✍قناة الشاعرة ام كرار الساعدي🎤

قصيده ثكيله بحق الفاقد احباب


هم ترد ذيج اليالي...وهم ترد كعداتنه
نلتم ونكعد سويه...نسولف بجلماتنه

غفل شوصارالسفر....اه منك يادهر

عشك عاشكها اضن فركاتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤

صارت بعيده يكلبي..الكعده وياهم بعد
ذيج كعدات النودهم..راحت ولاضن ترد
جانوا اويانه ونسونه..وهسه ناموا بالحد

حيل مر اجفاهم....كلبي ما ينساهم
راحوا وماسمعوا بوناتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤
الف ونه بكلبي صارت..يوم حاديهم سره
عيني من راحوا عليهم تربي دوم امساهره
وروحي مثل الطفل ضلت..وبدربهم ناطره

شبيه ويانه الوكت..كلبي يصرخ ماسكت
يتونس بدمعاتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤
وحشه صارت كل حياتي..ونكطع حبل الوصل
بيوم شالوا ياحسافه..وصارفركانه غفل
هم يرد بيهم زماني..مااضن يرجع كبل

اتطشرت فرحت سنيني..بقت صورتهم بعيني
وختفت بسماتنه
ماترد كعداتنه
🎤🎤🎤🎤🎤🎤🎤🎤🎤🎤🎤🎤

الم صفحت ذكرياتي..اليوم ودعت الفرح
مايطيب الكلب جرحه..بعد شيطيب الجرح
عيني سهرانه ويه ليلي..مناطره نجوم الصبح

ويه ليلي الماانامه..اون ونات الحمامه
ونتهت عشراتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤
عشره يا عشرتنه جانت...ليش خلصت بالعجل
بهيده ياموت اويه اهلنه..شويه ريض بالاجل
كلبي من يوم الي شالوا..صار معلول بعلل

محزن ودوم ايتألم..عالبجي والون تعلم
نغرك بحسباتنه
هم ترد كعداتنه
🎤🎤🎤🎤🎤🎤🎤🎤🎤🎤🎤🎤
بقلم الشاعرة سحر ام كرار الساعدي
غير مبري الذمه من يحذف اسم الشاعر


https://t.me/joinchat/AAAAAFK-hG3EMpVAJN5VEg

نعي كرناوي بحق ام البنين ع



روحي وياالشمس لو غابت ادغيب

واناطر جيت الغياب يلفون

امس متروس بيتي وفارغ اليوم

وعميه وماصحت يا ناس العيون

مرارت موت بيه وحيلي مهدوم

بعد ماضنتي الشالو يعودون

اتضل عيني لدربهم ناطره الباب

واضل مجاوره ادروب اليمرون

مريضه وما اهود ساعة اليل

انساهم جذب وتصبر اشلون

من طبع المريض اتزوره الحباب

بس احبابي راحو ما ينشدون

عيني ولا غفت بس تهمل ادموع

على الطيبين كلهم ما يهونون


https://t.me/joinchat/AAAAAFK-hG3EMpVAJN5VEg