БИЗГА ЙЎЛ КЎРСАТИНГ, ЭЙ ИМОМ!

Имом Шофеийдан сўрашибди:

- Айтинг-чи, вожиб нима-ю, ундан-да вожиброқ нима?

- Гуноҳ учун тавба қилиш вожиб, ўша гуноҳни қилмаслик эса янада вожиброқ.

- Нимадан ажабланасиз ва нимадан янада кўпроқ ажабланасиз?

- Давру даврон айланишидан ажабланаман. Одамларнинг ундан ғафлатда қолишларидан эса янада кўпроқ ажабланаман.

- Қайси иш оғир ва қайси иш ундан-да оғирроқ?

- Сабр қилиш оғир. Уни эплай олмай, савобдан қуруқ қолиш эса ундан-да оғирроқ.

- Нима яқин ва нима янада яқинроқ?

- Орзу-ҳаваслар яқин, ўлим эса янада яқинроқ.

Арабчадан Муқим Маҳмуд таржимаси
2024-08-04
(Эркин таржима)

@mahmudiylar