Yoshlar, madaniyat va sport masalalari qo‘mitasi

“Аждодларимиз жасорати – мангу барҳаёт!”

Азиз ватандошлар. Юртимизга кириб келган муқаддас Рамазон ойи қалбларимизни иймон нури билан ёритмоқда. Шу билан бирга, кейинги кунларда бошимизга тушаётган мураккаб вазиятлар ҳам сабр-бардошимиз, бирдамлигимизни яна бир карра синовдан ўтказмоқда. Юртбошимиз таъкидлаганларидек, бу кунлардан кучли бўлиб, қийинчиликларда чиниқиб ўтамиз албатта. Ҳаёт эса ўз қувончу-ташвишлари билан давом этаверади.
Бугун 9 май - Ғалаба байрами мамлакатимизда Хотира ва қадрлаш куни сифатида нишонланмоқда. Бу йил – “Иккинчи жаҳон урушида фашизм устидан қозо¬нил¬ган Ғалабанинг 75 йиллиги” сифатида ўша кунларни ўз бошидан кечирган юртдошларимиз учун алоҳида аҳамиятга эга. Улар шундай тинч ва осойишта кунларга етиб келганликлари учун оллоҳга шукроналар айтишмоқда.
Инсон шаъни юксалган ва меҳнати қадр топган юртимизда кексаларимизни эъзозлаш, уларга алоҳида эҳтиром кўрсатиш асрлар оша давом этиб келаётган ҳамда қон-қонимизга сингиб кетган муқаддас қадриятдир. “9 май - Хотира ва қадрлаш куни” ҳам том маънода халқимиз, айниқса, ёшларимиз онгу шуурида ўтганларни ёд этиш, тирикларни қадрлаш, ўзаро меҳр-оқибатли бўлишдек инсоний фазилатларни қарор топтиришга хизмат қилмоқда. Шунингдек, Иккинчи жаҳон урушида мардларча қаҳрамонлик кўрсатган фахрийларимизнинг юртимиз тинчлиги учун чеккан заҳмати, ҳаёт қийинчиликларини сабот билан енггани биз учун ҳақиқий жасорат ва фидойилик тимсолидир.
Осмони ҳамиша беғубор ва мусаффо бўлган жонажон Ўзбекистонимизда Сизлардек фидоий, меҳнаткаш ҳамда дуогўй нуронийларимиз бор экан, албатта, мустақиллигимиз абадий, ҳаётимиз фаровон, тараққиётимиз бар¬давом бўлаверади.
Шу фурсатдан фойдаланиб барча уруш ва меҳнат фахрийларини, юртдошларимизни “9 май – Хотира ва қадрлаш куни” байрами билан самимий табриклайман. Барчангизга мустаҳкам соғлик-саломатлик, узоқ умр, хонадонларингизга файзу - барака, тинчлик-осойишталик ва фаровонлик тилайман.

БАХТИЁР САЙФУЛЛАЕВ,
Сенатнинг ёшлар, мадният ва
спорт масалалари қўмитаси раиси.

АҚШ доллари миқдоридаги маблағ ажратилиши, тадбиркорларнинг олган кредит ставкаларининг 12 фоизга тўлаб берилиши кичик корхоналар ишини унумли давом эттириш учун зарур рағбат деб биламан.
Бизнинг “Урганч миллий тикувчилик” оилавий корхонамиз жамоаси хам халқимизнинг оғирини енгил қилиш мақсадида ҳозирги кунда коронавирус пандемиясини енгиб ўтишда зарур ҳисобланган тиббий ниқоб ишлаб чиқаришни йўлга қўйиб, кунига 2500-3000 дона ниқоб тикаётган эдик. Муҳтарам Президентимизнинг кечаги мурожаатномасидан руҳланиб, ҳозирги карантин даври қийинчиликларини ҳисобга олиб, тиббий ниқоб ишлаб чиқаришни 5000 донага етказишни олдимизга мақсад қилдик.
Айни пайтда мен барча юртдошларимиз, опа-сингилларимиз, муҳтарама бувижонларимизга истак тилакларимни билдирмоқчиман. Ҳаммамиз бир бўлиб, бир мушт бўлиб қийин синов даврида бир биримизга ёрдам бериб, уйда невараларимизга, фарзандларимизга вақтни самарали ва фойдали ўтказишлари учун кўмак беришимиз керак. Бизнинг момоларимиз ўн бармоғи ўн ҳунарли кайвони онахонлар бўлишган, улардан бизларга жуда катта ҳунармандчилик, чеварлик, каштачилик, куроқчилик соҳалари бўйича мактаб қолган. Келинг уйда ўтирганимизда шуларни эсга олайлик, қизларимизга, невараларимизга баҳоли қудрат ўргатайлик.
Яратгандан тезроқ бу синовли кунлардан эсон-омон ўтиб олиб, юртимиз тинч, осмонимиз бардавом мусаффо бўлишини тилайлик. Аллоҳ паноҳида асрасин ҳаммамизни.
Олий Мажлис Сенати аъзоси,
“Урганч миллий тикувчилик”
оилавий корхонаси раҳбари,
Ф. Садуллаева.

Ассалому алайкум, ҳурматли Бахтиёр Сайфуллаевич, муҳтарам УСТОЗ!
Сизни таваллуд айёмингиз билан барча шогирдлар ва ҳамкасблар номидан самимий муборакбод этамиз.
Сизнинг узоқ йиллар бир соҳада – МАДАНИЯТ тизимида олиб борган самарали фаолиятингиз ва ҳаёт йўлингиз кўпларга чинакам ибратдир.
Халқимиз маданияти, санъати, маънавияти ва маърифати ривожига қўшган беқиёс ҳиссангизни, юртимиз тараққиёти йўлидаги сидқидил меҳнатларингизни ҳамиша эҳтиром билан эътироф этамиз.
Яна кўп йиллар шижоат билан ишлаб, меҳнатларингиз самарасини кўриш саодатини тилаймиз. Оилангизга тинчлик-омонлик, қут-барака, қувончу шодлик, ўзингизга мустаҳкам сиҳат-саломатлик ҳамиша ҳамроҳ бўлсин!
Яна бир бор туғилган кунингиз муборак!