Kyaw Swar🇲🇲🇲🇲🇲🇲

ငြိမ်းချမ်းရေးလမ်းကြောင်းပေါ် လျှောက်လှမ်းကြဖို့ အချိန်တန်ပြီ
=============================

နိုင်ငံရေးကို နိုင်ငံရေးနည်းလမ်းနဲ့ အဖြေရှာဖို့ဆိုရင် NCA လမ်းကြောင်းဟာ မဖြစ်မနေလျှောက်လှမ်းရမယ့် လမ်းကြောင်းဖြစ်ပါတယ်....ဒါ့ကြောင့်လည်း နိုင်ငံတော်အကြီးအကဲကိုယ်တိုင်က တိုင်းရင်းသားလက်နက်ကိုင်အဖွဲ့အစည်းတွေနဲ့ တွေ့ဆုံဆွေးနွေးရေးလုပ်နိုင်ဖို့ အမြဲတံခါးဖွင့်ကြိုဆိုနေတာဖြစ်ပါတယ်....

ငြိမ်းချမ်းရေးလမ်းကြောင်းမှာ လျှောက်လှမ်းခဲ့တဲ့ တိုင်းရင်းသားဒေသတွေ ဘယ်လောက်ထိဖွံ့ဖြိုးတိုးတက်လာခဲ့သလဲဆိုတာကိုလည်း တိုင်းရင်းသားလက်နက်ကိုင်အဖွဲ့တွေအနေနဲ့ မြင်အောင်ကြည့်ဖို့ လိုပါတယ်...ငြိမ်းချမ်းရေးကို အမှန်တကယ်လိုလားတဲ့ စိတ်ဓာတ်တွေရှိမှသာ ငြိိမ်းချမ်းရေးလုပ်ငန်းစဉ်တွေမှာ ပါဝင်နိုင်မှာဖြစ်ပါတယ်.... အဲဒီလိုမဟုတ်ဘဲ တစ်ဖက်သတ်တောင်းဆိုမှုတွေနဲ့ ကိုယ်ကျိုးကြည့်မှုတွေအတွက်ဆိုရင် NCA လမ်းကြောင်းမှာ အောင်အောင်မြင်မြင်ပါဝင်လာနိုင်ဖွယ်ရာမရှိပါဘူး.... လက်ရှိဖြစ်ပေါ်နေတဲ့ NUG/PDF အကြမ်းဖက်အဖွဲ့အစည်းတွေရဲ့ စည်းရုံးမှုအောက်မှာ နိုင်ငံရေးအမြတ်ထုတ်လိုမှုတွေ များနေတဲ့အဖွဲ့တွေကတော့ ကိုယ့်ရဲ့ တိုင်းရင်းသားဒေသတွေကို ကိုယ်တိုင်စစ်မီးမွှေးနေကြတာဖြစ်ပါတယ်...

လွဲမှားတဲ့ နိုင်ငံရေးမျှော်မှန်းချက်တွေနဲ့ ဖြစ်လာနိုင်ဖွယ်ရာမရှိတဲ့ တွေးခေါ်မှုတွေကြောင့် ကိုယ့်ဒေသကို ကိုယ်တိုင်ချေမွှနေမယ့်အစား လက်တွေ့ကျကျသုံးသပ်ပြီး ငြိမ်းချမ်းရေးလမ်းကြောင်းပေါ် သို့ လျှောက်လှမ်းကြဖို့ အချိန်တန်ပါပြီ....

