မောင်ဆူးလှည်း

စစ်ရေးမျက်နှာစာက ​ပြောင်းပြန်ဖြစ်စပြုလာပြီ

အရင်တုန်းက တပ်က စခန်းတွေကို လာသိမ်းရင် PDF တွေက ဒရုန်းအစီး ၁၀၀ လောက်နဲ့ နေ့စဥ် ဗုံးရာချီ လာထုပြီး ပိတ်ထား။ မခံနိုင်တော့မှ အညံ့ခံခိုင်းအဆင့်ကနေ အခုကြတော့ တပ်ဘက်ဒရုန်းက PDF တွေကို အားနေလို့ ပျင်းရင် ဒရုန်းနဲ့ရှာကြဲ PDF တွေက Jammer တွေ Drone Guard တွေ Anti Drone Gun တွေ လိုက်ဝယ်ရ ထွင်ရအဆင့် ရောက်လာပြီ။ စျေးကြီးလွန်းလို့လည်း တိုင်ပတ်နေပြီး သေတာ သောက်သောက်လဲဖြစ်နေပြီ။

အစကတည်းက လေကြောင်းကို အဖြေရှာမရတဲ့အထဲ ဒရုန်းကို တွင်တွင်ကျယ်ကျယ်သုံးလာတာက စစ်ရေးချိန်ခွင်လျှာ ပြောင်းစပြုလာတာပဲ။ ဒီကြားထဲ ရွေးကောက်ပွဲက ၂၀၂၅ ထဲလုပ်မှာလို့ အချိန်အတိအကျထွက်လာထားတာဆိုတော့ ကမ္ဘာက အရင်တုန်းကလို ဖိမယ့်ပုံစံမမြင်ရတဲ့အပြင် Win Win Lose ပုံစံ ဆက်ဆံလာတာမြင်ရတယ် ယူဆတယ် Lose ကတော့ ဘယ်သူတွေလဲဆို နုဂျီပဒက်နဲ့ EAO ဘက်ပါပဲ။

တပ်ဘက်က Drone တွေကိုလည်း နောက်ချန်တပ်ရင်းက ဖင်ငြိမ်တဲ့ အမျိုးသမီးအရာရှိတွေ ကွပ်ကဲခိုင်း။ မိန်းမတွေဆိုတာက ယောကျ်ားတွေထက် ဖင်ငြိမ်သလို တိကျမှုလည်းပိုတယ်။ အဲဒါဆို အရင်လို အပြင်ကနေ ဒရုန်းနဲ့ဝိုင်းပစ်တာမျိုးတွေ လုပ်ရခက်သွားမယ်။ တပ်ရင်းတစ်ခုက အမျိုးသမီးငါးယောက်လောက်က ဒရုန်းငါးစီးလောက်နဲ့ ပတ်နေပြီး မဲမဲလှုပ်လှုပ်မြင်တာနဲ့ ဒရော့ဗုံးချ ဘယ်သူကပ်ရဲမလဲ။ ကိုယ့်ဘက်ပြန်မလာအောင်လည်း အရင်ထက်ပိုပြီး Safety ဖြစ်အောင်လုပ်ပေါ့။ ဒါဆိုရင် ရွေးကောက်ပွဲကာလမှာ သောင်းကျန်း သူ ခေါင်းထောင်ထတာ တော်တော်နည်းသွားမယ်။

ဒါတွေက ရေးချင်လို့ ရေးရတာ၊ သတ်ဖို့ဖြတ်ဖို့အားပေးတာတော့ မဟုတ်ပါဘူး။ မြေပြင်အခြေအနေမှန် မြင်ကြဖို့၊ မြင်ရင် အလင်းဝင်ဖို့နဲ့ ရွေးကောက်ပွဲဖြစ်မြောက်ဖို့အတွက်ပါပဲ။

ရွေးကောက်ပွဲမလုပ်နိုင်ရင် အခုရင်ဆိုင်နေရတဲ့ တစ်နိုင်ငံလုံးရဲ့ အကျပ်အတည်းက လွန်မြောက်ဖို့မလွယ်ဘူးယူဆလို့လည်း အနှစ် ၂၀၊ ၃၀ လောက် ဆက် မသတ်ဖြတ်စေချင်လို့လည်း Democracy Restored အတွက်၊ နိုင်ငံမပြိုကွဲဖို့အတွက် ဖြစ်သင့်တယ်ထင်ရာ ပြောရတာပဲ။

