قناة الرادود مسلم المطيري

....................................
نزله محرم الحرام 1441هـ
....................................



ضلت تنادي السماء ....كربلا يا كربلاء

••••••••••••••••••••••

فتحت عيني ولكيت الناعي يندب كربله
لايزل صوته يردد ياأرض كرب وبله
وشلكو ال محمد وشلگت هالعايله
غير بس حزن وبكاء .....كربلا ياكربلاء


•••••••••••••••••••••••••••••


ينچوي قلبي ومهجتي ينچوي حته النفس
من اصيحن ياحسين واذكر الصدر انرفس
اطبع الچف بضلوعي واصرخ شناده الفرس
الضليمه بالعراء .....كربلا يا كربلاء



••••••••••••••••••••••••••••••



لويصح اگطع چفوفي واضرب الراس بحجر
عالكفيل البيده جوده ونايم بسد النهر
ياعضيد حسين وينك سكنه نادت ياگمر
انهض وجيبلهه ماء ....كربلا يا كربلاء



••••••••••••••••••••••••••••


بالخيم صارت نوايب بالخيم آه الخيم
داسو اعتاب العقيله من بعد راعي العلم
شبت النار بعباهه وچم طفل منهه انهزم
شبت اخيام النساء .....كربلا ياكربلاء


•••••••••••••••••••••••••••


ولعلي الاكبر جروحي مالكت لسه شفه
ضلت اتنادي المصيبه والنظر والله طفه
والصدى باقي يردد عالزمن بعدك عفه
العفه بعدك رثاء ..... كربلا ياكربلاء


•••••••••••••••••••••••••••••


كاره الحنه واسمهه كاره اثياب العرس
جاسم اشموعه احسهن النبل فوك الترس
وَّجن بنار المعاره وَّجن بنار الشمس
شموعه تگطر بس دماء ..... كربلا يا كربلاء



•••••••••••••••••••••••••••••


انه ماعوفن عزائي لا قسم ياأم الحسن
عاهدت وتخط دمائي بيوم عاشر عالچفن
ابقه لحسين انتمائي والصحن هوه الوطن
والعهد فضل وعطاء ....كربلا يا كربلاء


أبد والله يازهراء ماننسى حسينا
ابد والله يازهراء ماننسى حسينا


••••••••••••••••••••••••••••

قصائد محرم الحرام 1441هـ
الشاعر : حيدر العمار الخزعلي


••••••••••••••••••••••••••••
https://telegram.me/joinchat/C0L9qUBUHKWM3eHf6Vo0Kg

الشاعر السيد موفق الموسوي
هيبته بأنوار كبره تنجلي
هيبته وارثها من عمه علي
بتاج السفاره يبقى افتخاره
.......
مسلم يطوف الفخر بحروف اسمه
مجده سبعه بسبعه ما كدرت تلمه
غصب صارت تنحني الهامات يمه
بي شمايل حمزه والكرار عمه
بصارمه بحملات حيدر لو حمل
بصارمه حي على خير العمل
بسوح المعاره يبقى افتخاره
........
من تزوره أتأمل بهيبة مقامه
بي عطر من النبوه والامامه
مسلم الراس الفخر صاير اعمامه
والشهامة اتلوك بس لأسمه الشهامه
يا شمس بترابه نزلي اتعفري
يا شمس بأنوار كبره اتنوري
بمشعل مزاره يبقى افتخاره


أسد بالكوفه تظل رهبه بعرينه
المايشوف أنوار شمسه عميه عينه
أظن بي نوح انتخه ترسي السفينه
ورست يمه اتغازل بطلعة جبينه
حيدري واوصاف حيدر يمتلك
حيدري وأصبح على الكوفه ملك
والعز شعاره يبقى افتخاره
....
للسفارة ابعزم كلبه من كفلها
كلفه والكلفات تتعنه أهلها
هالسفاره اجبال تهتز من حملها
لاكت المسلم ومسلم لايك الها
هاشمي وحسين يعرف غيرته
هاشمي بجفوفه سلم رأيته
بهذا اختياره يبقى افتخاره







مسلم بدمه الكرم من زغر عمره
طبع عنده اللي يدك بابه يسره
الباري جازه تضحياته ورفع قدره
باب للحاجات صار اليوم كبره
مرقده شامخ يظل طول الزمن
مرقده بي عطر من جنة عدن
بالجنه داره يبقى افتخاره
الشاعر سيد موفق الموسوي


