🎓🍃 හීන කරා පිය මනින්නට මංපෙත්™ - Official Channel 🍃🎓

ඔබට ඕනෑම දෙයකින් නැගිටින්න පුළුවන්✊.
ඔබට සම්පූර්ණයෙන්ම නැවත අනාගතේ නිර්මාණය කළ හැකිය😳❤️.
කිසිවක් ස්ථිර නැත🕶.
ඔබට තේරීම් ඇත🫰.
අලුත් සිතුවිලි හිතන්න පුළුවන්.
ඔබට අලුත් දෙයක් ඉගෙන ගන්න පුළුවන්..☺️
ඔබට නව පුරුදු ඇති කර ගත හැකියි🔥.

ඒ වගේම වැදගත්ම දෙය නම් ඔබ අද තීරණය කිරීම මිස ආපසු හැරී නොබැලීමයි😃.

ජය...🌞

#affirm #shinx

°𝐅𝐨𝐥𝐥𝐨𝐰 𝐔𝐬 : ⚘@Heenajayagamuofficial™

*තරු* ක්‍රමය

ඇත්තටම කියනවනම් මේක මාරම success ක්‍රමයක් මම මේක  දැනගත්තේ posiiii අයියා ගෙන්🙏.

ඇත්තටම ඕගොල්ලන්ට හිතෙනවා ඇති මේක මම මේ තරම්success කියන්න හේතුව මොකක්ද කියලා🤔.

1)මේකෙන් අපිට අපි වැඩ කරපු වේලාව බලා ගන්න පුලුවන්.
2)අපි දැන් ඉන්න තත්ත්වය බලා ගන්න පුලුවන්.
3)අපි තව කොච්චර වැඩ  ඕනිද   කියන එක හිතා ගන්න පුලුවන්.
4)අපි හැම විෂයම සමබරව කරගෙන යනවා ද කියන එක මේකෙන් බලා ගන්න පුළුවන්.
5)ඒ වගේම අපි යම්කිසි දේකට ඇබ්බැහි වෙලා ඉන්නවනම් ඒක හිමීට හිමීට දවසින් දවස එක අඩු කර ගන්න පුළුවන්.

මම දැන් කියුවේ ඒ වගේ කිහිපයක් විතරයි......✋ ඔයාට ඕනිම දෙයක් ගැන විශ්ලේෂණයක් ගන්න මේක මාරම උදව්වක් වෙනවා.

🔅හරි ඔයා ඉස්සෙල්ලාම මුලින්ම කොළ තුනක් ගන්න.
🔅ඒ කොල තුන subject තුනට වෙන්කර ගන්න.
🔅ඊට පස්සෙ මම පහලින් දාලා තියන පොටෝ වලට අනුව graph එකක් හදාගන්න.

📌හරි මේ වෙනකොට ඔයා ඔයාගේ graph තුන disigng කරගෙන ඉවරයි. ඊට පස්සේ ඔයා ඒ කොල තුන ඔයාට නිතරම ඇස ගැටෙන තැනකින් බිත්තියේ අලවා ගන්න.

📌දැන් ඔයා දවස ඇතුලත වැඩ කරන පැය ගණන ඔය graph තුනේ ඒ ඒ විෂයන් වලට අදාලව Mark කරන්න ඕනි.

📌හරි දැන් ඔයාලට ප්‍රශ්නයක් ඇති මේක graph එකෙක් කොහොමද Mark කරන්නේ කියලා.😇

📌මේක ඕනි නම් අපිට හයිලයිට් වලින් Mark කරන්න පුළුවන්.

ඒත් මම රෙකමන්ඩ් කරන්නෙ ඔයගොල්ලන්ට පුලුවන් නම් පාට තුනකින් තරු කාඩ් තුනක් ගෙනහල්ලා ඔයගොල්ලෝ වැඩකරන පැය ගානට අදාළව එක තරුවක් ගානේ අලවන්න කියලා.

