Muhammed Abdillah Bati

ስንት ፍጡር አለ?
~~~~~~~
አባቱ ላይ የሚጀነን … እናቱ ላይ ’ሚደነፋ
ወላጆቹ የሚፈሩት … ስነ ምግባሩ የከረፋ
ስንት ከንቱ ፍጡር አለ … አኺራውን እሚያጠፋ?
ጉርምስናውን ተጠቅሞ ወላጆቹን የሚገፋ
ሳይሞቅ ፈላ የጥጃ ቀንዳም ሽቅብ ምራቁን የሚተፋ
|
አራስ ነብር ሆኖ ገብቶ … ሳር ቅጠሉን የሚያስጨንቅ
ከባእድ ጋ እየተላፋ … ሚስቱን ልጁን የሚያሳቅቅ
ስንት ብኩን ፍጡር አለ … አስተሳሰቡ የተዘጋ
ለቤተሰብ የማይመች … የውጭ አልጋ የቤት ቀጋ
|
ምላሷ እንደ ጦር የሚዋጋ … እንደ ብጉንጅ የምትነዘንዝ
ለባሏ ጀርባ ሰጥታ … ከባእድ ጋር የምትላዘዝ
ስትወጣ ጥርሷ 64 … ምላሷ ማር የሚተፋ
ከቤቷ የእሳት ወላፈን … ሁለ ነገሯ የጠፋ

ስንት ከንቱ ፍጡር አለች …
ኢስላም፣ ሞራል የማይገዳት
በራሷ ዛቢያ የምትዞር … መላ ቅጡ የጠፋባት?

بسم الله الرحمن الرحيم
الحمد لله والصلاة والسلام على رسول الله

ሊርረዳ ፣ ሊታገዝ ይገባዋል ብዬ የማምንበትን አካል ለመርዳትና ለማገዝ "ሁላችንም የፈጣሪ ልጆች ነን" ከሚል የቢድዓ ሰው ጋር ግንባር መፍጠር አይጠበቅብኝም :: ጥፋት ነው ብየም አምናለሁ :: ግዴታዎቼን ለመወጣት ከቀብር አምልኮ ያልተላቀቀውን የድንበር ዘለሉን ሱፊያ ጉርብትና አልሻም:: ከነዚህ አካላት ጋር ተሰርቶ ከሚገኘው መልካም ነገር ይልቅ እነሱን በመቀላቀል የሚፈጠረው ሸር የገዘፈ እንደሆነ አምናለሁ::
የማደርገውን ሳደርግና: ያላመንኩበትን ተጠንቅቄ ስርቅ ሸሪዓዊ ማስረጃዎችንና የሱና ኡለሞች በመሰል ጉዳዮች ላይ የሰጡትን ብይን በመመልከት እንጂ ስሜትን በመንተራስም ሆነ ቡድናዊ አቋምን መሰረት በማድረግ አይደለም:: የማንንም ምላስና ብእር ሳልፈራ ወደ ፈጣሪዬ አላህ ያቃርበኛል የምለውን አደርጋለሁ:: ከፈጣሪዬ መንገድ ያርቀኛል የምለውንና ቀጥተኛ መንገድን ለመሳት ምክንያት ሊሆነኝ ይችላል የምለውን ላልፈፅመው እታገላለሁ። በዚህም ላይ በአዛኙ ጌታየ እታገዛለሁ:: በተሸከምኩት የበዛና የከበደ ወንጀል ላይ እኒህን ከንቱዎች በመቀላቀል የከፋ ነገርን በነፍሴ ላይ መጣልን አልሻም:: ከቢድዓ እና ከስሜት ባለቤቶች ጋር ለመተባበር በታሰበ ግዜ ሊሰራ የታሰበው ነገር መልካም መሆኑን ከማረጋገጥ ባሻገር ሌሎች ሊታዩ የሚገባቸው ነጥቦች እንዳሉ ከዑለሞቻችን ተምረናል።
ስራዎችን ከነሱ ተነጥለን መስራት እየቻልን መደባለቁ የሚመከር አይደለም። ተቀላቅለናቸው የምንሰራው የግዴታ ስራ ከሱ የከበደን መልካም የሚያሳጣን ከሆነ ይህንን ቅልቅል መራቅ ተገቢ ነው — የዑለሞች ፈተዋ እንደሚያሳየን።

"ከአንዳነዶች እንዳየንው" ሰሞንኛ ፈተናዎችን እየጠበቁ አንዳች ነገርን "በማድረግ" "ከኛ ወዲያ አዛኝ ላሳር .. '' እያሉ በምህዋራቸው ያልዞረን ኣካል መዘርጠጥ የጤና አይደለም:: ነገሩን ተገቢ ባልሆነ መልኩ እያነሱ አብሯቸው ያልቀዘፈን አካል "የሙስሊሙ ጉዳይ አያሳስበውም" እያሉ ለማሳጣት መሞከር ፊትናን ለቅስቀሳ ፍጆታው አንጡራ ሃብቱ አድርጎ በመያዝ የሚታወቀው ኢኽዋን የሚታወቅበት የውንብድና አካሄድ ነው። ይሄ ግን ዛሬም የሚያስፈራን አይደለም! ከዚህ የበዙ አያል ፈተናዎችን በአላህ ፈቃድ አልፈናለልና።
ሌላው፣

ከቢድዐና ከስሜት ሰዎች ጋር ስለ መተባበር ስናወራ እየተዘነጋ የመጣን አንድ ጉዳይ ማንሳት ተገቢ ይሆናል ።
እሱም ፣ የሸሪዐ ማስረጃዎችንና የሰለፎችን አቋሞች በምንመለከት ግዜ ከነዚህ አካላት ጋር ሊኖረን የሚገባው መሰረታዊ አቋምና እይታ እነሱን መራቅና መጠንቀቅ መሆኑ ነው!

