عزیزالله حسیني

صلیبي بادشاه ګي اف لوزینان خپل قوم ته څومره معقوله او هوښیاره خبره کړې . مسلمانان له خپلې ماضي ، د اسلافو او نیکونو له تاریخ ، کړنو او ژوند څخه ناخبره کړﺉ ، بیا به د ړندؤ په څېر ستاسو پر لار په تاسې پسې روان وي ، او ستاسو د اهدافو لاس ته راوړل به د ځانونو ویاړ او افتخار ګڼي .

د اسلامي آمت د ویدو او ناخبرو ځوانانو د بیلارۍ او انحراف لپاره یقیناً دا خطرناکه حربه ده ، غرب او ملګري یې له تیرو څو پیړیو راپدیخوا په اسلامي نړۍ کې د همدې هدف د تر لاسه کولو په موخه له ډول ډول لارو چارو استفاده کوي ، لسګونه قسمه د بیکاري او بې لارۍ داسې وسائل ، الات ، او توکي یې بازار ته وړاندې کړل چې نه پکې کوم دنیوي مفاد شته او نه اخروي ، او زمونږ تنکی نسل او ځوانان هم ښه په کاپي اندازه پرې مصروفه دي .
سیریالونه ، ناولونه ، ګیمونه ، او سل قسم نور بې ګټې او بې مفهومه توکي هغه څه دي چې د امت ځوانان یې له خپلې تاریخ مسیر او ماضي بیلارې ناخبره ، او په نورو دودونو او کلتورنو پسې روان کړي.
که د امت ویښ ، بیداره ، محسن ، مبارز اسلامپاله ځوانان خپلې زیموارۍ او مسئولیت ته متوجه نشي ، یقیناً مونږ به هغه امت یو چې په دنیا او عقبا دواړو کې به له خاسرینو حساب شو .

په همدې پار مو د نورالمعارف ادارې استادانو او فرهنګي کمیټې د غړو په مرسته او همکارۍ د شاګردانو تر منځ نن پنج شنبه د سیرت النبي ﷺ سیالۍ تر سره کړه ، چې د ښونځي لسګونه زدکونکو او شاګردانو ونډه پکې اخیستې وه .
د ازموینې لپاره مو شاګردانو ته له تیرو شلو ورځو راهیسي ، د آمت د ستر عالم او مفتي علامه محمد شفیع رحمه الله (سیرت خاتم النبین) د مطالعې لپاره ورکړی وو ، چې نن مو پکې ازموینه تر سره شوه .
هغه صحنه چې ماته زیاته هیله بښونکې او د خوښۍ وړ وه ، د پیغمبرﷺ له مبارک سیرت سره د زدکونکو کمال مینه او محبت وه ، ډیری زدکونکو د امتحان سخت او ټول سوالونه د امتحان په لومړیو لس پنځلسو دقیقو کې حل کړل ، په داسې حال کې چې مکملو او پوښتنو ته یې سم او صحیح ځوابونه لیکلي وو ، چې دا د زدکونکو په کمال اخلاص او د پیغمبر ﷺ له مبارک سیرت سره د زدکونکو په مینه محبت دلالت کوي ، له امتحان وروسته یوه زدکونکي راته ویل چې په تیرو شل ورځو کې یې مکمل (160) کتاب شپږ ځل مطالعه کړی ، د فتنو په روان سیلاب کې دا وړ خلک او مسلمانان سړی سخت هیله مند کوي .
د فتنو په دې دوران کې مو که د امت ځوان نسل له خپلې ماضي او د خپلو اسلافو له ژوند او تاریخه خبر کړ ، یقناً همدا ستر سعادت ، او نیک بختي ده .
مننه د لوګر د نورالمعارف خصوصي لیسې له ادارې ، استادانو او زدکونکو .
د ازموینې نتیجه به راتلونکې پنجشنبه د یوې شانداره او پرتمینې غونډه په ترس کې تر سره شي ، إن شاء الله .