📚خانەی فیقهی مەزهەبی شافیعی📚

هەر ئیماندارێ تایبەتمەندی خۆی پێدراوە... ئەم مامۆستا دانایەش خودا بەهرەیەکی چاکی پێداوە لەهۆشیار کردنەوەی ئوممەت... خودا بیپارێزێ...
هەموو دونیا زیڕەیان لە ئەمریکاو مۆسادو ڕوسیا چووە کە خاوەن پیلان و چەک و هێزن، کەچی خودا لەماوەی یانزە ڕۆژ پیلانی کافرەکانی تێکشاند سوریا فەتح کرا...
ئەوان لەهەموو سەرزەوی چاوی خۆیان کردیتەوەو خەریکی پیلانن لەدژی ئوممەت خوداش پیلانیان پوچەڵ دەکاتەوە...کەس نازانێ لەئاسمانەکان چی دەگوزەرێ...
هەفتەی ڕۆیشت بەیانیەکیان هاوڕێیەکم نامەی نارد کە ئیمشەو لەخەودا دوکەڵێکی سپی وەکوو تۆپەڵێک وابوو لە ئاسمانەوە هاتە خوارەوە بەر ئەمریکا کەوت و ئاسەواری ئەو دوکەڵە تورکیاو شوێنانی تری گرتەوە...
هەمان ڕۆژ لەدوکان بووم هاوڕێیەکی دێرینم بەلامدا تێپەڕی و پێمی گوت: ئیمشەو لەخەودا دەنگێکی زۆر گەورە لە ئاسمان هات و زۆر گەورە بوو، لەگەورەییان زەوی هەژایەوە...
ئەم دوو خەونە لەیەک شەودا بیندراون...
بۆیە هەرچی پیلان هەیە با بیکەن، هەمووی بەسەر خۆیاندا دەشکێتەوە چونکە ئێمە ئوممەتی محمدین صلی اللە علیە وسلم، خوامان اللە یە جل جلالە، ئیتر بۆچی بترسین...؟

سوننەتە لە پاش هەر پێنچ نوێژە فەڕزەکان سوڕەتی فاتیحە بخوێندرێ.
ئەمەش فەتوای ئیمامی ئیبن و حەجەرو ڕەمەلی و ئیبن و زیادی یەمەنیە رحمهم اللە.

مامۆستا عبد اللە هەرتەلی رحمە اللە.
وانەی ۲۲ ـ ڕوونکردنەوەی منهاج الطالبین.

بۆ ئەوانەی کە ئیسڕائل و ئەمریکا بەخوا دەزانن.

کەبێ دەنگ بوو لە ئاستی زوڵم، ئیتر کەڕامەت و زانستی شێخ و زاناکانم بۆ چیە؟
پەیامێکی بێدارکەرەوە.
ـــــــــــــــــــــــــــــــــــــــــــــــــــــــــــ
بسم اللە الرحمن الرحیم
الحمد للە، والصلاة، والسلام علی رسول الله، وآله وصحبه ومن والاه.
اما بعد:
خۆشەویستەکەم، برای بەڕێزم، هەرکاتێ زوڵم و نادادی زۆر بوو، زاناو شێخەکانیش لێی بێدەنگ بوون، ئەوە تامی ئەو تاڵیە دەبێ هەموو تاکەکانی ئەو میللەتە بیچێژێ.
کە سەیری هاوەڵان و سەلەف دەکەی بەپێچەوانەی ئەمە کاریان کردووە، ئەمان جوان لە دوو شت تێگەیشتبوون (دینداری نێوان خۆیان و خودا + جێ بەجێ کردنی دادپەروەری کۆمەڵایەتی لەلایەن خەلیفەکانەوە) هەرکاتێ خەلیفە لایدابێ، ئەوە بە وتەی حەق ڕووی بەڕووی بوونەتەوە، چونکە ئازیزمان فەرموویەتی: گەورەترین جیهادو تێکۆشان گوتنی وتەیەکی حەقە لەلای سوڵتانێکی خراپ...
برای موتەسەوفیم من چیم لە شێخێک داوە با هەزاران کەڕاماتیشی هەبێ کەچی بەرامبەر زوڵم و نادادی کە بەرامبەر میللەتەکەی دەکرێ ڕۆژێ لەڕۆژان هەڵوێستەکی نەبووبێ؟
میللەتەکەی لەلوتکەی چەوساندنەوە بووبێ؟
ئایە تەنها بەوەندە ئیکتیفات کردووە کە بچیتە تەکیەو خانەقەکەیی و نان لەلای بخۆیی و دواتر هەندێ زیکر بکەن و وابزانی شتی زۆر گەورەت کردووە!
من لەماوەی ڕابووردوودا چەندەها کەسایەتیم بینیوە هەتا هی وایان تێدا هەبووە ئەگەر کەڕاماتەکانی بنوسمەوە ڕەنگە دوو سێ بەرگی لێدەربچێ، کەچی ڕۆژێ لەڕۆژان لێم نەدیتن بەرامبەر گەندەڵی و نادادی کاربەدەستان وتەیەکیان هەبێ و بێنە سەرخەت.
شێخی گەیلانی رحمە اللە، شێخی گەورەی موتەسەوفینە لەسەر مینبەر بەناڕاستەوخۆ لەپێش وەزیری دەوڵەتی عەبباسی دەیگوت: ئەو دارە سەر دەبڕم! کە مەبەستی سەری خەلیفە دەبڕم؟ چونکە نادادی لێ بینی بوو
ئێستاکە پێچەوانەی ئەو پەیڕەو و هەدیەن کە شێخی پایەبەرز لەسەری بووە.
لەزانا بەرزەکانیش ئەوەتا ئیمامی گەورە محي الدینی نەوەوی رحمە اللە، چەند جارێک نامەی ئاگادارکردنەوەی ناردووە بۆ زاهیر بێپێرسی مەملووکی، کەستەم و نادادی لێ بینی بوو، ئیتر نازانم زانست و کەڕامەت چی بۆ میللەت دەکەن و سوودی چیە بۆیان ئەگەر میللەت لەلوتکەی نادادیدا بێ؟
سەیری میللەتم کرد لە بۆشاییەکی زۆر قووڵدان بەشوێن مەهدی ئاسادا دەگەڕێن تا بەڕووی زوڵمدا بووەستنەوەو بەبکەرەیدا بڵێن ئەوەی تۆ دەیکەت زوڵمە لەخوا بترسە، ستەم لە میللەتەکەت مەکە!
کەچی کەسی وامان بینی نەک هەر ئەوەندە وەکوو ئێمەمانان مەڕ ئاسا بۆخۆی بێدەنگ بێ بەڵکوو بەرگری لەو کاربەدەستە زاڵمەش دەکات و چووەتە ڕیزی ئەو بەناوی پۆست و پارە...کە ڕووی خۆیی و باب و باپیریشی ڕەش کردووە.
برای سەلەفیم، من چۆن بەجوانی بڕوانمە زاناکەت لە ئاستی زانست و ڕیش و شەڕواڵە کورتەکەی هەر دەڵێی سیمای هاوەڵانە کەچی ناتوانێ بەڕووی ستەمکارێدا بووەستێ و پێی بڵێ ئەوەی دەیکەی زوڵمە، بۆیە مەیکەو لەخوا بترسە، نەک هەر ئەوەندە مەڕ ئاسا وەکوو ئێمەمانان بێدەنگ بێ، ئەویش هەستێ  لەژێرەوە نزیک بێ لە دەسەڵاتداران و، دینەکەی بۆیان لار بکاتەوە بەپێی خواستی ئەوان!
یەعنی هەتا کەی قەناعەت بەخۆتان دەکەن ئەوەی ئێوە شوێنیان کەوتوون هیچی غیڕەتی نزمترین هاوەڵی پێغەمبەری نیە...
هیچی هی ئەوەنین بیانکەنە قدوەو شوێنکەوتەی خۆتان...

