🍀
Muhammad (sollallohu alayhi vasallam) olamdan oʻtganlariga 3 kun boʻldi. Abu Bakir r.a. Oyisha onamiz r.a oldilariga keldilar, hol ahvol soʻrab:
- "Ey qizim Oyisha, Rasululloh (sollallohu alayhi vasallam)ning barcha sunnatlarini menchalik mukammal ado qilgan inson bormi?"- dedilar.
Hazrati Oyisha onamiz:
- "Yoʻq otajon, siz hamma sunnatlarini toʻliq toʻkis ado qildingiz"- dedilar. Hazrati Abu Bakr yana qaytarib:
- "Qizim Alloh xaqqi aytgin, barcha sunnatlarini ado qildimmi?"- degan edilar Oyisha onamiz roziyalloxu anho yigʻlab yubordilarda va:
- "Otajon, Alloh xaqqi deganingiz uchun aytaman. Rasululloh (sollallohu alayhi vasallam) ning bir sunnati bor edi "Xech kimga aytmang, yo Oyisha"- der edilar. Arab bozoring oldida bir uy bor u yerda bir 80 yoshga kirgan tugʻma koʻr nogiron, hech kimi yoʻq yaxudiy qariya yashardi. Paygʻambarimiz Muhammad (sollallohu alayhi vasallam) har kuni yarim tunda taxajjud namozlarini oʻqib boʻlgach hamma uyquga ketgan paytida oʻsha yahudiyni uyga borib uni yuvintirib kiyimlarini yuvib ovqatlantirib kelardilar"- dedilar.
Buni eshitgan xazrati Abu Bakir r.a taxajjud namozini oʻqidilarda yaxudiyning uyiga yoʻl oldi.
Bordilar, uyga kirar ekanlar 3-4 kundan beri hech kim habar olmagan qariyani ahvoli judayam achinarli holatda edi.
Abu Bakir r.a darrov ishga kirishdilar supurdi, sidirdi, qariyani yuvintirdi, kiyimlarini almashtirdi, ovqatlantirib boʻlgach, qariyaga:
- "Mayli men boray"- deb ketmoqchi boʻlgan edilar, qariya Abu Bakir r.a ni qoʻllaridan ushladi va:
- "Sen kimsan"- deb soʻradi. Abu Bakr esa:
- "Men bir qulman ota. Har doim kelib sizni holingizdan habar olib turgan qulman"- dedilar. Shunda qariya:
- "Sen yolgʻon gapiryapsan"- dedi. Abu Bakr:
- "Nega unday deysiz?"- dedilar. Qariya:
- "Chunki, sen menga qattiq muomalada boʻlding, yuvintirganda ham, kiyintirganda ham, xatto ovqatlanirganingda ham, 3 kun avvalgi kelgan inson menga juda ehtiyotkorlik bilan qarardi. Choʻmiltirganda ham, kiyintirganda ham, eng asosiysi ovqatimni chaynab chaynib berardi. Uning shunaqanggi hidi bor ediki, u hidni butun Arab diyoridan ham topa olmaysan"- dedilar.
Abu Bakr r.a tinmay yigʻlar edilar. Qariya yana soʻzida davom etib:
- "Agar oʻsha odam sen boʻlsang, nimaga shuncha kun yoʻq boʻlib ketding yoki sen ham jodugarni toʻriga ilindingmi?"- dedi. Abu Bakr r.a esa:
- "Qanaqa jodugarni aytyapsiz ota?"- dedilar. Qariya:
- "Eshitmaganmisan, bir Muhammad(alayhissalom) deganini, u qanaqadur Kitobni oʻziga kelganini va oʻzini paygʻambarman deb hammani sexirlayaptiyu"- dedi. Shunda Abu Bakr r.a dod devordilar va:
- "Ey ota toʻxtang"- dedilar. -"oʻsha siz aytayotgan insonlarning eng buyugi Muhammad (sollallohu alayhi vasallam) ning oʻlganlariga 3 kun boʻldi. Aslida siz jodugar degan oʻsha inson shuncha yillar davomida sizning holingizdan habar olib turdilar. Qarang 3 kunda qanaqa holga tushibsiz"- dedilar .
Qariya qotib qoldi va
- "Unda sen kimsan?"- dedi.
- “Men Abu Bakirman”- dedilar.
Qariya xam dod deb yigʻlashni boshladilar va
- "Ey Xudo, meni koʻzimni koʻr, oyoqlarimni choʻloq, nogiron qilib yaratganing yetmasdan qalbimni xam koʻr qilgan ekansan"-deb yigʻlardi va "ey Abubakir sen guvoh boʻl Allohni yagonaligiga va Muhammad (sollallohu alayhi vasallam) uning paygʻambarligiga guvohlik beraman"- dedida Abubakir r.a ning qoʻlida jon berdi!
Fasebookdan olindi
@Moviy_chizgilar