အမေရိကန်ရဲ့ လူ့အခွင့်အရေးဆိုတာ လိုသုံးလား...?
=============================

ဂါဇာမှာ ဖြစ်နေတဲ့ တိုက်ခိုက်မှုတွေရပ်ဖို့ ဝါရှင်တန်ဒီစီက လွှတ်တော်အဆောက်အဦဝန်းထဲမှာ ဆန္ဒပြခဲ့ကြတဲ့ ပါလက်စတိုင်းထောက်ခံဆန္ဒပြသူ ၃၀၀ ဝန်းကျင်လောက်ကို အမေရိကန်အစိုးရက ဖမ်းဆီးထိန်းသိမ်းလိုက်ပြီး လူ့အခွင့်အရေးဆိုတဲ့ ပေတံကို ခေါက်သိမ်းထားလိုက်ပါပြီ... အစ္စရေးစစ်သွေးကြွတွေရဲ့ လက်ချက်ကြောင့် ဂါဇာကမ်းမြေှာင်ဒေသက အပြစ်မဲ့ပြည်သူတွေ ထောင်ချီသေဆုံးနေရသလို အရပ်ဘက်ပစ်မှတ်တွေကိုပဲ ဦးတည်ပစ်ခတ်တဲ့ ဒုံးကျည်အရေအတွက်ဟာ မနည်းလှဘူးလို့ ဆိုရမှာ ဖြစ်ပါတယ်....အဲဒီလိုပစ်ခတ်မှုတွေကြောင့် ပါလက်စတိုင်းကလေး ၅ဝဝ ကျော်အထိ သေဆုံးခဲ့ရပြီ ဖြစ်ပါတယ်....

အစ္စရေးရဲ့တိုက်ခိုက်မှုကြောင့် ဒီလို အပြစ်မဲ့အရပ်သားပြည်သူတွေနဲ့ ကလေးငယ်တွေသေဆုံးနေရတဲ့အထိဖြစ်နေတဲ့စစ်ပွဲမှာ "ဟားမတ်စ်စစ်သွေးကြွတွေကို နှိမ်နှင်းနေတဲ့အစ္စရေးကို စစ်ရေးအရထောက်ပံ့ကူညီဖို့ မဖြစ်မနေ အရေးကြီးတယ်" လို့ အမေရိကန်သမ္မတက ပြောဆိုလိုက်ပါတယ်...အစ္စရေးဘက်မှာ ပြောင်ပြောင်တင်းတင်းရပ်တည်လာပြီး စစ်ရေးလှုပ်ရှားမှုတွေပါ ဝင်ရောက်ဆောင်ရွက်နေပြီဖြစ်တဲ့ အမေရိကန်ဟာ ဂါဇာမြို့က ဆေးရုံကို ဒုံးကျည်နဲ့ပစ်ခတ်မှုဟာ အစ္စရေးဘက်ကလုပ်တာမဟုတ်ဘူးဆိုပြီးတော့တောင် ဗြောင်ငြင်းနေရပြီ ဖြစ်ပါတယ်...တစ်ကမ္ဘာလုံးက ပြည်တွင်းရေးတွေကို စိုးရိမ်ကြောင်း မကြာခဏစာထုတ်လေ့ရှိတဲ့ ကုလကတော့ အခုချိန်မှာလည်း စိုးရိမ်ကြောင်းကလွဲပြီး ဘာမှလုပ်ဆောင်နိုင်တာမရှိပါဘူး....

ဒီဖြစ်ရပ်တွေကို သုံးသပ်ကြည့်လိုက်ရင် အမေရိကန်ဟာ လူ့အခွင့်အရေးဆိုတဲ့ပေတံကို သူသုံးချင်တဲ့အချိန်မှာသုံးပြီး သူအသုံးမလိုတဲ့အချိန်မှာ ခေါက်သိမ်းထားလိုက်တာပဲ ဖြစ်ပါတယ်...ဒါကြောင့် ကမ္ဘာ့နိုင်ငံတွေကြားမှာ အငြင်းပွားမှုပြဿနာတွေဖြစ်ပြီး ဘက်လိုက်မှုတွေကြောင့် အခုလို စစ်ပွဲတွေဖြစ်နေကြတာပဲဖြစ်ပါတယ်...

ရုရှားက မြန်မာနိုင်ငံမှာ နျူကလီးယားဓာတ်အားပေးစက်ရုံ တည်ဆောက်မည်
…………………………………………………….


