Введите текст для поиска
Расширенный поиск каналов

Важно для рекламодателей

Теперь с помощью ИИ можно искать целевые каналы
img
реклама

Надо было вчера

Про PR и креатив с неожиданных ракурсов и с юмором
img
реклама

Знать бы прикуп

Почитать и послушать
img
реклама

Косыкларым, бар байлыгым

@oyshil_qosiqlari
Гео и язык канала: не указан, не указан
Категория: не указана

Похожие каналы
Гео и язык канала
не указан, не указан
Категория
не указана
Статистика
Это ваш канал? Подтвердить История канала
Фильтр публикаций

Косыкларым, бар байлыгым

29 Nov 2020, 14:42

Открыть в Telegram Поделиться Пожаловаться
88 0 0
Косыкларым, бар байлыгым

29 Nov 2020, 14:34

Открыть в Telegram Поделиться Пожаловаться
Тилим айта алмас кеулимде барын

(Қарақалпақ айтысы топарында қойылған темаға)

Баяғы бағдаман, тынық əтирап
Сытырласып, желге ушар жапырақ
Ойынын гүзетсе көзим жадырап
Жерге төгилгени келтирер арым

Неге солай, хəр нəрсениң паяны?
Гүулеген тереклер жойтқан саяны
Тап маған сəйкестей ишки баяны
Таныс көринеди аңлағанларым

Қыял қорғанымда бузғыншы елес
Мазалысын қууып, қылар төбелес
Ишке артқан жүгим жəдə көп емес
Бирақ... Буннан зыят көтермес нарым

Дəрт жарасы уақыт пенен жамалып
Сенсизлик үйине қалдым қамалып
Хəзир қайлардасаң? Тыңлат жаңалық!
Кеуил берип, қолын бермеген ярым

Көринер шадлықтың мəнзили алыс
Сен де тилеклес бол, қосыл, ат салыс?!
Жубымды излеймен. Нийетим қалыс
Бахыт табарман деп, быйыл я жарын

Гəде солай саған түңилгенимде
Яки сүуретиңе тигилгенимде
Илəжсыз ишимнен гүбирледим де
Тилим айта алмас кеулимде барын

Жангелдиев Ниетулла (ойшыл)

29.11.2020 ж

@oyshil_qosiqlari
91 0 0
Косыкларым, бар байлыгым

28 Nov 2020, 14:35

Открыть в Telegram Поделиться Пожаловаться
Ашық үмити

Көптен сорастырып көшеңди таптым
Кеш киргеннен артқа шегинер жақтым
Нəзериң түсер деп, қайталап өтип
Бой созып, үйиңе урлана бақтым

Сездим үйиңдесең, өзим күткендей
Сəруи бойларыңа шəмен питкендей
Түн шырасы жарығында жүзиңе
Ай сəулесин алып, сəнем сүрткендей

Турман ышқы самалына ентигип
Шаң-тозаңын көзлериме ем қылып
Қапаланып ашшы сөзлер айтсаң да
Сениң сестиң ең мазалы, ең тынық

Мен ашықпан, яр сапасын көрмеген
Сағынышы алқымына өрлеген
Өзиң едиң күлимсиреп, наз етип
Гүл исмиңди жүрегиме мөрлеген

Бəлким билмей түслериңе енермен
Тап сол ушын кешпес едим нелерден?
Бир өмир күт десең дағы қайылман
Мен кешпейин, жан кешсе де денемнен

Ай периштем сөзлериме қулақ түр!
Көзим дийдар тилеп, бозлаңқырап тур
Ғəзебиңди ашыу тасыңа орап
Маған қарап терезеңнен ылақтыр

Көринсең болғаны мүтəжим сонда
Кейин қəле! Қалдыр аязда, тоңда
Яки түсинейин шықпасаң. Мени
көргиң келгени деп. Бүгиннен соң да

Жангелдиев Ниетулла (ойшыл)

28.11.2020 ж

@oyshil_qosiqlari
103 0 0
Косыкларым, бар байлыгым

28 Nov 2020, 07:22

Открыть в Telegram Поделиться Пожаловаться
Мукəррамаға жууап

Интизарлық

Пушайманлық өртемесин жаныңды
Өшир кеулиңдеги дəртли жалынды
Мен бунда күтпектен шаршағаным жоқ
Тек ақылым сезим-ара жаңылды

Жүргенимде қыялларға алдана
Қыйнап қойдым мен өзиңди сəл ғана
Тəғдир несип дийдар сəти келгенде
Жолларыма шығармысаң сəллана?

