Bugungi kunda dunyo bo’ylab yuzlab turdagi avtomobil brendlari mavjud. Ularga tegishli bo’lgan minglab zavodlar bor. Ular tomonidan ishlab chiqarilgan va aholi foydalanayotgan ulovlar soni esa milliardlarni tashkil etadi. Mashina haydash yaxshi, chunki u insoniyatga ko’maklashish vazifasida ishlab chiqariladi. Bu borada mashinasozlar o’z ishini a’lo darajada uddalamoqda. Ammo, mashinalar qatnov yo’llari bu talablarga qay darajada javob bera oladi?
Yurtimizda ham mashinalar soni kundan kunga ortib bormoqda. Ularning ko’pligi qatnov yo’llarida, ayniqsa chorrahalarda tirbandliklarni yuzaga keltiradi. Shu sababli qatnov yo’llariga yotqizilgan piyodalar yo’lagi ham bugungi kunda aholimiz uchun noqulay va xavfli bo’lib qolmoqda. Qisqa qilib aytganda zamonaviy hayot - zamonaviy imkoniyatlarni barpo etishga undamoqda.