مەڕئاسا بخۆن و بخەون
شوانەکەشتان با بەسەگ و دارەکەی بەردەوام لەسەرتان بێ.

ئەو دوعایانەی کە لەسەروەرمانەوە هاتووە نوورەکەی زیاترە لەوەی کە لەپیاوچاکانەوە هاتووە...
مامۆستا عوسمان عبد العزیز لەتەفسیرەکەی خۆی لە ئیمامی ڕەببانیەوە رحمهما اللە نەقڵ دەکات کە فەرموویەتی: "بە حاڵەتی موکاشەفە بۆم دەرکەوتووە کەوا ئەو دوعایانەی کە لە پێغەمبەرەوە صلی اللە علیە وسلم هاتووە نوورەکەی زیاترو شەوقدارترە لەچاو ئەوەی کە ئەولیاکانەوە هاتووە"، ئەمە بۆ وایە؟
چونکە ئازیزمان لەنووری پێغەمبەرایەتیەوە موستەفیدە کە ویلایەتی ئەحمەدیە.
ئەمما ئەولیاکان لە نووری ویلایەتەوە موستەفیدن، نووری ویلایەتیش لەچاو نووری ویلایەتی ئەحمەدیەوە وەکوو دڵۆپێک هەنگوین وایە لەناو گۆزەیەکی پڕ لەهەنگویندا.
هەروەها هەموو نزاکانی پێغەمبەر صلی اللە علیە وسلم نەزڕەیەکی شموولیان هەیە لەتێڕوانینی قەدەری ئیلاهی چونکە بازنەی مەعریفەی حەزرەت زۆر واسیعە لە تێڕامانی لە خواو قەدەرەکەی. ئەمما ئەولیاکان نزاکانیان تایبەتن بۆ حاڵەتێکی تایبەت وەکوو دەرمانێکی دروستکراوی نوێ وایە بەگرتنەوەو تێکەڵکردنی چەند دەرمانێک بۆ نەخۆشیەکی تایبەت...
هەر بۆیە ئەو نزایانەی کە لەئازیزمانەوە هاتووە بەبێ ئیزن هەموو کەس دەتوانێ بیانخوێنێ.
ئەمما ئەوەی لەئەولیاکانەوە هاتووە دەبێ ئیزنی لەگەڵ بێ تا سوودی لێ دەبیندرێ بۆ نەخۆشیە تایبەتیەکە.
هەندێ لە زیکریش هەیە لە ئەولیاکانەوە هاتووە جنی موسڵمانیان لەگەڵە بەتایبەتی زیکری تەڕیقەتە تەسەوفەکان زۆر جار کەسی موتەسەویف نازانێ.
بۆیە ئەو خاڵەی کۆتایی زۆر وردە، هەتا پێتان دەکرێ لەزیکری تەڕیقەتەکان خۆتان بەدوور بگرن.

ئەو نامیلکەیەش دوعاکانی نەبەویە صلی اللە علیە وسلم.