Шадлыққа төк, көзгенеңниң тамшысын
Мен аямай тарттым уақыт қамшысын
Қушағыңа жетерим бар. Буйырса
Алдап өтип айралықтың аңшысын

Көпке ермек, азға үлги исимиз
Талпынайық жеткенинше күшимиз!
Көриспек мəурити жақын. Нигəрым!
Еле оңға айланады түсимиз

Жангелдиев Ниетулла (ойшыл)

28.11.2020 ж

@oyshil_qosiqlari
106 0 0
Косыкларым, бар байлыгым

28 Nov 2020, 07:21

Открыть в Telegram Поделиться Пожаловаться
Репост из: Мукәррама Әдилқызы 🧿
Ойшылға жууап !!

Пушайманлық!!

Ҳәсирет ушқынлары көзимнен шығар,
Гердейген геўдемнен ғамды ким уғар?,
Мен сеннен кетсем-де, өзиңде қалды,
Нағыз өмир менен, Бахытлы жыллар!
💔🍂
Жүрегимниң ҳәмирине ермедим,
Соннан берли өз-өзиме де келмедим,
Мендей епсиз яр болмады тарийх-та,
Я сүйиўди, я кетиўди епледим.
💔🍂
Айлар изин жыллар қуўып барады,
Умытпадың узсемдағы араны,
Бахыт ўәде етип, қайғы сыйлаған,
"Кешир, мен ақылсыз-бахты қараны".
💔🍂

Мукаррама Оразбаева
27.11.2020
114 0 0
Косыкларым, бар байлыгым

28 Nov 2020, 05:13

Открыть в Telegram Поделиться Пожаловаться
Видео недоступно для предпросмотра
Смотреть в Telegram
112 0 0
Косыкларым, бар байлыгым

27 Nov 2020, 19:09

Открыть в Telegram Поделиться Пожаловаться
Мукəррамаға жууап

Шара бар ма? Илаж таба билмедим
Излеу салып қай жолларда жүрмедим
Қол соззам да тута алмай атырман
Тəғдирдиң ойнақлап атқан илмегин

Шийрын дийдар мөлдегинен алыслап
Тутсам дағы турғандайман қам услап
Халым күлки қылып, хəзиллескендей
Тəғдир айтар "сабырыңнан таныс тап"

Қылығымды сабыр алып мəлелге
Дейди "ийек созбай өзиң əмелле!"
Яки өзиң мəнзил асып жетесең
Яки солай алыслардан сəлем де

Уа кеуилим! Бунша тынышсызландың?
Назын писент қылмай сонша қызлардың
Күт арыуым дедим. Бирақ соңынан
Мен өзиңди көзимнен де қызғандым

Жангелдиев Ниетулла (ойшыл)

27.11.2020 ж
99 0 0
Косыкларым, бар байлыгым

27 Nov 2020, 19:09

Открыть в Telegram Поделиться Пожаловаться
" Сағыныш хаты "

Ойшылға жууап!!

Урлады ай-жыллар көзимниң нурын,
Арқалап жас басым турмыстың жүгин,
Жаныма жылыўын берген жүзиңди,
Тек "Экран" жүзинде көремен бүгин!💔🍂

Сағыныў дегениң тилсиз жаў мекен?!
Қанжарсыз тилкилеп, жанымды жеген,
Суўық самал тырнап қызыл ләбимди,
Айрылық пасылы Гүз келген екен 💔🍂

Өткен, өтмиш болып неге қалмайды?
Болып өткенлерди ақлым алмайды,
Сен қалдың, мен кеттим жүкти көтерип,
Өзи инсан қатеге-қәте жалғайды💔🍂

Өкпеге Өкиниш нәпеси толып,
Үплесем шәмензар қалады солып,
"Бахыттың қәдирин билмеген сулыў,
Ордени көксимде уш жылға жуўық"!!! 💔🍂

Мукаррама Оразбаева
27.11.2020
95 0 0
Косыкларым, бар байлыгым

27 Nov 2020, 15:58

Открыть в Telegram Поделиться Пожаловаться
114 0 0
Косыкларым, бар байлыгым

27 Nov 2020, 15:09

Открыть в Telegram Поделиться Пожаловаться
Сағыныш хаты

Уақыт жүйригине исинер өкпем
Баяғы шабысын умытты көптен
Жүрисин сəл ғана өндиреғойса
Қашшан болар едим табанын өпкен

