❝စစ်ကိုင်း-မန္တလေးလမ်းဟောင်းမှာ ဆီဘောက်ဆာယာဉ်(၁)စီး မီးလောင်မှုဖြစ်ပွားပြီး ယာဥ်မောင်းဒဏ်ရာရ❞

𝙈𝙃𝙏𝙉𝙀𝙒𝙎《𝘿𝙀𝘾～𝟐𝟎》

မန္တလေးတိုင်းဒေသကြီး၊ အမရပူရမြို့နယ်၊ ပန်းချီကျေးရွာအနီး စစ်ကိုင်း- မန္တလေးလမ်းဟောင်းရှိ စက်သုံးဆီဆိုင်ရှေ့တွင် ဒီဇင်ဘာ ၁၉ ရက်၊ နေ့လည် ၂ နာရီ ၄၃ မိနစ်အချိန်က ဆီဘောက်ဆာယာဉ် (၁)စီး မီးလောင်မှုဖြစ်ပွားခဲ့ကြောင်း သိရသည်။

မီးလောင်မီုဖြစ်ပွားရာသို့ အမရပူရမြို့နယ်မီးသတ်စခန်း၊ ချမ်းအေးသာစံမြို့နယ်မီးသတ်စခန်း၊ မြစ်ငယ်နယ်မြေမီးသတ်စခန်း၊ တောင်သမန်ကျေးရွာအရန်မီးသတ်စခန်း၊ ဘုံးအိုးကျေးရွာအရန်မီးသတ်စခန်းနှင့် ရှမ်းကလေးကျွန်းကျေးရွာအရန်မီးသတ်စခန်းတို့မှ ရေသယ်ယာဉ်များ၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် သွားရောက်ငြှိမ်းသတ်ခဲ့ရာ နေ့လည် ၃ နာရီ အချိန်တွင် မီးငြိမ်းသွားခဲ့သည်ဟုဆိုသည်။

ထို့ပြင် မဏီစလ လူမှုကူညီရေးအသင်း(မန္တလေး) ကလည်း ရေဘောက်ဆာယာဥ်၊ လူနာတင်ယာဥ်တို့ဖြင့် သွားရောက်ကူညီခဲ့သလို အဆိုပါမီးလောင်မှုကြောင့် မီးလောင်ဒဏ်ရာ(မစိုးရိမ်ရ) ရရှိခဲ့သည့် ဆီဘောက်ဆာယာဉ်မောင်းဖြစ်သူ အသက် (၃၆) နှစ်အရွယ် ကိုအောင်ကိုကို ဆိုသူကို လူငယ်အားမာန်လူမှုကူညီရေးအသင်း သူနာတင်ယာဉ်ဖြင့် အမရပူရမြို့နယ်ဆေးရုံသို့ ပို့ဆောင်ပေးခဲ့သည်ဟု သိရသည်။
#𝙈𝙃𝙏𝙉𝙀𝙒𝙎