ပြီးခဲ့တဲ့ သီတင်းကျွတ်ပိတ်ရက်မှာ အိမ်က ၃ ရက် ရေမြုပ်။ လူလည်း တစ်နေကုန်ရှင်းရလင်းရ တိုင်ပတ်ပြီး ပိတ်ရက်တောင် မနားနိုင်လို့ အခု ၃ ရက်ဆက် ပိတ်ရက် တနင်္ဂနွေမှ ရေဝင်တဲ့နေရာတွေ အကုန် ပြန်ပြီး ပန်းရန်ခေါ်လုပ်ရတယ်။ လုပ်တဲ့ပန်းရန်ကလည်း ရေများသွားလို့ ဒီမနက်မှ အကုန်ပေါင်း သန့်ရှင်းရေးလုပ်ရပြန်တယ်။

တိုက်ခန်းက ရေ ကျော်တာတွေရယ်၊ ရှေ့မှာ၊ နောက်မှာ ရေစိမ့်တာရယ်၊ အိမ်သာဘေးက ရေတရဟော ဝင်တာတွေရယ်။ လေးငါးခုပဲ။

အဲဒီမှာ ရေ တရဟော ဝင်တဲ့နေရာကို ကြွေပြားခွဲ၊ အင်္ဂတေလည်း ဖောက်ချလိုက်ရော အခေါင်းပေါက်က အကြီးကြီးပဲ။

အခေါင်းပေါက်ထက်ပိုဆိုးတာက ကိုယ့်တိုက်ခန်းကို ကန်ထရိုက်လုပ်သွားတာပဲ။

မြေညီထပ်ကို ဘိလပ်မြေ၊ အင်္ဂတေ၊ ကွန်ကရစ်နဲ့ ပိတ်သွားတာမဟုတ်ဘဲ အုတ်ကျိုးနဲ့ သဲပဲ ဖြည့်ပြီး တိုက်တစ်ခုလုံးဆောက်ထားတာ။ ကွန်ကရစ်ထုကလည်း တစ်လက်မခွဲလောက်။ အဲဒါကြောင့် တိုက်ခန်းငှားစမှာ နောက်ဖေးတံခါး ဆောင့်ပိတ်လိုက်မိရင် ရှေ့က တံခါးအကုန် လှုပ်သွားတာကိုးလို့။ ပိုဆိုးတာက တိုက်က ၁၈၊ ၅၅ ကိုမှ ၁၆ ခန်းတွဲ ၈ ထပ်။ ဘယ်ချက်မှ အကုန်ပြိုမလဲ မသိ။

ကိုယ့်မလည်း တစ်နှစ်စာချုပ်မိထားတော့ ပြေးစရာမြေလည်း မရှိပါဘူး။ ဒီ ၄ နှစ်အတွင်းမှာ ၁၀ နေရာလောက် ပြောင်းနေရလို့ တစ်ခါပြောင်း တစ်ခါ ပွဲစားကထောင်း၊ ရွှေ့ခက နာနဲ့။

ဘာပဲဖြစ်ဖြစ် အခုတော့ ငလျင်မလှုပ်ပါစေနဲ့လို့ ဆု​တောင်းရင်း အိမ်သာတက်၊ ရေချိုးတိုင်း ဘယ်အချိန် ပြိုကျမလဲမသိတဲ့ တိုက်သားထုကို ဘုရားတရင်း ကိုယ်အဆင်ပြေပါတယ်။

နောင်များတော့ ကိုယ့်တစ်ယောက်တည်းသန့်ရှင်းနေရုံနဲ့ အဆင်မပြေတဲ့ တိုက်ခန်းမြေညီကို ဘယ်တော့မှ မငှားတော့၊ တတ်နိုင်လည်း မဝယ်တော့ဘူးလို့ သန္နိဌာန် ချလိုက်တယ်။

ပိတ်ရက်တွေအကုန် ဒိုင်စားပြီး စိတ်မောလူမောဘဝမို့ လွယ်မနေပါဘူး လူတွေရယ် 😔😔😔😔

ဗုဒ္ဓဘာသာစော်ကားလို့ အမှုဖွင့်တော့၊ ကန့်ကွက်ရှုတ်ချတော့ မဘသ၊ မျိုးညစ်ဆိုပြီး လှောင်တဲ့ကောင်တွေက

