Uuuumphaaaaaaaaa:
Qalloo mudhiin soonsaa !
~🌹
Bareeda lookoo tiyyaa
Kuullee rifeensii foo'aa
Karaan na dangeesseen
Sidhabee taa'ee boo'aa .
Yennaa ati hin jirree
Guyyaan naaf halkanii
Koottuu na qaqqabiii
Narra deemii harkanii
~🌹
Morma kee jala seeneen
Guntutaa kee qaqqabaa
Miiraa keessaa galeen
Sumaa jedhee gaggabaa
Gola onnee kootii
Gati malee bittee
Keessoo qaama kootii
Eyyamaa malee lixxe .
~🌹
Maal natti gaabbitaa
Waa maraan na mootee
Kophaa koon haasa'aa
Maraatuu na gootee
Edaa jaalalli akkasii
Ani hin beekuun turee
Leenjiin sirraa fudhee
Oolee ka'ee bulee.
~🌹
Keennaatoo ganamaa
Qalloo mudhiin soonsaa
Gaabbii tokko hin qabuu
Sijaalachuun na boonsaa
Umrii naaf dheeradhuu
Ebboifamtuu namaa
Bayyeen si jaaladhaa
Hangaa ijakoo lamaa
~🌹
Carraa qabeettikoo
Gaariin sindarbiinii
Simboo qabeettikoo
Hamtuun sin arginii .
🌹🌹🌹🌹🌹🌹🌹
Share and join 👇
🌹🌹🌹🌹🌹🌹🌹
@humneessaa
@humneessaa
@humneessaa