#kitobdan
O'limdan qo'rqasizmi, o'qiguvchim? O'lib qolish sizni daxshatga soladimi? Men qo'rqaman va hamma ham qo'rqadi deb o'ylayman. Balki adashayotgandirman. Zero, qo'rquvim o'z nafsim tufaylidir. Darvoqe, biz o'lishga majbur bo'lib tug'ilganlardanmiz. Lekin men o'lishga majbur bo'lishdan emas, o'lgandan keyin uyalib qolishdan qo'rqaman.
Sizga bu gal o'lim haqida gapirishni niyat qildim. Qiyin bo'ldi, yuragim similladi, o'lganlarni, o'ldirilganlarni va o'limni esladim. Menga notanish daryoda yo'l ko'rsatguvchisi bo'lmagan qayiqda suzdim. Zero, o'lim haqida so'zlamoq ko'zlari ojiz odamga quyosh haqida so'zlamoqqa o'xshaydi. Biroq angladimki, jon bermagan o'liklar bor ekan. O'lim kimlargadir bayram, kimlar uchundir to'y ekan. Yana shuni angladimki, qalbi ishqdan mosuvolar o'lishdan qo'rqar ekan.
Nega yillardan beri "Ishq nima?" deya so'rayman. Har neni o'qisam, shu savolimga javob izlayman. Ko'p hollarda topolmayman. Lekin shuni bildimki, ta'riflab bo'lmaydiganni ishq deydilar.

Ishq ahliman deb da'vo qilishdan yiroqdamiz) Loyiq ko'rmayman)))