https://telegram.me/joinchat/C0L9qUBUHKWM3eHf6Vo0Kg

يهلال الونين ياشهر الحسين
يلبيك المصاب يمبچي الجنين
*****
بكل سنة ننطر اهلالك الدمعة تحسبلك وانة
لبست اسود دمعه عندي اوحده عندي مجفنة
تگابلت اني ودموعي نصب دمع مالت سنة
من تجي ينشغ دليلي روحي احسها امدوهنة
ودموعي تسيل بنهار ويليل
ويامك ننوح والعالم حزين
*****
استقبلينة الحزن غبشة نبچي وي خيط الفجر
ونكبت الدين ابمحرم وكل گلب يصبح جمر
وچن بده التاريخ توه ويه النحر بادي العمر
بعد يهلال الك شنطي وخلصت انحور اونذر
يلفاجعني بيك للباري اشتكيك
يمنزل الدموع تشهدلك سنين
*****
من تمر نصبح يتامة ونذكر حسين اوهلة
بشوفت اهلالك نشوف چم ضريح اوكربلة
ايامك اتگلب المواجع وبيهه الهموم اوبلة
وصوت الونين اونعاوي والبچي بينة علة
يانحر الغريب بدلالي لهيب
مايطفة السعير ويزيد الحنين
*****
كل احاسيس المشاعر تهيئت شافت هلال
والحزن والنوح اجوني اوهمي گالولة تعال
يوم عاشر هزه صارت وطاحت انواع الجبال
مانسيت الصار احسة اولو محرم عني طال
تبچيني الخيام واضلوع الامام
وعبدالله الرضيع ونداس العرين
*****
جايب اعلوم المنية ابيض اولابس سواد
حافض التاريخ گلبة كل سنة بنفس المعاد
ينشر اعله الناس حزنة ويعلن ابجيتة الحداد
من يجي يجيب الظليمة ويحترك حته الوداد
ونهيه العزاء ونذكر كربلاء
مجلس نبتديه ايعلي الجبين
*****
حضرينة احنة المواكب وجبنة رايات البخت
وگلنة للرادود وينك وكل مشاعرنة انتخت
شحضرت يلمله سولف ودمعته چنهه ارتخت
وگال بهلال المصيبة اعيوني احسن صرخت
والصاير رهيب مذبوح الحبيب
يهلال مانسيت مانشفتلي عين
*****
ابو حيدر الصبيحاوي
https://telegram.me/joinchat/C0L9qUBUHKWM3eHf6Vo0Kg

الك يحسين جمره بكلبي ما تطفه
وجرح لمصيبتك للموت ما يشفه
----------------------------------------
وحك اجروحك الالف وتسمعية
يمر ذكرك علي يحسين يومية
يظل ذكراك ما دام النفس بية
مصيري ابلايه حبك والله ماعرفه
----------------------------------------
يبعدني هوى الدنيه و ترجعني
لو غيرك ترى من ازمان يطردني
رغم كلشي اذا انخاك تسمعني
ألوذ ابخيمتك يحسين بالكلفه
----------------------------------------
اذا تنسه الشمس فد يوم ما تطلع
ما انساك ابد يشهدلك المدمع
معروف اليحبك طاهر المرضع
من الذر هواك ابكلبي مو صدفة
----------------------------------------
امل من روحي انه وما امل منك
فضل منك توفقني اخدمنك
اذا حبك عذاب ونار اتبعنك
تره الجنة بدونك عندي مختلفه
----------------------------------------
يمن جرحك جمرته ابروحي لهابه
عاشور الحزن من يفتح ابوابه
اصيح ابصوت آيحسين ومصابه
مثل جرحك دليلي مابطل نزفه
----------------------------------------
اشما اصفن افكر بيك واتصور
جسد فوك التراب وبالدمه معفر
اه اعليك انادي يا ابو الاكبر
الحبيبه ابلا نحر عيناه ما تغفه
ـــــــ ـــــــ ـــــــ ـــــــ ـــــــ ـــــــ ـــــــ ـ
حسن بشير السوداني
للمزيد من القصائد
راسلنا ٠٧٧٣٤٦٧١٧٠٠
https://telegram.me/joinchat/C0L9qUBUHKWM3eHf6Vo0Kg

عبدالله يبني ابياذنب
محروم من ماي العذب

*
حين الشفت زينب لفت
وعضاي كلهه اتراجفت
شمعتي ابدنياي انطفت
ابجي اعله حالك ونتحب
==============
طلعت الحره امن الخيم
شالتك بدموع اوالم
من وصلت احسين الجم
خاف اعله عمرك ينسلب

***
من شالك احسين انفجع
صوت امن المخيم سمع
عطشان وكليبه انصدع
دلاّله نيران التهلب

****
من شقنه نبلت حرمله
صوت امن المخيم عله
كامت تلوج العايله
مثل الكطه اينوحن سرب

**
سهم المثلث صوبك
ياسهم كلي اشمطلبك
عكَلي يعبدالله اشترك
وهمومي ماضن تنحسب

***
لخادم اهل البيت فاخرعلي الشبيبي


https://telegram.me/joinchat/C0L9qUBUHKWM3eHf6Vo0Kg

الرادود ستار الصالحي:
{{قصيده بحق السيده زينب ع}}


مسيري وين مــا ادري
واعوف اقمار دم تجري

فجر هالليل * فجر هالليل
*---------------------*----------------------*

اذا يصبح صبح ليلـــي
اعوف احبابي يا ويلـي
وشمر بالحادي يحديلي
وألم باچر يهد حيلـــــي
اضل بنوحي وعويلـــي