ጌታችን الله ነብዩን እንዲህ በማለት የሃይማኖት መንገዳቸውን የለያዩና የበታተኑ ጭፍሮችን እንዲርቁ ያዛቸዋል (አንዳንድ ሙፈሲሮቻችን እንዳብራሩት)

إِنَّ الَّذِينَ فَرَّقُوا دِينَهُمْ وَكَانُوا شِيَعًا لَّسْتَ مِنْهُمْ فِي شَيْءٍ ۚ إِنَّمَا أَمْرُهُمْ إِلَى اللَّهِ ثُمَّ يُنَبِّئُهُم بِمَا كَانُوا يَفْعَلُونَ

እነዚያ ሃይማኖታቸውን የለያዩ አሕዛብም የኾኑ በምንም ከእነሱ አይደለህም፡፡ ነገራቸው ወደ አላህ ብቻ ነው፡፡ ከዚያም ይሠሩት የነበሩትን ሁሉ ይነገራቸዋል፡፡

የአንቀፁ ጉልህ መልእክት ኸበር (ክስተትን መግለፅ) ቢመስልም የተፈለገበት ግን ክልከላ እንደሆነ ዑለሞች ይገልፃሉ። በኸበር ቅርፅ የሚመጣ ክልከላ የጠነከረ እንደሆነ ሊቃውንቶቻችን ይናገራሉ ።
ነብዩ ሶለላሁ ዐለይሂ ወሰለም አንዳንድ ንግግሮቻቸው ላይ የአዲስ መንገድ ባለቤቶችን እንድንርቅ ብቻ ሳይሆን አንድንታገልም አዘዋል። እንዲህ ሲሉም እነዚህን ሰዎች በእጁ፣ በምላሱ፣ በልቡ ለታገለ ሰው በኢማን የመሰከሩ ሲሆን ከዚህ በታች ቅንጣት ታክል ኢማን እንደሌለ አስረድተዋል:–
فمن جاهدهم بيده فهو مؤمن ومن جاهدهم بلسانه فهو مؤمن ومن جاهدهم بلسانه فهو مؤمن وليس وراء ذلك من الإيمان حبة خردل ...

በሌላ ሓዲሳቸው ግልፅ የሆኑትን አንቀፆች በመተው አሻሚዎቹን የሚከተሉ ጠማሞችን በምንመለከት ግዜ እንዲህ በማለት እንድንጠነቀቃቸው አስጠንቅቀዋል:–
إذَا رَأَيْتُمُ الَّذِينَ يَتَّبِعُونَ ما تَشَابَهَ منه، فَأُولَئِكَ الَّذِينَ سَمَّى اللَّهُ فَاحْذَرُوهُمْ.

ሸይኹል ኢስላም አቡ ዑስማን ኢስማዒል አስሳቡኒ የአህሉሱናዎችን አቋም ሲያብራሩ እንዲህ ይላሉ:
" (አህሉስሱናዎች) በዲን (በሃይማኖት) ላይ ከሱ ያልሆነን አዲስ ነገርን ያመጡ የቢድዓ ሰዎችን ይጠላሉ። አይወዷቸውም። አይጎዳኟቸውም። አይቀማመጧቸውምም። በሃይማኖት አይከራከሯቸውም። የነሱን ብልሹ ነገሮች እንዳይሰሙም ጆሮዎቻቸውን ይጠብቃሉ!!"

አንጀት የሚያላውስ ነገር በተከሰተ ቁጥር አቋምን ወዲህ ወዲያ እያላወሱ መወዛወዝ አለቅጥ ይጎዳል ። ነገሩም እያሳሳቀ አንዳንዴም እያስለቀሰ ይወስዳልና ከወራጅ ጋር ከመውረዳችን በፊት የመንደርን ጥሪ በመተው የፀዳውን ሸሪዓ ለመተግበር እንጣር ።
والله تعالى أعلم

يقال قال لقمان
الصمت حكمة وقليل فاعله

አሰላሙአለይኩም የሚከተለውን የወንድማችን አቡ ሙአዊያ ሰኢድ ሙሐመድኑር ቂርአት የተቀራባቸው ቻናል በመቀላቀል ተጠቃሚ ይሁኑ
https://t.me/Tewhed