهم وكلهم اكثر مني وبداوا يوزعون عليهم وانا اباوع للناس واباوع للصكوك خاف يخلصن ، بعدين خلصن الصكوك وانا كلش خفت ، بعدين اجا واحد من الملائكة جاب صكوك اكثر من الوجبة الأولى مكتوب عليهن (السلام على الحسين ) كالوا هذن للزاير بليلة القدر للما حصل بالوجبة الأولى ، مختومات بختم النبي الأكرم سيد الشفاعة وانطوني صك باسمي ، وانا مستغرب كالوا ليش انت ما سمعت الحديث ( من زار الحسين ليلة القدر وجبت له الجنة)! ، وظلت الحسنات تجينا من كل صفحة حتى وصلنا ليلة العيد والملائكة اجوا بصكوك عتق من النار جديدة بكد الأوليات كلهن وفوكهن ، وظلوا يوزعون على الناس يمكن ما بقى واحد ما استلم .
شكد تمنيت لو ما مضيع دقيقة من هذا الشهر ، شكد شهر كريم وكله عطايا ومنح وشكد مقصر بيه شكرا يا رب على عطاياك شكرا يا رب على كرمك ومنك شكرا يا رب على نعمة شفاعة محمد وآله. كعدت من النوم وأنا اردد الصلاة على محمد واله واكول هم زين باقي شكم يوم من شهر رمضان.
استثمره قبل لا يخلص..

- د. عبد الباقي خلف علي

محتاجة دعائكم ان شاء الله راح ابدي اقرا 😅 ويارب احقق المعدل الي اريدة 🥺 ويارب التوفيق لكل الطلاب 💙
تحياتي اختكم💙

#رسالة_لقلبك 💙

بعد كل ضيق متّسع ، وبعد كل امراً مُحزن فرح ، وبعد كل حدث سيء خيراً كثيراً
لذا لا يضيق قلبك وتذكر أن الله عز وجل بالقرب دائماً 💙

‏فاسجُد وقُل : بضربةِ علي ، بجرحِ عَلي ، بأيتامِ عَلي...💔💭