لما تقرر تعمل التغييرات الايجابية المعينة في حياتك
🌸ابدا من نقطة تحديد المكان الحالياً انت فيه 🤔 بمعنى …
اعرف انت وين ؟! عشان دا الحيحدد انت لازم تعمل شنو كخطوة جاية💡
💢 في بداية البزنس حقك او توظيفك ، ما تهتم بالمدخول المادي كم
🚫ما تتوقف على القروش في البداية 🚫
ركز اكتر على اكتساب المهارات والخبرة وتكوين العلاقات لانه دا كنزك الحقيقي
القروش كدا كدا حتقدر تعملها بعد ما تطور مهارتك وتزيد خبرتك وتكون علاقات مساهمة وداعمة💯
بيئتك عندها تأثير ضخم عليك ، عشان كدا نقيها بعناية👌
وهنا انا ما بقصد اهلك (ديل انت مجبور فيهم وهم مجبورين فيك ) ، انا بقصد الناس الانت مرافقهم _ اصدقاء العمل _ الدائرة القريبة من المعارف والاصدقاء
♻️خليك ذكي ؛ اتعلم عن مهارات التواصل و كون علاقات مساهمة في مجالك وقدر ما الله يديك قدرة وسع دائرة العلاقات دي🤝
♻️احتك مع خبراء المجال ، وخت نفسك في منزلة الطالب واستفيد من علمهم كتير
اسمع
اسمع
اسمع كتير
بطل تتكلم ؛ لما تسمع انت بتتعلم ( والحاجة دي فيها تحدي ؛لانك بتخت نفسك في منزلة المتلقي ما المتكلم المسلطة عليه الاضواء )
ونصيحة اخيرة
ما تستعجل النجاح ، كل زول عنده زمنه
الشاطر هو البيمشي خطوات صغيرة وثابتة ويستخدم كل الادوات العنده عشان يصل
واتذكر وان ليس للانسان الا ما سعى 😍💪🏽
ف ارجوك
🛑 ما تقارن فترة سعيك بفترة حصاد الاخرين 🛑