ရုရှားနိုင်ငံပိုင် အနုမြူစွမ်းအင်ကော်ပိုရေးရှင်း (Rosatom) ဟာ နျူကလီးယားဓာတ်အားပေးစက်ရုံတွေတည် ဆောက်ရေးပါဝင်တဲ့ နျူကလီးယားစွမ်းအင်ပူးပေါင်းဆောင်ရွက်ရေးဆိုင်ရာ သဘောတူစာချုပ်တွေကို ဘာကီနာ ဖူဆိုနိုင်ငံ၊ မာလီနိုင်ငံ၊ မြန်မာနိုင်ငံတိုနဲ့ လက်မှတ်ရေးထိုးလိုက်ကြောင်း Rigzone ဝက်ဆိုက်မှာ ရေးသားဖော်ပြ ထားပါတယ်။

အခုသဘောတူစာချုပ်တွေကို ပြီးခဲ့တဲ့သီတင်းပတ်က မော်စကိုမြိုမှာ ကျင်းပခဲ့တဲ့ ရုရှား စွမ်းအင်သီတင်းပတ် ဖိုရမ်မှာ လက်မှတ်ရေးထိုးခဲ့တာဖြစ်ကြောင်း Rosatom ကော်ပိုရေးရှင်းရဲ့သတင်းထုတ်ပြန်ခဲ့တာဖြစ်ပါတယ်။ မြန်မာနိုင်ငံမှာ နျူကလီးယားလျှပ်စစ်ဓာတ်အားပေးစက်ရုံတစ်ရုံတည်ဆောက်ဖိုအတွက်လည်း နားလည်မှုစာချွန် လွှာ (MOU) တစ်စောင် Rosatom ကော်ပိုရေးရှင်းက လက်မှတ်ရေးထိုးခဲ့ပါတယ်။

“ပြည်ထောင်စုသမ္မတမြန်မာနိုင်ငံတော်ရဲ့ နျူကလီးယားအခြေခံအဆောက်အအုံ ဖွံဖြိုးတိုးတက်မှုအတွက် လက် ရှိလိုအပ်ချက်တွေကိုရှာဖွေတွက်ချက်ဖို နှစ်နိုင်ငံ စီမံချက်ချမှတ်နေပြီး နိုင်ငံတွင်း အသေးစားနျူကလီးယားဓာတ် အားပေးစက်ရုံတစ်ရုံ ဆည်ဆောက်ဖိုအတွက် အရေးကြီးတဲ့ဦးစားပေးနယ်ပယ်အတွက် လုပ်ငန်းစီမံချက် တစ် စောင်ရေးဆွဲခဲ့တယ်။” လို Rosatom ကော်ပိုရေးရှင်းက ဗုဒ္ဓဟူးနေ့က ထုတ်ပြန်ကြေညာခဲ့ပါတယ်။

“နိုင်ငံတကာအနုမြူစွမ်းအင်အေဂျင်စီ (IAEA) ရဲ့ သတ်မှတ်ချက်တွေ/ထောက်ခံချက်တွေနဲ့အညီ Rosatom ကော်ပိုရေးရှင်းရဲ့ အကောင်းဆုံးအတွေ့အကြုံတွေကို အသုံးပြုပြီး နျူကလီးယားအခြေခံအဆောက်အအုံကို တည်ဆောက်သွားမှာဖြစ်တယ်။” လို Rosatom ကော်ပိုရေးရှင်းက ပြောပါတယ်။

နားလည်မှုစာချွန်လွှာလက်မှတ်ရေးထိုးလိုက်တဲ့အတွက် လေ့ကျင့်ရေးနဲ့ လူသားရင်းမြစ်ဖွံဖြိုးတိုးတက်ရေးနယ် ပယ်မှာ ရုရှား-မြန်မာ ပူးပေါင်းဆောင်ရွက်ရေးကို ပိုမိုမြှင့်တင်သွားနိုင်မှာဖြစ်သလို အဖွဲအစည်းများအတွင်း ဘေး ကင်းလုံခြုံမှုအလေ့အထတွေကို မြှင့်တင်သွားနိုင်မှာဖြစ်သလို မြန်မာနိုင်ငံရဲ့ နျူကလီးယားဖွံဖြိုးတိုးတက်မှုစီမံ ချက်မှာလည်း ပါဝင်ဆောင်ရွက်သွားနိုင်မှာဖြစ်ကြောင်း Rosatom ကော်ပိုရေးရှင်းက ပြောကြားခဲ့သည်။
Ref: Russia Plans to Build Nuclear Power Plants in Burkina, Myanmar