لکه رانجه تور دی:

په ژوندي تور دى او په مړه تـــور دى
دلته په هر چا څه نا څه تــــــــــور دى

دوی د بدرنګو تور قانـــــــــون نه مني
په دې خاطر په پښــــــــــتانه تور دى

مونږ ته همغه سړى ښه سپين ښـــکاري
څوک چې کفري لښـــکر ته ښه تور دى

د ديموکراتو ډمـــــــــــخانې قانوني
زموږ جـــــــــنازه او په واده تور دى

په باروتي لمبه شهـــــــــــــــيد فدايي
ډېر خـــــــــــوندور لکه رانجه تور دى

له هغه چا څخه زه تور نه خــــــــورمه
څوک چې د عشـــــــق په تناره تور دى

مخ او پيـــــــکي ته دې سوچ وړى يمه
له شودو سپـــــين او له سکاره تور دى

داسې به نه وايي، که څه خـدمت وى؟
له دې جــــــــــــملې نه زما زړه تور دى

د چا چې نيت تور دى عمل يي تور دى
مفــــــــــتون هغوى ته په نامه تور دى