Əдиллиги қайда кетти ышқының?
Жағымлы дийдарың шийрын түс бүгин
Көзимди үзбестен, еле өширмей
Мен үплеп отырман үмит ушқынын

Бет алысым жаман кетпесин десең
Шыдамын жеткерип, еплесин десең
Сəнемим хабар бер интизарыңа
Дүньядан əрманлы өтпесин десең

Ашықпан... Айрылған жоғы-барынан
Сəудигинен дəрек таппай харыған
Уақтында султандай сезинип өзим
Бүгин мухаббаттың мəрдикарыман

Тəғдир қатал. Бəлким ол да хақ шығар
Арамызда айралықтай сақшы бар
Кеулим кептериниң қанатларында
Жиберген хатымды өзиң қақшып ал

Мындалы дəртимниң еми өзиңде
Қушағым жылытар деми өзиңде
Илтимас төбеңди бир мəрте көрсет
Ойшылға жетпеген кеми өзиңде

Жангелдиев Ниетулла (ойшыл)

27.11.2020 ж

@oyshil_qosiqlari
130 0 0
Косыкларым, бар байлыгым

26 Nov 2020, 14:07

Открыть в Telegram Поделиться Пожаловаться
108 0 0
Косыкларым, бар байлыгым

26 Nov 2020, 14:07

Открыть в Telegram Поделиться Пожаловаться
Мукаррамаға жууап

Түни менен жамғыр аяқ көсилип
Қара бултты анда-мында көширип
Жауғанын билемен. Қорқаман бирақ...
Кетпеди ме сезимиңди өширип?

Мени теңеп турсаң əрман, жалғанға
Я ақылың меннен басқа алған ба?
Соранарым: кеуилиң бир шетинен
Мениң ушын киши орын қалған ба?

Келме депсең. Ал бунда мен интизар
Ишим дийдар сəтин күтсе дым қызар
Күндиз қыялымда болса келбетиң
Жулдызларға сүуретиңди түн сызар

Солай өтер сенсизликте ақшамым
Ойлай берип ақылымнан ақсадым
Мен өзиңе жетиу қəлеп жүргенде
Яры болып кетермисең басқаның?

Қайғырғаннан қайысады қабырғам
Керек сөзге жарлы, "жарымағыр"ман
Барғанымда көрисиуден үмитдар
Енди басқа жолдасым жоқ сабырдан

Ниетулла (ойшыл)
108 0 0
Косыкларым, бар байлыгым

26 Nov 2020, 14:07

Открыть в Telegram Поделиться Пожаловаться
Репост из: Мукәррама Әдилқызы 🧿
Ойшылға жууап!

Эх қыял урысы, кеуил султаным,
Қарайып атады сенсиз хәр таңым,
Хәтте Келиуиң де маған бир сынақ,
Куттирген арманым, Шийрин жалғаным.💔🍂

Мудам қыялымда сениң қарасың,
Сәугиң көзлериңде турғаны тасып,
Хәуес етип қарап заманласларда,
Бир биримизге едик
"Жудә жарасық"💔🍂

"Құлақ қапта" (наушники)
Сол баяғы сеслериң,
Сесли хатлар, (аудиосообшение)
жыйнаудан хеш безбедим,
"Радиодан шықты дести шайырың"
Жылап тыңлап,
Жылап сени еследим 💔🍂

"Тарқаспайды қара бултлар етеги"
Ол сен жақлар,
Хауа елп-елп етеди,
Маған бекер умит берип қыйнама,
Сени сонша куткенимде жетеди.💔🍂


Тек қыяллар орамалы басымда,
"Отызға да жақынлады жасымда"
Жараспайды бояулар-да, кулиу-де ,
Сен жарасып журмегенсоң қасымда 💔🍂

Келиуиңди кутип журмен расында💔🍂

Мукаррама Оразбаева
2020.26.11
101 0 0
Косыкларым, бар байлыгым

26 Nov 2020, 10:23

Открыть в Telegram Поделиться Пожаловаться
Жамғырдан соң келген қыяллар

Мукаррамаға жууап

Халым жаман, келер болсам хағынан
Бəхəр кетти сенсиз ышқым бағынан
Сағынышлы жууабыңды жеткерген
Миннетдарман бүгинги таң шағынан