ودمعتي تسيل فجر هالليل
*---------------------*----------------------*

اروحن والدمع جــاري
واخلي اشکم جسد عاري
عليهم شابحه انضاري
ابث احزاني للبــــــاري
ورقيه تلوذ بگتــــــاري

واصيح الويل فجر هالليل
*---------------------*----------------------*

دليلي بخوف يتوجـــل
وشمر وياي يتمرجـــل
بمسير الخيل يتعجــــل
علي محتوم ومسجـــل
تصدلي الناس ماتخجل

وطريق طويل فجر هالليل
×---------------×----------------×-------------×

اليه النوگ تتولـــــــم
وغداً لمتون ما تسلم
بضرب وسياط تتألـــم
يرب الحال انت اعلــم
الخدر لعداي يتسلــــم

يرب ادخيل فجر هالليل
*---------------------*----------------------*

عليه عداي تتجســـــر
واروح بنوح واتحسـر
لونيني اجبال تتفســــر
العمر حسرات ما انسر
سفر والحال يتعســـــر

بهزل والخيل فجر هالليل
*---------------------*----------------------*

يهد الحيل فركاهم
يويلي شلون انساهــــم
بضرب كل سوط انخاهم
الاجيت بزود وياهــــــم
وذر عالكاع بدماهـــــــم

يهد الحيل فجر هالليل

×----------''×----------------×-------------

✍خادم الحسين الشاعر رعد الجريخي✍

https://telegram.me/joinchat/C0L9qUBUHKWM3eHf6Vo0Kg

الرادود ستار الصالحي:
ياراحت البال _ بعدك علي طال
بجيتك يموعود______ يتغير الحال

*********************************
عمري خلص بس دمع _ يمته صوتك ينسمع
تعرف بجيتك شمع _ وحنه عشنه بلا ضوه
يمه ترجع من جديد __ يله هل اعلينه عيد
إني يوميه ارفع أيد _ وياك ما اكعد سوه ¡¡

مشتاكه الانضار * يا صاحب الثأر
والحك الي يعود * بجيتك يموعود
________________________________
انطر لجيتك بقيت _ عمري يمشي وشيبيت
لجن ازغر لو اجيت _ وتشرق اعلينه بضواك
مني تسمع وين اجيك _ حافي يلمهدي اعتنيك
امنيتي اقبلهن اديك ___ وكلبي يسبكني اجاك

يا ساكن الروح * ما ابطل النوح
الفرحه الي تعود * بجيتك يموعود
_________________________________
يمته اشوف المنتظر __ ويرتوي بي النظر
ماني كادر علسهر ___روحي جاساها البرد
ذبلت اغصاني تعال __ كمت اكرر هل سوال
راح اموتن لا محال __ لون شخصك ما يرد

شي يرد الغياب * ضل جرحي ما طاب
بيه الجروح تهود * بجيتك يموعود
_______________________________
وين اشوف ابن الحسن ____ إني اصيرله وطن
كثرن اعلينه المحن _ وانته حلال الصعاب
يمته موعدنه يصير _وترجع لعشك يطير
واني اشوفك وين ادير _ والدعاء بيك استجاب

ضايع بلياك * يوميه انخاك
محضرين الورود * بجيتك يموعود
___________________________________
شما تمرني جمعتك _ ادعي إني لشوفتك
عجل النه بجيتك _ ما بقه بينه صبر
استوطن علينه الظلام ____ والضوه ماله كلام
أنته ترضه يا امام _شعيتك عاشت قهر

يمته تهب ريح***** ونسمعك تصيح
والميت يعود * بجيتك يموعود
________________________________
الشاعر : أنور خلف البيضاني

