Muhiddin Zayriddinov | shaxsiy blog

Bugun 29-may xalqaro bobo va buvilar kuni

👩🏻 Bugun qizlar bayrami:
28-may kuni Xalqaro qora sochli qizlar (bryunetkalar) kuni

Qora sochli go‘zallarimizni bayramlari bilan tabriklaymiz. Bugun faqat qizlar kuni ekan.

@muhiddin_zayriddinov

O'zbekistonda AES qurish haqida kim qanaqa fikrda bilmadim, lekin buning xatarlari og'ir darajada. Ekologiya mayli, suverenitetimizga juda jiddiy ta'sir o'tkazishi ehtimoli yuqori. AES qurilishi haqidagi xabarlar avvaldan tarqalgan edi. Shu yozda uning qurilish ishlari boshlanishi aytilmoqda. Bilmadim, buning oxiri nima bo'ladi...

@muhiddin_zayriddinov

28-may–ayollar salomatligini saqlash kuni ekan. Barcha opa singillarimizni, ona va buvijonlarimizni asrab-avaylaylik. Ularning hursandchiligiga sababchi bo'ladigan erkaklar ham salomat bo'lishsin.

@muhiddin_zayriddinov

Shu munosabat bilan O’zbekiston Respublikasi Vazirlar mahkamasi huzuridagi “Yangi Toshkent shahrini barpo etish direktsiyasi” davlat muassasasi va Turkiyaning “ARCCON Architect Engineering Planners Advisors” MCHJ hamkorligida Yangi O’zbekiston ko’chasi hamda 4P12 avtomagistral yo’llar kesishuvidagi yo’l o’tkazgichi qurilishi loyihasiga qo’l urildi. Bunda yo’l qurilishi 2 etapdan iborat bo’lib, hozirda birinchi etapi ustida ish olib borilyapti. Loyihaning qurilishi 2024-yilning yanvar oyidayoq boshlangan va iyun oyida qurib bitkazilishi rejalashtirilgan. Yo’l proyekti Turkiya arxitekturasi chizmalariga asosan tanlangan bo’lib “Top down” sistemasida amalga oshiriladi. Hozirda barcha qurilish ishlari Turkiya mutaxassislari tomonidan olib borilyapti. Loyihaning asosiy maqsadi, “Yangi Toshkent”, Parkent, Bo’stonliq va Bardanko’l yo’llari tutashuvchi chorrahasida tirbandliklarni mutloqo yo’qotish va ularga qulaylik yaratishdir. Bu turdagi yo’l hozircha O’zbekiston bo’ylab eng birinchisi hisoblanadi. Yo’l qurilishi haqida proyekt menejeri Onur Kizilkaya batafsil ma’lumot berib o’tdi. – Bu bizning O’zbekistonda qurayotgan eng birinchi zamonaviy yo’l loyihamiz hisoblanadi. Hozirda 1-etap qurilishi ishlari olib borilyapti. Biz birinchi etapga “yangi yo’l” deb nom berdik. Bu etapda 3 ta tunnel bo’ladi. Birinchisi yangi O’zbekiston yo’lidan biz qurayotgan “Yangi yo’l” trasasiga olib chiqadi, ikkinchi tunnel shu trassadan Bo’stonliq yo’liga o’tuvchi yerosti yo’li bo’ladi, uchinchi tunnel esa Parkent yo’lidan chorrahaga olib chiqadi, har bir tunnel 1 taraflama yo’nalishli bo’ladi. Bu yo’llarda svetoforlar bo’lmaydi, chunki tirbandlik yuzaga kelmaydi. “Top down” sistemasi deganda mana shunday yo’l turi nazarda tutiladi. Yangi yo’limizda 2 ta yerosti piyodalar yo’li ham mavjud. Bu aholi qatnovining qulayligiga va tirbandlik yuzaga kelmasligiga zamin yaratadi.
Onur Kizilkayaning ma’lumotlaridan keyin shu yo’llardan yurib ko’rish istagi paydo bo’lib qolar ekan odamda. Chindan ham, O’zbekistonda bunday murakkab, ammo atnov uchun juda qulay bo’lgan yo’l tizimi mavjud emas edi. Bu yurtimiz uchun katta qadam va kelajakda bunday loyihalar soni ko’payishiga poydevor bo’lib xizmat qilsa ajab emas. Deyarli 1 oydan so’ng foydalanish uchun topshiriladigan 1-etap qurilish maydonida ish jadallik bilan ketmoqda. 350 ming m2 joyni egallagan bu katta magistral yo’lida 24 soat davomida qurilish ishlari olib boriladi. Bundan tashqari yo’l yotqizish ishlariga 1500 nafar quruvchi ishchilar jalb qilingan. Shulardan 25 tasi mutaxassislar hisoblanadi. Umuman olganda, avtomobil yo’llari o’z-o’zidan qurilib qolmaydi. Uning loyihasida qanday detallarga e’tibor berish kerak? Shu kabi savollarga loyiha bosh injeneri Tahir Temur Göktug batafsil ma’lumot berib o’tdi. – Eng avvalo, yo’llarda bir kunda o’rtacha qancha avomobil o’tishini hisoblab olish kerak. Buning uchun yo’l boshiga maxsus kameralar o’rnatamiz va 1 kunda shu yo’lda qancha avtomobil o’tishini bilib olamiz. Yo’llardagi qatnov qismlari shunga asosan qo’shiladi. Hozirda bu yo’llarda 6 ta avtomobil yo’l qismlari mavjud. Biz mashinalar qatnovini o’rganib chiqdik va yangi loyihamizda ularning sonini 12 taga oshirdik. Qurilishimizda ishlatilayotgan barcha maxsulotlar yo’l qurilishi standartlariga to’liq mos keladi. Yo’l qurilishida ko’proq qoziqlar asosiy omil hisoblanadi. Ular asfaltda vaqt o’tib chuqurlar hosil bo’lmasligiga olib keladi. Qoziqlar bir-biriga juad yaqin o’rnatiladi. Qoziq o’rni avval chuqur kavlanib , uching ichiga armatura va monolit beton solinadi. Yerning geologik holatiga ko’ra qoziqlar har hil chuqurlikda bo’ladi.