ደብረ ብርሃን‼️
በደብረ ብርሃን ከተማ አስተዳደር ፀጥታ ምክር-ቤት በወቅታዊ የፀጥታ ስጋት ምክንያት በአስቸኳይ ጊዜ አዋጅ ተጥሎ የነበረው ገደብ መነሳቱ ተገለፀ፡፡

የደብረ ብርሃን ከተማ አስተዳደር ፀጥታ ምክር ቤት ትናንት ባካሄደው ስብሰባ የከተማውን ወቅታዊ የፀጥታ ሁኔታ በመገምግም የአስቸኳይ ጊዜ አዋጁን ገደቦች ያነሳ መሆኑን አስታውቋል፡፡

ቀደም ሲል በከተማው የፀጥታ ምክር-ቤት በአስቸኳይ ጊዜ አዋጁ ተጥለው የነበሩት ገደቦች የተነሱ በመሆኑ አሁንም በከተማው የፀጥታ ችግሮች እንዳይገጥሙ ማህበረሰቡ የፀጥታው ባለቤት በመሆን ራሱን፣ድርጅቱን እና አካባቢውን በትኩርት መጠበቅ እንዳለበት አሳስቧል፡፡

ማህበረሰቡ ከፀጥታ ኃይሉ ጎን በመሆን የሚያካራያቸውን ሰዎች መረጃ ይዞ በማከራየት፣ ፀጉረ ልውጦች ሲጋጥሙም ጥቆማ በመስጠት አጋርነቱን እንዲሳይ ጥሪ አቅርቧል፡፡

በመጨረሻም ከተፈቀደላቸው የፀጥታ አካላት ውጭ በመመሪያ በተከለከሉና ህዝብ በሚሰበሰብባቸው ቦታዎች ላይ የጦር መሳሪያ መያዝ እና የመከላከያና የልዩ ኃይል የደንብ ልብሶችን መልበስ በጥብቅ የተከለከለ መሆኑን አስታቋል፡፡

የደብረ ብርሃን ከተማ አስተዳደር ፀጥታ ምክር ቤት
ጥቅምት 4/02/2015 ዓ.ም

@addis_news
@addis_news