သူတို့ဘာသာ စော်ကားခံရတဲ့အချိန်ကျရင်တော့ ကာတွန်းတစ်ပုံနဲ့ လူသတ်ဗုံးခွဲတာနဲ့ မကြည့်ရသေးတဲ့ ရုပ်ရှင်က စာတစ်ကြောင်း ပုံတစ်ပုံနဲ့ ဘာသာတစ်ခုလုံးပျက်တော့မလို ထ အော်ရတာနဲ့ ဝေဖန်မိလို့ လူပျောက်ပါတယ်လို့ ငိုချင်းချရတာနဲ့ ရွံစရာလေးတွေ...

ကိုယ်ဖြင့်စာ မနာနိုင်ဘဲ သူများဘာသာ စော်ကားတာကို အားပေးထောက်ခံမိရင် ငါတို့ဘာသာလည်း စော်ကားခံရမှာပဲ တွေးနိုင်တဲ့ ဦးနှောက် အသိဉာဏ်မရှိတဲ့ အစွန်းရောက်တွေ။

ဘယ်ဘာသာဝင်တိုင်းကမှ ကိုယ့်ဘာသာထိပါးစော်ကားတာကို သဘောမကျဘူးဆိုတာ နားမလည်သရွေ့၊ သူများဘာသာစော်ကားပြီး ကိုယ့်ဘာသာထိမှ ငိုပြနေသရွေ့ ဒီနိုင်ငံမှာ ဘာသာပေါင်းစုံချစ်ကြည်ရေးဆိုတာ ဖြစ်လာမှာမဟုတ်ဘူး 🙂

Fri ◾ ငါဝင်ထားတဲ့ NLD Group တွေ၊ PDF Group တွေ၊ EAO Group တွေက မင်း အကောင့်နဲ့ Ss တွေ ခဏခဏတင်ပြီး Report ထုကြ၊ သတ်မယ်၊ သတင်းပေး ခဏခဏ တင်တယ်နော်။ တချို့ကလည်း မင်းကို ဘယ်ရပ်ကွက်၊ ဘယ်ကားဂိတ်နားမှာ ခဏခဏတွေ့တယ် မန့်ကြတယ်။ မင်းကို တော်တော်မုန်းကြတာ ဘာလို့တုန်း။

Me ◾ ပထမဆုံး မင်းကို ငါမေးမယ်။ ငါ့ကို မင်းက ဘာလို့မမုန်းတာတုန်း။

Fri ◾ မင်းနဲ့ငါနဲ့ အယူအဆတွေ အမြင်တွေ မတူပေမဲ့ မင်းက ငါ့ ငယ်သူငယ်ချင်းလေ။ ပြီးတော့ မင်းက မင်းကိုယ်ကျိုးမရှာဘဲ သူများပဲ ကူညီပြီး မင်းရေးနေတာတွေကလည်း နိုင်ငံနဲ့ ပြည်သူကောင်းဖို့၊ နိုင်ငံမပြိုကွဲဖို့၊ တရားလက်လွတ် မသတ်ကြဖို့၊ ဒီနိုင်ငံကောင်းဖို့ပဲ ရေးနေတာကိုး။ ကျန်တဲ့ အပြန်အလှန်ဆဲဆိုတာကလည်း မင်းဆဲလိုက်၊ ငါဆဲလိုက်၊ စကားနိုင်လုလိုက်။ အဲဒါကို ငါက မင်း မုန်းရအောင် သောက်ရူးမဟုတ်ဘူးလေ။

Me ◾ အေး အဲဒါက မင်းက ငါ့သူငယ်ချင်းမို့ ငါ့စိတ်ရင်းသိလို့ အမှန်မြင်တာ။ အဲဒါဆို မင်းမေးတဲ့လူတွေက ငါ့ဘာလို့ မုန်းလဲဆို