Тек саған бəнт бул Ойшылдың санасы
Алтын маған шашларыңның таласы
Хəтте қымбат хинжи, мəржан, дүрлерден
Жумалаған көз жасың хəр данасы

Қыйналмағыл, сүуретлерге бас урма!
Алыстасаң. Қəуетерим асырма!
Жыллы-жыллы сезимлериңди көрсет
Илтимасым мириубетиң жасырма

Тарқасқандай қара бултлар етеги
Таза хауа леби елп-елп етеди
Еле мени умытпапсаң нигəрым
Бахтым ушын соның өзи жетеди

Ниетулла (ойшыл)
103 0 0
Косыкларым, бар байлыгым

26 Nov 2020, 10:04

Открыть в Telegram Поделиться Пожаловаться
102 0 0
Косыкларым, бар байлыгым

26 Nov 2020, 09:55

Открыть в Telegram Поделиться Пожаловаться
107 0 0
Косыкларым, бар байлыгым

26 Nov 2020, 09:54

Открыть в Telegram Поделиться Пожаловаться
102 0 0
Косыкларым, бар байлыгым

25 Nov 2020, 19:45

Открыть в Telegram Поделиться Пожаловаться
Сағынышың алып келди жамғырлар !!

Ойшылға жууап!!

Өзиң жоқта көп жыладым, жудә көп,
Жеткизбесе тәғдирге хеш шара жоқ,
Билесеңбе?! Мениң сеннен кеулим тоқ,
Сезимлериң алып келди жамғырлар💔🌦

Бас ураман естеликлер, сууретке,
Гуз самалы шарлағандай сен бетке,
Мени булай сенсизликке уйретпе,
Мени сенсиз тусинбейди адамлар!💔🍂

Көрдим сенсиз бәхәрди-де жазды-да,
Сенсизликте кең пейилим аздыма?!
Тусинбеймен өз өзимди базыда,
Мени алдап кетти, сенлик арманлар!💔🍂

Хош көремен жамғыр жауса кешқурын,
Тысырлысы саған айтар бар сырым,
Тутқыныман жаным сенлик қайғының,
Тоңдырады сол қыяллар-арзыулар,
Сағынышың алып келди жамғырлар💔🌦

Мукаррама Оразбаева
2020.25.11
132 0 0
Косыкларым, бар байлыгым

25 Nov 2020, 19:38

Открыть в Telegram Поделиться Пожаловаться
110 0 0
Косыкларым, бар байлыгым

25 Nov 2020, 16:23

Открыть в Telegram Поделиться Пожаловаться
Сағынышым жамғыр менен баратыр

Салқын гүз асырып əбден қырсығын
Гүлдирмама қағып, таулар уршығын
Шақмаққа урланып мениң бир сырым
Сағынышым жамғыр менен баратыр

Түнги аспаныңды қапласа булыт
Сен буннан шоршыма, қəуетер қылып
Кеулимдеги оттың лебинен жылып
Сағынышым жамғыр менен баратыр

Илтимасым тыңлап, алысса əлпим
Адаспай барар ма, өзгертпей қəлпин?
Сəлемимди саған жеткерер бəлким
Сағынышым жамғыр менен баратыр

Өткинши самалдың жөнин шамалап
"Еглен" деп өтиндим, иркип, қамалап
Елпиген шашына илдим аманат
Сағынышым жамғыр менен баратыр

Сəн жоқ сенсиз дейип ышқы журтында
Шертип атыр терезеңниң сыртында
Сəл жақынлап сытырлысын бир тыңла!
Сағынышым жамғыр менен баратыр

Арасында тоқтап, қылса үзинди
Сейилге шық, еплеп басып изиңди
Тамшылары аймаласын жүзиңди
Сағынышым жамғыр менен баратыр

Қосып жоллап турман саған, бар шадым
Күнде жолдас қыла берип шаршадым
Жууап берермисең, күтсем таң шағын?
Сағынышым жамғыр менен баратыр

Жангелдиев Ниетулла (ойшыл)

25.11.2020 ж

@oyshil_qosiqlari
120 0 0
Показано 20 последних публикаций.

156

подписчиков
Статистика канала