(සැලකිය යුතුයි:: මම හිතනවා අපි highlighter එකකින් chart එක Mark කරන කරනවාට වඩා ඒ එක පැයකට තරුව ගානේ අලවන එක ඒ වැඩේ interesting කියලා.
ඒක ඔයාලගේ කැමැත්තක් අනුව වැඩේ කරන්න.)

📌ඊට පස්සේ ඔයාලගේ Target 🎯 එක වෙන්න ඔනි දවස ගානේ තරු වැඩි කරගන්න එක.

📌මේතන පහලින් දාලා තියනවා මම කරපු chart තුන.
(සැලකිය යුතුයි:: මම මේ දාලා තියෙන්නේ මම පාඩම් කරන පැය ගාන නෙවෙයි. මම selfstudy කරන පැය ගාන😁.
ඒකත් posiii අයියා කියා දිපු එකක් )

📌ඒ වගේම අපේ මොකක්  හරි නරක පුරුද්ද තියනවා නම් ( මගේ නම් වැඩිපුර වෙලා නිදාගන්න එක😒)
ඒක අඩු කර ගන්න තරු ක්‍රමය හොදා ගන්න පුලුවන්. මම එහෙම කරපු photo මම පහලින් දාලා තියනවා👇.

📌ඔහොම තමා තරු ක්‍රමය කරන්නේ. මම ඔයාලගෙනුත් ඉල්ලා සිටිනවා මේක කියවලා නිකන් ඉන්න එපා🚮.
ඔයාලත් මේක Try කරලා බලන්න🙏.

🔰🧘‍♂️ Kasun Madushnka

°𝐅𝐨𝐥𝐥𝐨𝐰 𝐔𝐬 : ⚘@Heenajayagamuofficial™

හැමෝගෙම ජීවිත වල හැරවුම් ලක්ෂ්‍යයක් තියෙනවා..

ඔයා, මම, ඇතුළු අපි හැමෝගෙම ජීවිත වල හැරවුම් ලක්ෂ්‍යයක් තියෙනවා. සමහරවිට මේ වෙද්දිත් ඔයා ඒක පහු කරලා ඇති. නැත්නම් ඉස්සරහට ඔයා පහුකරන්න තියෙනවා ඇතී. කොහොමහරි අනිවාර්යයෙන්ම දවසක ඔයාට ඒ දේට මුහුණ දෙන්න වෙනවා.

ඔයාගෙ ජීවිතේ හැරවුම් ලක්ෂ්‍යයට ඔයා මුහුණ දුන්නට පස්සෙ, ඔයාට හුඟක් දේවල් පැහැදිලිව පේන්න පටන් ගන්නවා. සමහර මිනිස්සු ගැන ඔයාට ගැඹුරින් තේරෙන්න පටන් ගන්නවා. ලෝකෙ ඉන්න මිනිස්සු නිරායුධව හිටියත්, සමහර තැන් වලදි ඔයා අනාරක්ෂිතයි කියලා ඉවෙන් වගේ දැනෙන්න ගන්නවා.

අන්න ඒ තැනදි, ඔයා ඉගෙනගන්නවා කොහොමද ඔයා තනියම ඔයාව රැකගන්නෙ කියලා. ඔයා කොයිතරම් නම් කරුණාවන්ත් වුණත්, ඔයා අවධානයෙන් ඉන්න, ප්‍රවේශමෙන් ඉන්න ඉගෙනගන්නවා. ඒ වගේම ඔයා දැනගන්නවා, ඔයාගෙ ජීවිතේ සෑම පැතිකඩක්ම සෑම කෙනෙකුම දැන නොගත යුතුයි කියලා.

ඔයා මෙන්න මේ හැරවුම් ලක්ෂ්‍යය පහු කළාට පස්සෙ, ඔයා සාර්ථකත්වයට යන ගමන කාටවත්ම නවත්තන්න බැරි වෙනවා. මොකද ඔයා මේ ගමන යන්න පටන් ගන්නෙ හොඳ දැනීමකින්. හොඳ අවබෝධයක් ඇතුව.. ඉතින් මෙන්න මේ මොහොත එනකන් දරාගෙන ඉන්න.

