#Bayatılar

#بایاتیلار

💐 ائل بایاتی لاریندان 💐

اوستاد #ناصر_منظوری نین دَیرلی ـ آذ ـ کیتابیندان سئچیلمیش لر.

گؤرونن داغ لار ایمیش
اوستونده باغ لار ایمیس
یار یاردان آیریلاندا
نه یامان آغلار ایمیش

💕💐💕💐💕💐💕💐💕💐


بولود ائندی داغلارا
خزان گلدی باغلارا
فَلَگین گردیشیندن
عؤمورـ گۆن کئچر قارا


💫💕💫💕💫💕💫💕💫💕


فَلَگین بیر باغی وار
اوستونده چارداغی وار
من اوْ باغا گیرمه رم
قلبیمده یار داغی وار

💐💕💐💕💐💕💐💕💐💕

باغبان منه بار گتیر
اسیرگــــَمه وار گتیر
اَل دَیمه میش آغاجدان
دریلمه میش نار گتیر

🍂🍃🍂🍃🍂🍃🍃🍃🍃🍃

یار گؤروندو داغ اوستده
یول آیریلیر باغ اوستده
فلـــَگین قایداسی دیر
داغی چکر داغ اوستده


💔💔💔💔💔💔💔💔💔💔


گئنه گلدی، قیش گونو
اولدوم زولفون دوشگونو
قویمادی ظالیم فلک
خوش اولاق بیر بئش گونو

⚫️⚫️⚫️⚫️⚫️⚫️⚫️⚫️⚫️⚫️

فلــَگین قهری منه
گلمه دی رحمی منه
دولدوردو قم باده سین
ایچدیردی زهری منه

🍁🍁🍁🍁🍁🍁🍁🍁🍁💥

درد اَلیندن بئزارام
سنه نامه یازارام
گؤزلییه رم گلمه سن
ایلقاریمی پوزارام

🌾🌸🌾🌸🌾🌸🌾🌸🌾🌸

من آندیووا ایناندیم
سنی بافالی ساندیم
ایلقارین یالان ایمیش
سنین اودووا یاندیم

🍂🍃🍂🍃🍂🍃🍂🍃🍂🍂

اود توتوب یان اوره ییم
یان باغریم یان اوره ییم
ایلقارسیز یار یولوندا
کول اول بیریان اوره ییم

🍁🍁🍁🍁🍁🍁🍁🍁🍁🍁

ایلقارین اولدو یالان
گؤیلومو ائتمه تالان
آیریلسین آیری دوشسون
بیزه آیرلیق سالان
💔💔💔💔💔💔💔💔💔💔

عزیزیم نار آغاجی
بار وئرمز نار آغاجی
ایلقاریمدان کئچمه رم
قورسالار دار آغاجی

🍂🍃🍂🍃🍂🍃🍂🍃🍂🍃

گون چیخدی قارا دوشدو
شووقو دووارا دوشدو
سئویشدیک آیری دوشدوک
ایلقار اوزاغا دوشدو

🍀🌸🍀🌸🍀🌸🍀🍀🌸🍀



@Turknagillar