UPDATE ጋዜጣዊ መግለጫ!!

የ12ኛ ክፍል የ2014 ዓ.ም የመጀመሪያ ዙር የማህበራዊ ሳይንስ ተማሪዎች ፈተና መጠናቀቅን አስመልክቶ ትምህርት ሚኒስቴር ጋዜጣዊ መግለጫ ሰጥቷል።

በመጀመሪያው ዙር ከ586 ሺህ በላይ ተማሪዎች በ133 ማዕከላት ተፈትነዋል።

ፈተናው በተጀመረበት ወቅት በሐዋሳ ዩኒቨርሲቲ የደረሰው አደጋ እና በአማራ ክልል በመቅደላ አምባ፣ ደብረ ማርቆስ፣ ባህርዳር እና ደብረታቦር ዩኒቨርሲቲዎች ከትምህርት ስርዓቱ ባፈነገጠ ሁኔታ አንፈተንም በማለት 12 ሺህ 787 ተማሪዎች ግቢውን ለቀው መውጣታቸውን አስታውቋል።

በሀዋሳ ዩኒቨርስቲ በደረሰው ክስተትም የመጀመሪያው ቀን ተፈታኞች ያልተፈተኑ መሆኑንና ያልተፈተኗቸውን ፈተናዎች በቀጣይ ዙር የሚፈተኑ ይሆናል።

ከፈተና ተገቢ ባልሆነ መንገድ ራሳቸውን ያገለሉ ተማሪዎችን በተመለከተ፡

•መቅደላ አምባ ዩኒቨርሲቲ - 1,700
•ከደብረማርቆስ ዩኒቨርስቲ - 1,226
•ከባህርዳር ዩኒቨርሲቲ - 2,711
•ከደብረታቦር ዩኒቨርስቲ - 7,150

በጠቅላላው 12,787 ተማሪዎች ፈተና ሙሉ በሙሉ ወይም ውስን ፈተናዎችን በመውሰድ ጥለው ወጥተዋል፡፡

በተለይም በደብረታቦር ዩኒቨርስቲ ተፈታኞች ሃይል በተቀላቀለበት መልኩ ሁከት በመፍጠራቸው የአንድ ተማሪ ህይወት ሲያልፍ በፈተና አስፈጻሚዎችና በፀጥታ ሃይላችን ላይ ጉዳት ደርሷል፡፡ በደረሰው ጉዳት ጥልቅ ሃዘን እንደተሰማን እየገለጽን፣ ፈተናው መፈተን የሚፈልጉ ተማሪዎች እንዲቀጥሉና ችግሩ እንዲረግብ ሁሉም ላደረገው ጥረት ምስጋናችንን እናቀርባለን፡፡

ፈተና ጥለው የወጡትን ተማሪዎች በተመለከተ ፈተና መፈተን እንዳማይፈልጉ አሳውቀው ግቢ ለቀው የወጡ በመሆኑ በቀጣይ መፈተን የማይችሉ መሆኑን እንገልጻለን፡፡

ትምህርት ሚንስቴር
@Addis_News
@Addis_News