මොකද අනිත් මිනිස්සුන්ගෙ ජීවිත එළිය කරන්න පුළුවන්, දරාගන්න බැරිම තරම් අන්තෙටම වැටිලා, ජීවිතේ turn කරපු මිනිස්සුන්ටයි. ඉතින් ඒ වගේ ජීවිත අපිට හුඟක් වටිනවා..

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

#gimhani_senarathne
#studywithgimi
#lifeinspiration
#positivevibes

ජීවිතේ දැක්ක ආසම හීනයක් 🙈💗

ලංකාවේ එකම නීති පීඨයේ නීතිවේදී ගෞරව උපාධිය ❤️

ශිෂ්‍යත්වේ පාස් නැති ළමෙක්
O/l A9 ක් නැති ළමෙක්
A/l A3 ක් නැති ළමෙක්

හැබැයි,
නීතිවේදීනියක්
නීති ශිෂ්‍යාවක්
සහය කතිකාචාර්‍යවරියක්
මනෝ උපදේශනය , මනෝ චිකිත්සනය , මානව සම්පත් කළමනාකරණය ඩිප්ලෝමාධාරිනියක්

ඔව් ඒ මම 🙂

ඉලක්කම් අකුරු වලින් විභාග මනින්න එපා . ඉලක්කය හරිනම් හැමෝම එක වගේ එතනට යන්න ඕනේ නෑ .

ඉස්කෝලේ පන්තියේ වැඩ බෑ කියලා කොන් වෙලා හිටපු , ගෙදර වැඩ නොකර පන්තියේ එලියේ හිටපු , ගුටිකාපු , ඉන්නතරමක් පිට්ටනියේ හිටපු , තියෙන තරමක් බාහිර වැඩ කරපු , තියෙන ක්‍රීඩා ඔක්කොම කරපු , යාලුවොන්ගෙන් ගුරුවරුන්ගෙන් ,ප්‍රතික්ෂේ වුනු , පාසලේ ප්‍රධාන ශිෂ්‍ය නායිකාව වුන , හැමදාම ත්‍යාග ප්‍රධානෝත්සවයේ නැටුම් සහ පැමිණීම ත්‍යාගය විතරක් ගත්තු අන්තිමට පාසලේ විශිෂ්ඨතම ශිෂ්‍යාව වුනු කෙනා

ඒ මං ගැන

මේ ගමන ගැන කොහෙන් පටන් අරගන්නද කියලා හිතාගන්න බෑ .

මුලින්ම මට ඕනේ වුනේ නැටුම් ටීචර් කෙනෙක් වෙන්න .
ඊට පස්සේ හමුදාවට යන්න (තාමත් 🤩)
ඊටත් පස්සේ ක්‍රීඩා උපදේශිකාවක් වෙන්න
හැබැයි කැම්පස් යන්න බෑ කියපු ඔයාට පේන්න
තාත්තට කරපු අභියෝගෙට පින් සිද්ධ වෙන්න
වාසනාවට පාසලේ ප්‍රධාන ශිෂ්‍ය නායිකාව වුනාට
කොහොමහරි කැම්පස් යන්න වැඩ කලා

පන්ති යන්න සල්ලි හොයද්දි ,එක වේල කාලා දවස ගෙනියද්දි , කියන හැමදේටන ණය වෙලා හරි සල්ලි හොයද්දි පුතෙක් නැති පවුලේ අඩුව, පවුලක බර දැනෙන්න ගත්තා .
ඉගෙන ගන්න ඕනෙමයි කියලා හිතුනා.
යාලුවොන්ගෙන් ගුරුවරුන්ගෙන් , නෑදෑයින්ගෙන් ප්‍රතික්ෂේප වෙද්දි
ඉගෙන ගන්න ඕනෙමයි කියලා හිතුනා.
නෑ බෑ කියන අයින්ම කරන මිනිස්සුන්ට දේවල් කරලා පෙන්නන්න ඕනෙමයි කියලා හිතුනා.