၁ ။ NLD နီပေါတွေ ငါ့မုန်းတာက သူတို့ NLD အစိုးရ ငါ့ကို မတရားဖမ်းခဲ့ပြီး ငါက ရင်ကော့ခေါင်းမော့ လွတ်လာ၊ သူတို့ NLD အစိုးရက တရုတ်နဲ့လုပ်ချင်တဲ့ မြို့သစ်ကြီး ပျက်၊ သူတို့အစိုးရတစ်ဖွဲ့လုံးက ထောင်ကျကုန်ချိန်မှာ သူတို့အစိုးရက ဒီမိုကရေစီအစစ်အစိုးရကြီး၊ မတရားအဖမ်းခံထားရတာလို့ ကမ္ဘာကို ​ပြောချင်တာ။ ငါက ငုပ်တုတ်ကြီး NLD ကလည်း ဓားမိုးကရေစီအစိုးရလို့ သက်သေနဲ့ပြောနေတော့ မုန်းကြတာကွ။

၂။ PDF တွေက အာဏာလိုချင်တဲ့ကောင်တွေရဲ့ အသုံးချခံဖြစ်မှာလို့ နွေဦးတော်လှန်ရေးအစကတည်းက ငါ ပြောခဲ့ပြီး တာရာမင်းဝေရဲ့ ဝတ္ထုတိုနဲ့ပါ ယှဥ်ပြခဲ့တာ။ အဲဒါတွေ ကွက်တိမှန်တော့ PDF တွေ လက်နက်ဆက်ကိုင်ပြီး NUG က လူတွေ ချမ်းသာစေချင်တဲ့ ကိုယ်ကျိုးစီးပွားသမားတွေက ငါ့ သတ်ဖို့ လှုံ့ဆော်၊ ငါကလည်း ရွေးကောက်ပွဲလုပ်မှ တိုင်းပြည်နဲ့ ပြည်သူထွက်ပေါက်ရမှာလို့ တစ်စိုက်မတ်မတ်ပြောတော့ PDF Group တွေက မုန်းတာပေါ့ကွာ။

၃။ EAO တွေ မုန်းတာက ရှင်းရှင်းလေး။ သူတို့က စစ်တပ်မုန်းတီးရေးလှုံဆော်ပြီး PDF တွေ အသုံးချနယ်မြေလုမယ်။ နယ်မြေအသစ်သုံးနိုင်ရင် နိုင်ငံခွဲထွက်မယ်။ ငါက မြန်မာ့မြေပုံအပျောက်မခံနိုင်တဲ့ ခွဲထွက်တာ လက်မခံတဲ့ ဖက်ဒရယ်ဒီမိုကရေစီသမားဆိုတော့ သူတို့က ငါပို့စ်တစ်ချက်တက်တိုင်း PDF တွေနဲ့ တိုင်ပတ်တော့ ငါ့ မုန်းတယ်။ ဒါပဲ။

Fri ◾ အေး လွယ်တော့ မလွယ်ဘူးနော် မင်းလည်း သတိထားဦး။

Me ◾ အေးအေး ငါက အဲဒါတွေ သိပ်ဂရုမစိုက်ဘူး။ လူတစ်ယောက်က တစ်သက် တစ်ခါပဲ သေရတာ။ ကြောက်လို့ နာမည်ပျက်နဲ့ ကိုယ့်ရည်တည်ချက်ကိုယ်တော့ သစ္စာမဖျက်ဘူး။ လာသတ်တောင် ရှေ့ကသတ်။ ပြန်ချမှာ 😂

Fri ◾ အရင်က ငါ မေးတိုင်း မင်းက သောက်တုံးက စ ဆဲတာလေ။ အခု ဘာလို့ မဆဲတော့တာတုန်း။

Me ◾ မင်းနဲ့ငါ ငြင်းတာက တကယ်ငြင်းနေတာကို ငါ ပြန်ရေးပြတာလို့ အဖေ့ကို ပြောမိတာ။ အဲဒါ အဖေက ငါ့အကောင့်မှာ ရေးရင်တောင် ဆဲပြီး ပြောတာတွေ မတင်နဲ့တော့တဲ့။ ငါက မင်းကို ဆဲမိရင် ထည့်ရေးမိမှာစိုးလို့ မဆဲတာ။

Fri ◾ ဟ မင်း ဆဲမနေတော့လည်း ငါက တစ်မျိုးကြီးဟ။ မင်း အစစ်မဟုတ်သလိုကြီး။

Me ◾ အေး ငါလည်း အားပါးတရ ဆဲဆိုပြီး မပြောရတော့ စိတ်ညစ်နေတာ။ ပြောရတာတောင် အားမရှိဘူး 😞😞😞😞