https://telegram.me/joinchat/C0L9qUBUHKWM3eHf6Vo0Kg

لطمية لليلة العاشر
الشاعر قاسم الساعدي المندلاوي
********
يا ليل الوداع      غطّينه ابسمارك
يا ليل الوداع      لا يطلع نهارك
لو طلع منك صباح    يملي دلاّلي جراح
***********
آه يا ليل المصيبة وآه يا ليل الحـــــــزن
تدري من يطلع صباحك يسحن اگليبي سحن
چم أخو عندي ايتگطّع بالحوافر ينطـــــــحن
چم خدر يحترگ ليّه وينذبحلي چم أبــــــــــن
يا ليل الوداع      خلّينه انتوادع
يا ليل الوداع       هذا آخر اموادع
لا تلبّسني النياح      يملي دلاّلي جراح
************
هاك شوف اگلوب جمرة والكلام ابلا كــلام
نحچي بدموع اونياحة امن الحچي كلنه صيام
بين أم تشبگ أبنهه وبين ابو ابعازة عمــام
وبين صرخات العطاشا وبين مأتم بالخيــام
يا ليل الوداع       وصّلهه العمامي
يا ليل الوداع      دمعاتي وكلامي
فجرك ابچبدي رماح     يملي دلاّلي جراح
************
شوف هالشبان كلهم لو طلع صبحك يليــل
تهوى برماح وبواتر يمهم ايطول العويــل
هذا حنّة عرسه دمّه وذاكَ بگماطه چتـــيل
وعالشريعة اهناكَ ذخري وكافلي بدماه غسيل
 يا ليل الوداع     كل لحظة تمرنه
يا ليل الوداع       يتوجّر جمرنه
فجرك ابّيض الصفاح  يملي دلاّلي جراح
***********
مدري أحفظ يا وصيّة مدري اودّع يا شبــاب
وآنه عندي اعلوم بالطف منهم ايطول الغيــاب
ليّه همّه احجاب چانوا من علي هذا الحجـــاب
لو هووا بيش انتحجّب واحنه تربات الكتــاب
  يا ليل الوداع      نشتم المناحر
يا ليل الوداع      موعدهه البواتر
يحمل ابجيته سلاح    يملي دلاّلي جراح
***********
باچر ابأيدي أقدم ساعة الملگة المهـــــر
لابن ابو وأدري ليّه ما يرد لن ينّحــــــــر
تسع مية وألف طبرة احساب جسمه ينطبر
ويبدي يا ليل اعله زينب من بعد عزهه الأسر
يا ليل الوداع      ابهيدة ابهيدة إمشي
يا ليل الوداع. ليلك خافي كلشي
وكت حي اعله الفلاح    يملي دلاّلي جراح
https://telegram.me/joinchat/C0L9qUBUHKWM3eHf6Vo0Kg

هذا الهلال خله الدمع يجري دمه
هذا الهلال احمر صبغ لون السمه
هذا الهلال عاشور اجه يا فاطمة
هـــــــذا الــهـــــلال
ـــــــ ـــــــ ـــــــ ـــــــ ـــــــ ـــــــ ـــــــ
عاشور اجه شهرالحزن يافاطمة اجري الجفن هاي المسية
كَلبج نعرفه ما هجع من راس الحسين انكطع و الغاضرية
كل يوم مأتم ناصبة والدمعه من دم ساجبه لهاي الرزية

يوم الحسين ظل يبجي اله حته الحجر
يوم الحسين وسط السمه انرسمت صور
يوم الحسين كل شيعي ناصب مأتمـــــه
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــ
يافاطمة بهذا الشهر وسط السمه نرسمت صور نار ومصايب
سبعين نجمه من السمه طاحن سوه يافاطمه فوك الترايب
ظل الكمر يبجي الكمر من طاح دامي ع النهر بدر الغوالب

هذا الكريم الضحه ابجفوفه للأخو
هذا الكريم و يستاهل انكَله كفـــو
هذا الكريم بي يفتخر حامي الحمه
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ــــ
كلما يجي شهر الألم عالفاطميات ابجي دم وجروحي ناحن
ياويلي سحكن عالجمر مسلوبه ربات الخدر عالهزل راحن
طلعن سبايا ابلا ولي الحكنه ياحيدر علي الحكنه صاحن

وين اليصيح يا كربـــــــلا يا كربـــــــلا
وين اليصيح عندج سبوها العايلـــــــه
وين اليصيح زينب سبوها بلا حمى
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ــــ
كل شيعي يافاطم علن لابس سواد ودم بجن من عنده العيون
كل هيئة كل موكب بده هذا الشهر حل موعده مأتم يقيمون
عفنه كلام اليعترض عدنه العزاء احنه فرض خلهم يلومون

امره عجيب كلمن حجه يا فاطمة
امره عجيب ضربة صدرنه تألمه
امره عجيب جاهل وليش انكلمه
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ــــ
يافاطمة ونكتب عهد منعوف ابواليمه ابد رغم المعاناة
صح بينه يندار الزمن ونشوف لوعات ومحن ماننسه هيهات
يبقه الحسين وموقفه محفوظ بكلوب الوفه خالد ولا مات

كل العصور شمعة يظل ما ينطفي
كل العصور من الحزن ما نكتفي
كل العصور لا ما تهمنه اللايمه
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ــــ
حسن بشير السوداني
https://telegram.me/joinchat/C0L9qUBUHKWM3eHf6Vo0Kg