ඒ වෙන මොකුත් නිසා නෙමේ
මිනිස්සුන්ට ජීවිතේ වරදින්න ඕනේ.  තැලෙන්න පොඩි වෙන්න බිමටම වැටෙන්න ඕනේ . අසාර්ථක වෙන්න ඕනේ . ප්‍රතික්ෂේප වෙන්න ඕනේ.  ඒ හැමදේම වුනාම ඒවගෙන් හැදෙන මනුස්සයා හරි හයියයි. දින්න විතරක් පුරුදු නොවී පරදින්න පුරුදු වෙන්න ඕනේ. 
මේ ලෝකේ තමන් තරම් තමන්ට ආදරේ කරන මනුස්සයෙක් නෑ . හැමදේටම කලින් තමන්ට ආදරේ කරන්න ඕනේ . අනිත් අයට ඉරිසියා කරන්න කලින් තමන්ට තමන් අභියෝග කරන්න . අනිත් අය දිනවන්න කලින් තමන්ව දිනවන්න. තමන්ව සතුටු කරන්න . එතකොට අනිත් අය ගැන හොයන්න වෙලාවක් ඉතුරු නොවේවි. අනිත් අය කොහොම කරත් තමන්ගේ ගමන තමන් යන්න.  මොකද අවසානේ ඉතුරු වෙන්නෙ තමන්ට තමන් විතරක් නිසා . 🙃🙂

මොකටද පුතාලා මට ඉන්නේ පුතෙක් වගේ දුවෙක් තාත්තා හැමදාම කිව්වේ එහෙම .
ඉතින් මේ එයාගේ ආසම හීනේ.

හැමදාමත් වගේ අම්මා තාත්තා නංගී මගේ ජීවිතේ මේ තුන්දෙනාගේ හයිය නැත්නම් මම අද මෙතන නෑ . ඒ වගේම මට උගන්වපු මගේ ගුරුවරු හැමෝටමත් පින්
ඒ වගේම විභාග කාලෙට බනින ඒවා අහන් නෑ බෑ කියන හැමතැනම මගේ හයියට හිටිය තාරු අයියා , විමුක්ති අයියා , ලක්ෂි අක්කා ,නවීන් අයියා, කසුන් අයියා ,ශිල්පා , මැණික් , දිල්කි , සඳා නම් කියන්න බැරි ඔයා හැමෝටම පින් . 🙏

මේ හීනේ අයිති මට විතරක් නෙමේ මේකට වචනෙකින් හරි උදව් කරපු හැමෝටම ගොඩක් ස්තුතියි .
අවුරුදු 4 පුරාවටම මුණගැසුනු , අතෑරපු හැමෝටමත් ස්තුතියි.
උගන්වපු සියලු ගුරු අම්මලා තාත්තලා . මෙතෙක් උදව් කරපු යාලුවෝ , සීනියර් අයියලා අක්කලා හැමෝටම පින් .
ජීවිතේ ආපු හැම බාධකයකටම ස්තුතියි . ප්‍රතික්ෂේප වීම්.  කඩා වැටීම් මේ හැමදේකටම ස්තුතියි .
ඒ විතරක් නෙමේ විභාග මැද්දේ දින හදලා දීලා උපරිම සහයෝගය දීපු "කියාදෙන්න ආදරේ තරම් " කණ්ඩායමටම ස්තුතියි .
"සල්ලි දීලා ගත්තු උපාධි " මගේ ඩිප්ලෝමා දැකලා උපහාසයට හිනා වුන හැමෝටමත් බොහොම ස්තුතියි .

අවුරුදු 4 පුරාවට විෂයන් 20ක් Assignments 40ක්
එක්ක පොර බැඳුන අමාරුවෙන් කරපු උපාධිය

ඉතින් අවසානෙට නිදහස් අධ්‍යාපනය වෙනුවෙන් බදු ගෙවන හැමෝටම ස්තුතියි 🙏

හීන කියන දේවල් ඇත්ත වෙන්න ඕනේ ❤️

නීතිවේදි සචින්තනී කෞශල්‍යා
(කොළඹ විශ්ව විද්‍යාලය)

Sachinthani Kaushalya 🥺💛

#copied