၂၀၂၁ နွေဦးတော်လှန်ရေးမှာ PDF ဆိုတာ မပေါ်သေးခင်က

CDM လုပ်သူတွေ ငတ်မှာ၊ ဘဝပျက်မှာ၊

နိုင်ငံပျက်မှာ နာမှာ

လူငယ်တွေ ဘဝပျက်မှာ ဒါကြောင့်မို့လို့

ဆန္ဒမပြနဲ့၊ အဖမ်းမခံနဲ့ လက်နက်မကိုင်နဲ့ အသုံးချမခံနဲ့

Democracy Restored ပဲ ပြန်သွားကြပါဆိုပြီး တစ်ချိန်လုံး တစ်လောကလုံး ဆန့်ကျင်ပြီး ရေးနေချိန်မှာ

အဲဒီအချိန်က တိုင်းရင်းသားနယ်မြေက အစိုးရသတင်းထောက်က CDM လုပ်၊ လက်နက်ကိုင်အဖွဲ့အစည်းထဲ ဝင်တယ်ဆိုတဲ့ပုံစံနဲ့ ကိုယ့် သ မယ် ဆိုပြီး လာခြိမ်းခြောက်တယ်

အဲဒီတုန်းက PDF ဆိုတာ နာမည်မထွက်လာသေးပေမဲ့ လက်နက်ကိုင်နယ်မြေရောက်နေတဲ့သူတွေ စစ်ရေးစသင်ချိန်၊ သူတို့လို လက်နက်ကိုင်နယ်က ကောင်တွေက ထိပ်ဆုံးက ရောက်သွားတာကိုး

ကိုယ့်ကို သ မယ်လို့ စ ခြိမ်းခြောက်တာလည်း သူတို့အဖွဲဲ့ပဲ

အခုတော့ အဲဲဒီသတင်းထောက်ကို သူ သိပ်ယုံတဲ့ သူ့နယ်ကလက်နက်ကိုင်တွေကပဲ ဖမ်းထားတာ တစ်လပြည့်ဖို့ ၃ ရက်ပဲ လိုတော့တယ်

သ လိုက်ပြီ ဆိုတာလည်း မန့်တွေမှာ တွေ့မိပါရဲ့

....

ကိုယ်တစ်ခါရေးဖူးပါရဲ့... ကိုယ့်ကို မတရားလာဖမ်းတဲ့ညက အရမ်းပျော်ပြီး ရုံးရှေ့လာ မဖမ်းသေးဘူးလား...မေးတဲ့ သတင်းထောက် (ကိုယ့်လက်အောက်ပဲ တစ်ခါပြန်ရောက်ဖူးတဲ့ကောင်) သူ အဖမ်းခံရတော့ မိခင်သတင်းဌာနကတောင် ဝတ်ကျေတန်းကျေနဲ့ပြီးလို့

အခုလည်း ကိုယ့်ကို ပထမဆုံး စ ခြိမ်းခြောက်တဲ့ကောင်က သူယုံတဲ့လက်နက်ကိုင်တွေကြောင့်ပဲ....သူ့မိခင်သတင်းဌာနနဲ့ ပြည်တွင်း သတင်းဌာနတွေကလည်း CPJ ထုတ်ပြီးမှ တောင်းဆိုရဲနဲ့ 🤣

မှတ်ချက်။ ဒီမိုခရေဇီနီပေါတွေက သူတို့ ဓားမိုးကရေစီအစိုးရက အာဏာသုံးပြီး မတရားလုပ်တာရေးရင် မကြိုက်ကြဘူးဗျ။ သတင်းထောက် ပုံကလည်း ဘာရယ်မသိတော့ မသုံးချင်လို့ မိုက်ကယ်ကျော်မြင့်က ဒေါ်စုကို ခင်ဗျားလို့ ပြောမိရုံနဲ့ နိုင်ငံတော် အကြည်ညိုပျက်စေမှုနဲ့ အမှုဖွင့်တဲ့ သတင်းပုံလေး တင်ပေးလိုက်တယ်။ နီပေါတွေ သိပ်တမ်းတနေကြတဲ့ ခေတ် တုန်းက အာဏာရူးခဲ့စဥ် အမှတ်တရပုံပေါ့ 😜😜😜😜